رواية سجينة الفهد الفصل الحادي والعشرون 21 - بقلم هدير بدر

مراد أخد تاكسي وجري على بيت منة. مراد: يارب ما يكونش وصلهم. أنا غبي إني ما حطتش حراسة. وفضل يدعي ربه. مراد خبط جامد على الباب. منة فتحتله بخوف. مراد اتنفس بارتياح. منة ما اتكلمتش وهو استغرب. مراد: مالك في إيه؟ منة: ها.. لا لا ما فيش. مراد: طب وسّعي أدخل. منة بصت جنبها، لاقته رافع المسدس و بيهددها. مراد فهم من نظرتها. بعت رسالة لفهد ورن عليه وبعتله اللوكيشن. وجهز المسدس.

فهد قرأ الرسالة، كان لسه داخل لريـم. مشي جري وخد عساكر معاه. مراد دخل. لقى مصطفى موجه المسدس ناحيته. وأم منة عمالة تعيط. ومنة مرعوبة. مصطفى: نورت يا بيه. مفكر إني هاسيبكم؟ مراد: شيل اللعبة اللي في إيدك دي يا شاطر. مصطفى عَمّر المسدس ووجهه عليه. منة وقفت قدام مراد. منة: لا لا إياك تأذيه. مراد: ابعدي يا منة. منة: لا لا يمكن تتأذى، لا. مصطفى كان مضايق ومتغاظ إنها بتدافع عنه. مراد: خليك راجل لراجل.

مصطفى: لا نبدأ بالـ "حلوة". مراد خاف على منة. فهد دخل كسر الباب وكلهم وجهوا السلاح على مصطفى. مصطفى: طب أنا كدا كدا ميت. وضرب النار. منة وقفت جنب مراد وخدت الطلقة بداله. أم منة: لاااااا بنتي. وأغمي عليها. منة وقعت. مراد: لا لا ارجوكي فوقي. إياكي تغمضي عينك. منة بصتله بـ وجع: خـ... خلي بالك من أمي. مراد: ما تتكلميش. أمك في عيني. منة: أنا... أنا بحبك. وغمضت عينها. مراد: لا لااااااا! منة فوقي! وشالها وجري.

وفهد فضل يفوق أمها. وخلى العساكر تاخد مصطفى. مراد حط دماغ منة على رجله وفضل يفوق فيها وكان بيجري بالعربية. مراد دخل جري وخدوها. منة فضلت تعيط. أم منة فاقت. أم منة: أرجوك خدني لبنتي. هي فين؟ فهد: حاضر. وهو عارف المستشفى اللي مراد راح لها، خدها ووداها. أم منة: بن... بنتي فين؟ مراد: ادعيلها. أم منة: لو حصلي حاجة. بنتي أمانة في رقبتك. مراد بحزن: بنتك في عيني. وربنا يطول في عمرك.

أم منة: حاسة إني هاموت. ومنة مالهاش حد غيرك. ياريت تاخد بالك من بنتي. احنا مالناش حد. مراد كان قلبه بيوجعه مع كل كلمة أم منة بتقولها. مراد باس إيدها: صدقيني هاتفضلوا جنب بعض. أم منة: أنا هاخش أصلي وأدعي لبنتي. أمينة: يلا يا حبيبتي علشان نروح على بيتنا. ريـم: ها... لا لا أنا هاشوف شقة أبات فيها. أمينة: والله هازعل منك. وبعدين أنا بقيت زي أمك بالظبط. أحمد: وأنا كمان. ضحكوا عليه. أحمد: لا لا قصدي أبوكي. وضحكوا كلهم.

أمينة: أيوا كدا اضحكي. وخدوها معاهم البيت. فهد: أمها لسه لحد دلوقتي ما جتش. مراد: وأنا برضو مستغرب. تعالي نشوف. راحوا دخلوا المسجد بتاع المستشفى. لقوها ساجدة. فضلوا واقفين شوية. لقوها طولت. مراد راح يشوفها. لقاها ما فيش نفس. مراد: إيه دا. بيمسكها لقاها وقعت. فهد ومراد بصدمة.