رواية شغف الغرام الفصل الثالث 3 - بقلم همس كاتبه

قالت بصوت مبحوح: ازيك يا… زين بابتسامة جانبية تدل على السخرية: يا إيه؟ غرام بتلقائية: يا ابن عمي. زين بسخرية: وجوزك. غرام لجدها: بعد إذنك يا جدو، ممكن أروح أنام عند خالتي عطر النهاردة؟ رباب: وه يا بت، جوزك جه النهاردة من السفر، لازم تقعدي وياه. الجد إسماعيل: أنا مليش كلمة عليكي يا بتي، خودي إذن جوزك. نظرت غرام لزين بتوتر. بادلها زين النظر بنظرات ساخرة. غرام: احم، عن إذنكم هطلع أغير هدومي. الجد: غرام، الفرح الخميس ده.

غرام بصدمة: إيه؟ الجد: لازم البلد كلها تعرف بجوازكم، بقالكم سنتين كاتبين الكتاب، كفاية. زين بنظرات ذات مغزى لغرام: وأنا موافق. نظرت له غرام باستحقار شديد. غرام: عن إذنكم، عندي لايف. وصعدت لأعلى. نظرت فرح باتجاهها بسخرية: لايف إيه ده؟ رباب: إنتي متعرفيش إن البت غرام مشهورة وعندها فولورز كتير أوي. معتز بضحك: ياما اسمها فولورز مش فورورز، يعني متابعين، اتكلمي عربي أحسن. رباب: وأنا إيه فهمني بالحاجات دي، الله.

أتت أم هند من المطبخ مسرعة. أم هند: هند حببتي، ازيك يا قلب أمك. هند بابتسامة واسعة: أنا كويسة يماما، إنتي عاملة إيه؟ وحشني أوي. نظرت أم هند لابنتها: أنا كويسة يا حبيبتي. ملاك: مش انتي اسمك ريما؟ إزاي انتي هند؟ أنا مش فاهمة. هند: أصل إنتي متعرفيش حاجة، أنا اسمي هند بس بابا بيقولي "ريما" على اسم الست اللي بيحبها و خان ماما معاها، وبعدين طلق ماما واتجوزها. أم هند بنظرات نارية: بس يا بت، اكتمي. ليث بضحك: دي فضحت العيلة.

ملاك بضحك أيضاً: دي مصيبة. صعدت غرام لأعلى ودلفت أوضة مامتها. غرام بدموع: ماما، إنتي كويسة؟ نعمة: مالك يا بنتي؟ غرام بدموع: زين هنا. نعمة بسعادة: رجعلك. غرام ببحة: لا، ده رجع عشان جدو مش عشاني، هو مش بيحبني ياما ولا أنا بحبه، بس إنتي عارفة الحق عليا من الأول. نعمة بتعب: ليه بس يا بنتي؟

غرام بدموع: عشان قبلت بوضع زي ده، عشان أنا اللي طلبت من العريس يهرب ويروح يتجوز حبيبته، مكنتش عارفة إني هدبس نفسي وكمان زين بالجوازة دي. نعمة: متقوليش كده يا بتي، إنتي جمعتي بين قلبين بيحبوا بعض ومكسرتيش بخاطر بت كانت هتقضي عمرها حزينة عشان حبيبها اتجوز غيرها، إنتي فضلتِ سعادة غيرك على نفسك، ودي أكيد ربنا شايلهالك للمستقبل أو يمكن للأخرة.

غرام: بس أنا يماما من حقي أعيش حياتي مع إنسان أحبه ويحبني، أنا بقالي سنتين متعلقة لا طايلة أبيض ولا أسود. نعمة: اصبري يا بت بطني، اصبري. غرام مسحت دموعها: ده وقت دواكي. نعمة: هاتيه يا حبيبتي. في أوضة رباب. كانت ملاك تمشي وسمعت حديثها. رباب: مش عايز تتجوز يا معتز؟ معتز بعلامات حزن على وشه: عايز يما. رباب بسعادة: مين؟ معتز: بفكر أخطب فرح. رباب بخضة: يا مصيبتي!

عايز بنت صفية، لا والختمة الشريفة ما أنت متجوزها إلا على جثتي. معتز: ليه كده يما؟ رباب: مستحيل أجوزك بنت صفية دي نسخة من أمها. معتز بعبوس: طيب يما، زي ما إنتي عايزة، اختاري على ذوقك. رباب بحزن: إن كان عليا أنا يا ابني، كنت عايزالك غرام قطعة سكر تذوب في القلب، بس أعمل إيه. أنا عارفة إنك كنت عايزها، بس ده نصيب. معتز بحزن: مش نصيبي يما، ربنا يهني زين فيها.

رباب بسخرية: هو مقدر، يا عيني عليكي يا بتي، بقالها سنتين مكتوبة ليه بس هو مش عارف قيمتها. معتز: أنا طالع يما، عايزة حاجة؟ رباب: سلامتك يا حبيبي. ملاك: احم، معتز. نظر لها معتز ببرود وقال: إبيه، اسمي إبيه معتز، إنتي ناسيه قد إيه في فرق سن بينا. ملاك برفعة حاجب: بس فرح مش بتقولك إبيه. معتز: ملكيش دعوة، كنتي عايزة إيه؟ ملاك برقة: كنت عايزة أزاكرلي إنجليزي. معتز: مش فاضي.

ملاك بدموع: والنبي يا إبيه، أنا لازم أصور فيديو وأتكلم فيه بالانجليزي عشان الجامعة. معتز: خلاص خلاص، شوية وهاجي. ملاك برقة: أوعك تتأخر، تعال لأوضتي عشان البيت فيه ناس كتير. معتز: ماشي. ذهبت دهب من أمامها وهي نظرت له بمكر. ملاك بمكر: ملاك العبيطة ماتت، هتشوفوا ملاك القوية دلوقتي. وذهبت للمطبخ. ملاك: طنط. أم هند: ها يا حبيبتي. ملاك: ممكن تعمليلي كوباية شاي وتجيبيها لأوضي عشان حاسة إني تعبانة خالص.

