رواية سجينة الحازم الفصل الخامس 5 - بقلم ديدا الشهاوي

حازم وعلا خلصوا سهرتهم مع جاكي (جاكلين) ، وحازم مكنش طايق نفسه وكان عاوزه السهرة تخلص بأي شكل عشان يطلع علا أوضتها، ويروح هو على سهرته مع نهى. حازم: يلا يا علا عشان نطلع الأوضة، عاوز أرتاح. علا: تمام يلا، وأنا كمان تعبانة وعاوزة أنام. جاكي: أشوفكم بكرة بقى. وتبص لحازم وتضحك: يعني على قلبك مش هرحمك. وقبل ما علا تمشي، أكدت عليها. حازم: أوعي تنسي. جاكي: تنسي إيه؟

جاكي بضحكة: لااا، تنسي معادنا بكرة، عاوزين ننزل البحر من أول النهار، وابقي أقول لقريبتك. أصلي حبيتها أوي. حازم: اوكي، سلام. وصل حازم الأوضة. حازم: يلا ادخلي ونامي، وأنا شوية وهاجي. علا: هتسبني؟ أنا بخاف لما أقعد لوحدي. حازم: انتي صغيرة يا علا، يلا بقي بطلي دلع. علا وهي هتدخل الأوضة، صرخت مرة واحدة وحطت إيدها على بطنها: مش قادرة. حازم: رجعي في أي، ما انتي كنتي كويسة. حازم سند علا ودخلها الأوضة ونيمها في السرير.

حازم: أعملك حاجة سخنة؟ وبص على ركن القهوة: حظك في نعناع أهو. علا بتتلوي وقامت فجأة دخلت الحمام. وافتكرت كلام جاكي. فلاش باك. جاكي: أول ما تطلعي في دولاب الإسعافات هتلاقي دوا لعلاج الإمساك. هتحطيه في شاي عشان مفعوله يشتغل بسرعة. باك. طلعت علا من الحمام. علا: مش عاوزة نعناع، اعملي شاي. أعملك معايا. حازم: لقيتها فكرة عشان يصحصح للسهره، بس بسرعة وتقلي الشاي والسكر. علا في سرها: ونبي ما في أتقل منك انت والحر*باية بتاعتك.

علا عملت الشاي وحطت الدوا، وحازم شرب الشاي بسرعة. راح لنهى لتزعل. حازم: يلا أنا قايم أت*خمدي بقي وبطلي مصا*يب. علا: متتأخرش بدل ما أصحى الأوتيل كله. حازم طلع من الأوضة وراح أوضة نهى وهو بيراقب الدنيا لحسن حد ياخد باله. وخبط، ونهى طبعًا فتحتله بقميص نوم، أظهر عضة كل*ب قبل ما تلبسه، مفتوح من كل حتة. حازم: يلهوي على السكر، أنا مقدرش على الجمال ده. نهى: كل ده تأخير زومة، وأنا مستنياك على نا*ر.

حازم: أول ما طلعت، جتلك أهو. ولسه هيحضنها وهينزل على رقبتها، جاله مغص قوي فجأة اتوجع. حازم: الحمام فين؟ بسرعة. نهى: عندك على الشمال. دخل حازم الحمام وغاب شوية وطلع. نهى: مالك ياقلبي؟ حسدوك على الأرشنات دول. حازم: سيبك من أي حد، خليني في القميص ده اللي هقطعه بأسناني. (يبقى حازم الك*لب) ولسه هيحضنها، فجأة المغص رجع ودخل الحمام. غاب فترة بس أطول. وعلى دا الحال أربع مرات يدخل ويخرج من الحمام مش على بعضه من الوجع.

ونهى قاعدة على السرير مستنية (فيلم حمامك فين يا شبه) بطولة حازومة. نهى: بقولك إيه ياروحي، روح وادخل الحمام في أوضتك وارتاح، وخدلك دوا. حازم: بقول كده برضه. ولسه هيمشي، وقف افتكرت بكرة هننزل البحر. حازم: جهزي نفسك عشان أقولك كلمة سر في البحر. نهى: إن شاء الله لما تخف. وعوجت بوزها. رجع حازم أوضته وهو ماسك بطنه وبيتوجع ودخل الحمام بسرعة. وبعد فترة طويلة طلع وهو عرقان بس مرتاح، أظهر كان في حرب جوه في الحمام.

وراح يغير هدومه، لقي علا نايمة. حازم بيكلم نفسه بصوت عالي: أحسن إنها نايمة، وإلا فرحت فيا. وبعدين دي نايمة على السرير كله، هنام أنا إزاي؟ وبص للكنبة وراح ينام. مرتحش عليها، فرش على الأرض وهو بيكلم نفسه. حازم: منك لله ياشيخة، ظهري ناقص، مش كفاية بطني. وراح في سابع نومه. علا حست وسمعت بكل حاجة، فرحت خصوصًا إنه نام على الأرض. علا في سرها: أحسن، دا تمامك ياحازم الك*لب. وقبل ما تنام بعتت رسالة لجاكي. علا: خطة ١ نجحت.

