رواية شغف الصقر الفصل السادس عشر 16 - بقلم موني

في القصر بعد ما شغف رجعت من المستشفى. صقر وهو بيروح ناحية شغف عشان يشلها: طب أنا هطلع شغف ترتاح شوي وكلكم روحوا ارتاحوا ونتجمع بليل على العشاء. الكل وافق لأنهم فعلاً تعبانين، والكل طلع أوضته. في أوضة شغف وصقر، نزلها على السرير. شغف: اندهلي حد من البنات عشان يساعدني. صقر ببرود عشان ينرفزه: بس يا بت. شغف: يا صقر انجز. صقر: يا حبيبتي ما أنا هساعدك، ومافيش كلام تاني. *** في أوضة محمد ومرام.

دخل محمد يغير وخرج لاقى واقفة سرحانة. قرب منها وحضنها من وراها. محمد: حبيبتي سرحانة في إيه؟ مرام: في اللي بيحصل لنا. فرحتنا ملحقتش تكمل، ولشغف وصقر اللي مفيش فرحة بتكمل على خير. لفها محمد عشان تكون في وشه ومسحلها دموعها. محمد: خلاص يا حبيبتي، إن شاء الله كل اللي جاي خير. وبعدين إحنا مؤمنين كويس وعارفين إن كل ما يُصبنا إلا ما كتبه الله لنا، صح ولا لأ؟ مرام: صح. محمد باس دماغها: أيوه هي دي ملاكي.

ابتسامة مرام: يلا طيب ننام عشان تعبانة أوي. محمد: يلاه يا روحي. وراحوا يناموا. *** في أوضة أحمد وهند. أحمد: افهمي انتي ليه بتعيطي؟ الحمد لله شغف بقت تمام والدكتور قال إنها يومين بس ترتاح وبعدين تنزل جامعة عادي.

هند: زعلانة على اللي إحنا فيه. بنتي في اللي هي فيه ده بسبب أخويا، مش حد غريب. أخويا اللي فاضل يقوم في بابا وعمي لحد ما قلبوا علينا أنا وانت ونها، وحتى مروان وإيمان الله يرحمهم. وهنفضل بعيد عنهم لحد إمتى الله وأعلم. وبرضه ما كفاهوش، لا راجع ينتقم منا كلنا. ده كله عشان نها رفضته زمان وإحنا وقفنا معاها. أنا حتى مش عارفة أكره ربنا يسامحه، ربنا يسامحه. قعد أحمد يهدي فيها. سمع الباب بيخبط، قام لاقاها نها.

نها قربت من هند وحضنتها: إيه يا حبيبتي، خلاص اللي حصل حصل. لازم نقوي عشان الأولاد، وبعدين كفايا زعل بق. كفايا فرفشي كده وادعي لعزت برحمته. مهما كان ده من دمنا. أهدي يا حبيبتي، ماشي؟ أنا قولت أجى أطمئن عليكي وكنت متأكدة إني هلاقيكي كده. أهدي بق عشان انتي مش مبطلة عياط من ساعة اللي حصل. استهدي بالله. هديت هند نوعاً ما: خلاص يا نها مفيش حاجة، أنا كويسة.

بست نها دماغها: طب يا حبيبتي ارتاحي شوية عشان نبقى قادرين نقعد مع الأولاد بليل. وخرجت. أحمد قرب منها وباس إيدها: ممكن بق نهدى وننام، وإن شاء الله كله خير. هند: أنا بحبك أوي يا أحمد. أحمد بعشق: أنا أكتر يا روح قلب أحمد من جوه. ***

نسيبنا من دول بق ونروح لورد اللي غيرت هدومها ونايمت منه بعد ما أقنعتها بالعافية إنها مش هينفع تنام مع شغف النهارده. ونزلت بعد ما اطمنت عليها. راحت الجنينة وقعدت على المرجيحة وبتفكر في كل اللي حصل لشغف وإد إيه هي كانت خايفة تخسرها. قرب منها فهد وقعد جنبها. فهد: ليه منمتيش؟ سكتت مبتردش. فهد: آسف لو ضايقتك، أنا هقوم. لسه بيقوم سامع صوت عياطها. فهد رجع قعد تاني ودا منديل: ممكن تهدي؟ بتعيطي ليه؟

ورد: مكنتش متخيلها إن شغف ممكن تروحوا مني. شغف هي كل حاجة في حياتي. هي الصاحبة والأخت والأم وكل حاجة. صعبانة عليا كل اللي بيحصلها ده كتير. فهد: استهدي بالله واستغفري ربنا. شغف الحمد لله بقت كويسة. ومش يمكن ده اختبار من ربنا؟ ورد: ونعمة بالله. آسفة لو صدعتك. فهد بابتسامة هادية بان فيها غمزة: يا ستي صدعني على طول وملكيش دعوة. ابتسمت ورد واستغربت. فهد هي أول ما شافته كانت فاكرة وعصبي أوي بس طلع غير كده.

