رواية شقيه شقلبت حياتي الفصل السادس عشر 16 - بقلم لودان عبده

ثاني يوم الصبح كان أياد نازل السلم ومكشر. هدى جات جاريه وراه. هدى بعياط: أياد استنى. أنا من امبارح بقنع فيك إنّي أنا معملتش حاجة. ارجوك صدقني يا أياد، أنا بجد معملتش حاجة. أياد بعصبية: أنا مش مصدقك يا خاينه. ومن النهارده هتعامل معاكي معاملة أسوأ من أي شيء. هتتمني الموت ومش هتاخديه. هدى قعدت تعيط. وفي اللحظة دي دخل عليهم سليم. سليم بصدمة من اللي بيحصل: أياد انت لسه مش مصدق؟

هدى بعياط: سليم ارجوك حاول تقنعه إنّي معملتش حاجة. كل ده كذب، أنا وقعت ضحية كذب. أياد بعصبية: اسمعي بقى يا حلوة. أنا مش مصدقك ولا هصدقك. هدى: طيب طلقني. مش أنا خاينه؟ طلقني. ده أهون من إنّي أعيش مع حد مش واثق فيا. أياد ببرود: مش هطلقك. هتفضلي على ذمتي لحد. هدى في سرها: بعد الشر عنك يا روحي. أياد ابتسم لأنه حافظها ورجع كشر بسرعة: وهتقعدي هنا معانا أنا وانتي ومراتي الجديدة. هدى بصدمة. هبة بطبطب عليها: مرات مين يا أياد؟

انت هتتجوز مرة ثانية ليه؟ أياد بسخرية: وكمان بتسألي ليه؟ مش عارفة يا هانم. سليم: انت بتقول إيه يا أياد؟ انت وعي؟ أياد بعصبية: أيوة واعي جداً. وأخيراً شوفت الحقيقة وفتحت عيني اللي كانت مغمضة. وشوفت إنّ ميرنا أحسن بمليون مرة من البتاعة دي. ميرنا بفرحة: يعني هنتجوز يا حبيبي. وقربت منه وحطت إيدها على كتفه. أياد بضيق بعد إيدها براحة. هدى مصدومة منه.

وهبة اتكلمت بغضب: الظاهر إنّ جدو خالد كان غلطان لما قال إنك هتحمي هدى. انت أصلاً مش عارف تحمي نفسك من الناس اللي مش كويسة. بس للأسف مخك باظ. أياد بعصبية: أنا خلاص قرفت منكم ومن كلامكم الكتير ده. تعالي انت بقى يا حبيبتي عشان نروح نقلع الجبس عشان نتعذب بمزاج. هدى بخوف: لا مش هروح معاك. هروح مع سليم وهبة. أياد شالها وراح على العربية وركب عربيته وقفل الباب وساق بسرعة خيالية. *** في الفيلا.

كان الجو مشحون من ناحية حقد نرجس وتلميذتها ميرنا. ومن الناحية التانية حب هبة وسليم لهدى وأياد. سليم أخد هبه على غرفتها تحت نظرات ميرنا الخبيثة وست نرجس. وبعد ما اختفوا. ست نرجس: كدا الخطة ماشية زي ما إحنا عاوزين. أياد بقى تحت إيدنا خلاص وكله تحت سيطرتنا. ميرنا بخبث: أنا مش عارفة من غيرك كنت هعمل إيه. ست نرجس: يا حبيبتي إحنا مع بعض نوزع بلد. وحضنوا بعض. *** عند أستريد وحازوقه.

أياد وقف العربية وبص لهدى. وهى بصت عليه. وبعد ثانية انفجروا من الضحك. هدى بضحك: انت طلعت ممثل يا أياد. أياد بضحك: انت كنتي تجنني. أنا في نفسي صدقت المسرحية. هدى بضحك: إحنا نسيب إدارة الأعمال والطب ونخش تمثيل ونعمل شركة إنتاج. أياد ضحك. وهدى ضحكت حتى دمعت عيونهم من الضحك. وبعدها أياد حضنها: أنا مش متخيل أعيش حياتي من غيرك. انتي بقيتي إدمان يا حبيبتي. هدى بادلته الحضن: أنا مش هسيبك حتى ولو أنا عاوزة كدا.

أياد انبسط منها: إيه مش هنروح نفك الجبس؟ ولا عاجبك؟ هدى: بصراحة عاجبني. أياد ضحك عليها وساق العربية وروحوا المستشفى. *** عند عصافير الحب. دخلوا الغرفة وقفلوا الباب. كده قعدوا يضحكوا على اللي حصل وعلى المسرحية اللي عملوها وعلى الهبل اللي صدقوا اللي حصله. هبة بضحك: اه يا بطني هههه مش قادرة هههههه. سليم: إحنا طلعنا موهوبين بشكل فظيع ههههه. هبة: بس إيه الخطوة الجاية؟ سليم بابتسامة: خلينا نستنى أياد. وإن شاء الله هنعرف.

هبة بمرح: سليم بما إنّنا هنخلص من الزن ده. إيه رأيك نروح نكمل باقي حاجات الفرح؟ سليم بسعادة: يلا يلا بسرعة. بس كشري وشك لما تشوفيه. هبة بضحك: ماشي يا حبيبي. وراحوا يعملوا شوبينج. *** عند أستريد وحازوقه. راحوا فكوا الجبس وقضوا اليوم كله فسح. على ملاهي على سينما ومطاعم. وراحوا على البيت في سعادة ووقفوا قدام الباب. في العربية. هدى: استنى يا أياد أعمل حاجة. أياد: حاجة إيه؟

هدى طلعت علبة من شنطتها: ده ميكب عشان أعمل لون أحمر وأزرق بسبب الضرب. أياد بصدمة من طريقتها: انت طلعتي مفتحة. هدى بغرور مصطنع: أنا هدى يا عم. ضحكوا. وهدى ظبطت نفسها. ونزلوا ومثلوا التعب. ودخلوا لقوا هبة وسليم وقمر وست نرجس وميرنا مستنينهم في الصالون. قمر وهبة أول ما شافوا هدى وعلامات الضرب على وشها. قمر بزعل: إيه دا يا هدى؟ مين اللي عمل فيكي كده؟ هدى بتعب: مفيش يا حبيبتي شوية خدوش. هبة بقلق: تعالي أكلي لقمتين.

هدى بتعب: ماليش نفس آكل حاجة. أياد بعصبية: وهيكون في نفس إزاي بعد عملتك وخططتك اللي اتكشفت؟ ها قولي يا بت. هدى بتعب وعياط: أنا معملتش حاجة صدقني. سليم: كفاية يا أياد صدقها. هيا معملتش حاجة. أياد لسليم: انت مجربتش الإحساس اللي أنا فيه عشان تتكلم. سليم: أنا بعذرك بس مش للدرجة دي. أياد ببرود: أنا خلاص حسمت قراري. هدى: قرار إيه؟ أياد: أنا هـ.... هدى بصدمة: إيه؟ لا يا أياد حـ……