رواية سجينة الفهد الفصل الخامس والعشرون 25 - بقلم هدير بدر

فهد : بعدها بهدوء مش قلتلك ميت مرة كدا حرام انتي كبرتي خلاص. الاء بدموع : بس بس أنا متعودة وأنت وحشتني. فهد : حرام علشان أنا مش أخوكي ولا جوزك. أمينة حضنتها وأحمد ودخلت مني. مني : أزيك يا فهد وحشتني والله. فهد : وأنتي والله. ريم وقفت قصادهم وساكتة. مني قربت منها : مين القمر دي. فهد : مراتي. الاء بصدمة: مراتك. فهد : أيوه. دخل محمود وحضن فهد وحضن أخوه. أحمد : أخيراً رجعت. محمود : كنت بعمل إجراءات نقل الاء.

ريم كانت واقفة مكسوفة والاء بتبصلها بقرف. فهد لاحظ إن ريم مش عارفة تقعد وسطهم. فهد : عن إذنكم عايز ريم بس. أمينة : ماشي يا حبيبي. الاء : ماهي معاك على طول اقعد معانا. فهد اتعصب. محمود : اتفضل يا ابني معلش هي كانت عايزة تقعد معاك. الاء : مش هتخرجني. فهد : أما أكلم ريم. يالا يا ريم. دخل. فهد مسك إيد ريم : بصي يا حبيبتي دا عمي ومراته وبنته. ريم هزت رأسها. فهد : مالك مش على بعضك لي. ريم : انتوا بتحبوا بعض.

فهد استغرب : بحب مين يابت دا أصغر مني بحوالي ١٠ سنين. ريم فركت في إيدها: أصلها حضنتك. فهد : ماتزعليش هي علشان كانت متعودة وهي صغيرة فهمتي. ريم : تمام. فهد : عايزك بقا في موضوع ممكن. ريم قعدت جنبه : قول. فهد : بصي يا ستي انتي دلوقتي كبيرة حلو. ريم : أيوا. فهد : ولما بتصلي مش بتلبسي طرحة. ريم : أيوا. فهد : تمام المفروض يا حبيبتي وانتي برة تطلعي بطرحتك ماينفعشي تقلعيها إلا قدامي وأمام بابا وماما بس. ريم : بس بس.

فهد : بصي يا حبيبتي مش انتي بتحبي ربنا. ريم : أيوا. فهد : يبقا نعمل اللي يرضيه. ريم : حاضر طاب كلمني بقا عن الحجاب ياحبيبي. فهد : بصي يا ستي ربنا أكرمكم وجعل الحجاب دا علشان يحافظ عليكم. يبقا هو يأمركم تخبوا جسمكم وانتي تطلعي بشعرك ينفع يا حبيبتي. ريم : لا. فهد : نسمع كلام ربنا تمام. والحجاب الصحيح مش الطرحة لا دا لازم يغطي نص جسمك اللي فوق. ريم : ممكن أجربه.

فهد : تعالي أساعدك وطلع خمار ولفه ليها وبقيت شكلها حلو أوي. ريم بصتله بابتسامة : حلو أوي. فهد : دايما تعرفي إن ربنا ليه حكمة من كل حاجة نزلها. ريم : حاضر. فهد : هاتلبسي ولا مش مقتنعة. ريم : لا لا هلبسه طالما ربنا أمرني بكدا.

فهد : حطي في دماغك جملة إن انتي جاية الدنيا مش علشان الموضة لا جايه اختبار وهاتمشي اياكي تسقطي في الاختبار الموضة حلوة وبيبقى شكلك حلو في نظر الناس مش نظر ربنا ودايما تعرفي لبسك ينفع للخروج أو لا لما تصلي لو تقدري تصلي بيه اطلعي بيه. ريم : ربنا يخليك ليا طاب عايزة دريس. فهد : جايبلك كل حاجة. طلعلها دريس شكله سيمبل أوي. لونه أوف وايت وجاب عليه خمار بيبي بلو. وكان شكلها قمر وكانت لابسة هيلز.

ريم بتلف حوالين نفسها : الله شكلي بقا حلو. فهد : ربنا يحميكي يا حبيبتي يالا نطلع للناس. مسكت إيد فهد وطلعت. كله تنح لجمالها. أمينة بدموع : مبروك يا حبيبتي. ريم : الله يبارك فيكي يا ماما وقعدت معاهم وطول القعدة الاء متنرفزة منها. الاء اتعصبت علشان فهد قاعد جنب ريم ومتجاهلها. دخلت تتكلم مع صاحبتها. الاء : حكيت لصاحبتها كل حاجة. اتصرفي اتخلص من البت دي إزاي. مراد ومنه خلصوا أكل.

مراد : بما إني ماعرفشي عنك معلومات كافية احكيلي عن نفسك. منه اتنهدت : أنا بابايا تو*في وأنا عندي ١٠ سنين عمامي طردونا من البيت وأمي بقت تشتغل وتصرف عليا وأنا كنت شايفة هيا بتتعب قدامي نويت أحقق حلمها علشان تعبها دا وبقيت دكتورة زي ماهي عايزة. وعند خلاثي دول مش بيحبونا برضه لما رحنالهم ط*ردونا ماكنش لينا حد. مراد كان زعلان أوي. منه : الدنيا اسود*ت أوي في وشنا وماكناش عارفين هانروح فين لحد ما صاحبة ماما جابتنا هنا.

وحقيقي هي أكتر واحدة وقفت جنبنا. بس هي م*اتت. وساعتها حسيت إن أمي التانية م*اتت. مراد : ربنا يرحمها. منه : وانت بقا احكيلي عنك. مراد اتنهد : أنا ياستي بابايا وماماتي تو*فوا في حادث وبابا كان شر*طي علشان كدا دخلت زيه. وعايش لوحدي لحد ما جيتي انتي نورتي حياتي. منه اتكسفت. مراد : احم بصي يا حبيبتي لازم آخدك من هنا ونروح شقتنا. منه : لا مش عايزة أمشي. مراد : حبيبتي انتي عارفة إن هنا الجو مش حلو ومش أمان.

منه : عايزة أفضل هنا شامة ريحة أمي هنا بلاش تبعديني. مراد لسه هايكمل كلامه. لقى حد بيخبط ج*امد.