لسه فهد هيتكلم، لاقى الحراس اللي على الباب جاين عليها. فهد: إيه زياد؟ زياد: آسف يا فندم إني دخلت كده، بس في كذا عربية جايين وشكلهم مش من هنا. وبيقولوا عاوزين يقابلوا صقر باشا. فهد: استنى هكلم صقر الأول. ولف لورد: اطلعي فوق يا ورد ومتنزليش من أوضتك دلوقتي خلاص. ورد: هو في إيه؟ فهد: مش وقته يا ورد، يلاه. وطلعت وهو رن على صقر. *** عند صقر بعد ما غير لشغف هدومها وأدها علاجها وكانوا لسه هيناموا. فون صقر رن وكان فهد.

صقر: الو. طيب أنا نازل، سلام. وقام يلبس. شغف: في إيه يا صقر؟ صقر: ولا حاجة يا حبيبتي، ارتاحي. ده في ناس عاوزين تحت. شغف: ناس مين؟ صقر: معرفش والله يا حبيبتي، ارتاحي وأنا هبعتلك البنات. وخرج راح على أوضة محمد. خرج محمد وعيونه كلها نوم. محمد: في إيه يا صقر؟ صقر: البس وحصلني على تحت وابعت مرام لشغف. محمد: في إيه؟ صقر: جاموا. محمد: مش وقتهم. صقر: اخلص يا محمد.

وراح عند أحمد وصحاه وقالوا ينزل. وراح لإبراهيم ملقاهوش، عارف إنه عند زينة. راح خبط وفتح إبراهيم بسرعة. صقر: بتعمل إيه هنا ياض؟ إبراهيم: براح يا عم، زينة نايمة وبعدين إنت مالك؟ صقر بص له بقرف: البس وحصلني على تحت، خمس دقايق وألاقيك قدامي. وابعت زينة على جناحي، اخلص. وسابه وماشي. راح عند مامته وبابا وخبط. أذن له رعد يدخلوا. صقر: صحتكم معلش بابا، أخُش البس عشان في ناس عاوزينها تحت. رعد: ناس مين؟ صقر: عيلة الرفاعي كلها.

نها: بخوف جايين ليه؟ مسك صقر إيدها وباسها: متخافيش، بس اجهزي انتي كمان عشان تنزلي معانا. نها: لازم يا صقر؟ صقر: أه يا أمي، ويلا متتأخروش عشان هما تحت. وسابهم وخرج. عد على عشق وورد وقالهم يروحوا على جناحه وماينزلوش غير لما يقولهم. وراح لأحمد. خبط وفتحلوا أحمد. أحمد: خير يا صقر، شغف كويسة؟ صقر: متخافش يا خالي، هات بس خالتو هند ونزل عشان في ناس تحت عاوزانا. أحمد: ناس مين؟ صقر: عيلة الرفاعي، ويلاه عشان مفيش وقت.

ونزل. دخل أحمد وأقنع هند ونزل. اتجمع الكل في الصالة. رفع صقر التليفون. صقر: دخلوهم. دخلوا كلهم، وأول ما عين محمود ومحمد وقعت على بناتهم، فضلت بصلهم. صقر: اتفضلوا اقعدوا. محمد: يزيد فضلك يا ولدي. وباص لبنته وبنت أخوه وابنه: أي مش هتسلموا علينا ولا خلاص ناسيتونا ولا إيه؟ راحت كل بنت على أبوها وفضلت في حضنه فترة. باص محمد لأحمد ابن أخوه: ارتاحت لما بعدت عنا؟

أحمد باحترام: حضرتك السبب يا عمي. فيها إيه لو أنت وأبويا وافقتوا على رعد؟ كانت معترضة عشان فقير. دلوقتي بقى أكبر رجال الأعمال في الشرق الأوسط. كنتوا قاعدين في فيلا، هو مقعدها في قصر. محمد: عندك حق يا بني، بس أنا مش جاي أقلب في القديم. أنا جاي أرجعكم لحضني، كفايا بعد بق، كفايا اللي راحوا بق. خلي عيالكم يتربوا في حضننا. ابتسم أحمد وراح سلم على أبوه وأمه وإخواته. بعد فترة من السلامات. محمد: عرفونا على عيالكم.

رعد: ده صقر ابن ظابط في العمليات الخاصة وكمان لشركته. وده أحمد في ٢ هندسة وعندي مرام في أول طب. أحمد: ده محمد متخرج من أسنان وعنده عيادته، وعندي زينة في هندسة وشغف في طب. محمد: بسم الله ما شاء الله. أمال بناتكم فين؟ أحمد: نزلينا حالا. صقر: حاضر يا خالي. وطلع يجبهم ونزل وهم معاه. رعد: سلموا يا بنات على جدودكم وأهلكم. البنات بصوا لبعض ومفهوش حاجة بس نفذوا. سلموا على الكل وقعدوا جنب الشباب. وسليم كانت عيونه على شغف.

