رواية سجينة فؤاده الفصل الرابع عشر 14 - بقلم رولا

ف حامل مني .... ملامحه اتحولت، ف مسكه نور من ياقة قميصه وقاله: _لولا إن في شهادة منع تعرض كنت قتلتك مكانك، بس أخاف على ابني يتربى من غيري ويطلع وسخ زيك. شده من قفاه برا المكتب وطلب الأمن ياخدوه برا الشركة. خدني ودخل حضني وقالي: _من النهارده هتبقي سكرتيرتي الخاصة. _بجد؟ _بجد. ******* خرجنا من الشركة روحنا الفيلا. لأول مرة أرجع من برا ومطلعش على الأوضة. طلب من الخدم يحضروا الغدا ويحطوه على السفرة. استغربت تصرفاته،

ف قالي وهو مبتسم: _اتغيرت عشان عرفت إنه يعتمد عليكي. _يعني هتخليني أروح الجامعة لوحدي؟ بصلي بطرف عينه وقالي: _مش للدرجة دي. ضحكت وسكت. الشغالة خلصت الأكل وقعدنا كلنا. وقالي: _تخرجي؟ _هنروح فين؟ _مكان حلو، هيعجبك. _بجد؟ _بجد. ***** وصلنا قدام مكان واسع، وفي واحد واقف ومعاه عجل. بصيتله بسعادة وقولتله وأنا بشاورله بصباعي: _لااء، متقولش. هز راسه بسعادة وقالي: _آه.

جريت ناحية العجل وهو جه ورايا وهو حاطط إيده في جيبه. وقفت قدام العجل وهو جه وقف جمبي. شاورتله على العجلة وقولتله: _عاوزة دي.... راح دفع تمن ساعة وخدنا العجل ومشينا. ركبت على عجلة وهو على عجلة وقولتله: _اللي يوصل عند الشجرة دي يكسب. قولتها وأنا بشاور على الشجرة. فرد عليا: _طب واللي يكسب؟ _اممم، يدي التاني حضن. _ههههههه موافق. ربنا! وبدأنا نتسابق. لقيته بيسبقني وأنا ببذل بأقصى قوتي. فزعلت ووقفت بالعجلة. بص

وراه لقاني وقفت ف رجعلي: _انتي كويسة؟ بصيتله من فوق لتحت كده وسيبته ومشيت وأنا بجر العجلة. جه ورايا وهو عمال يقولي: _طب حصل إيه طيب؟ مردتش عليه وسيبت العجلة عند الراجل ومشيت. ركبت العربية وأنا مربعة إيدي ومقموصة. جه ورايا وقالي: _حصل إيه طيب؟ رديت وأنا لاوية بوزي: _ملكش دعوة. _هجيبلك شوكولاتة. بصيتله وأنا بضحك: _بجد!! _بجد. ****

جابلي بوكس شوكولاتة فيه شوكولاتات كتير خالص. ووصلنا البيت. خدت البوكس وطلعت على أوضتي بسرعة وقفلت عليا. طلع ورايا بيفتح الباب لقاه مقفول فخبك عليا وقالي: _حور، افتحي الباب. وقفت ورا الباب وقولتله: _لا يخويا، عاوز تاخد مني الشوكولاتة. _يابنتي شوكولاتة إيه بس أنا مباكلهاش. _لا بتضحك عليا، وعاوز تاخد مني الشوكولاتة. _منا لو عاوز كنت اشتريت لنفسي معاكي. _لابرده، طب إيه رأيك أجيبلك مانجا؟

_شوفت، شوفت أهو عاوز تاخد مني الشوكولاتة. _لا مقصدش، أنا هجيبلك مانجا جنب الشوكولاتة. _احلف. _والله بس افتحي. _جيبلي مانجا الأول وأنا أفتحلك. أمر الحارس إنه يجيبله مانجا ويطلع بسرعة. جابها ونور خدها منه وخبط تاني. _ميييين! قولتها بصوت عالي. فرد عليا: _أنا نور. _جبت المانجا؟ _آه. فتحتله الباب. كان وشي متبهدل من الشوكولاتة اللي كلتها. وقف يضحك عليا شوية وأنا خدت منه المانجا ودخلت قعدت على السرير. لقيته بيقولي:

_انتي هتقعدي تاكلي مانجا على السرير!