رواية شغف الغرام الفصل الخامس عشر 15 - بقلم همس كاتبه

زين ناحيتها وحملها. غرام بخضة: أعاااا لا نزلني. زين: لا. غرام: زين سيبني امشي، عيب كده قدام العيلة. زين: قولت لا، انتي مراتي وممنوع تنزلي على السلم لوحدك ولا تتحركي كتير. غرام بضحك: إحنا هنبقى مسخرة يا زين وهيبقى شكلي وحش أوي قدام جدو. زين: لا متقلقيش. غرام بتوتر: طب خد بالك. حملها زين واتجه إلى الأسفل تحت أنظار كل العائلة. رباب: وه يا زين حامل البت كده ليه؟ عطر بضحك: وإنتي إيه حشرك بينهم، سيبي العيال براحتهم.

ملاك بابتسامة: ابقوا طمنونا على النونو. ليث: الو مين معايا؟ أسماء: مش فاكر. ليث: صوتيلي. ليث ببرود: لا مين معايا؟ أسماء: أنا أسماء. ليث بحدة: وإنتي عايزة إيه؟ أسماء: عايزة أعزمك على فرحي. ليث بضحكة ساخرة: أخيرًا لقيتي مين يلمك. أسماء: ليث أنا مش عايزاه، أنا عايزك إنت، أرجوك يا ليث أنا بحبك.

ليث بغضب: حبّتك عقربة، بصي يا بنت الناس أنا قولتلك مليون مرة ابعدي عن طريقي وإنتي لازقة، بقولك إيه قسماً بالله لو ما بعدتي عني لأفضحك وسط الخلق وأبعت تسجيلات المكالمات لأبوكي، وقتها متلوميش غير نفسك، قولتلك سيبيني بحالي، أنا دلوقتي خاطب هند و بحبها وهتجوزها، إنتي فاهمة؟ أسماء بدموع: هتتجوز المعفنة هند؟ ليث بغضب: اخرسي، دي أنضف منك، روحي دوري لك على حد يلمك وارمي بلاكي بعيد عني، سلام. وقفل بوشه. بعد فترة.

رباب: بت يا ملاك روحي مع عطر واختاري فستان الفرح. ملاك بابتسامة: حاضر يا عمتو. عطر: رباب قالت عايزة تزورك بعد شوية ويمكن تجيب معاها بدرية. رباب: ماشي يا عطر، قولي لام هند تحضر ضيافة قد المقام. عطر: قلتلها، هروح أشوف فريد وبعدها أروح معاكي عشان الفستان. عند الدكتورة. كانت حاطة جهاز على بطن غرام وبتبص للشاشة. الدكتورة: ما شاء الله يا غرام، في تحسن كبير في حالتك، واضح إنك التزمتي وماشية صح.

غرام بسعادة: آه والله يا دكتورة، وبعدين زين ما سابنيش خالص. الدكتورة: ربنا يخليكم لبعض. زين: مش هنعرف جنس البيبي؟ أعتقد فات عليه وقت مناسب. الدكتورة: والله صعب، هي لسه بأول الرابع، بس عندي لكم خبر حلو. غرام بلهفة: إيه؟ الدكتورة بابتسامة: إنتي حامل بتوأم. غرام بصدمة: بجد؟ زين بسعادة: طب إزاي، أنا مش شايف حاجة. الدكتورة: بص هنا في كيسين، كل كيس بيكون فيه جنين. قعدت تشرحله وتوريه. الدكتورة: تحبوا تسمعوا دقات قلبهم؟

غرام وزين بلهفة: طبعاً. رباب: يا ألف أهلاً وسهلاً بالست خديجة والست بدرية. بدرية: يا هلا بيكي يا ست رباب، والله ليكي وحشة. رباب: تسلمي يا حبيبتي، اتفضلوا اتفضلوا، البيت بيتكم. نزلت ملاك. ملاك بابتسامة: السلام عليكم، عمتو هروح أنا مع هند وبعدين هتيجي طنط عطر تلحقني. رباب بابتسامة: ماشي يا بتي، ربنا معاكي. ونظرت للنساء وقالت: دي ملاك، بنت أخويا رفاعي، أخت زين وليث، وهتتجوز ابني معتز.

