رواية شهد الفصل السابع 7 - بقلم اسراء

سما زقت جاسر وطلعت تجري. جاسر: والله ي جدي محصلش حاجة، احنا كنا بنتكلم عادي. الجد: ازاي تقرب منها كدا، وهي ازاي تسمحلك بكده أصلاً؟ هي مش مراتك، إنتوا لسه مخطوبين والمفروض تحافظ عليها ومتقربش منها، ع ربنا يبارك في علاقتكوا، ولا إيه ي أستاذ جاسر؟ جاسر: آسف ي جدي، مش هتتكرر تاني. الجد بحدة: لو الموضوع ده اتكرر تاني مش هيحصل كويس، وهي حسابها معايا بعدين.

جاسر بسرعة: لأ لأ ي جدي، هي ملهاش ذنب، دي مبتخلينيش أقرب منها خالص، ولا حتى بتخليني أقولها أي كلمة تزعلها. ي جدي نبي. الجد بابتسامة حاول إخفائها: بتحبها أوي كدا؟ جاسر: أوي أوي ي جدي والله. الجد: خلاص مش هكلمها ولا هقولها حاجة المرة دي، بس زي ما قولتلك لو اتكررت تاني هتزعلوا مني إنتوا الاتنين. *** سما بتحاول تاخد نفسها بصعوبة: ي لهوي، زمان جدو هيقول عليا إيه دلوقتي!

آه ي جاسر الكلب، ي لهوي لو جدو قال لبابا، هيبقى منظري إيه قدامه! وكملت بدموع: يارب والله أنا آسفة، سامحني، بس هو اللي قرب وأنا مكنتش عارفة أعمل إيه. ماشي ي جاسر، ماشي. والله لهوريك. *** شهد بعياط: ليه يارب بيحصل فيا كدا؟ ليه كل ما أفرح يحصل حاجة تزعلني؟ ليه فهد بيكرهني كل الكره ده؟ أنا معملتلوش أي حاجة ولا عمري شوفته قبل كده، إزاي أنا السبب في كل حاجة حصلتله؟ ثم ذهبت في سبات عميق من كثرة البكاء. ***

في الصباح أثناء تناول الإفطار. شهد: الحمدلله، أنا شبعت. الجد: شبعتي إيه ي شهد، إنتِ أكلتي حاجة؟ شهد: آه الحمدلله، معتش قادرة. أنا هستأذن أنا بقى. الجد: آه صح، طب يلا ي فهد. شهد: لأ ي جدو بعد إذنك، أنا مش هروح مع البني آدم ده. فهد: ومين قالك أصلاً إني هاجي معاكي؟ الجد بعصبية: يعني إيه ي فهد، هتكسر كلمتي؟ فهد: لأ ي جدي بس...

شهد بمقاطعة ودموع: ونبي ي جدو خلاص ع خاطري، أنا اللي مش عاوزة أروح معاه، أنا عاوزة أروح لوحدي بعد إذنك. الجد بجمود: خلاص ي شهد، اعملي اللي إنتِ عاوزاه، بس مش هتروحي لوحدك، البنات هيجوا معاكي. ع جاسر ومروان في الشركة من بدري وعندهم شغل كتير. ثم نهض وذهب إلى مكتبه قائلاً: هاتيلي القهوة بتاعتي في المكتب ي سعدية. سما: أنا خلصت أكل الحمدلله، هقوم ألبس ع طول أهو. مايا: وأنا كمان. ونهض الجميع ولم يتبقى سوى شهد وفهد.

فهد: حلو أوي دور البريئة اللي إنتِ عملتيه ده. شهد: إنت عاوز مني إيه؟ فهد: هتعرفي قريب يا... يا شهد. واستعد للذهاب، ثم عاد قائلاً ببرود: واه صح، دور البريئة طلع كويس وجاب نتيجة مع جدي ورحمني من المشوار معاكي، ف حابب أشكرك والله ع رحمتيني من إني آجي معاكي وأشوف وشك طول الطريق. شهد بتحاول تتماسك: ميشرفنيش إني أروح مع حد زيك أصلاً، بكرهك. فهد ابتسم بإستفزاز: مش أكتر مني. وذهب إلى شركته وهو بكامل أناقته. *** أمام الڤيلا.

