رواية شغف الصقر الفصل الحادي والعشرون 21 - بقلم موني

الصبح الكل صاحي وغيروا هدومهم ولابسوا ترنجات بيتي ونزلوا عشان يفطروا مع أهلهم ويدعوهم على السفر. الجد محمد: صقر خلاص فطر أنت والشباب وحصلوني على المكتب. أنتم كمان. كان بيواجه كلامه لعياله ورعد. وقام بعد شوي. خبطوا الباب على جدهم ودخلوا. صقر باحترام: أمر يا جدي.

الجد محمد: إحنا مسافرين دلوقتي. مش عاوز أي مشاكل تحصل. صقر أنت اللي مسؤول عن الكل. إحنا هنقعد أسبوع. ياريت محدش فيكم يقصر لا في جامعة ولا في شغل. البنات في عينكم وطالبتهم كلها موجبة. مفهوم؟ الشباب: مفهوم يا جدي. الجد محمد قام ووقف وسط الشباب: أنا عارف إنكم معشتوش معايا كتير. ويدوبك بقالنا مع بعض سنة وكام شهر وبس. والله كلكم في غلوة واحدة. محدش أغلى من التاني. فاهمين؟ صقر باس إيده بحب: فاهمين يا جدي.

والشباب عملوا زيه. رعد وأحمد وإخواته بصوا بحب. صقر اتكلم: عمي أسامة صالح جاي إمتى؟ أسامة: كمان ساعتين. صقر: تمام. وخرجوا لاقوا الستات خلصوا والبنات واقفين يودعهم. قربوا منهم وحضنوهم. شغف حضنت أحمد: عشان خاطري متسبنيش. أنا قلبي وجعني ومقبوض أوي عليك. أحمد: إيه بس يا شوشو، إحنا كويسين. بعدين ده هو أسبوع واحد. خدها صقر من حضنه وحضنها هو: تروحوا وترجعوا بالسلامة يا خالة. تسريع الأحداث.

خرجوا واتقسموا على العربيات واتحركوا في اتجاه للصعيد (محافظة أسيوط) دخلوا الشباب القصر بعد ما العربيات اتحركت. لاقوا البنات قاعدين زعلانين. أحمد بضحك: وحدووو يا مطلقين؟ تمارا شهقت بخفة: يخربتك! مطلقين إيه؟ أنت بتفأول علينا ده إحنا لسه يدوبك متجوزين. أحمد بخضة من طريقتها: يلهوي دي هتاكلني. متشوف يا عم أنت. فهد راح عندها وحضنها: ملكش دعوة بمراتي يااض. صقر: ابعد يا حلو عنها. فهد: يا بني وربنا مراتي وربنا. صقر: هشششش.

وبص للبنات. "عد من واحد لخمسة وتكونوا طلعتوا. يا أم هغير رأي مفيش خروج." البنات بصوا لبعض بصدمة وطلعوا جري على فوق. محمد: إحنا هنخرج لي دلوقتي؟ صقر: هنفرفش. البنات كلهم بلا استثناء أول مرة يبعدوا عن أهلهم فا قلقانين. فا عشان كده هنقضي اليوم كله بره. يلا كل واحد يطلع أوضته يلبس. عبدالرحمن: أنا مش. أحمد: لي يا بني؟

عبدالرحمن: أولاً أنا سنجل. بأس على رأي البت تمارا. وكل واحد فيكم رايح مع مراته. وبعدين أنا ورايا مذاكرة وهستنى صالح. صقر: ماشي. يلا أنا طالع. تسريع الأحداث. طلع لابس ونزل هو وشغف ومنه. ولاقوا الكل نزل. كل واحد ركب عربيته ومراته جنبه. عربية صقر في المقدمة وباقي العربيات وراها. بعد وقت مش قليل ومش كبير. وصلت العربيات قدام يخت كبير وشكله تحفة ومتزين ومتجهز على أعلى مستوى. نزلوا من العربيات ووقفوا كلهم جنب صقر.

اتكلم صقر مع الشخص اللي كان مسؤول عن تجهيز اليخت وتزيينه. صقر: كله تمام؟ الشخص: تمام يا مستر صقر. وفي اتنين ويتر بس اللي استنوا عشان يبقوا في خدمة سيادتك. وهيبقوا في الدور اللي تحت يعتبر مالهمش اختلاط بيكم زي ما سيادتك طلبت. صقر: تمام. شكرا جدا. واتحرك الشخص هو والتيم بتاعه. صقر قلع النضارة بتاعته: إحنا هنقضي اليوم كله هنا. وعلى بليل هنروح الملاهي. البنات كلهم صرخوا واتنططوا من الفرحة. صقر لبس النضارة

واتحرك عشان يطلع اليخت: طب مفيش ملاهي عشان صوتك يعلى تاني. كويسين؟ اتحركوا وراه بسرعة. نسبهم ونروح مكان تاني. عند أحمد وهند ورعد ونها. لأنهم كانوا راكبين عربية واحدة. نها: هو لسه كتير؟ رعد: وهو سايق فاضل ساعتين. نامي لو عاوزة. هند: تفكروا الخطوة اللي خدناها دي صح؟ نها: قصدك إيه؟ أحمد وهو فاهم دماغ مراته: الناس مش بتسيب حد في حاله يا هند. وكده كده هيتكلموا. نها: متفهموني.

