رواية سجينة فؤاده الفصل الثاني 2 - بقلم رولا

لقيتها بتبوسه وبتقوله: _حمدلله ع السلامه يبيبي بصيتلهم وسكت. فاتجهلني وسحبني من إيدي ودخلنا الحفلة. قعدنا على ترابيزة. وبعدين جت البنت دي وشدت كرسي وقعدت جنبه: _أي يلو*لو، أنا موحشتكش ولا إيه؟ قالتها وغمزتله. فرد ببرود عليها: _أنا أعرفك؟ حسيتها بتتشيط. وشها بقى لونه أحمر. وأنا مكنتش عارفة أمسك نفسي من الضحك. كان باين على ملامحي. قامت من على الترابيزة وهي بتقوله: _هتحتاجني، يبيبي. وسابتنا ومشيت. لقيته بيبصلي بغضب.

فاتنهدت وبصيت الناحية التانية. (اللي هو أنا مالي بقى) وقف وقالي: _متتحركيش من هنا. مش هتأخر. بصيتله وأنا بهز راسي بالموافقة. فسابني ومشي. كان في قدامي كاس فيه ميه. خدته وشربت منه. لقيت واحد بيشد الكرسي وبيقعُد جمبي وبيقولي بوقاحة: _وحشاني يا رورو. بصيتله بإستغراب وقولتله: _مين حضرتك؟ مد إيده على إيدي ومسكها وقالي بعتاب: _إنتي بجد مش فاكراني؟ حاولت أشد إيدي منه، لاكنه كان ماسك فيا ومتبت:

_حور حبيبتي أنا آثر، إنتي إزاي مش فكراني؟ الدموع اتجمعت في عيوني وقولتله: _لو سمحت سيب إيدي، وابعد عني. لقيت نفسي بتسحب من إيدي وبقف غصب عني وبخبط في حد. بصيت لقيته نور باصصله بكل عصبية وأنا في حضنه. ساب آثر إيدي من الخضة. فقاله نور: _إياك تقرب من شيء يخصني. لقيت آثر خبط على الترابيزة وهو بيقف وبيقوله: _هي بني آدمة مش شيء بتبيع وتشتري فيه. رد نور عليه بتحذير وقاله: _إبعد عن مراتي أحسن ليك. ضحك

عليه بإستهزاء وهو بيقوله: _مراتك؟ مراتك دي اللي اتجوزتها كمزاد عشان تكسبني. مراتك اللي بتتكلم عنها دي اللي بسببك كانت هتموت ودخلت غيبوبة. هي دي مراتك؟ سابني نور وقرب منه مسكه من ياقة قميصه وهو بيقوله: _لو قربت منها ي آثر، هتشوف وش عمرك ما شفته مني أبداً. ضحك بإستفزاز ورد على نور: _هتعمل إيه تاني بعد ما طردتني من البيت يابن أمي؟ (أنا في خيالي: وه وه أخوه؟ رد بفحيح وقاله: _هطردك من الدنيا كلها لو ألزم الأمر.

قالها نور وسابه وهو بيزقه بعيد عنه. وشدني من إيدي وخرجنا برا الحفلة. ركبنا العربية واتحركنا. وصلنا الفيلا. لقيته نزل وفتح الباب وشدني من دراعي جامد وجرني وراه لحد ما وصلنا الأوضة. رماني على السرير.