رواية سجينة الفهد الفصل الرابع عشر 14 - بقلم هدير بدر

ابراهيم اتصدم. ابراهيم: إيه ده؟ دي مرات فهد؟ إزاي؟ يا ربي أعمل إيه دلوقتي؟ طلع تليفونه وصورها ومشي. ابراهيم: أكيد مش هاقوله دلوقتي. الأمور بس تستقر. وفضل حزين على صاحبه. وصل المستشفى. لقاهم قاعدين وفهد باين عليه الإرهاق. مراد: اتفضلوا، الأكل أهو. فهد: مش عايز. مراد: يعني هي لو موجودة كانت هتفرح لو لاقيتك كده؟ كل بقة عشان أنا جعان ولو مت بسببك هاه؟ فهد ابتسم على صديقه: ماشي يا سيدي هات. وبالفعل فضلوا بدأوا ياكلوا.

وفجأة مراد تنح. فهد: مالك بتبص كده ليه؟ مراد كان متعصب جامد. لقى البنت داخلة أوضة ريم. مراد بعصبية: انتي رايحة فين يا بت انتي؟ منه: إيه بت دي يا بتاعة انتي؟ مراد: والله ماسيبك النهارده. أحمد وفهد قاموا. أحمد: في إيه يا بني؟ مراد: البت دي إيه جابها هنا؟ منه بعصبية: البت اللي بتتكلم عليها دي الدكتورة، ودقيقة وهنادي لك الأمن. مراد: والله حلو كده، أنا خوفت مثلا؟ يا أمي يا أمي خاف يا عيد! فهد ما قدرش يمسك نفسه.

منه: ابعد عن وشي أحسن لك. أحمد: خلاص يا بنتي، إحنا آسفين. اتفضلي على شغلك. منه: ماشي يا عمي. وسابته ودخلت. مراد: إيه جاب البت دي هنا؟ الـ... إيه دكتورة؟ وقلدها، كلهم ضحكوا عليه. مراد: انتوا بتضحكوا؟ فهد: يخرب عقلك يا خي، البت عملت لك إيه؟ مراد حكى لهم. أمينة: ضحكت عليه، روح إلهي تطلع من نصيبك. مراد بعصبية: دي لو آخر واحدة. منه كانت طالعة: تطلع روحك انت تطول، يلا. مراد: به، ابعدي عن خلقتي. منه: مش هارد.

فهد: طمنيني، ريم عاملة إيه؟ منه: هي في تحسن، ادعوا لها. فهد: يا رب. منه بصت بقرف لمراد: عن إذنكم. مراد بص لها بتوعد. منه راحت قعدت مع صاحبتها، فجأة لقت رقم بيرن عليها. منه بصت للفون بخوف ومارديتش ترد. صاحبتها: مالك؟ في إيه؟ منه: أنا.. أنا خايفة يكون رجع يطاردني، مش راضي يسيبني. صاحبتها: اهدي، خير إن شاء الله. منه فضلت تعيط وصاحبتها فضلت تهديها. فهد: قوموا روحوا انتوا بقى عشان انتوا تعبتوا. أحمد: لا يا بني مش هانسيبك.

فهد: مراد معايا أهو يا حج، قوموا. مراد: تعالوا أوصلكم. وبعد إقناع خدها ووصلهم. منه: أنا هامشي بقى، هاتعوزي حاجة؟ صاحبتها: خدي بالك من نفسك وطمنيني عليكي. منه: حاضر. هايدي روحت البيت، لقت أحمد وأمينة قاعدين. أحمد: كنتي فين يا بنت؟ هايدي: كنت جوزي. أحمد قام ضربها بالقلم: إلا تكوني فكرة إني هاسكت لك، انتي مرات ابني ولازم أعرف تحركاتك. هايدي: بتضربني بالقلم؟ أنا هادفعك التمن.

أمينة قامت ضربتها: لا دا انتي ماتربتيش ومحتاجة تربية. أحمد بعد أمينة عنها: اخفي، خشي جوه لحد ما جوزك ييجي. هايدي بصت لهم بتوعد ودخلت. راحت رنت على أمها وحكتلها. أمها: هاجيب أبوكي ونيجي، ماتقلقيش. وفضلوا يخططوا. عند فهد مسك المصحف وقعد يقرأ فيه ويدعيلها. مراد كان رايح لفهد. فاجأة لقي منه ماشية خايفة ومتوترة. مراد فضل مراقبها. خد باله إن حد ماشي وراها. منه: انت إيه جابك هنا تاني؟ الشخص: في إيه؟ مش حبيبتي وجاي أشوفها؟

منه: أبوس إيدك، ابعد عني. الشخص: لو ما وافقتيش على جوازنا، اعتبري أمك ماتت. منه ضربته بالقلم: ابعد عني بقاااااا كفاية. الشخص لسه هايضربها. لقى إيد بتمسكه.