رواية شكب الفصل الخامس 5 - بقلم صفاء حسني

انتهى عمار من المناقصة بفرحته أنه قدر يأخذها رغم الحرب التي كانت مقصودة توقع الشركة. فتح التليفون ولاقي نفسه بيدور على صفحة شكب، ولقي لايف شغال. ابتسم ودخل على اللايف.

كانت شكب تتكلم: "مساء الخير على أصحاب الحلوين، كنتم نفسكم تعرفوا أهم الأسواق اللي موجودة في مرسى مطروح. أنا للأسف النهارده آخر يوم لي في مرسى مطروح، بس إن شاء الله قبل ما الصيف يرجع تاني بإذن الله، وأنا هعملكم لايف كمان الساعة ٢ أول ما أركب الأتوبيس عشان تستمتعوا بالطريقة وأنا رايحة."

وبدأت تتكلم وقالت: "يمكنكم الذهاب إلى مرسى مطروح دون التمتع بتجربة التسوق هناك، حيث ستجدون منتجات متنوعة ومختلفة عن أي مكان آخر. ولكي تتمتعوا بهذه التجربة يمكنك

زيارة الأماكن التالية: أنا داخلة دلوقتي على مول دبي، مفاجأة ليكم. يتميز مول دبي بوقوعه في شارع الإسكندرية، أهم شوارع مرسى مطروح، ويحتوي على العديد من المحلات التجارية التي توفر مختلف البضائع، مثل الأحذية، والملابس، وأدوات التجميل، وغير ذلك من المنتجات المختلفة. أنا بس هفرجكم سريع جداً عشان ألحق." وفعلاً فرجتهم وقفلت اللايف لما أمها شاورت لها.

في نفس اللحظة، اتفاجأ عمار أنها موجودة في نفس المكان اللي هو فيه. خرج من الاجتماع جري على المول وبدأ البحث عنها. كانت الأم تشاورها وقالت: "يا بنتي أبوس إيدك، مش كل مكان تعملي لايف، الناس مش بترحم. مش هترتاحي إلا لما نموت." اقتربت شكب من أمها وحضنتها وقالت: "بعد الشر عليكي يا قلبي. والله العظيم أنا بعرض كأني مرشدة سياحية وبحب الحكاية دي. متزعليش مني، ووعد هصور المحلات بس وأقفل اللايف وبعد كده نشتري."

تنهدت الأم وقالت: "طيب يلا يا غلبوية عشان نلحق نروح." شهقت شكب وقالت: "أنا عايزة أروح سوق شارع إسكندرية وكمان سوق ليبيا، بليز يا ماما عشان خاطري." شهقت الأم وقالت: "أنتِ حاسة إني مش هتيجي تاني؟ بابا وعدك يجيبك تاني." ردت شكب وقالت: "وآه يا ست الكل، أنا طالعة ٣ واهتم بدراستي ومش هطلع لايف تاني. آخر لايف ولو طلعته هيكون عن الدراسة أفيد وأستفيد." قطع حديثهم عمار وقال: "متصدقيش يا طنط، دي ملكة دراما."

ابتسمت الأم وسلمت عليه: "انت بتقول فيها إيه؟ دراما؟ أهلاً يا ابني." ابتسم عمار وقال: "أهلاً بيك. أنا معايا عربية، ممكن أوديكم أي مكان تحبوه." وغمز لشكب. مسكت فيه شكب: "انت ابن حلال. مصفي؟ أنا وعدت الفانز أطلع لايف وأوريهم سوق شارع الإسكندرية وكمان سوق ليبيا." ضربتها الأم ضربة خفيفة على كتفها وقالت: "اختشي يا بت، عيب. متحرجيش الشاب. شوف مصلحتك انت يا ابني."

ابتسم عمار وما بين نفسه: "هو أنا أصلاً عارف أشوف شغلي بسبب بنتك." وفاق ورد وقال: "خلصت شغلي يا فندم وفاضي، وطريقي واحد." كانت شكب فرحانة جداً وقالت: "وافقي يا ست الكل، وإصلاً قدامنا ساعتين على المرور، ناخد آخر أتوبيس." انصدم عمار وسألهم: "مش كنتوا هتروحوا بكرة؟ ردت الأم وقالت: "طلبوا أبوها في الشغل ولازم ترجع. يلا يا ابني علشان أبوها منتظرين في الفندق ومش عايزين نتأخر."

