رواية سجينة الفهد الفصل السادس والعشرون 26 - بقلم هدير بدر

مراد: ادخلي الأوضة. منه: لا لا مش هاسيبك. مراد: خشّي. وأخذها من يدها وقفل عليها. مراد فتح الباب لقي ناس غريبة. مراد: أفندم. راجل: أنت مين؟ مراد: والله حضرتك اللي دخلت مش أنا. اتفضل بلّغني أنت مين. الراجل: أنا أخو صاحبة البيت ده. مراد: لاحظه. وجاب منه. منه بصتلهم بخوف واستخبت في مراد. الراجل: أي عشان أهلك ماتوا بتدوري على حل شعرك؟ مراد: وأنت بتكلمها، اتكلم باحترام. الراجل: وأنت إن شاء الله تطلع مين؟

مش واحد ماشية معاه. إحنا هانقتلك ونخلص منك ومن العار اللي جبتهولنا. مراد: قلتلك أما تتكلم معاها تتكلم باحترام. هي مراتي. خال منه: مراتك إزاي؟ مراد: مراتي على سنة الله ورسوله. وأراهم عقد الجواز. خال منه: تمام، أحسن برضه. لقيتي حد يرضى بيكي. دموع منه كانت نازلة في صمت. مراد: لا، شكلك مش جايبها لبر. مرات مراد المنشاوي ما يتقالهاش كده. هي جزمتها برقبتكم. أنتو فاهمين؟ يالا وروني عرض أكتافكم.

خال منه التاني: إحنا جايين في حاجة وهانمشي. تمضي حالا على التنازل بتاع ورث أمك. مراد خد الورقة. ومن كانت بتعيط. مراد مسك الورقة قطّعها: مراتي ما تسيبش حقها. مع إن هي مش محتاجاه، بس اليتامى أولى بيه منكم. خال منه بعصبية: أنت إزاي تقطع الورقة؟ مراد طلع سلاحه: شكلك ما تعرفش أنا أبقى إيه. دقيقة بس لو اتحركتوا الطلقة هتيجي في دماغكم. وقفوا وهما مرعوبين. وفي لحظات كان البوليس جه. جايين ياخدوهم. مراد بص للضابط: استنى.

وبعدين بص لخلانها: نسيت أقولكم إن الدكتورة منه، أيوه زي ما سمعتوا، دكتورة. حرم الظابط مراد المنشاوي، ظابط مخابرات. الاتنين بلعوا ريقهم. علشان تعرفوا إن جزمتها برقبكم فعلاً. خدهم يا حضرة الظابط. منه قعدت في الأرض انهارت. مراد كان زعلان على كل المشاكل اللي حبيبته فيها. مراد بحنان: أيّاكي تنزّلي راسك الأرض. راسك دايماً مرفوعة. أنا جنبك. صدقيني ماحدش يقدر يلمس منك ربع شعرة. وحضنها وهي استكانت. وبعدين مسحت دموعها.

منه: مش هاتسيبني؟ مراد: أبداً يا حبيبتي. يالا اجهزي علشان نمشي بقى. مش عايزة تشوفي بيتي؟ منه: يالا. وفعلاً جهزت وهو جهز. مسك إيدها ونزل. ركبت معاه العربية وهي سرحانة. مراد: معقولة أم لسان ونص ساكتة؟ منه بصتله بغضب: مين دي اللي أم لسان ونص؟ مراد: أيوه. أخيراً منه الحقيقية ظهرت. وضحك. منه ضحكت هي كمان. وفضلوا يتكلموا لحد ما وصلوا. ... الاء طلعت حاولت تغيظ ريم. الاء: فهد مش هاتخرجني؟

فهد: قلتلك أنتِ كبرتي، ماينفعش. وأنا ماينفعش أخرج معاكي. الاء اتضايقت: يعني إيه؟ محمود: يعني زي ما هو قالك يا حبيبتي، أنتِ بقيتي آنسة. ماينفعش تخرجي معاه. الاء: طب احفظني القرآن. فهد: عندك أبوكي وأمك. هما يحفظوكي. علشان أنا داخل أرتاح أنا وريم علشان هي عندها مدرسة بكرة. ريم كانت قاعدة ساكتة. الاء: يوووه. وأنت من إمتى بتتجاهلني كده علشان دي؟ صح؟ فهد: مش عايز أتصرف معاكي تصرف وحش. محمود: عيب يا بنتي كده.

