رواية شارع الحب الفصل الخامس عشر 15 - بقلم فرح وائل

راضى : فيروز تعالى ورايا. فيروز دخلت مع بباها الأوضة: نعم يا بابا. راضى: انتي عارفة الواد ده من امتى؟! فيروز بتوتر: واد... واد مين؟ راضى: يوسف... تعرفيه من امتى؟ فيروز اتوترت أكتر: أنا عارفة إنه صاحب خالد... بس معرفهوش شخصياً. راضى: متكدبيش... انتي عارفاه ومن بدري... لو مش عارفاه من بدري كنتي سلمتي على أحمد، أو بمعنى أصح، هو مكانش هيغير عليكي ويعمل صوت عشان ينبهك. فيروز: بصراحة... أنا عرفته من أولى ثانوي...

وهو كان بيبعتلي مسدجات وأنا وريتها لماما... وماما ساعتها هزقته، بس أنا... كنت حبيته ساعتها... وهو بعدها سافر... بس... راضى: يعني محصلش بينكم حاجة؟ فيروز: زي إيه؟ راضى: قرب منك يعني. فيروز: لا والله يا بابا... أنا متربية ويوسف محترم. راضى: يعني انتي عايزاه؟ فيروز: لو حضرتك موافق... أنا موافقة. راضى: أنا مش موافق... انتي دكتورة ومتاخديش غير اللي زيك. فيروز بصدمة: واللي زيي سيف؟! راضى: بالظبط كده. فيروز: لا يا بابا...

أنا مبحبهوش ولا هو بيحبني. راضى: بس اتقدملك... وأنا مش هسيب المحامي وأديكي طباخ. فيروز: يا بابا يوسف مجتهد في شغله... مش بعيد بعد سنة ولا سنتين تلاقي عنده سلسلة مطاعم. راضى: وأنا قولت سيف... مفيش كلام تاني. ( سابها وخرج ) فيروز قعدت تعيط ومامتها دخلت. مامتها: يا لهوي! إيه كل ده؟ فيروز: ماما... فهمي بابا... لو متجوزتش يوسف... مش هتجوز... أنا بحبه يا ماما. مامتها: يا حبيبتي... أبوكي عايز مصلحتك... وهو عنده حق.

فيروز بتبصلها بصدمة: يعني انتي كمان موافقة!!! مامتها: الواد كويس يا فيروز... مش هتلاقي زيه. فيروز: لقيت الأحسن يا ماما... يوسف... أنا بحبه وهو بيموت فيا... أسيبه ليه وأروح لواحد مبحبهوش ولا هو بيحبني. مامتها: يا حبيبتي سيف عينه منك من وانتي صغيرة واظن إن انتي كمان كنتي كده. فيروز: كنت يا ماما... أنا دلوقتي بحب يوسف... ومش هحب غيره ومفيش غيره في عيني... خلاص. مامتها: يا بنتي أبوكي عايز يريحك في المستقبل.

فيروز: لو عايز يريحني فعلاً يجوزني يوسف. مامتها: أصلاً يوسف ولد مش كويس... إزاي صاحبه اتقدملك قدامه وتاني يوم ييجي يتقدملك؟ فيروز: لا يا ماما، اللي مش كويس هو سيف... لأنه عارف إن يوسف بيحبني وإنه مسافر يشتغل عشان لما يرجع يتقدملي يبقى عنده حاجة يقولها لبابا... لكن سيف اختار اليوم اللي يوسف رجع فيه من سفره وجه اتقدملي عشان يقهر... عشان يقهر صاحبه يا ماما. مامتها: اخس... هو في صحاب كده. فيروز: ماما...

مش هتجوز غير يوسف... فاهماني... مش هتجوز غير يوسف... قولي الكلام ده لبابا... فيروز ليوسف مش لغيره... ولو هتبقى لغيره ف الأحسن ليها الموت يا ماما... الموت. مامتها: بعد الشر عليكي يا حبيبتي... خلاص أنا هقوله. فيروز: ياريت يوسف ميعرفش إني كنت معجبة بسيف. مامتها: حاضر يا حبيبتي. يوسف رن عليها. يوسف: افرحي يا عروسة أنا العريس. فيروز: بتعمل إيه؟ يوسف: استلمت الشقة. فيروز: انت مش قولت كمان كام يوم؟

يوسف: لما خرجت من عندكوا... لقيت الراجل بيتصل بيا وبيقولي إن الشقة على الاستلام... روحت دفعت الفلوس وخدى دي بقى. فيروز: إيه؟ يوسف: كتبتها باسمك. فيروز: باسمي!!! ليه كده؟ يوسف: أنا وانتي واحد يا حبيبتي. فيروز: لا يا يوسف... رجعها باسمك تاني... عشان خاطري. يوسف: مالك... مش مبسوطة ليه؟ فيروز: (سكتت ومعرفتش ترد عليه) هكلمك تاني يا يوسف. يوسف: فيروز... ما تردي... (بهزار) لا تكوني مش عايزة تتجوزيني.

