رواية سجينة الحازم الفصل الرابع 4 - بقلم ديدا الشهاوي

حازم.. طلع أوضته في الأوتيل لاقى كل طاقم الخدم بالدور واقفين قدام باب أوضته. وقفوا بيهدوا علا. دخل وسطهم. حازم: في إيه يا جماعة؟ بص لعلا. حازم: في إيه يا علا؟ علا: الحقيني حصل ماس كهربائي في الأوضة والنور اطّفى واتخضيت وفضلت أخبط لحد ما جم لحقوني. رئيس الخدم: متقلقش حضرتك، لو كان في خطر في الدور كان إنذار الخطر اشتغل. الست هانم بس مخضوضة. حازم: حمد الله على سلامتها. قفل حازم باب السويت بعد ما مشيوا العمال.

بعد ما علا عملت قلق للدور كله وكمان في الأوتيل كله. حازم: هو انتي ناوية تفضحينا مثلاً؟ مش عارفة تقعدي لوحدك؟ وإيه حكاية الماس دي كمان؟ علا: كنت بعمل شاي في الكاتل لقيته فرقع وقولت مش مشكلة. دخلت آخد شور لقيت السخان فرقع ونور السويت اطّفى. اتخضيت وقعدت أصوت وأخبط. وحضرتك اقفل عليا! أنا مش كلبة حضرتك عشان تقفل عليا. حازم: بخجل. معلش، مكنتش عارف إني هتأخر. علا: حضرتك كنت فين يعني؟

حازم: عند ضرتك. خلي بالك، انتي متتسابيش لوحدك، هولّعي في الأوتيل كله. علا قعدت لوحدها وحازم دخل الحمام ياخد شور. وبعدها ريح شوية. وعلا قاعدة قدامه على الكنبة. وافتكرت. فلاش باك. علا، وهي منهارة، قعدت تناجي ربها إنه ينتقم ليها. وغفلت شوية. جاتلها فكرة إنها مش هتخليه ينتهي بساعة واحدة مع "الحرباية" زي ما علا وصفتها. فكرت تعمل قلق عشان تجيبه من المكان اللي هو فيه ويخاف فييجي فوراً. قامت علا تدور في السويت.

لاقيت الكاتل. شدت سلكه وجابت ولاعة وحرقت السلك. وعملت كده في السخان وحرقت ساكته بعد ما فصلت نور السويت. باك. في الليل. حازم كان بيلبس عشان نازل يسهر. وأكيد طبعاً نهى معاه. حازم: علا... جهزي يلا عشان تنزلي معايا. مش هسيبك لوحدك. المرة الجاية هتجيبي لنا أبوكي. علا: بابتسامة نصر. اللي تشوفه. وفضلت بصاله. علا: إيه؟ حازم: إيه؟ علا: عايزة أغير هدومي. حازم: آه. طب هطلع بره. اتفضلي بس بسرعة.

في الأوتيل وبالتحديد في ديسكو تيك الأوتيل. كانت نهى لابسة فستان فوق الركبة وعريان طبعاً من فوق. قاعدة مستنية حازم. نهى: شاورت لحازم أول ما عينه جت عليها. نهى: زومة. حازم: نهى، بلاش الكلام ده قدام الناس. علا: بتبص لنهى. إيه؟ هو أنا هوا؟ كده لدرجة إنك مش شيفاني؟ نهى: سوري حبيبتي. بس لما بشوف زومة، أقصد حازم، بنسى الدنيا ومش بشوف غيره. علا: بعوجة بوزها. ربنا يخليهولك. ربنا ياخدكم إنتوا الاتنين.

حازم: وطّي على ودن علا. احترمي نفسك، بظل ما أقل بيكي قدامها. علا: بصتله وضحكت. وضحكت لنهى. علا: ميرسي يا حبيبي. وأثناء قعدتهم. طبعاً حازم ونهى طلبوا صودا وبـ*ـيرة. وعلا طلبت عصير كوكتيل. نهى فضلت تضحك. نهى: إيه يا زومة؟ انت جايب بنت اختك ولا إيه؟ حازم: نصيبي بقى. نهى: مش بتشربي ليه زينا؟ علا: بضحكة مصطنعة. أصلي لسه ننه. نهى قامت وشدت حازم وهو يرفض عشان يرقص معاها. نهى: زومة، ارقص معايا دي عشان خاطري يا بيبي.

