رواية شمس الرعد الفصل الثاني عشر 12 - بقلم الكاتبة المميزه

شهد: لأ دي بتشتغل مع البوليس. عاصم: لأ بصي شمس، هات المسدس. شمس عطت المسدس لعاصم، وهو اخده منها وحطه على الترابيزة. شمس قربت من شهد عشان تسلم عليها، بس هي طلعت أوضتها بسرعة. أخدت شمس مسدسها تاني وقعدت. سليمان: شفتي يا شمس حالة شهد ازاي؟ شمس: أيوة يا خالي، بس انا مش عارفة هقولك ايه، بس عاوزة أفهم ازاي حصل معاها كده.

سليمان: شهد كانت هتتجوز، بس جوزها مات قبل جوازهم بشهر، وعشان كده هي بقت مجنونة، انت شايفة حالتها ازاي، بس لازم حد يتجوزها، بنتي لو بقت كده هتموت. شمس: بس يا خالو، انا مش عاوزة أخسر بنت خالي كمان. عاصم ممكن تتجوزها؟ عاصم وقف من الصدمة. عاصم: شمس، انتي عارفة بتقولي ايه؟ شمس: أيوة وفاهمة كويس، بس انا مش بوثق بأي حد، انا بثق فيك انت وبس. عاصم: انا مش عاوز أرفضلك طلب يا شمس، بس بنت خالك مجنونة. شمس: ارجوك يا عاصم، عشاني.

عاصم بتنهيدة: طيب، انا موافق. عمي سليمان، انا عاوز أطلب ايد بنتك على سنة الله ورسوله. سليمان: وانا موافقتي. تليفون شمس رن، وهي ردت. شمس: ألو، وسيم في ايه؟ وسيم: شمس، احنا عرفنا مكان سهر. شمس: طيب، وسيم انا بجد عاوز أشكرك عشان انت بتساعدني بكل حاجة. وسيم: مفيش شكر بينا، يلا سلام. وسيم وشمس قفلوا. شمس وعاصم رجعوا البيت، وناهد كانت قاعدة بالصالون، واول ما دخل عاصم راحت عنده بسرعة. ناهد: كنت فين يا حبيبي؟

عاصم: انا هتجوز يا ماما. ناهد بصدمة: عاوز تتجوز وانا مش عارفة مين العروسة؟ هي مين يا ابني؟ عاصم: شهد بنت خال شمس. ناهد بصت على شمس وقالت بغضب: اكيد البنت دي هي اللي خلتك تتجوز منها. شمس بصوت عالي: اسمي شمس السيوفي، مش البنت دي يا ناهد السيوفي. جنة وحياة وسعيد نزلوا. سعيد: في ايه يا ناهد؟ ناهد بدموع تماسيح: البنت دي عاوزة تدخل بحياة ابني وهي اجبرته عشان يتجوز من بنت خالها.

عاصم: انا مش ولد يا ماما، انا عاوز اتجوز من شهد بارادتي. ناهد: طيب يا ابني ربنا يباركلك. وراحت أوضتها قفلت الباب واخدت تليفونها واتصلت برقم مجهول. ناهد: البنت اللي اسمها شمس لازم تموت بسرعة يا عبقري. العبقري: احنا لسه في البداية. ناهد: دي عاوزة من ابني يتجوز من بنت خالها اللي اسمها شهد، البنت دي مجنونة خالص، انا عارفة كل واحد بعيلة شمس. العبقري: خلاص يا ناهد، خليه يتجوز، ماهو جوزها الأول مات.

ناهد: يعني ممكن ابني كمان يروح فيها؟ العبقري: متخفيش يا ناهد السيوفي، انا موجود. سهر هترجع بيتكم وهي بتشتغل معايا انا كمان. ناهد: يعني اللعبة هتبقى حلوة مش كده يا عبقري؟ العبقري: أيوة، يلا سلام. قفلت ناهد ونزلت. ورعد رجع البيت وقعد على الكنبة. رعد: شمس ممكن تجيبيلي كوباية ماية؟ شمس وهي بتنزل من السلم: انا مش بشتغل عند ابوك، خلي جنة هي تجيبلك. جنة جابت كوباية ماية لرعد وهو اخدها من ايدها وشربها. وهنا دخلت سهر.

سهر: ازيك يا رعد السيوفي يا قلبي، انا آسفة عشان سيبتك. شمس بابتسامة نصر: ماشي يا رعد السيوفي، لو مخلتكش تندم انت وعيلتك مبقاش شمس.