فيروز: خلاص يا يوسف هكلمك بعدين. يوسف: ماشي يا فيروز... سلام. فيروز: طب هيعمل إيه لما يعرف إن بابا مش موافق... إيه إحساسه لما يشوفني قاعدة في الكوشة جنب صاحبه... لا يارب متكتبش عليه الوجع... خليني أموت قبل ده ما يحصل... يارب. ( قعدت تعيط مسكتش غير لما نامت ) تاني يوم صحيت على صوت في البلكونة قامت تشوف فيه إيه لقت يوسف جايب دي جي و مشغل أغاني وبيرقص وبيوزع بيبسي. سيف من البلكونة: بتوزع بيبسي ليه يا يوسف؟

يوسف: عيد ميلادي. سيف: يسطا إحنا في شهر 6 عيد ميلادك الشهر اللي فات. يوسف: أي ده بجد... يا عم اعتبرني اتولدت النهاردة. فيروز: ماما النهاردة كام 6؟ مامتها: 29... كل سنة وانتي طيبة. فيروز: عيد ميلادي... يا لهوي عليك. يوسف: كل سنة وأنا طيب. فيروز في سرها: وأنت طيب يا حبيبي. بعد ساعتين. سيف: خالد باباك قال إيه؟ خالد: والله ما عارف أقولك إيه يا صاحبي. سيف: إيه؟ خالد: بص هو بابا موافق... بس بصراحة فيروز مش موافقة...

إنت عارف اتقدملها عريس تاني. سيف: إزاي يعني؟ خالد: وبابا مش موافق... بس هي موافقة. سيف: طب وبعدين؟ خالد: بص أنا رأيي تطلع تكلم بابا... وشوفه. في بيت فيروز. سيف: رأيكوا إيه يا عمي؟ راضى: إحنا موافقين يا بني. فيروز خرجت من الأوضة: لا أنا مش موافقة... مش عايزك يا سيف... مش عايززززاه. راضى: ادخلي جوه. فيروز: بابا... أنا مش هتجوز غير يوسف. راضى: قولت ادخلي جوه. خالد: تعالي يا يوسف. فيروز: لا مش هدخل... أنا بحب يوسف...

مش هتجوز غيره. ( يوسف واقف مش فاهم في إيه ) راضى ضربها بالقلم وهي وقعت على الأرض من قوته: قولت ادخلي جووووه. فيروز راحت استخبت في يوسف: مش هتجوز غيره... مش هتجوز غير يوسف. راضى كان هيروح يضربها بس يوسف مسكها: خلاص يا عمي. ( بص لفيروز ولقى دم عند فمها عينه دمعت ومسحلها فمها وقال: فيروز ادخلي أوضتك. ) فيروز: لا يا يوسف... متسبنيش. يوسف: متخافيش أنا معاكي... ادخلي جوه يلا. فيروز دخلت أوضتها ويوسف بص لـ راضى.

راضى: بص يا يوسف... أنا معنديش بنات للجواز... فيروز مخطوبة لـ سيف. يوسف: أنا هحترم رغبة حضرتك رغم إني عارف إن فيروز بتحبني... مش هقرب منكوا تاني... بس لو سمعت إن حضرتك مديت إيدك عليها تاني... مش هيحصل كويس. ( بص لـ سيف ) مبروك يا صاحبي... ده لو كنت صاحبي... كسرتها... وكسرتني عشان نفسك... سلام. سيف: متنساش تيجي الخطوبة يوم الخميس الجاي. يوسف: حد بردو يغيب عن فرح حبيبته. ( مشى ) خالد: استنى يا يوسف جاي معاك.

يوسف وقفه على السلم: خالد فيروز أمانة في رقبتك... متخليش أبوك يمد إيده عليها... أختك مش حمل قلمين من دول. خالد: هتوصيني على أختي يااض ولا إيه؟ يوسف: بص حاول تكرهها فيا... اعمل أي حاجة يا خالد... بس خليها تكرهني. خالد: إيه يااض شغل الأفلام الهندي ده... على أساس إني مش حاضر قصة حبكوا من الأول... فاكر لما جيت تقولي إنك بتحبها وانت متعرفش إنها أختي لما جريتك الشارع كله. يوسف ابتسم بوجع: فاكر... أنا هروح...

صحيح أنا هسافر الأسبوع الجاي. خالد: اسكندرية. يوسف: آه... هشوف المطعم اللي هناك. خالد: ربنا معاك يسطا... سلام. فيروز في أوضتها منهارة من العياط ومامتها جنبها. مامتها بتبطب عليها: خلاص يا حبيبتي بقى. فيروز بعدت عنها: أنا بحبه... مش هسيييبه... مستحيل أسيببببه. راضى: أم خااالد. مامتها: حاضر. فيروز بترفع عينيها بتشوف إزازة الأكسجين السائل بتاعت الشعر... وبتفكر... يا يوسف... يا الموت. تاني يوم.

مامتها بتدخل أوضة فيروز بس فجأة. مامتها بصدمة: فيرووووووز.