رواية شقيه شقلبت حياتي الفصل الخامس عشر 15 - بقلم لودان عبده

ثاني يوم الصبح كان إياد نازل السلم ومكشر. لدن جات جاريه وراه. لدن بعياط: إياد استنى، أنا من امبارح بقنع فيك إنّي أنا ما عملتش حاجة. ارجوك صدقني يا إياد، أنا بجد ما عملتش كده. إياد بعصبية: أنا مش مصدقك يا خاينة. ومن النهارده هتعامل معاكي معاملة أسوأ من أي شيء. هتتمني الموت ومش هتاخديه. لدن قعدت تعيط. في اللحظة دي دخل عليهم سليم، اللي كان معاه هبة. سليم بصدمة من اللي بيحصل: إياد، انت لسه مش مصدقها؟

لدن بعياط: سليم، ارجوك حاول تقنعه إنّي ما عملتش حاجة. كل ده كذب. أنا وقعت ضحية كذب. إياد بعصبية: اسمعي بقى يا حلوة، أنا مش مصدقك ولا هصدقك. لدن: طيب طلقني، مش أنا خاينة؟ طلقني. ده أهون من إنّي أعيش مع حد مش واثق فيا. إياد ببرود: مش هطلقك. هتفضلي على ذمتي لحد... لدن في سرها: بعد الشر عنك يا روحي. إياد ابتسم لأنه حافظها ورجع كشر بسرعة: وهتقعدي هنا معانا، أنا وإنتي ومراتى الجديدة. لدن بصدمة.

هبة بطبطب عليها: مرات مين يا إياد؟ انت هتتجوز مرة ثانية ليه بس؟ إياد بسخرية: وكمان بتسألي ليه؟ مش عارفة يا هانم. سليم: انت بتقول إيه يا إياد؟ انت واعي؟ إياد بعصبية: أيوة واعي جداً. وأخيراً شفت الحقيقة وفتحت عيني، اللي كانت مغمضة. وشوفت إنّ ميرنا أحسن بمليون مرة من البتاعة دي. ميرنا بفرحة: يعني هنتجوز يا حبيبي؟ وقربت منه وحطت إيدها على كتفه. إياد بضيق بعد إيدها براحة. لدن مصدومة منه.

وهبة اتكلمت بغضب: الظاهر إنّ جدو خالد كان غلطان لما قال إنّك هتحمي لدن. انت أصلاً مش عارف تحمي نفسك من الناس اللي مش كويسة. بس للأسف مخك باظ. إياد بعصبية: أنا خلاص قرفت منكم ومن كلامكم الكتير ده. تعالي انت بقى يا حبيبتي عشان نروح نقلع الجبس عشان نتعذب بمزاج. لدن بخوف: لا، مش هروح معاك. هروح مع سليم وهبة. إياد شالها وراح على العربية وركب عربيته وقفل الباب وساق بسرعة خيالية ووقف على محل بعيد عن الناس.

في الفيلا، كان الجو مشحون من ناحية حقد نرجس وتلميذتها ميرنا. ومن الناحية التانية حب هبة وسليم للدن وإياد. سليم أخد هبة على غرفتها تحت نظرات ميرنا الخبيثة وست نرجس. وبعد ما اختفوا، ست نرجس: كده الخطة ماشية زي ما احنا عاوزين. إياد بقى تحت إيدينا خلاص وكله تحت سيطرتنا. ميرنا بخبث: أنا مش عارفة من غيرك كنت هعمل إيه. ست نرجس: يا حبيبتي، نحنا مع بعض نوزن بلد. وحضنوا بعض. عند استريد وحازوقة.

إياد وقف العربية وبص للدن، وهيا بصت عليه. وبعد ثانية انفجروا من الضحك. لدن بضحك: انت طلعت ممثل يا إياد. إياد بضحك: انت كنتي تجنني. أنا في نفسي صدقت المسرحية. لدن بضحك: نحنا نسيب إدارة الأعمال والطب ونخش تمثيل ونعمل شركة إنتاج. إياد ضحك ولدن ضحكت حتى دمعت عيونهم من الضحك. وبعدها إياد حضنها: أنا مش متخيل أعيش حياتي من غيرك. انتي بقيتي إدمان يا حبيبتي. لدن بادلته الحضن: أنا مش هسيبك حتى ولو أنا عاوزة كده.

إياد انبسط منها: إيه، مش هنروح نفك الجبس؟ ولا عاجبك؟ لدن: بصراحة عاجبني. إياد ضحك عليها وساق العربية وروحوا المستشفى. عند عصافير الحب. دخلوا الغرفة وقفلوا الباب. كده قعدوا يضحكوا على اللي حصل وعلى المسرحية اللي عملوها وعلى الهبل اللي صدقوا اللي حصل. هبة بضحك: اه يا بطني، مش قادرة. سليم: نحنا طلعنا موهوبين بشكل فظيع. هبة: بس إيه الخطوة الجاية؟ سليم بابتسامة: خلينا نستنى إياد، وإن شاء الله هنعرف.

هبة بمرح: سليم، بما إنّ نحنا هنخلص من الزن ده، إيه رأيك نروح نكمل باقي حاجات الفرح؟ سليم بسعادة: يلا يلا بسرعة. بس كشّر وشك لما تشوفيهم. هبة بضحك: ماشي يا حبيبي. وراحوا يعملوا شوبينج. عند استريد وحازوقة. راحوا فكوا الجبس وقضوا اليوم كله فسح، على ملاهي، على سينما ومطاعم. وراحوا على البيت في سعادة ووقفوا قدام الباب. في العربية. لدن: استنى يا إياد، أعمل حاجة. إياد: حاجة إيه؟

لدن طلعت علبة من شنطتها: ده ميكب عشان أعمل لون أحمر وأزرق بسبب الضرب. إياد بصدمة من طريقتها: انت طلعتي مفتحة. لدن بغرور مصطنع: أنا لدن يا عم. ضحكوا ولدن ظبطت نفسها ونزلوا ومثلت التعب. ودخلوا لقوا هبة وسليم وقمر وست نرجس وميرنا مستنينهم في الصالون. قمر وهبة أول ما شافوا لدن وعلامات الضرب على وشها. قمر بزعل: إيه ده يا لدن؟ مين اللي عمل فيكي كده؟ لدن بتعب: مفيش يا حبيبتي، شوية خدوش. هبة بقلق: تعالي اكلي لقمتين.

لدن بتعب: ماليش نفس آكل حاجة. إياد بعصبية: وهيكون في نفس إزاي بعد عملتك وخططتك اللي اتكشفت؟ ها؟ قولي يا بت. لدن بتعب وعياط: أنا ما عملتش حاجة، صدقني. سليم: كفاية يا إياد، صدقها. هيا ما عملتش حاجة. إياد لسليم: انت مجربتش الإحساس اللي أنا فيه عشان تتكلم. سليم: أنا بعذرك، بس مش للدرجة دي. إياد ببرود: أنا خلاص حسمت قراري. لدن: قرار إيه؟ إياد: أنا ه... لدن بصدمة: إيه؟ لا يا إياد، ح...