رواية شطرنج الحب الفصل العاشر 10 - بقلم جني غنيم

عزيز قرب لنورا بشكل كبير فقالت: أنتَ بتقرب كده ليه يا عزيز؟ عزيز حاوط نورا وقال بحب: نورا أنا بحبك نورا من الصدمة تنحت ولم تقدر أن ترد، فقال عزيز: بصي أنا متفهم أني قولت في الوقت الغلط، وإننا لسه متعرفين على بعض، بس بصراحة أنا مش قادر أكتم مشاعري. مش عارف إزاي وإمتى بس... قاطعته نورا: مش شايف نفسك اتسرعت شوية يا عزيز؟ وبعدين هو كل الستات اللي اشتغلوا معاك بقا كنت بتحبهم؟ عزيز: أكيد لا!

لأني في شغلتنا مفيش حاجة اسمها مشاعر. بس فكري فيها، مش حاسة إن في كيميا ما بينا؟ عزيز بيقرب أكتر، نورا قالت بتوتر: عزيز ارجوك، أنا صحيح بدأت أثق فيك، متهدّمش كل حاجة. ابعد عني ارجوك عشان أنا بدأت أخاف منك. عزيز بعد عنها ومسك إيدها وقال: نورا خودي وقتك، بس صدقيني لغاية ما تحبيني أنا هحاول قدر المستطاع أسعدك وأعوضك عن الأيام الصعبة. عزيز باس إيدها وقال: اركبي يا نورا عشان نروح. عند غفران. غفران يدخن سيجارة وقال:

أنا عايز تعرف لي حركات عزيز كلها. -يا باشا عزيز مش سهل. غفران بعصبية: أتصرف! 24 ساعة وكل المعلومات تبقى قدامي. عزيز شايل كياس المشتريات ونورا ماشية جنبه، فقال: بقولك إيه، ما تيجي نروح السينما بكرة. نورا بصت له بتعجب وقالت: بمناسبة إيه؟ عزيز ابتسم وقال: يعني في فيلم عايز أتفرج عليه، بس مش عايز أروح لوحدي. نورا ابتسمت وقالت: اممم... ماشي. عزيز ونورا طلعوا، ونورا دخلت أوضتها. عزيز قعد بتعب ولقى مصطفى داخل عليه.

عزيز يبص في ساعته وقال: هو أنتَ كنت فين ده كله؟ مصطفى رمى شنطته بملل وقال: والنبي يا عزيز مش ناقصة تحقيق، أنا مش قادر. عزيز: طب أنا عندي اتفاق حلو، أنا مش هسألك كنت فين، بس يا ريت نكون صحاب. مصطفى بملل: حاضر يا عزيز... أنا داخل أنام. تاني يوم في السينما. نورا لابسة فستان أسود قصير، وعزيز ماشي جنبها وعبمال يبص عليها، فقالت: ممكن كفاية تبص عليا عشان أنتَ بتحرجني؟ عزيز: يعني القمر ده ماشي معايا، عايزاني أعمل إيه؟ نورا:

أنتَ كده المفروض تجاملني، ليه تشبهني بحجر ياخد الضوء من انعكاس الشمس؟ عزيز: لا والنبي، إجابات فلسفية مش عايز. أنتِ الست البنات كلهم، إيه رأيك؟ نورا ابتسمت وسكتت، فقال عزيز: ها، بقا عايزة فشار بالملح ولا كراميل؟ نورا: فشار بالكراميل طبعاً. عزيز جاب فشار. عزيز ونورا داخلين قاعة الأفلام، فقال: ليه صممتي على فيلم "كيرة والجن"؟ ما كنا ندخل فيلم "بحبك" بتاع تامر حسني. نورا: أكيد مش هفوت فيلم لكريم عبد العزيز. عزيز:

يا رب ربع الإعجاب ده. نورا مسكت دراع عزيز وأنجذبت له وقالت: بس على الأقل دخلت معاك أنتَ ♡ أثناء الفيلم. كان في مشهد رومانسي، عزيز مسك إيد نورا، ونورا حاطت راسها على كتفه وكانت تاكل فشار. عزيز قال بهدوء: مبسوطة؟ نورا بفرح: جداً! نورا وعزيز طلعوا من السينما، وقالت: ياه يا عزيز، أنا بجد مبسوطة، شكراً. عزيز طبطب على كتفها وقال: نورا ممكن توعديني وعد؟ نورا: إيه هو؟ عزيز: تسامحيني مهما أعمل؟ نورا:

عزيز مش هقدر، لأن أكيد في أعمال مش تُغتفر مهما كان الحب والمودة. عزيز لسه هيتكلم، الدنيا بدأت تمطر، فقالت نورا: هي الدنيا من إمتى بتمطر في سبتمبر؟ عزيز مسك إيدها وقال: تسمحي لي بالرقصة دي؟ نورا: أنتَ بتهزر؟ إحنا كده هنعدي الأفلام الهندي والناس كمان. عزيز حط إيده على وسطها والإيد التانية مسك إيدها وقال: سيبك من أي حاجة، هو الواحد هيعيش كام مرة؟ عزيز حضن نورا وكانوا يرقصوا تحت المطر، فقالت نورا فجأة:

عزيز هو أنتَ مخبي عليا حاجة بخصوص شغلك عشان يكون معاك الفلوس دي كلها؟