رواية سجينة العادات الفصل الثاني 2 - بقلم نرمين قدري

وفجأة لقت قلم نزل على وشها من أبوها. الكل قام وقف. نورما: بصدمة. بابا، انت عمرك ما مديت إيدك عليا. فاروق: لما تتجوزي حدود الأدب، يبقى عاوزة تتربي من أول وجديد. نورما: هو لما أقول إني مش عاوزة أتجوز، يبقى بتعدي حدود الأدب خلاص؟ أنا بنت مش متربية ومش هتجوز. ليلي: اهدي بس يا نورما. نورما: محدش يقولي أهدي. لما تسرقوا مني مستقبلي وعمري، يبقى لازم أقف وأقول لأ. دي حياتي وأنا اللي هعيشها، محدش هيعيش مكاني.

بهيجة: بحده. بنت جليلة التربية صوح. إحنا هنا حدنا البنت ملهاش تقول عاوزة ومش عاوزة. هنا البنت تقول حاضر وبس. ليلي: أنا مسمحش لحد يقول على بنتي قليلة التربية. أنا مربياها كويس. فاروق: ليلي، متفتحيش بوقك بكلمة. اقعدي ساكتة. ليلي: في إيه يا فاروق؟ جاينا بالعافية وحطتنا قدام الأمر الواقع ومش عاوزنا نعترض؟ انت عجيب.

الجد: خلاصت كلام. أنا قلت اللي عندي. وآخر أسبوع عنعقد على بنتك يا فاروق. عجلها علشان مبحبش دلع البنت. متركبناش العار. فاروق: لاعاش ولا كان اللي يركب يا بوي العار. انت كبيرنا وكل اللي هتقول عليه ماشي. نورما: هو إيه اللي ماشي؟ أنتم بتقرروا بناءً عني ليه؟ أنا البقرة ولا جاموسة ساحبينها على زريبة؟ أنا بني آدم من لحم ودم ومش هتجوز لو انطبقت السما على الأرض. بهيجة: اجفلي خاشمك بقي بنت قليلة التربية.

لسة نورما هترد، سحبها فاروق. فاروق: انتي شكلك مش عاوزة تيجي بالأدب. تعالي معايا. وسحبها يطلع بيها. نورما: بابا، انت بتعمل إيه؟ ساحبني كده ليه؟ طلع بيها على فوق. زقها في أوضة. فاروق: بزعيق جامد. اديني تليفونك، هاتي. أخلص. نورما: بابا، انت عارف بتعمل إيه. فاروق: انتي هتعلميني ولا إيه يا بت؟ ليلي عاملين تفهمك وتقولك ماينفعش؟ لازم تتهببي وتتجوزي وبرضو مش عاوزة تفهمي. يبقى اللي محصلش برضاكي هيحصل غصب عنك.

وزقها في الأوضة وقفل عليها بالمفتاح. فاروق: بصوت عالي. ليلي! ليلي! الباب ده ميتفتحش غير يوم كتب الكتاب. انتي اللي قدامي وهتتحاسبي على كده. فاهمة ولا مش فاهمة؟ ليلي: بزعر. فاهمة. فاهمة يا خويا. بس أهدي. انت أنا عمري ما شفتك كده. كل حاجة وليها حل. فاروق: أنا مش عاوز رغي كتير. اللي هقول عليه هيمشي ومافيش نقاش ولا تفاهم. قضي الأمر. ليلي: فاروق، بس انت عمرك ما كنت تتعاملنا كده. كل حاجة كانت بالنقاش بينا. هو إيه؟

فاروق: بزعيق وماسك إيدها بقوة. فيه إيه؟ بحر دم هيتفتح علينا لو الجوازة دي متمتش. إن العيلتين هيخلصوا على بعض. افهموا بقي. افهموا. ليلي: وانت ملقتش غير بنتي عشان تضحي بيها يا فاروق؟ إحنا معندناش غيرها. فاروق: ليلي، مش عاوز كلام كتير. واتفضلي يلا ننزل تحت. زمان الكل مستني على السفرة تحت. يلا قدام. نزلت ليلي ولا بيدها حيلة وقلبها بيتفطع على بنتها. *** وفي سرايا العزاويا. أكمل: بردو مصممين على جوازة دي؟

أنا مش عارف أنتم ملقتوش حل غير إني أتجوز. شاهين والد أكمل: وبعدهالك عاد يا ولدي؟ خلوصنا بقي. كتب الكتاب يوم الخميس. مش عاوز حديت ملهوش. أكمل: بس يا بوي، أنا لا شفتها ولا أعرفها. حجوزها إزاي؟ شاهين: بكرة تكون حداك وتشوفها كيف ما انت رايد. بس خلصنا بقي من مشكلة التار. أنا مش حستحمل حد منيكم يروح مني. أكمل: حاضر يا بوي. اللي تشوفه.