وبالفعل ركبت شكب في العربية بجانبه وأمها في الخلف. ظبطت شعرها في المرايا وقرصت خدودها عشان يحمروا. جابت كيس لبن وطلعت لبّانة حمراء وعملته روج. انصدم عمار وقال: "انتي بتعملي إيه؟ ضحكت شكب وقالت: "انت مش شايفه؟ بحط روج عشان هطلع لايف." شورت الأم ليه من المراية على دماغها وعملت حركة مجنونة.

ضحكت شكب وقالت: "شايفاكي على فكرة، وأنا مش مجنونة. استخدم الروج كتير مضر، وكمان نسيت أجيب الروج بتاعي من البيت. عايزني أطلع اللايف وحشة؟ وملقيتش حل إلا اللبانة." بدأ يسوق عمار وهو بيضحك وفرحان أنها راكبة جنبه، وتمنى تفضل طول العمر جنبه حتى لو وقع في حب مجنونة زي القمر.

بدأت شكب اللايف: "مساء الورد على حبايب قلبي. إحنا دلوقتي داخلين على سوق شارع إسكندرية. ومحدش يسألني مين الشاب الوسيم اللي جنبك ده عشان مش هقولكم مين. خمنوا انتوا. واكتبوا في التعليقات: ابن عمك؟ ولا ابن خالك؟ طيب خطيبك، حبيبك؟ ظاهر في عيونه حبيبك." وتعليقات كثيرة.

ردت شكب: "هقولكم في آخر الرحلة. نبذة بقى عن سوق شارع إسكندرية زي ما أنتم شايفين، يحتوي على العديد من المحلات التجارية، كما أنه يعتبر مقصد الكثير من السياح لشراء الهدايا التذكارية، حيث تعتبر أسعاره منخفضة أيضاً." وبعد لفها، كانت بتصور مع عمار في كل مكان وهو كان سعيد. واتصورت معها في تليفونه. وجيه مصور طلب يصورهم صورة. فرحت شكب وقالت: "بليز ممكن صورة تكون ذكرى." ابتسم عمار بسرعة: "ماما مستنية وعلى نار منك."

ضحكت شكب: "ده رحلة العمر." تنهدت عمار وقال: "ليه يعني؟ متقوليش كده. هتيجي كل سنة وهشوفك، أوعدني." ابتسمت شكب وقالت: "إن شاء الله." وبالفعل اتصوروا فوراً. كتب عمار على كارت فيه رقم تليفونه داخل الصورة على جنب، وأدها لشكب. وشكب كتبت: "أهدي من ورا صديقتي ملكة الدراما." ورجعت تاني وطلعت في العربية وطلعوا على سوق ليبيا. وفتحت اللايف وبدأت تتكلم على سوق ليبيا.

"يعد سوق ليبيا من أشهر أسواق مرسى مطروح، وبالرغم من صغر مساحته، إلا أنه يحتوي على العديد من المنتجات، مثل الزيتون البدوي، وزيت الزيتون، والملابس، والأحذية، كما أن أسعاره تعتبر منخفضة بالمقارنة بالأماكن الأخرى." "شايفين الله، ريحة الزيت جميلة جداً، والتوابل. اتفرجوا." وبعد كده طلعوا على السوق الصيني السوري. ابتسم عمار: "سبيل الطلعة دي." وبدأ

يشرح هو عن مكانه وقال: "يعتبر هذا السوق من أقدم أسواق مرسى مطروح، وكان قائماً في البدء على البضائع الصينية المستوردة، ومع الوقت أصبح يحتوي أيضاً على بضائع محلية وسورية." "والمفاجأة أنا الأدمن الجديد في الصفحة. مع الجميلة شكب. هكمل معاكم اللايف عن مطروح كل يوم مكان زي ما وعدتكم. شكب هنروح سوق مدينة الحمام والمتواجد وسط المدينة ويباع به جميع أنواع الخضروات والفاكهة والمواشي."

–سوق سيدي عبدالرحمن بمركز ومدينة العلمين، ويقبل عليه أهالي مدينة العلمين وتل العيس وسيدي عبدالرحمن والعديد من سكان القرى والنجوع ورواد الساحل الشمالي." –سوق مدينة الضبعة ويقع وسط مدينة الضبعة وتباع به جميع أنواع السلع من الخضروات وحتى الأغنام والمواشي بأنواعها بأفضل الأسعار." –سوق مدينة مرسي مطروح، ويطلق عليه أهالي المدينة «سوق السعي» ويوجد بمنطقة وادي الرمل ويعد من أكبر أسواق المحافظة، من حيث الإقبال وأقل الأسعار."