محمود: إيه يا إبراهيم مش هتسلم علينا؟ إبراهيم: لا طبعاً إزاي. وسلم وجاي عند أخوه وسلم عليها بس محضونوش، ودي أول مرة يعملها. وسليم استغرب. سليم: إنت زعلان مني في حاجة؟ إبراهيم: عزت مقالكش إني مش أخوك؟ سامية: اوعى تنطقها، إنت ابن أه مش من بطني بس أنا اللي ربيت وكبرت وتبقى ابن أنا. عاط إبراهيم و حضن أمه وإخواته. بعد شوية نزلت ورد ومعها منه. ورد بكسوف: آسفة بس عاملة بتعيط وعاوزاكي يا شغف. صقر: هاتيها وسلمي يا ورد.

وسلمت ورد عليهم. محمد: بنت مين دي؟ نها: دي بنت صقر ومنه بنت إيمان الله يرحمه. محمد: هو صقر كان متجوز منه؟ صقر: أه، اتجوزتها 3 سنين وبعد ما ماتت الكل زعل. هدي: هما البنات متجوزين؟ أصل كلهم لابسين دبل. أحمد: أه يا أمي متجوزين. صقر وشغف متجوزين. مرام ومحمد متجوزين. أحمد وعشق مكتوب كتبهم. وابراهيم وزينة. وقعت الكلمة عليها زي الرصاصة، ودي طبعاً كانت تمارا. سامية: إنت اتجوزت من ورانا يا إبراهيم؟

إبراهيم: أنا خاطب وكتاب كتابي لسه، فرحي لما تخلص زينة. سامية: تعالي يا مرات ولدي. بصت زينة لإبراهيم اللي هزلها دماغه وراحت عندها. الكل باركلهم وكان فيهم الزعلان والفرحان. صقر: طب البنات على فوق، وزي ما يكون ما صدقوا طلعوا علطول. محمود: ليه يا ولدي طلعوا؟ صقر باحترام: عشان يرتاحوا يا جدي. شغف لسه جايه من المستشفى وكلنا كنا معاها. حضرتكم كمان لازم ترتاحوا ونكمل كلامنا بليل. اتفضلوا. وطلعوا كل واحد أوضته.

كان كل واحد ومراته في أوضة، والشباب في أوضة، والبنات لأنهم مش كتير في أوضة. وراح صقر جناحه. كلهم قاعدين مخضوضين. حب يفكهم. صقر: إيه هتباتوا هنا؟ عاوزة تنام كل واحدة على أوضتها. زينة: مابراحه يا صقر، قايمين. صقر: إنتي يا جزمة على أوضتك، وابقى المح إبراهيم عندك تاني هعلقك إنتي وهو. ضربت رجلها في الأرض بغيظ وخرجت. وراحت ورد ناحية منه: يلاه يا منون. منه: حاضر يا وردتي. وباست شغف وخرجت. صقر بصدمة: البت نسيتني.

البنات قعدوا يضحكوا. صقر: طب إيه خير، هتباتوا؟ عشق: طب يلاه عشان إحنا اتطردنا للمرة التانية. صقر: يلاه يا هبلة، يلاه. عشق بصت له بغيظ وخرجت. مرام: أنا خارجة بأدبي. شغف: نامي معايا. صقر: وأنا أنام في الشارع؟ يلاه يا بت على جوزك. مرام: وكنت خارجة بأدبي يا أبيه، مش لازم تشتم. وخرجت. شغف لسه هتتكلم. صقر: ونبي نفسي أنام، أنا منمتش بقالي 3 أيام. لما نصحى نتكلم. شغف: ماشي يا حبيبي. وطفوا النور وخرجوا. ***

عند الشباب في الأوضة. سعيد: اتهد بق. سليم: مش هرتاح غير لما أكسرهم وأفرقهم. سعيد: بلاش يا صاحبي. سليم: خلصنا يا سعيد. دخل مصطفى وعبدالرحمن في الوقت ده. سليم: كنتوا فين؟ عبدالرحمن: كنا مع إبراهيم. إيه مش هتناموا؟ الكل: هننام. ياترى سليم هينجح إنه يفرق بين صقر وشغف ولا حبهم هيبقى أقوى؟ أم عند البنات، تمارا راحت جايه في الأوضة. تمارا بعياط: أنا عاوزة أعرف أنا عملت إيه لابنك وحش؟

بحبه من وإحنا صغيرين. وقفت قدام الكل عشان أخش نفس الكلية عشان ما يبقاش عنده حجة، وفي الآخر يخطب غيري. سامية: اهدي يا بنتي. تمارا: والله ما هسيبه، وإبراهيم ليا كده كده. وردة: تمارا سيبهم في حالهم. تمارا: اخرجي منها يا وردة إنتي. ياترى إيه اللي هيحصل وتمارا وسليم هيعرفوا يفرقوهم ولا لأ؟ ده هنعرفه البارت الجاي إللي هو هينزل بإذن الله الساعة ٥.