وراحت في النوم. طلع النهار وموبيل علا رن، كانت جاكي. جاكي: يا عالم يا كسَلانة، اصحوا بقى، مستنياكم في اللوبي تحت. علا: أكيد، نازلين بعد نص ساعة. حازم قلق من الموبيل: مين اللي بيكلمك؟ علا: جاكي بتستعجلنا. حازم: محبتهاش صحبتك دي، بحسها رخ*مة زيك. علا: وانت لازم تحب كله، كفاية عليك الأبلة بتاعتك. وبعدين انت كان مالك، سمعاك كل شوية تروح الحمام. حازم: اااه، لا، دا كان شوية برد في معدتي، بس الحمد لله.

علا: طب يلا عشان مستنيانا تحت. حازم: انزلي لها، وأنا هحصلكم أنا ونهى. علا: نفخت، هي الست بتاعتك دي مقررة معانا؟ حازم وهو قايم: طبعًا مش ضرتك. نزلت علا لجاكي ولاقتها مستنياها. جاكي: الجميل ماله؟ وبعدين مجهزتيش ليه؟ علا: أنا جاهزة أهو. جاكي: مش عاوزة غباء يا علا، مش لابسة المايوه ليه وعليه برنس؟ علا: أنا مبلبسش مايوهات أنا. جاكي: هتلبسي يا علا، غصب عنك، وبكيني كمان. هو انتي طالعة إسكندرية؟ دي شرم يا حبيبتي.

علا: استحالة، أنا ألبس بيكيني؟ انتي مخك ضرب باين. جاكي: هتلبسي ولا أقول لحازم إنك جبتيله إسهال؟ علا لسه هترد عليها، في طالعة نهى مع حازم، كانت لابسة حتة مايو، وعليه برنس. طلعوا على البحر. ونهى أول ما وصلت لمكانهم، قلعت البرنس وقعدت بالبيكيني، وحازم جنبها. وجاكي وعلا مصدومين من المايوه، كان فتلة، بيكشف أكتر ما بيستر، والله فتلة. نهى: يلا زومة ننزل بقي. قام حازم نزل معاها البحر. نهى: هي علا هتنزل كده ولا إيه؟

دي فلاحة خالص. حازم: لا مش هتنزل خالص. وبدأوا مع بعض حركات دلع وميا*عة، ولكنهم هم عرسان في ليلة دخلتهم، بس في البحر، محدش شايفهم في البحر، كل واحد مع نفسه. جاكي اتعصبت لما لاقت عيون علا كلها دموع. جرجرت جاكي علا وراحوا محل في الأوتيل. جابتلها مايوه، كان بيكيني بس بيستر حبتين. وعلا مكسوفة وبداري بإيدها جسمها، وشدتها جاكي للبحر. نهى وهي في البحر وحضنا حازم، وحازم شغال بو*س فيه. نهى: بص يا زومة، شوف مين هناك.

حازم انتبه، لاقي علا لابسة مايوه بيكيني. اضايق وراح لها في المية. حازم: انتي استحمتي تلبسي مايوه؟ علا: أمال هنزل البحر بإيه؟ ولا واخدني معاك خدامة لحضرتك وللبتاعة بتاعتك. وقامت سابته وراحت لجاكي تغمز لها: خطة ٢ نجحت، وإنها عصبت حازم. جاكي كانت واقفة جنب نهى والموج كل شوية يخبطها، وجاكي قال إيه بتساعدها، بس كانت بتوقعها وتغر*قها. جاكي في سرها: إلهي تغطسي ما تقبي يا بعيدة. نهى: حاسبي يا بتاعة انتي هتغر*قيني.

جاكي: شكلك مش عارفة تعومي. نهى بغيظ: أنا سباحة وواخدة جوايز. جاكي: ماهو باين الشطارة. حازم رجع لنهى. وجاكي من غير ما تحس نهى، طلعت موس كانت مخبياه في المايو بتاعها، وقطعتلها حبل القطعة اللي فوق، وحبل القطعة اللي تحت، وسبتها وراحت لعلا. وفضلت جاكي تعوم. جاكي سباحة ومعروفة في شرم، وشغالة في رياضة الغطس. وعلا سرحت مع نفسها، وانبسطت من الموج والمية، كأنها بتغسل همومها.

ولاقيت علا شاب جنبها أجنبي بيتكلم عربي مكسر، هي تغوط في البحر وهو معاها، ومش عارفة تبعد عنه. ونهى مع حازم بتتدلع عليه في المية، فجأة. نهى: الحقني ياحازم! المايوه شكله اتقطع. حازم: اتقطع إزاي دا وقته؟ نهى: معرفش. وانتبه حازم. حازم: يادي الفضا*يح. نهى وقفت ومسكة بعزمها المايوه بتاعها بإيدها ليتقلع منها وتبقى تريند الموسم. حازم: هطلع أجيبلك البرنس وتطلعي بيه. نهى: بسرعة.

حازم وهو طالع، بيبص على علا وجاكي، لاقي جاكي لوحدها بتعوم. حازم: جاكي، علا فين؟ جاكي: بتدور وراها، كانت ورايا. وبدأ يتلفتوا عشان يشوفها. حازم خد باله إنها غاطت وجنبها واحد بيضايقها وهي بتحاول تبعده عنها وهو بيمسك فيها وبيحاول يحضنها. حازم: ينهار أسوخ. يتبع.