–سوق مدينة النجيلة ويوجد وسط المدينة." –سوق مدينة السلوم، في شارع السلوم الرئيسي ويقبل عليه أهالي السلوم والمسافرين إلى ليبيا." –سوق مدينة سيوة ويوجد في قلب مدينة سيوة بجوار مسجد الملك، ويأتي إليه الأهالي من جميع القرى وحتى أهالي واحة جارة أم الصغير في عمق الصحراء." "كل ده هتشوفوا معايا صوت وصورة." ونهى اللايف. وشكب فتحت بوقها من الصدمة. فتح كيس لبن وحطه في بوقها وقال: "اقفلي بوقك، يدخل جواه طيارة."

ضحكت الأم على شكلهم وقالت: "الله ينور عليك يا ابني. روحنا بقى عشان أبوها اتصل كتير." هز رأسه وقال: "حاضر." وطول الطريق متنحة شكب وهي شايفة التفاعل والتعليقات. "شكراً يا شكب، مفاجأة تجننني." "قمر يا ناس، متجوزة ولا لأ؟ "اسمه إيه يا شكب؟ رد علينا." ومعاكسات كثيرة من البنات. وفي بنات بحثت عنه وعرفوا مين كمان. أول ما وصل، حس عمار أنها زعلانة. سألها: "مالك؟

نفخت شكب وقالت: "افتكرت الأدمن ده مش حلو، انت أكلت الجو مني والبنات كلها هتجنن عليك." ابتسم عمار وقال: "وده حلو ولا وحش؟ كانت مضايقة ومش عارفة ليه. وقال: "مش عارفة حلو ولا لأ." خلال الوقت ده، اتشير الفيديو في كذا مكان وتفاعل كثير. بس أنا حاسة إني مخنوقة. ابتسم عمار وقال: "وليه متشوفش نص الكوباية الفاضي؟ إننا هنكون أدمن مع بعض في نفس الصفحة. ولو حد صفحته حصلها حاجة، مضيعش الصفحة من الثاني ونكبر الصفحة."

فكرة شكب شوية وقالت: "صح عندك حق. أنا لما تليفوني باظ حسيت روحي طلعت وكنت هتجنن. لو جبت تليفون جديد وأنا نسيت الباسورد والإيميل طار، أعمل إيه؟ "طيب يلا ابعت لي طلب صداقة." ابتسم عمار وقال: "حاضر هات." وفعلاً بحث عن صفحته في صفحتها وبعت لنفسه طلب صداقة. وبعد كده وافق من تليفونه. وبالفعل بعتت ليه دعوة وأصبح أدمن في الصفحة وصديق. كان عمار تفكيره يقترب من كل ما تحبه عشان لما يخطوا الخطوة المهمة يكونوا فهموا بعض.

ووصلها على الفندق وكان الأب منتظرهم وعلى آخره، وكان يزعق. لكن لما الزوجة شرحت له أن كتر خيره عمار هو اللي ودّاهم ووصلهم. هدى. وكان وقف تاكسي ومشي بيهم لحد المحطة. في نفس الوقت اتصل الديب وعرف إنهم سافروا. وكان على آخره. وبدون ما يفكر ركب تاكسي عشان يلحق بوالد شكب. وفي نفس الوقت كانت تلحقه سيارة شاحنة. وعندما اقترب الديب من الأتوبيس وشاحنة نقل تلحق به.

كانت شكب تصور فيديو وشافت السواق وعيونها جاءت في عيونه. وفجأة الشاحنة جات وصدمت السيارة. فنصدمت وانقلبت ثم صدمت الحافلة فانقلب المشروع (الأتوبيس) . والحادث كانت صعبة جداً. وبعد كده وقعت شكب واتقلب الأتوبيس. تم موت بعضهم وإصابة البعض. أتلم الناس واتصلوا بالإسعاف. وتم العثور على هاتف الديب وتم الاتصال بأبوه.

فاقترب منها عشان يسحب التليفون. وكانت شكب متمسكة بيه. فطلع سكينة وجرح وشها جرح كبير. فصرخت شكب. فخبطها في الكرسي وأخذ الهاتف ونزلوا. اتصل بـ عمار يبلغه عن حادثة أبوه. انصدم عمار وركب عربيته وجري جري. أما شكب، حدث لها كسر بسيط في اليد وتشويه جزء بسيط من وجهها. فات يومين. وبعد ما قامت بالسلامة وعرفت بموت أهلها. انصدمت. كان وقتها وشها متربط بشاش بعد الحادث عشان تم عمل لها عملية جراحية.

وفي يوم دخل طبيب يفك الدمام من على وجهها. وشافت وشها انصدمت وصرخت.