شهد: سما. سما بمرح: قلبها. شهد: نينينيني، بطلي محن. اممم، أنا عاوزة أسوق أنا. سما: بتعرفي؟ شهد: آه، بابا كان علمني. سما: تعرفي إني مبسمحش لحد يسوق عربيتي؟ شهد بزعل: خلاص مش لازم. سما: أنا قولت مبسمحش لحد، هو إنتِ حد ولا إيه! دانتِ قلبي. وأكملت الحديث وهي تفتح باب السيارة: اتفضلي ي أميرتي، العربية ملكك. شهد: أنا قولتلك قبل كده إني بحبك. سما: من غير ما تقولي، أنا بتتحب أصلاً. شهد بضحك: تبًا لتواضعك.

مايا: الشمس كلت نفوخي، هتفضلوا ترغوا كتير؟ شهد: لأ خلاص، يلا اركبوا ع منتأخرش. *** في الشركة. في واحدة برا عاوزة تقابل حضرتك ي فندم. مروان: مين دي وعاوزة إيه؟ بيري: بتقول اسمها أسيل وعاوزة تقابل حضرتك ضروري. مروان: تمام، دخليها، أما نشوف مين دي. أسيل: بقالي ساعة واقفة برا والزفتة دي مش راضية تدخلني، هو في إيه؟ وبعدين إنت مطنشني كل ده ومبتسألش عليا ليه؟ مروان: أفندم، إيه اللي حضرتك بتقوليه ده، إنتِ تعرفيني؟

أسيل: إنت بتهزر، إنت متعرفش أنا مين؟ مروان: لأ والله مش فاكر، فكريني. أسيل وهي تخرج ورقة من حقيبتها: لأ اتفضل اقرأ دي كدا، يمكن هي اللي تفكرك. مروان بصدمة: إيه ده!!!! *** في سيارة سما. كانت سما ومايا يتحدثون وشهد في عالم آخر. مايا وهي تحرك كفها أمام وجه شهد: هاااااي، روحت فين؟ شهد: ها، أنا موجودة أهو. سما: مالك كدا من ساعة ما ركبنا وإنتِ مش مركزة معانا خالص. شهد: لأ أنا تمام، مفيش حاجة. مايا: متأكدة؟ شهد بحزن: أيوة.

مايا: طب حيث كدا بقى، شغليلنا الفلاشة دي نشوف بتقول إيه. سما شغلت الفلاشة وجايه أغنية نشيد العاشقين. شهد: تعرفي إني بحب الأغنية دي أوي. سما بغمز: بحس بيكي. كلهم غنوا مع الأغنية. شهد: صاحبة الصون والعفاف. سما وهي بتبص لشهد وبتقرصها من خدودها: أحلى واحدة في البنات. مايا وهي ناطة ع كتف شهد: ال عمري ما قلبي شاف زيها في المخلوقات. شهد: تسمحيلي برقصة هادية. سما: تسمحيلي بقربي منك.

مايا: حلم عمري تكوني راضية عن وجودي بس جمبك. هما التلاتة: يا خلاااصة الجمال ي نشيد العاشقين ي اجابة عن سؤال كان شاغلني من سنين كان سؤال عن مين حبيبتي مين هتبقى اساس حكايتي و الاجابة كانت انتِ انتِ كنتي غايبة فين. شهد: ربنا يخليكوا ليا بجد، أنا بحبكوا أوي. سما: إحنا أكتر والله. مايا: لأ معلش، أنا أكتر منك. سما: لأ، أنا أكتر. مايا: لأ، أنا أكتر. شهد وهي بتبصلهم بضحك: خلاص اهدوا، أنا بحبكوا أكتر. وبعدي...

مايا بصريخ: حااااااسبي ي شهد. شهد بصت قدامها بسرعة وحاولت تمسك فرامل بس... يتبع