رواية شارع الحب الفصل السادس عشر 16 - بقلم فرح وائل

مامتها: فيرووووز... الحقني يا خااالد. راحت لفيروز اللي مرمية على الأرض وجنبها إزازة الأكسجين السائل. مامتها: بت يا فيروز... انتي يا بت. خالد: في إيه. مامتها: جيب عربية بسرعة عشان نوديها المستشفى. خالد اتصل بيوسف: يوسف.. هات عربيتك وتعالى بسرعة. يوسف: في إيه. خالد: لقينا فيروز واقعة في الأرض وجنبها إزازة الأكسجين.. بسرعة يا يوسف. أوعي يا ماما. في خلال خمس دقايق يوسف كان قدام بيتهم بالعربية.

خدوا فيروز وطلعوا بيها المستشفى. واقفين قدام أوضة الطوارئ مستنيين الدكتور. راضي وصل المستشفى هو وسيف. راضي بص ليوسف: انت إيه اللي جابك هنا. خالد: بابا.. يوسف جاي معايا أنا. الدكتور: هو فين يوسف. يوسف بلهفة: أنا يوسف. الدكتور: هي خطيبتك. سيف: لأ خطيبتي أنا. الدكتور: طب تعالى معايا يا يوسف. هو انت تقربلها إيه. يوسف: ابن عمها. الدكتور: واضح إنها مش عايزة تتجوز الولد التاني ده.. لأنها كانت بتقول "مش عايزة غير يوسف".

يوسف: ااا لا ده عشان أنا أقرب واحد ليها. وباباها كان مزعلها ف أي حد يجيلها تقوله عايزة يوسف. الدكتور: طيب على أي حال متبعدش عنها.. لأن نفسيتها متدمرة فعلاً. الدكتور راح لباباها: البنت نفسيتها متدمرة جداً وده أدى لانهيار عصبي واغم عليها من قلة الأكل كمان. مامتها: طب والأكسجين.

الدكتور: مفيش أي حاجة تدل على إنها شربت الأكسجين. إحنا عملنالها فحص شامل.. بس أنصحكم متزعلوهاش خالص الفترة دي.. وحاولوا تخلوها راضية عن أي حاجة. خالد: حاضر يا دكتور. الدكتور: ممكن يوسف يدخلها.. لأنها عايزاه. أول ما يوسف دخل فيروز قامت من على السرير وجريت عليه وحضنته. يوسف: بس بس.. إيه الجري ده حد تعبان يجري كده. فيروز: بحبك أوي يا يوسف. يوسف: وهو انتي لو بتحبيني كنتي عملتي اللي عملتيه ده. فيروز: عملت إيه.

يوسف: الأكسجين.. عايزة تموتي. ده أنا كنت أموت قبلك. فيروز: أنا آسفة.. ملقتش حل تاني. بس أنا ملحقتش أخده والله.. أنا أول ما مسكت الإزازة وقعت على الأرض. هتسيبه ياخدني يا يوسف. يوسف: فيروز.. باباكي عايز مصلحتك.. تتجوزي محامي أحسن ما تتجوزي طباخ.

فيروز: ومين قالك إني بصيت للمهنة. وهو أنا لما حبيتك بصيت إنك بتشتغل في مطعم أو لأ. وأصلاً من قبلها أنا عارفة إنك في سياحة وفنادق.. ورغم كده حبيتك لأني مبصيتش لكده. أنا بصيت لإنسان بيحبني ومستعد يعمل أي حاجة عشاني. يوسف: بس سيف أحسن مني. هيعيشك عيشة راقية وتبعدي عن المنطقة اللي قاعدين فيها دي. فيروز: مش عايزة العيشة دي طول ما انت مش موجود. أنا كنت حاطة حاجات كتير في دماغي لجوازنا.. مش عايزاهم. أنا عايزاك انت يا يوسف.

يوسف: انتي تعبانة دلوقتي.. ارتاحي وكمان سيف بره. فيروز شالت المحاليل اللي متوصلة بأيديها وكانت بتقوم من السرير بس يوسف مسك إيديها. يوسف: انتي عبيطة بتعملي إيه. فيروز: ابعد عني.. ابعد عني يا يوسف. انت اتخليت عني. أنا واقفة في وشهم وانت اتخليت عني. عايزني اتجوزه. يوسف: يا فيروز. فيروز: بس بقى.. بلا فيروز بلا زفت. انت عايزني ولا لأ. ماهو أنا مش هرمي نفسي عليك أكتر من كده. يوسف مسك إيديها: يا حبيبتي.. ا.