حازم: نهى، بلاش. مش هينفع يا بنتي، المفروض إني عريس. نهى: عملت زعلانة. حازم قام يرقص عشان ما يزعلش "الحرباية" أقصد نهى. وعلا بتتحسر من جواها وإزاي إنها قَبِلت على نفسها كده وهي قاعدة لوحدها. فجأة. لاقيت إيد اتحطت على عينها من ورا وهي قاعدة. صوت: أنا مين يا عروسة؟ لمست علا الإيد اللي اتحطت عليها وميّزت الصوت. صوت: جاكلين الشقية. قامت علا بسرعة ولفّت لاقت جاكلين. فرحت أوي وسلمت عليها وحضنتها. جاكلين: انتي لوحدك ليه؟

فين عريسك؟ علا: موجود، بيرقص أهو. بصت عليه جاكلين واستغربت. جاكلين: وبيرقص لوحده ليه؟ قومي ارقصي معاه. وبعدين مين اللي بترقص معاه دي؟ علا: ساكتة. وعيطت. جاكلين: اتخضت من منظر عياطها. مالك يا علا؟ ده منظر عروسة في الهاني مون. علا: مش لما تبقي عروسة بقى. جاكلين: فيكي إيه؟ وسيبى جوزك مع واحدة تانية ليه؟

هنا علا حكت لجاكلين صحبتها كل حاجة. عشان دي صحبتها المقربة أيام الجامعة بس معدتش بتشوفوا بعض عشان جاكي اتنقلت شرم واشتغلت هناك. وحسن الحظ إنها شغالة في قرية والد علا. جاكلين سمعت كل الحكاية وبقت مستغربة من "الحيوان" اللي اسمه حازم. وفضلت تبوّخ علا على سلبيتها وإنها كانت المفروض تفضحه. هنا حازم انتبه إن علا قاعدة مع بنت شكلها زي الأجانب. فخاف تكون عملت مشكلة تانية.

بطل رقص ورجع هو ونهى على الترابيزة اللي علا قاعدة عليها. حازم: مش تعرفينا؟ جاكلين: هاي، أنا جاكلين. أمي أجنبية وأبويا مصري وبتكلم مصري حلو أوي. وزميلة علا القمر دي. حازم: أهلاً وسهلاً. جاكلين: أنا قطعت كلامه. جاكلين: آه، العريس. ما أنا حضرت الفرح. الفرح كان يجنن. وبصت لنهى. جاكلين: وعروسة قمر. حازم: نهى، قريبتي وقابلتها صدفة. نهى: أهلاً. جاكلين: بعوجة بوزها. أهليين يا قمر.

حازم مرتحش لجاكلين دي. ولا جاكلين ارتاحت لنهى. وهما قاعدين الأربعة على الترابيزة. طلبوا مشروب. بـ*ـيرة وجاكي شربت معاهم. وعلا حست إنها مش شبههم. علا جات تقوم. جاكلين شدتّها من تحت الترابيزة وغمزتها تفضل قاعدة. جاكلين: عملت إنها بتجيب ميه ووقعت الميه على نهى. نهى: إيه ده؟ مش معقولة. اطلبي مني وأنا أجبهالك. غرقتني. جاكي: سوري. نهى. سوري كتير. نهى: تجاهلت جاكلين. وبصت لحازم. نهى: زومة. آآآه. حازم. هطلع أغير هدومي.

وسابتهم وطلعت وهي متعصبة. حازم: قام ورآها. متنزليش. شوية وهجيلك يا قلبي. نسهر سوا. نهى: اوكي زومة. جاكلين بعد ما قام حازم وراها بصت لعلا. جاكلين: انتي ساكتة كده ليه؟ علا: هعمل إيه يعني؟ متجوزها ومش بيحبني. ومتجوزني انتقام أبويا. جاكلين: وأنا هاخدلك حقك. بس تسمعي كلامي ومافيش اعتراض ولا مناقشة. جاكلين: دييييل. علا: ديييييل.