رواية شيطان العشق الفصل السادس والعشرون 26 - بقلم دنيا محمد

مالك وهو يحمل نسرين ويدخل بها جناحه. مالك بصدمة: عمي. يوقع مالك نسرين على الأرض. نسرين وهي تنظر له في غضب: آه مش تحاسب يا أخ. ثم تنظر إلى ما ينظر إليه، فتجد أباها يجلس على السرير أمامه طبق من الفاكهة ويشاهد التلفاز. نسرين بصدمة: بابا. أبو نسرين: هههههه فيلم يجنن، تعالي يا حبيبة أبوك اتفرجي معايا. نسرين وهي تجري لأحضان والدها: حبيبي بتعمل إيه هنا. أبو نسرين: بعسل معاكم.

مالك بصدمة: جاي تقضي شهر العسل معانا وإحنا عرسان، المفروض إنهاردة دخلتنا. أبو نسرين بابتسامة: أيوه. ويلقي له تفاحة. أبو نسرين: كل يا عريس، كل. نسرين: فين ماما صحيح. أبو نسرين: في بيت جوزك بتوضبه وبتنقل جهازك، ما أنتي عارفة إننا ملحقناش وسبتني ومشيت، كانت قايلالي قبليها إنها هتروح، فقلت أقعد لوحدي يعني، فحجزت طيارة وساعة وجيت هنا وهقعد معاكم وهتقعدي في حضن أبوكي يا قلبي. وينظر لمالك بنظرة يفهمها جيداً.

مالك: وبالنسبة للدخلة حضرتك؟ وأنا هبات فين لو هي باتت في حضنك. أبو نسرين: معانا يا قلبي في نفس الأوضة. مالك: والنبي جداً. يقترب أبو نسرين من مالك. أبو نسرين: عشان تزعق لي مرة تانية يا جوز بنتي. ويذهب ويستلقي على السرير ويأخذ نسرين في أحضانه، وظل ينظر لهم مالك في غضب ولا يعلم ماذا يفعل مع هذه العائلة، وذهب ونام بجانب أبو نسرين في نفس الغرفة. هم الثلاثة. تاني يوم في الصباح، استيقظ مالك على خبط على الباب.

ذهب ليفتح، فوجد ملاك وباسل. ملاك وهي تزيح مالك من أمامها: لولولولولوي، فين العروسة يا عروسة يا عروسة، أنتي فين. باسل: سبع ولا ضبع. مالك: قطة. باسل: نعم. مالك: أبوها جه هنا امبارح ومقربتلهاش ونام جنبها، تخيل وأنا واقف أبص عليهم. ملاك وهي تمسك مالك من ملابسه: فين نسرين، عملت إيه في البت، أكلتها ولا إيه، انطق. باسل وهو يبعد ملاك عن مالك: اهدى يا وحش، اهدى. مالك: تلاقيها مع أبوها، أوعى كده. ملاك: أبوها إزاي.

قص عليها باسل ما علمه من مالك. ملاك: هههههه، أحسن، أحسن، تستاهل والله، الحج ده جدع. مالك: سكت مراتك يا باسل، وبعدين إيه اللي جابكم هنا صحيح. باسل: جينا نعسل معاكم يا أخي، ولا حرام لينا وحلال ليك. ودخل عليهم نسرين ووالدها. نسرين وهي تتفاجأ بوجود ملاك وتحضنها: ملاك بتعملي إيه هنا. ملاك: بنعسل زيكم. نسرين: ده أحلى شهر عسل في حياتي. مالك: أنا العكس، الكل اجتمع عندي.

أبو نسرين بخبث: وفيها إيه يا عريس، مش اتجوزتوا خلاص، عاوز إيه أكتر من كده، تعالي في حضني يا حبيبة أبويا. ملاك وباسل يكتمون ضحكاتهم، ووجه مالك لا يفسر من شدة الغضب. مالك: هو الواز عندك فرح وأنا اكتب عليها وخلاص. أبو نسرين بخبث: أومال عاوز إيه تاني. مالك: عاوز، عاوز، عاوز، اتجوز زي ما أنت اتجوزت. أبو نسرين: ما أنت اتجوزت، يلا يا نيرو نروح البعض، يلا يا ملاك تعالي معانا. ملاك: يلا يا عمو.

وانتهى أبو نسرين وملاك وذهبوا إلى البحر. باسل: احيه، جوزك خد مراتي ومشى، طب ياخد مراته براحته دي بنته، إنما يشقط مراتي قدام عيني إيه ده. مالك: اشرب بقى عشان تضحك علي. باسل: تستاهل عشان اللي ناوي تعمله فيه. مالك: وحياة أمك، هو بإيدي، ما أنت عارف أنا هعمل كده ليه، متعصبنيش. باسل: عارف يا مالك، بس نسرين فاكرة إنها هتسكت لما تعرف، ده لو ملاك مكانها كانت جابت بنزين وولعت في.

مالك: أنا مبحبش نسرين وهي مبتحبنيش، هي بس معجبة بيا، إنما حب مبتحبنيش. باسل: أنا نصحتك وخلاص، بس صدقني هيجي اليوم اللي تندم فيه لما تضيع من إيدك، مع إن أشك إنك فعلاً مبتحبهاش. وتركه ورحل. في القاهرة عند اعتماد وياسمين. ياسمين: أوف، ورق المناقصة ده مش فاهمه منه حاجة، كل ما أجي أحله تتعقد أكتر، أعمل إيه، أتصل على مالك طيب ولا إيه. تأتي إليها اعتماد وهي تتحدث في الهاتف وتتحسس أمامها المكان بعصاها.