فيروز شدت إيديها: أنا مش حبيبتك لحد ما تقولي عايزني ولا لأ. يوسف: عايزك بس. فيروز: مفيش بس. عايزني يبقى هنتجوز. يوسف: طب وباباكي. فيروز: بابا. يوسف: فيروز مفيش حل. فيروز: لا هنقف قدامه.. لحد ما نتجوز. يوسف: لا يا فيروز.. انتي ممكن يجرالك حاجة من المناهدة دي. فيروز: أنا هيجرالي حاجة لو متجوزتكش. يوسف: لا مش هيحصل حاجة. هتعيشي حياتك.. وهتتجوزي وهتخلفي كمان وهيبقى عندك أولاد حلوين شبهك. فيروز: تقصد إيه.

يوسف: اتجوزيه يا فيروز. فيروز بصدمة مع وجع شديد في قلبها: اااتجوزه. يوسف: آه. فيروز: انت... طب هو... انسى. ده رأيك. يوسف:....... آه. فيروز: طيب.. حالياً مفيش حاجة بتربطنا ببعض. اطلع بره ونادي على خطيبي وبابا بعد إذنك. يوسف: فيروز.. أنا قلبي اتك. فيروز: قلبك. هو انت عندك قلب بيحس زينا كده. لو عندك مكنتش هتقول اتجوزيه. يوسف: عايز أطلب منك طلب. فيروز: افندم. يوسف: حضن أخير. فيروز

بصتله بوجع وهي بتعيط: كان في إيدك الحضن ده.. وانت اتخليت عنه. عايزاه تاني ليه. اطلع بره. يوسف مسك إيديها بالعافية وحضنها وهي بتحاول تبعد عنه بس استسلمت وعيطت في حضنه. يوسف: بحب. فيروز بعياط: قولها يا يوسف. ومستعدة أنسى أي حاجة قولتها. يوسف بيعيط: سلام. فيروز: يوسف استنى. يوسف. (بأنهيار) استنى يا يوسف. يوسف: عمي.. فيروز عايزاك انت وسيف. خالد معلش لحظة. خالد: نعم.

يوسف حضنه وقعد يعيط: أنا غبي.. غبي. أنا سيبتهاله. كنت بديها أمل بس سيبتهاله. خالد: اهدى يا يوسف. أنا عارف إنك بتحبها. يوسف بعياط: وإيه الفايدة. بحبها وهتتجوز غيري. خالد: خلاص يا يوسف كل ده عياط. اهدى يا ابني. يوسف قام من على الأرض وبص لخالد بدموع: متنساش تعزمني على الفرح يا خالد. خالد: يوسف متكسرش نفسك كده عشان خاطري. يوسف: نفسي أنا كسرتها بإيدي واهي جوه هتتجوز غيري. سلام. خالد: استنى هاجي أوصلك. يوسف: خليك معاها.

عند فيروز. فيروز: أنا موافقة يا بابا. راضي: على إيه يا بنتي. فيروز: هتجوز سيف. راضي وسيف: ألف مبروك. سيف: عمي الخطوبة بعد بكرة تكون العروسة شدت حيلها. راضي: طب ما تخليها الأسبوع الجاي. سيف: لا لا.. بعد بكرة أنا مظبط كل حاجة. راضي: ماشي يا ابني اللي يريحك. يوم الخطوبة عدى وفيروز قدمت في جامعة القاهرة طب أسنان. وعدى سنتين. سيف: عمي أنا عايز فيروز تيجي معايا. راضي: فين.

سيف: إسكندرية. أنا شايف إن بقالها كتير مبتخرجش. ف عايز أخرجها خروجة حلوة. فيروز: بس أنا مش عايزة أخرج. راضي: ليه. روحي مع خطيبك يومين وارجعوا. فيروز استغربت: لما نتجوز هبقى أسافر معاه. راضي: ومفيهاش حاجة لما تتفسحوا مع بعض. هتسافروا إمتى. سيف: النهاردة بليل. راضي: قومي جهزي شنطتك. أول ما وصلوا إسكندرية. سيف: تعالي أنا حجزت شاليه على البحر لينا احنا الاتنين بس. فيروز: ليه احنا بس.

سيف: عشان تبقي براحتك. ومش هنضطر نخرج برة كل حاجة هتجيلنا. بس الأكل هننزل المطعم اللي تبع الشاليه. فيروز: قولي إيه أخبار الشقة. سيف: لسه بدور. فيروز: انت معاك كام للشقة. سيف: 250 ألف. فيروز: وهتلاقي شقة بـ 250 ألف. سيف: إنشاء الله. متستعجليش. فيروز: طيب أنا جعانة. سيف: تعالي ننزل ناكل وبعدين نروح على البحر. فيروز: ماشي. وهما قاعدين بياكلوا. سيف: عاش من شافك. سيف قام حضنه: يوسف.. عامل إيه يا اسطا كده متجيش الخطوبة.