خديجة: ما شاء الله، البت زينة يا رباب، زين ما اخترتي. بدرية: بس أنا كنت فاكرة إن العروسة بنت فريد مش بنت رفاعي. رباب: لا يبقى اللي وصلكم الأخبار غلطان يا حبيبتي، أصل فرح حبيبتي طول وقتها مسافرة تدرس بره مصر، هي جت قعدت كام يوم وبعدها سافرت كمان. بدرية: أيوه والله يمكن. خديجة بخفوت: بقولك إيه يا ست رباب. رباب باستغراب: إيوه. خديجة: بس سايق عليكي النبي ما تزعلي مني باللي هقوله. رباب: قولي يا ولية، قطعتي نفسي.

خديجة: هو صح بنت الشغالة اللي عندكم حبلى من ابن رفاعي وعايزين تجوزوهم عشان تسترو على البت؟ رباب بشهقة: إنتي بتقولي إيه يا ولية يا خرفانة، جايبة الكلام ده منين؟ انطقي. بدرية: مالك يا ست رباب، اهدي، ده كل البلد بتتحدت بالموضوع ده. رباب بغضب: مين اللي قالكم؟ انطقي وأنا هربيه. خديجة: البت أسماء صاحبة غرام لاقتني في الشارع وقالت لي، وقالت لكل الحتة. رباب بصدمة: أسمااااء؟

دي بت ناقصة وكانت بتلف على ليث ابن أخويا، ولما هو رفضها طلعت الكلام ده، وبعدين ليث عايز البت هند وهي أصلاً ما وافقتش لغاية دلوقتي، مش ابننا اللي يعمل حركات ناقصة ويعيش بالحرام يا ست خديجة ويا ست بدرية. بدرية: والنبي ما تزعلي مننا يا ست رباب، والله ما كنا نعرف إن البت أسماء عملت كده عشان عينها منه. رباب: حصل خير، والبت أسماء دي حسابها معايا بعدين، الفاجرة بتتكلم في أعراض الناس. شريف: فرح تعالي المسلسل هيبتدي.

فرح: جيت أهو. فجأة دلفت رتاج بدون ما تخبط. رتاج: مش هتصدق يا شريف شوفت مين النهاردة. نظرت لها فرح بضيق شديد. شريف: أهلاً رتاج، شوفتي مين؟ رتاج بعبوس: أول مرة تقولي رتاج مش ريري. شريف ضحك: مش مركز بقالي مدة. وبدأت رتاج بالحديث مع شريف وكل شوية تنقل نظرها لفرح كأنها بتوصلها رسالة، واندَمَج شريف معها بالكلام ونسي وجود فرح تماماً، حتى إنها راحت للمطبخ، بس هو محسش عليها. رتاج: هقوم أعمل نسكافيه. شريف: ماشى.

قال باستغراب: إيه ده، فرح راحت فين؟ رتاج: هشوفها لك حالاً. دلفت المطبخ ونظرت إلى فرح من فوق لتحت وحست بالغيرة منها. فرح كانت بتحضر كوباية لبن. رتاج: فرح ممكن تعملي اتنين نسكافيه؟ فرح: ليه اتنين؟ رتاج: ليا ولشريف عشان هنقعد نتكلم وهنسهر للصبح مع بعض. فرح بجدية: رتاج أعتقد إنتي دكتورة وفاهمة إنه شريف ممنوع يشرب المنبهات، أنا عملت له كوباية لبن هيشربها، وبعدين كمان ممنوع السهر، إنتي ناسيه إنه عنده جلسة علاج بكرة.