أم هند: حاضر يا حبيبتي. ذهبت غرام لأوضتها وخرجت للبلكونة. نظرت أمامها رأت زين يقف في الحديقة وبجانبه فرح، وتقرب منه بهدوء لحد ما بقت المسافة بينهم معدومة. شافت المنظر ودلفت لأوضتها وهي تشتعل من نيران الغيرة. زين بغضب: دفعها. فرح إيه الجنان ده؟ فرح: زين، أنا بحبك أوي. زين بجنون: فرح روحي من هنا، إنتي ناسيه إني متجوز. فرح بدموع: بس إنت مغصوب عليها ومش بتحبها، وبقالك سنتين سايبها كده.

زين بنظرات نارية: مين قالك إني مش بحبها؟ بالعكس أنا بحبها وأنا اللي طلبت من جدي يجوزهالي، وعلى فكرة أنا سبتها كل الوقت ده عشان تكبر شوية لأني مش عايز أحرمها من طفولتها. كانت هند تراقبهم من بعيد بابتسامة غبية. أما فرح انسكبت الدموع من عينيها وبكت بقوة ثم ذهبت من أمامه. أتى ليث بعدما ذهبت. ليث بضحك: هو الكلام ده بجد؟ زين بسخرية: لأ طبعاً، هي مين دي غرام اللي أبصلها، بس قولت كده عشان فرح متحلّمش كتير.

ليث بضحك: يا عم يا تقيل يا معذب قلوب العذارى. زين: خليك إنت بالمزة بتاعتك. ليث باستغراب: قصدك مين؟ زين بسخرية: هند بنت الشغالة. ليث وكأنه لدغته عقرب: أعوذ بالله، دي أبصلها دي، يا نهار أسود. وهرب مسرعاً من أمام زين. رباب: لمين الشاي ده يا أم هند؟ أم هند: لملاك هانم، بتقولي تعبانة وعايزة كوباية شاي. رباب: يا مصيبتي، هاتي من يدك أنا هوديهالها وأطمن عليها كمان. أم هند: اتفضلي يا ست هانم. دلف معتز أوضة ملاك.

بس هي كانت بالحمام. خرجت بعدما تأكدت من دخوله. كانت ترتدي روب الحمام وكان قصير جداً وكاشف أغلب تفاصيل جسمها وفاردة شعرها المبلول. خرجت وقالت برقة: إنت جيت يا معتز. معتز لف وقال بغضب: قولنا إبيه… ثم أكمل بصدمة: إيه ده؟ واستدار للخلف مرة أخرى. معتز بغضب: روحي استري نفسك بسرعة. قربت ملاك منه ولفت ناحية وجهه ولفت يديها حوالين رقبته. قالت بعشق: أنا بحبك يا معتز. بالوقت ده كانت رباب واقفة ع الباب وشافت شكلهم مع بعض.

رباب بصدمة: معتز… إيه ده؟ معتز بغضب: قولي للـ **** دي تستر نفسها. وخرج غاضباً. ملاك انصدمت من وجود رباب، بس كملت ببراءة: ما تفهميش غلط يا عمتو، ده كان… رباب بغضب: بس، مش عايزة أسمع منك كلمة، أنا عارفة ابني كويس، ألاعيبك دي متمشيش عليا، إنتي فاهمة؟ غوري استري نفسك يلا، وحسك عينك حد يعرف باللي حصل. وخرجت من الأوضة. ملاك بغضب: يوووه، إنتي إيه اللي جابك يا بومة، ما كله كان ماشي تمام.

شاهد زين معتز واقفاً وبينفث الدخان بقمة غضبه. زين: مالك يا معتز؟ في حاجة؟ معتز: لا مفيش، إنت مالك؟ زين ببرود: ولا حاجة. معتز بهدوء: زين، غرام بنت كويسة، حافظ عليها وما تضيعهاش من إيديك. زين باستغراب: ليه بتقول كده؟ معتز: عشان إنت مش مقدر اللي عندك، غرام أخلاقها عالية أوي، وهادية وكمان حلوة، متسيبهاش تروح لحد غيرك. زين بغضب: ما تعدل كلامك يا معتز، حد غيري مين؟ دي مراتي واللي يفكر يقرب منها هسيح دمه.

معتز برفعة حاجب: يا سلام. صفية: إنتي إيه اللي جابك هنا يا عطر هانم؟ عطر: جاية أزور أختي، عندك مانع؟ صفية: لا، بس أختك كويسة، اتكلي على الله. صوت فريد من وراها بغضب: صفية، خشي جوة. صفية: يوه، وإنت إيه اللي حشرك بين الستات. فريد نظر لعطر بعشق وقال: ازيك يا عطر هانم. عطر بسعادة: الحمد لله. رباب بسعادة: يا ألف مرحب بعطر، أهلاً يا حبيبتي، تعالي تعالي، دي غرام هتفرح أوي. في أوضة غرام دلفت هند مسرعة. غرام بصدمة: إيه فيه؟

هند: عايزة أتكلم معاكي. غرام باستغراب: إنتي هند صح؟ هند: آه. غرام نظرت لها من فوق لتحت باستغراب: وعايزة إيه؟ هند: بصي، أنا حاسة إنك أحسن بنت في البيت ده وعايزة أتكلم معاكي كلام مهم. غرام بابتسامة: قولي يا هند، أنا سامعاكي. هند: …………… غرام بصدمة: إيه………….