رواية سجينة فؤاده الفصل التاسع عشر 19 - بقلم رولا

حضن وشي بكف ايده وهو بيقولي: _عملت ايه؟ باخجل وأنا ببص على الأرض، وقولتله: _شيلتني قدامهم. شالني تاني وهو بيقولي: _مراتي يا جدع. أنزلني. حطني على الأرض فقولتله: _بمناسبة إني كسبت، هعملك كفتة وبقلاوة وكيكة فراولة، إنما إيه؟ هتاكل نفسك وراهم. ضحك بخبث وقالي: _أنا هاكل، بس مش هاكل كيكة فراولة، أنا هاكل الفراولة نفسها. بلعت ريقي بصعوبة وحمحمت: _احممم، أنا هروح أحقق لك الكيكة، أصلها في الفرن وكده.

بصلي وضحك وانحنى وهو شالني. اتكسفت وخبيت نفسي في صدره، خدني ودخل بيا أوضة النوم وقفل النور و... فوقت في حضنه، قولتله: _هو انت عملت كل ده امتى؟ رد بخبث وهو بيبصلي: _لسه دلوقتي... غمز وكمل كلامه: انتي لحقتي تنسي؟ ضربته على كتفه بخفة وقولتله: _أنا أقصد الدار، وصلتنا ليهم هنا إزاي؟ رد بغرور وقالي: _هو أنا أي حد يا بنتي، ده أنا الرائد نور. بصتله بملل بطرف عيني، فقالي وهو بيكح: _احم، ده جدي اللي اتصرف. ضحكت وقولتله:

_أيوا، قول كده. عمل فيا مقموص وسكت. روحت حضناه جامد. _بحبك على فكرة. *** عدى أسبوع على قاعدتنا في بيت سيف، وجه ميعاد المحاكمة. خدتها أنا ومجدي في عربية البوكس. فقالتلي: _إحنا رايحين في البوكس ليه يا نور؟ هو إحنا اتقبض علينا؟ هزيت راسي بنفي وقولتلها: _لا يا حبيبتي، دي عشان الأمان بس، متقلقيش. هدت واطمنت وركبت البوكس. وصلنا المحكمة وجه ميعاد الجلسة بتاعتنا. بصتلنا مامتها بشماتة وبعدين ضحكة خبيثة وقالتلها

قبل ما القاضي يدخل: _هاخدك برضه، والبتاع بتاعك ده مش هيعرف يعملك حاجة. مخليتهاش ترد عليها ولا أنا كمان رديت عليها. القاضي دخل، فقام المحامي بتاعنا يترافع وقدم له الورق والإثباتات اللي تثبت أنها في قمة عقلها، ووراله أنها بقت إنسانة مستقلة وناجحة في حياتها. بينما المحامي بتاع مامتها زور شهادة الدكتور اللي قال إن رشوتة عشان يعمل أوراق مزورة تثبت عقلها. وكان حكم القاضي كالتالي:

بعد الإطلاع على الأدلة والبراهين والاستماع للشهود، نعلن نحن أن المدعوة حور محمد ستبقى في كفالة والديها وهذا... مكملش كلامه، وكان سيف داخل قاعة المحكمة وبيقول: _ثانية واحدة يا سيادة القاضي. القاضي: _انت مين؟ سيف: _أنا أخوها، أخو حور وابن الست والراجل اللي قاعدين دول، اللي هما يعتبروا أهلها، أهلها اللي عاوزين ياخدوها عشان الثروة والعز اللي هما فيه ده بتاعها. قدم سيف للقاضي وهو في ايده ورق وأداهوله:

_ده الورق اللي يثبت أن جدو الله يرحمه كاتب كل حاجة لحور، لإنه كان عارف كم الظلم اللي هي كانت عايشاه. اختي اتحرمت من طفولتها، اتحرمت حتى من إنها تضحك، سلبوها كل حقوقها وكانوا السبب إنها تدخل في غيبوبة. الناس دي واخدينها على إنها آلة بيسيطروا بيها على ملايين. وبعدين فتح موبايله وسمع القاضي الريكورد اللي مامة حور بتتكلم فيه مع المحامي بتاعها وبتقوله:

_لو خد حور هيعرف إن الأملاك دي كلها بتاعتها، ووقتها هياخدوا مننا كل حاجة، أنا مش ممكن اسمح بكده. المحامي: _اهدي يا هانم، أنا مش هسمح إن ده يحصل أبداً، وبنتك وأملاكها هيفضلوا معاكي، متقلقيش نفسك. القاضي: بعد الاستماع للأدلة الجديدة نعلن الآتي: ستظل حور محمد في كفالة زوجها، وسيتم القبض على المحامي شوكت والمدعوة نورهان بتهمة التزوير. رفعت المحكمة. قمت من مكاني وأنا فرحانة، حضنت نور وبعدين جريت على سيف حضنته، وقولتله:

_انت أحلى حاجة حصلتلي في حياتي كلها، انت عارف كده صح؟ رد عليا سيف بابتسامة مليانة دموع: _وانتي عارفة إنك أميرتي الحلوة صح؟ هزيت راسي وقولتله: _صح. قرب نور مننا وهو بيشدني من حضن سيف وبيقوله: _أظنك كفاية كده تحضين في مراتي. رد سيف وهو مكشر: _أختي يا عم نور. نور: _بس مراتي. سيف: _يبني أختي، أختي، أي مبتفهمش. قاله وهو بيشدني. رفع نور حاجبه وقال وهو بيشدني: _أنا مبفهمش. سيف وهو بيشدني: _أي دا. نور وهو بيشدني:

_انت متعرفش. سيف وهو بيشدني: _لا والله محصلش الشرف. نور وهو بيشدني: _سيب دراع أختي. سيف وهو بيشدني: _سيب دراع مراتي. شديت إيدي منهم الاتنين وقولتلهم: _بااااااي، اخرسوا بقى، خلعتولي كتفي، سيبتهم وقدمت كام خطوة لقدام وقولتلهم: _أنا لا أخت حد، ولا مرات حد، حلو عني بقى. لقيتهم بيقدموا عليا وكل واحد مسكني من دراع. سيف قالي: _انتي اختي حبيبتي. نور قالي: _انتي مراتي نور عيني وقلبي.

بصيت لسيف شوية ولنور شوية، وبعدين لقيت مجدي واقف قدامي. سيبت دراعهم وجريت عليه استخبيت ورا ضهره وأنا بقوله: _خبيني، خبيني منهم. بصيت بطرف عيني من ورا مجدي لقيتهم الاتنين واقفين مربعين ايديهم ورافعين حواجبهم وقالوا في نفس واحد: _حوووووور.