شاهين: يريح جلبك زي ما ريحت جلبي يا والدي. وشد حيلك. أنا رايد حفيد بسرعة عشان هو اللي يمنع الدم. أكمل: دي بقي بتاعته ربنا يا ابوي. شاهين: كله على الله يا ولدي. *** وفي صباح يوم الخميس. الكل في سرايا الجندي. الكل بيعمل على قدم وساق. وفي غرفة نورما. ليلي: خلاص بقي يا نونو؟ عشان خاطر ماما. ده بقي أمر واقع يا حببتي. لازم تتقبلي. ماهو أبوكي بردو مش هيقدر يكسر كلمة جدك. نورما: ماما، لو سمحتي. مش أنتم خلاص بعتوني؟

مش عاوز حد يتكلم معايا. حاضر. حتجوز زي ما أنتم عاوزين. بس أول ما هطلع من هنا، انسوا إن كان ليكم بنت اسمها نورما. اعتبروني مت. ليلي: ليه بس كده يا بنتي؟ ليه بتقولي كده؟ انتي من عيني من جوا. حرام عليكي. انتي مش عارفة أنا كمان بتعذب إزاي. نورما: إيه عذاب ده اللي بتتكلمي عنه؟ إيه عذاب اللي يخليكي تكوني سجان على باب الأوضة بتاعتي؟ إيه عذاب اللي يخليكي ترميني لواحد أنا لأ أعرف شكله ولا اسمه؟ ليلي: خلاص بقي متزودهاش عليا.

نورما: ليه؟ أحسن ليكون ضميرك واجعك من ناحيتي لا سمح الله؟ لأ. ريحي ضميرك على الآخر يا حاجة ليلي. ليلي: إيه حاجة دي؟ أنا أمك ولا نسيتي؟ نورما: ودي حاجة تتنسي؟ لكن أنتم اللي نسيتم. أنا بنتكم وضحيتو بيا تحت مسمى التار والعادات. وفجأة. خبط الباب. دخلت جليلة بكل هيبة وصوت بيفزع الصقر. جليلة: وبعادها أك عاد؟ مش ناوية تعجلي بقي يا بت ابني وتحطي عجلك في راسك عاد؟ وه وه! انتي لساتك ملبستيش فستان العرس؟

وفجأة مسكتها من شعرها. لا لا وكتاب الله مش حته عيلة اللي تحط راس كبير عيلة الجندي في الوحل. جسمن بالله لكون دفناكي موترحك لو مغيرتش خلاجاتك عاد. همي بسرعة. أم العريس تحت ورايدة تشوفك. جبر يلم العفش. نورما: بعياط. حاضر. سيبي شعري بقي. حغير أهو. بدأت نورما في ارتداء فستان الزفاف، وكأنه كفن يلف حول جسدها وليست فستان حلم كل فتاة. ليلي: سامحيني يا نورما. غصب عني يا حببتي. غصب عني.

نورما: والدموع تنهمر بشدة. النهارده أنتم هتكتبوا شهادة وفاتي يا أمي. مش مسمحاكم. كلم. مش مسامحة أي حد غلط في حقي. وفتح الباب ودخلت أم العريس بكل هيبة، وعلى وشها جبروت. هانم: بابتسامة متصنعة. يا مشاء الله، يا مشاء الله على عروسة ولدي. سنيورة. مشا الله عليها. ليلي: أهلًا وسهلًا. اتفضلي. شرفتي ونورتي. هانم: منور بصحابه يا خيتي. انتي بقي تبقي أم عروسة صوح؟ ليلي: أيوة صوح. وحضرتك أم العريس. الحاجة هانم.

هانم: يسمع من خاشمك ربنا. واحج إن شاء الله. استسمحك بس تسبيني مع عروسة ولدي شوية. حداي كلماتي لازما ولابد تسمعهم قبل ما تخش عروسة سرايا حدانا. ليلي: بصت لنورما. وماله يا ختتي؟ ما هي حتكون بنتكم بردو. وحقك تقعدي وترسيها على عوايدكم. نورما بصت لها، نظرة كلها قهر. طلعت ليلي من الأوضة. وفجأة انقلب وش هانم لسواد.