اعتماد: هههههه، بس بقى يا راجل، اختشي، طب خلاص خلاص، هلبسلك القميص البمبي، آه أبو وردة ده، لا لا، ما فيناش من البوس والحاجات دي يا خلبوص، إحنا نخش في الجد على طول، هيهييي. ياسمين: إيه يا تيتا المرحوم فاق من تربته تاني ولا إيه. اعتماد: بس يا خدامة حقيرة، سقوط سماوات على رأسك، خدامة جربوعة. ياسمين: بقولك إيه، أنتي عيارك فلت، يا اعتماد، بكرة تجيبي لي رجالة هنا، أنا راحة لمالك عشان الشغل وهخدك معايا، يستحيل أسيبك.

اعتماد في الهاتف: ششش، ولد جربوع، ألا تختشي من محادثة سيدة مرموقة مثلنا، احتشم يا ولد. وتغلق الخط في وجهه. هاني بابتسامة: قفلتي الخط في وشي يا اعتماد، بس ولو على قلبي زي العسل. نرجع لياسمين واعتماد. أم نسرين تدخل عليهم القصر. أم نسرين: يجعلها عتبة السعد عليكي يا بنتي. ياسمين: انتي مين. أم نسرين: أنا أم العروسة، انتي اللي مين. ياسمين: انتي أم نسرين، يا أهلا يا أهلا، أنا ياسمين أخت مالك.

نسرين وهي تقبلها وتحضنها: أهلا يا حبيبتي بيكي، أنا كنت جايه عشان أوبب البيت للعرايس وكده، وجايبة هدوم نسرين. ياسمين: اتفضلي يا خالتي، اتفضلي، البيت بيتك. دي اعتماد جدة مالك. اعتماد: انتي الخدامة صح. أم نسرين وهي تتخصر: خدامة، خدامة مين يا حبيبتي، أنا أم العروسة. اعتماد: خدامة جربوعة، قال عروسة قال، ناقص تعملي راسك براسي، انتي مطرودة.

ياسمين: يا خالتي، اهدى، دي تيتا بس عندها زهايمر، وكلنا فكرنا هنا خدامين، يا أما بتوع آداب، يا أما أي مصيبة، معلش، اعذريها. أم نسرين: لا حول ولا قوة إلا بالله، معلش يا بنتي، ما كنتش أعرف. اعتماد وهي تلوي فمها: أنا مش بنتك يا خرفانة، انتي أنا أمي نزلي هانم السلحدار، أبقى بنت جربوعة زيك.

ياسمين: تعالي يا خالتي، ومتخديش على كلامها، أوريكي أوضة العرسان، و بالنسبة لاعتماد، أنا هاخدها وأسافر، لأن مينفعش أسيبها لوحدها، لأن ورايا شغل، وأنتي اعتبري البيت بيتكم. تتركها وتذهب إلى أبطالنا حيث ملاك تلعب في الرمال هي ونسرين، وأبو نسرين يراقبهم، ويجلس مالك وباسل بالخلف بعد أن منعهم أبو نسرين أن يقتربوا من الفتيات.

باسل وهو يضع يديه على خده: هو أنت اللي اتجوزت ولا أنا، دول أهل مراتك، أنت يتحكموا فيك براحتهم، أنا مالي، أنا يمنعوا عني مراتي ليه، ده أنا ما صدقت رميت العيال لجني وايهاب وأقنعتهم إنهم يقعدوا معاهم كذا يوم لحد ما أرجع، وقولت هستفرد بالبت، يحصلي كده. مالك: اومال أنا أعمل إيه، عريس مع وقف التنفيذ. باسل: والحلم. مالك: معرفش. باسل: إيه رأيك نخطفهم ونهرب بيهم. مالك: هنخطف مراتنا. باسل: عندك حل غير ده.

مالك: بطل عبط، أنا هروح أجيبها واللي يحصل يحصل. ويقترب من نسرين. أبو نسرين وهو يوجه العصا لوجه مالك: رايح فين. مالك: لمراتي. أبو نسرين: ارجع مكانك أحسن لكم. مالك: مش راجع. يضربه أبو نسرين بالعصا: قلت لك ارجع. رجع مالك مكانه. باسل بضحك: شفت، ما عمل معايا نفس الكلام من شوية، والله العظيم حاسس إن السفرية دي مبصوص لي فيها، معرفش ليه. عند إيهاب وجني. جني وهي بتجري: إيهااااب الحقني، زين بيجري ورايا بالمقص، أعاااااا.

إيهاب: الحقيني أنت، مش قادر أتحرك، يزن حط قشرة موز واتزحلقت، مش قادر أتحرك. جني: أبوهم وأمهم هايصين وسيبينهم لينا. زين بضحكة شريرة: هههههه، جني يا جني، اطلعي، هلعب معاكي، بس شعري. (هههههه، جني يا جني، اطلعي هلعب معاكي، بس مش هقص شعرك) يزن وهو يمسك سلك كهرباء. يزن: قوي يا هوبا، البتاع ده لو اتحط في قفاك هيديب قناة إيه. (قلي يا هوبا، البتاع ده لو اتحط فقفك هيجيب قناة إيه) إيهاب بلطم: الحقيني، الحقيني، هيكهربني، يالهوي.

جني من ورا الكنبة: الحقيني أنت، شعري هيطير. إيهاب: أبوهم وأمهم هايصين وسيبين لنا البلوتين دول. جني: يا بختهم، ارتاحوا وتعبونا إحنا، أعاااااا، الحقني يا إيهاب. استووووب. بارت مش طويل أوي عارفه، بس وربنا ما لبا مزاج للكتابة + نعسانة جدا وهنام.