أحمد: اقعدي يا بنتي واستهدي بالله. خش أنت يا فهد. فهد خد ريم ودخلوا. فهد: ما تزعليش بس علشان هي متعودة عليا وما تعرفش إن في حدود. ريم: ماشي. يالا ننام. فهد: زعلانة؟ ريم: لا. وناموا. تاني يوم ريم قامت لبست دريس وعليه خمار. وكان شكلها حلو. وفهد لبس كاجول. وطلعوا علشان يفطروا. ريم: معلشي يا ماما ما عملتيش معانا الفطار. أمينة: لا يا حبيبتي. عارفة إنك متوترة انهارده. اقعدي افطري. الاء: وهي متكسحة تعمل فطار؟

ولا هي جاية البيت هانم؟ فهد بصوت عالي: دقيقة وهأنسى إنك بنت عمي. اتكلمي باحترام. مني: معلشي يا حبيبي. عيلة. ما تزعلش. فهد قعد وعين ريم دمعت. فهد: قومي يا حبيبتي. هأفطرك برا. ريم قامت. أحمد: تفطروا برا إيه؟ فهد قرب منه: هاتعيط. وعلشان أنا ما أرتكبش جريمة. عن إذنكم. وخدها ومشي. ركبوا العربية. فهد: أيّاكي تعيطي. أنتِ مراتي. فاهمة؟ ريم: ليه؟ كله بيكرهني. أنا تعبت. فهد: بس أنا بحبك. ريم عينها لمعت بسبب الكلمة. ريم: بجد؟

فهد: أيوه بجد. ريم: وأنا بحبك أوي. فهد كان فرحان: يالا بقى أفطرك أحلى فطار. وقفوا علشان الإشارة. لقوا بنت جاية عليهم. البنت: ممكن تاخدي وردة؟ فهد: وما آخدش ليه؟ هاتي ياستي. وخد منها الورد كله. ودفع لها حقّه. ريم: جبت دا كله ليه؟ فهد: علشان دي سايبة تعليمها وبتلف علشان تلاقي لقمة تاكلها. لازم نساعدهم. فاهمة؟ ريم: أنت طيب أوي. فهد: معاكسة دي؟ ريم ضحكت. وهو اداها الورد. نزلوا قعدوا في المطعم. فطروا. ووداها المدرسة.

فهد: ده مستقبلك يا حبيبتي. أيّاكي توقفي في طريق أحلامك. ماشي يا حبيبتي؟ وأنا واثق فيكي. يالا انزلي وخليكي شجاعة كده. أنا مراتي طول عمرها شجاعة. لما تخرجي استنيني. أيّاكي تتحركي. ريم: حاضر. وسابته ونزلت. ريم نزلت. وفعلاً كلام فهد اداها دفعة قوية. دخلت بكل أمل. وكانت فرحانة إن أخيراً هاتحقق حلمها. فهد دخل شغله. وخلى مصطفى يعترف بكل جرائمه. فهد رن على مراد بلغه. مراد: ماشي يا كبير. أنا واخد إجازة أسبوع علشان منه. ماشي.

فهد: ماشي. ابقى طمني عليها. ربنا معاكم. مراد: حبيبي. وقفلوا. فهد كان قاعد بيفتكر ريم. وأد إيه حبها. وافتكر طيبتها. فهد: والأه وقعت يا فهد وما حدش سمي عليك. ريم اتصاحبت على بنت هناك. واتأقلمت على الجو. الاء: الو. نفذ اللي قلتلك عليه حالا. الشخص: بس... الاء: قلت نفذ. اديتك عنوان المدرسة. الشخص: براحتك. سلام. الاء: أخيراً هأخلص منك. ريم طلعت برا المدرسة. وكان فهد واقف لها جنب العربية. ريم بتعدي الطريق وبتبص له وبتضحك.

فجأة عربية جات بسرعة قدامها. فهد: ريييييييم!