هانم: بعيون كيف الصقر. بصي بقي يا عروسة ولدي. أنا هقولك كلمتين تحطيهم كيف الحلق في ودانك عشان متجوليش محدش رساني. قلم نرمين قدري. أولا: الدار ملهاش غير ست واحد. وهبتها أنا. أنا هناك الأمر الناهي. يعني لو دبانه عدت، حتكون عدت بإذن متي. فاهمة يا بنت البندر؟ يعني لو عاوزتي تخشي الحمام، لازما أكون عارفة. مفهوم؟ نورما: ليه؟ هو أنا مش هتجوز راجل بردو؟ هانم: ماسكتها من إيدها بحده وعيونها كلها غضب. بقولك إيه؟

إحنا مش هنبدأها كده. اللي هقول عليه يتسمع. أنا ست البيت هناك. مفهوم؟ عارفة في يوم أسمعك إنك زعلتي ولدي، مش هيحصلك كويس. انتي واخده أطيب وأفئ عيلة العزاووي، أكمل ولدي. يا زين ما خلفت. وبصي عاد، انتي داخلة حدانه في سرايا مش عاوز. ضافر منك يبان. هتلبسي أسود من راسك لرجليك. عوايد أكده. وتنسي خالص إنك كنتي يوم من أهل البندر. نورما: خلصتي ولا لسه؟

هانم: ما تتكلمي عدل عاد. إحنا واخدينك حدانه تخليص حق مش أكتر. يعني تجفلي خاشمك ومسمعلكيش صوت واصل. وخلص كلامك. ويلا عشان تروحي حدانا دلوقتي. نورما: هو إيه اللي روح معاكي؟ أنا لازم العريس يجي ياخدني بنفسه من هنا. يكده؟ مش رايحة معاكي في حتة. *** وفي سرايا العزاويا. أكمل: الو أبو أمير. شفت المصيبة اللي أنا فيها؟ أمير: في إيه تاني؟ مش خلاص وافقت على جواز؟

أكمل: المصيبة إن البت مطلعتش من الصعيد. طلعت من مصر ومعاها دكتوراه في الإعلام. أمير: يا حظك اللي مش معدي. ودي حتتعامل معاها إزاي؟ وهي إزاي وافقت تتجوز بالطريقة دي؟ أكمل: يعني انت مش عارف عوايدنا؟ لما الكبار يقولوا حاجة محدش يقدر ينفس. أمير: والحل؟ حتعمل إيه؟ أكمل: أنا رميت طعم صغير. لو أكلته يبقى نص المهمة اتحلت. وأنا حقدر عليها. أمير: اتحفني. عملت إيه؟ نرمين قدري.

أكمل: بعت أمك تحبها. لو جت مع أمك يبقى خلاص. سهلة تتكسر. وأنا هعرف أعمل كده. لكن لو ماجاتش، يبقى ربنا يستر بقي. وفجأة دخل بدوي، شغال عندهم في الأرض. بدوي: أكمل بيه. أكمل البية. الست الولدة عاوزاك. حدي سرايا الجندي بتقولك تعالي. خد عروستك حسب الأصول. أكمل: غور من وشي يا وش البومة. أمير: خير يا أكمل؟ مرتضتش تيجي مع أمك صح؟ أكمل: ربنا يستر. انت عارف يعني تمشي كلمتها على هانم؟ يبقى السرايا من هنا ورايح حتكون ضرب نار.

أمير: طايب. اخلص وروح هاتها. وبعدين تتحل. أكمل: أمير، أنا في ورطة كبيرة. مش عارف حطلع منها إزاي. خايف أتفضح يا خوي. صدقني مش حستحمل فضيحة زي دي. أمير: أكمل، اهدي كده وإن شاء الله ليها حل. روح بس انت هاتها عشان أمك متتعصبش وعدي الليلة على خير. *** وفي سرايا الجندي. بدق الطبل وأصوات مزامير وضرب نار. تعلن عن وصول عريس عيلة العزاووي. دخل أكمل السرايا الجندي بكامل أناقته.

الجد الجندي: يا مراحب يا مراحب بعرسنا. ألف مبروك يا ولدي. إحنا هنديك جوهرة عيلة الجندي. تحطها في عنيك عاد. أكمل: أهلًا بيك يا حاج. أكيد ححطها في عنيا. إن شاء. فاروق: أهلًا يا ولدي. أنا أبو عروسك. براحة عليها يا ولدي. هي لسه ما أخدتش على عوايدكم هنا. بلاش نفسي عليها. أكمل: متقلقش يا عمي. في عنيا. بس هي فين؟ عشان الناس حدانة في سرايا مستنينين هناك. فاروق: هطلع أجبهالك يا ولدي.

نزلت نورما وإيدها في إيد والدها. ووراها الجدة بهيجة. وهانم والدة أكمل. وليلي والدة نورما. سلم فاروق نورما لأكمل وهي لم تنطق بكلمة. أخد أكمل نورما، ولسة طرحة نازلة على وشها. وذهب بها لسرايا العزاووي. طلعوا غرفة نومهم. دخلت نورما وكأنها مغيبة. وفجأة فاقت على صوت قفل باب الأوضة.