أحمد: هند قصدها يا نها إننا ماشيين هربانين زمان. إزاي نرجع دلوقتي عادي كده. والناس هتتكلم وكده. رعد: محدش ليه حاجة عندنا. وإحنا معملناش حاجة غلط. إحنا اتجوزنا على سنة الله ورسوله. كبري دماغك بقى. أحمد: انزل يا رعد خليني أسوق شوية. ونسبهم نروح مكان تاني أو بمعنى أصح عربية تانية. في عربية الحاج محمد وابنه هشام ومراته. هشام: مش شايف إنك استعجلت بأنك رجعت هند ونها على البلد مرة واحدة؟

محمد: لأن نها مغلطتش ولا هند. الاتنين اختاروا حياة صح. هشام: أنا قصدي عشان الناس في البلد وكده. محمد: عملنا إيه بالناس؟ كلام الناس بعدنا عن اختك وابن عمك واخته. حتى بنت عمك ماتت وهي بعيد عننا هي كمان. كفاية بقى. نسبهم ونروح القصر عند عبدالرحمن. كان قاعد في الجنينة بيذاكر وهو سرحان في ندي سكرتيرة صقر. خرج من سرحانه لما سمع صوت صالح. صالح: إيه واخد عقلك يا دكتور؟

قام عبدالرحمن من مكانه: أهلاً. حمد الله على السلامة يا برنس. حضنوا بعض. صالح: أمال فين الشباب؟ عبدالرحمن: راحوا يخرجوا البنات. بقولك اطلع غيري وانزل عاوز أحكيلك على حاجة وآخد رأيك. صالح وهو طالع: ماشيين. نسبهم ونروح عند الشباب. كانوا هيصوا على الآخر والشباب قرروا وينزلوا المياه. وصقر كان عامل حسابه وجاب هدوم زيادة ليهم. كانوا في المياه وبيعملوا سباق. وشغف بتصورهم. نسبهم ونروح الصعيد. بعد ساعتين كانوا واصلين كلهم.

بدأوا ينزلوا من العربيات. وطبعاً البلد كلها كانت بتستقبلهم لأنهم من أكبر الأعيان هناك. الحاج محمد وقف وسط ناس واتكلم: غبت عنكم سنة حصل فيها كتير. بس في الآخر رجعتلكم يا أهلي وناسي. بس مرجعتش لوحدي. رجعت وبالغالين بناتي وجوزهم. البلد كلها استغربت. لأن طبعاً اللي نها بالذات عملته زمان يعتبر عار إنها تهرب يوم فرحها. ومن مين؟ من ابن عمها. وأحمد وهند لأنهم هم اللي شجعوها. واحدة

من الناس اللي واقفين: سمحت الخطيئة يا كبير ولا كبير إيه؟ الناس كلها ضحكت. آه! قلم نزل على وشها. هناء: اخرسي بنتي أشرف منك. ودي ستك بنتي مغلطتش. ولا هي خطيئة؟ بنتي اتجوزت على سنة الله ورسوله. وعملت أحسن وأكبر عيلة. بقى عندها ولاد زي الورد. تيجي واحدة زيك متشتغلش عندها شغالة حتى تقول عليها كده. الحاج محمد بصوت عالي جدا: اسمعي يا بلد. اللي هيجيب سيرة حد من عيلتنا على لسانه، هقطعه. ويلا كل واحد على بيته.

وبعدهم الحرس من قدام الباب. ودخلت العيلة كلها البيت. دخلت نها اللي كانت منهارة من العياط وقعدت على أقرب كرسي. قعد رعد قدامها: إيه في إيه يا حبيبتي بس؟ سألت: لي الناس بتعمل كده؟ أنا أجرمت في إيه؟ أنا مكنتش هقدر أعيش مع عزت الله يرحمه. اتجوزت على سنة الله ورسوله. عملت إيه أنا؟ حضنتها. محمود: وغلوتك عندي. اللي هيجيب اسمك على لسانه، موتوا على إيده. فضلوا بيهدوا في نها شوية.