يوسف: معلش كنت سافرت. إزيك يا فيروز. فيروز: الحمد لله. انت إيه أخبارك. يوسف: الحمد لله. سيف: انت بتعمل إيه هنا. يوسف: أنا... أنا صاحب الشاليه والمطعم. سيف: بسم الله ما شاء الله. يوسف: عندي مطعم وشاليه في شرم برضو. سيف: ربنا يزيدك. يوسف: الله يخليك. انتوا اتجوزتوا ولا لسه. سيف: لا ل. فيروز: حبيبي أنا شبعت. هتطلع معايا ولا لأ. سيف باستغراب: حب... لا تعالي هطلع معاكي. فيروز: يلا يا روحي. بعد إذنك. يوسف: اتفضلوا.

سيف: عازمكوا على الغدا ها هنا في نفس المكان. سيف: تمام ماشي. يوسف: احلوت بنت عم راضي. فيروز سابت إيده: أوعى كده. سيف: الله.. كش من شوية حبيبي وروحي. فيروز: سيف.. انت عارف كويس إني بكره يوسف. مش عايزك تقلل مننا قدامه فاهم. سيف: طيب. على الغدا. فيروز لابسة فستان سهرة بكم لونه نبيتي وطرحة بيضا وجزمة بيضا وحاطة روج نبيتي مع شوية ميك أب تاني بسيط. فيروز: هو فين سي زفت ده. سيف: مش هو اللي واقف هناك ده.

فيروز بصت شافت ولد وبنت: لا مش هو. سيف: والله هو. فيروز: مش هو. يوسف مكنش معاه بنات لما قابلناه. سيف: طب استنى. يووووسف. يوسف شاورله وجالهم: أعرفكم يا جماعة.. شذا حبيبتي. سيف وفيروز. (شذا كانت لابسة فستان أسود فيه لمعة بسيطة ومفتوح من الجنب لحد ركبتها وفاردة شعرها الأسود ولابسة كوليه باين إنه ماس وحاطة ميك أب خفيف) شذا: آه آه طبعاً عارفاها. يوسف أول ما قابلته مكنش بيبطل حكاوى عنك. فيروز: عني أنا.

يوسف: احم احم. شذا فيروز وسيف مخطوبين. شذا: طب مش هناكل يا روحي. أنا جعانة. بص هات إيدك (بتحط إيده على معدتها) يوسف: يا لهوي لازم ناكل فوراً. اطلبوا يا جماعة اطلبوا. تعالي نطلب أنا وانتي بقى. شذا ضحكت بكسوف: يوسف.. مش قدامهم كده. يوسف: عادي يا شذا. عندكم مانع لو بوستها. سيف: إيه. يوسف: عندكم مانع لو بوستها. سيف: لا لا خالص. يوسف: شوفتي تعالي بقى (بيداري وشهم بالمنيو) سيف: أنا هطلب آيس كريم الفراولة. شذا: وأنا كمان.

يوسف وفيروز مع بعض: وأنا أوريو. يوسف وفيروز بصوا لبعض وقالوا: خلاص ميلك شيك. يوسف: مش عايز. فيروز: هاتلي عصير فراولة. يوسف قرب من الجارسون: هات اتنين سبانيش لاتيه. الجارسون: حاضر يا فندم. فيروز: انتوا اتعرفتوا على بعض إزاي. شذا: في شرم. كنت لسه واصلة شرم. لقيته جايلى وعرض إنه يوصلني واتعرفنا في الطريق. واخدت رقمه. وبعد كده حبينا بعض. سيف: ومش ناويين تتجوزوا.

يوسف: مش دلوقتي. إحنا اتفقنا هنلف العالم كله سوا. ولما نرجع مصر تاني هنتجوز. شذا: فاكر سفرية لندن يا چوو. كانت جامدة. يوسف: لا أنا فاكر سفرية باريس وليالي باريس. شذا: چوو. يوسف: معلش اندمجت. سيف: معلش يا جماعة أنا نسيت موبايلي فوق هجيبه وأجي. يوسف: براحتك. شذا: وأنا هكلم مامتي أقولها على حاجة ضروري وارجعلكوا. يوسف: هتوحشيني. شذا ابتسمت ومشيت. فيروز قامت ووقفت على البحر. يوسف قام وقف جنبها: عاملة إيه.

فيروز: الحمد لله. يوسف: أخبار الكلية إيه. فيروز: كل حاجة تمام. يوسف: طب كويس. بس ممكن طلب. فيروز وهي باصة قدامها: اتفضل. اتفاجأت بيوسف وقف قدامها ومسح الروج بتاعها بمنديل: الروج تقيل. مش مناسب لبنت محجبة. فيروز: ابعد عني. شوف شذا عاملة إيه في نفسها وبعد كده تكلمني. وبعدين أصلاً انت إزاي تكلمني كده. يوسف: بعيداً عن أي حاجة قولتيها. وحشتيني. فيروز بصتله بوجع: وحشتك. مش عيب تقول كده وانت مرتبط وأنا كمان مخطوبة لصاحبك.

يوسف: أنا بحب شذا. فيروز: والله مسألتكش بتحبها ولا لأ. يوسف: فيروز.. انتي لسه بتحبيني. فيروز فكرت وبصتله: بحبك.