رتاج نظرت لفرح بصدمة: إيه ده، إيه ده، وإنتي بقى ليه بتهتمي بالتفاصيل بتاعته؟ فرح: عشان شريف يهمني أوى. رتاج: بس متنسيش إني الدكتورة بتاعته وكمان صاحبته المقربة. فرح بابتسامة جانبية: عمرك ما هتكوني مقربة زيي لشريف. وذهبت وهي تطقطق بكعبها وأعطته الكوباية. ملاك: غرام ها، قوليلي حددتوا جنس البيبي؟ غرام بسعادة: لا، بس الدكتورة قالت إنهم توأم. زين: غرام لازم تهتمي بنفسك كويس يا حبيبتي.

ملاك بحماس: بصي لو كانوا ولد وبنت هتسمي البنوتة على اسمي. هند: ولو كانوا بنتين هتسميهم ملاك وهند. ليث: الولد على اسمي. رباب: ولو كانوا ولدين هنسميهم على اسم المرحومين أخواتي رفاعي وياسر. غرام بصدمة: إيه ده، أنا مش هسمي على اسم حد، هشاور أنا وجوزي ونسمي اللي يعجبنا، بس نعرف جنسهم إيه الأول، هروح أطمن على ماما أنا. زين: تعالي يا حبيبتي، هروح معاكي. اليوم التالي ( فرح معتز وملاك )

ملاك بدموع: مش هلبس الفستان ومش هتجوزه، ودي آخر كلام عندي. غرام بصدمة: لا، بصي، أنا حامل ومش فاضية لهرموناتك دي، كفاية عليا هرموناتي. هند: عادي يا ملاك، انزلي قولي لزين مش عايزة معتز وخلاص، يطير منك للأبد. ملاك بخوف: لا، لا، أنا بحبه بس خايفة. هند بضحك: يا بنتي مش هيقرب لك، هترجعي لأوضتك، هم ساعتين زمن نرقص تحت وبعدين ترجعي تعيشي حياتك طبيعي. ملاك: أمري لله، بس يا رب ما اتكعبلش بالفستان المصيبة ده. بعد ساعات.

نزل زين ماسك بإيد ملاك، وصلها عند المأذون، وتم كتب الكتاب. وبدأت أجواء الاحتفال والرقص، وطول الوقت معتز بيبص لملاك بإعجاب واستغراب شديد. مر الوقت سريعاً وصعدت ملاك لأوضتها وخلعت الفستان ولبست بجامة توم وجيري. هند بضحك: ههه، هو في عروسة تلبس كده يا بنتي؟ ملاك بضحك هي الأخرى: شوفتيش. هند بغمزة: معتز كان طاير عقله فيكي طول الوقت بيبص لك. ملاك بخجل: بجَد؟

هند: آه والله، ملاك معتز هيحبك صدقيني، محدش كان متوقع إن زين وغرام يحبوا بعض، وأهو لما تبصي لهم هتحسي إنهم بيعشقوا بعض من سنين، أنا حاسة إنه هيحبك. ملاك: يسمع من بوقك ربنا، المهم قوليلي إنتي مش بتحبي ليث؟ هند ببحة: بحبه. ملاك: طب ليه ما توافقيه؟ هند: عشان هو جرحني أوي يا ملاك، خايفة لو وافقت يفضل يجرحني على طول. ملاك: ده قرارك، بس لازم تفكري كويس. زين: بحبك. غرام بخجل: وأنا كمان. زين: غرامي إنتي وحشتيني أوي.

غرام بدلع: منا معاك أهو. وحضنها بقوة وقال: حتى وإنتي معايا بتوحشيني، أنا أول مرة بحياتي أحب بجد يا غرامي، أول مرة أحس الإحساس ده. غرام بدموع: وأنا كمان، أول ما فتحت ع الدنيا أبويا قالي إنتي لزين وزين ليك. زين: غرام ممكن أسألك سؤال؟ غرام: آه طبعاً يا حبيبي. زين: هو إنتي ليه طلبتي من نعمان البواب يهرب لما جدي غصبك عليه؟ غرام: عشان هو كان بيحب بنت تانية وأنا أصلاً مش عايزاه، فقولت له يهرب عشانها.

زين: طب ممكن أعترف لك بحاجة؟ غرام باستغراب: آه.