نسبهم ونروح للشباب. قضوا يومهم وخلصوا وراحوا الملاهي. لعبوا وهزروا وضحكوا وخلصوا ورجعوا البيت. وكان يعتبر من أجمل أيام حياتهم. 🤍 وتعالوا نجري بالأحداث شوية. وعدى 5 شهور على أبطالنا 🤍 في جناح شغف وصقر. ضمها رجلها لصدرها وباصة للفراغ ودموعها نازلة. دخل عليها صقر وقعد جنبها. صقر: كفاية يا شغف بق. كده حرام. على الأقل مش عشانك بس عشان اللي في بطنك كمان. شغف: فراقهم صعب أوي يا صقر. أنا انكسرت.

صقر: مش لوحدك. فراقهم صعب على الكل يا قلبي. بس دي إرادة ربنا. هنعترض؟ يبقى ندعيلهم أحسن. شغف بدموع: آآآه ياررررب 😭😭 حضنها صقر ودموعه نزلت وافتكر أوحش يوم في عمره. 🤍 فلاش باك 🤍🎬 في القصر بعد ما عدى أسبوع. محصلش فيه حاجات مهمة أوي لا هنا ولا هنا. وانهاردة آخر يوم في الأسبوع. المفروض إن أهلهم هيوصلوا بكرة. رجع صقر من الشركة هو والشباب. قاعد أحمد على أول كرسي. أحمد: كان مالي ومال الشغل أنا. الكل ضحك عليها.

صقر: دادة يا دادة. الدادة جات: أيوا يا بني. صقر: معلش يا دادة. طلعي الشنطة دي فوق. وشغف فين والبنات؟ الدادة: البنات في المطبخ ومنه معاهم. صقر: ماشي يا دادة. وبص للشباب. صقر: تعالوا نشوفهم بيعملوا إيه. واتحركوا. لاقوهم مشغلين أغاني وبيرقصوا وبيعملوا أكل وحلويات. مكنوش واخدين بالهم منهم. منه: بابي. ونزلتها شغف من على الرخامة وجريت على صقر. حضنها. صقر: إيه اللي انتوا عاملينه ده؟ وإيه دخلكم المطبخ؟

شغف: قرارنا نسهر سوا انهاردة ونعمل كل حاجة بأيدينا. محمد: بس إنتي ومرام تعبانين. وغلط عليكم الوقفة طول اليوم. مرام: حبيبي إحنا كويسين. متقلقش. تمارا: مش وقت الرومانسية دلوقتي. كل واحد يطلع أوضته ياخد شاور ويطلع هيلاقي طقم يلبسوا وينزل. عبدالرحمن دخل وهم بيتكلموا: يا قوم أنا جيت! إيه ده بسبوسة؟ الله! ولسه هيقرب منها. وقفت قدامه ورد بسكينة. ورد: رايح فين؟ عبدالرحمن اتخض: إيه في إيه يا وليه؟ هاخد حتة.

ورد: أولاً وليه في عينك. ثانياً يلا زي الشاطر مع أخواتك على فوق. صقر: أيوا مش فاهم برضوا لي ده كله؟ شغف: يا حبيبي عاوزين نسهر. أه صالح أنا عزمت خطيبتك. صالح: لي يا شغف؟ شغف: مش هتفضلوا متخانقين كتير. وأنا مردتش أقول لعمو أسامة ولا جدي. صالح: بس. صقر: مبسش يا صالح. البت غلطت واعتذرت. ولا خلاص بق؟ شغف رنت. شغف: الو. أه إنتي على البوابة. طب ثواني هبعت حد يجيبك. وقفت. ممكن تطلعوا تلبسوا بق؟ صقر: كنت بتكلمي مين؟

شغف بيمكر: دي ندي. عبدالرحمن كان بيشرب. وبخ المياه كلها في وش تمارا. تمارا: عااااا. عبدالرحمن: ندي سكرتيرة صقر. شغف: إيه ده؟ عبدالرحمن: طب أنا هطلع أجهز. وطالع جري على فوق. كلهم ضحكوا عليه. تسريع الأحداث. الكل طلع غير هدوم ونزلوا على الجنينة. لاقوا البنات مجهزين القعدة ومشغلين أغاني هادية. صالحت شغف صالح ونوره خطبتوا على بعض. بعد الشوية كانوا قاعدين كلهم على شكل دايرة وبيلعبوا.

في وسط ما بيلعبوا. جاه لي صقر تليفون. وكان من اللواء بتاعه بيطلب منه يجي هو وفهد والشباب. استغرب صقر. ولم سأل أسامة. أكتر خبر ما كان يحب إنه يسمعه.