رواية شمس الزين الفصل الرابع 4 - بقلم حنين علي

زين: يلا الفيلم خلص. شمس: يلا. أي ده! آآآآه! زين: هه، باين إنك مبتخافيش. شمس: على فكرة أنا اتخضيت بس عشان اتغفلت، مش أكتر. زين: واضح طول الفيلم. فعلاً. شمس: يلا نروح الكورنيش. زين: يلا. ركبوا العربية ووصلوا عند الكورنيش. شمس: المَعصرة اهي، تعالي نجيب عصير قصب ونتمشى هنا. زين: يلا. جابوا عصير قصب وبدأوا يتمشوا على كورنيش البحر. شمس: زين، ممكن تاخدني أزور ماما قبل ما نمشي؟ زين: ممكن. شمس: شكراً إنك وافقت. زين: العفو.

شمس: تعرف إن ده أكتر مكان برتاح فيه. زين بص لها باهتمام. شمس: يعني كنت ديماً لما بزعل باجي على هنا على طول، وأجيب عصير قصب أشربه. كنت باجي أحكي مشاكلي للبحر وأمشي. من وأنا صغيرة حتى كنت بخلي ماما تجيبني هنا. شمس: تعرف! زين بص لها تاني. شمس: ماما وحشتني أوي. نفسي أقعد معاها زي الأول، أحط راسي على رجلها وتطبطب على شعري، وكل همومي تروح مع مسحة إيديها. (دمعت)

نفسي أحضنها، نفسي أحس بوجودها معايا، نفسي أرجع أحس بالأمان تاني عشان هي معايا. زين، ينفع تفضل جنبي وتحسسني بالأمان؟ ينفع تكون سندي وقت ما أقع وتكون في ضهري؟ ينفع تطبطب على حزني وتحتويني؟ زين ابتسم لها: ينفع. شمس مسحت دموعها: اتكلمنا كتير أوي ونكدت عليك تقريباً. زين: لا، كويس إنك تكلمي وطلعتي اللي شوية من الحزن اللي في قلبك. شمس: شكراً. شكراً إني حسيت بالراحة معاك وقدرت أتكلم. زين: العفو.

شمس: ممكن نشتري حاجات وأطلعها على روح ماما. زين: ممكن. شمس: تمام، يلا. اشتروا حاجات مامتها كانت بتحبها ومشيوا يوزعوها. شمس: الوقت عدى بسرعة أوي والنهار طلع. دلوقتي تقدر نروح لماما. زين: تمام، يلا. ركبوا ووصلوا المقابر. شمس راحت عند قبر مامتها وزين كان واقف بعيد شوية. شمس: ماما، أنا كبرت واتجوزت. كان نفسك تفرحي بيا. واتجوزت عشان أخلص من ضرب وإهانة بابا. أنا دلوقتي اتجوزت وزين جوزي هو اللي جابني أزورك. (بعياط)

ماما، انت وحشتيني أوي. وحشني أقولك يا ماما. وحشني أشوفك وألمسك. وحشني وجودك معايا وطبطبتك عليا وقت حزني. وحشني أنام على رجلك وأنسى كل همي. اتكلمت امبارح مع زين عنك كتير أوي ولاحظت إنك وحشاني. وحشاني أوي. (بعياط أكتر)

أنا آسفة. آسفة عشان مجيتلكيش من زمان، بس انتِ عارفة بابا كان بيعمل إيه ومكنش بيخليني أجلك. كنت فاكرة إنه هيتغير بعد وفاتك، بس لأ، بقى أسوأ. بس متخافيش عليا دلوقتي، ميقدرش يعملي حاجة. ربنا عوضني بأب مكانه بابا رؤوف أبو زين. سامحيني، سامحيني على إهمالي ليكي وسط كل الحاجات اللي حصلت، بس عايزاكي تطمني عليا، دلوقتي أنا بخير وحياتي بقت أحسن. وقدمت في الجامعة، دخلت كلية طب عشانك عشان كان نفسك أكون دكتورة. أنا دلوقتي بقيت في طب وهبقى دكتورة عشان تفرحي بيا. ماما، متزعليش عشان بعيط. أنا بعيط عشان انتِ وحشتيني، وحشتيني أوي. أنا همشي دلوقتي، بس أوعدك هجيلك في أقرب وقت أقدر أزورك فيه. بحبك أوي.

زين كان واقف بعيد بيدمع على كلامها وعلى الحزن اللي في قلبها. شمس: زين، ممكن أحضنك؟ زين: ....