رواية شيطان العشق الفصل الخامس والعشرون 25 - بقلم دنيا محمد

جهزت نسرين وخرجت للجميع وهي ترتدي فستانًا أزرق عاري الأكتاف يصل طوله إلى ركبتيها. ارتدت ملاك أيضًا فستانًا بلون الموف عاري الأكتاف والصدر يصل طوله إلى ركبتيها، وفردت شعرها مثل نسرين. نسرين: بت يا ملاك، فين الحجاب؟

ملاك: القعدة لقيتها طرية يختي، فغيرت هدومي. كنت عاملة حسابي وجايبة معايا هدوم. أمك طردت باسل والعيال، وقلتلهم دي قعدة بناتي. ف راح لجوزك والعيال. أبوكي خدّهم، اتجنن لما شافهم وقعد يلعب معاهم في الشارع ونسي فرحك. بس أمك أي جبروت! مسكت السكينة لباسل، أصل قالها أنا قاعد مع مراتي. قامت جابت السكينة، ف طلع يجري. نسرين بضحك: يالهوي، أمي دي رهيبة! ولا هتلر يقدر يقف قدامها.

أم نسرين من وراهم: فظيعة برضه نجلا دي، في حد يعمل كده؟ نسرين وملاك في صوت واحد: آه والله، جبروووت. أم نسرين وهي بتديلهم على قفاهم: أنا جبروت يا جزم؟ يافردة جزمه منك ليه. ملاك وهي بتجري: يالهوي، خلاص والنبي. نسرين هي اللي قالت، مش أنا. نسرين وهي بتتفادى الشبشب: صلي على رسول الله، عيال وغلطوا. يموت. نسرين هتعملي عقلك بعقلهم. أم نسرين: ماشي يا جزم، أوريكم. ملاك: أوريها هي، مش أنا. هي بنتك.

أم نسرين: ما انتي زي بنتي انتي كمان. عندك اعتراض؟ ملاك بدموع لتذكرها والديها التي لا تذكر من ملامحهم شيئًا، وذهبت لأحضان أم نسرين. ملاك: لأ، معنديش. أنا كمان بنتك، واللي يرسى عليها يرسى عليا. نسرين بشفقة، فهي تعرف حكاية ملاك وباسل: ياستي، أمي أهي. أنا بقولك خديها وجربي الشبشب انتي. ملاك: ربنا يخليها لك. أم نسرين: ويخليكم ليا يا بنات. في الأسفل عند مالك وباسل. مالك: أيوه، علّق الأنوار كده.

باسل: ملقتش غير الشارع اللي تعمل فيهم. مالك: حكم القوي، نسرين هي اللي مصممة على فرح في الشارع. باسل بضحك: بتفكرني بلبومة اللي متجوزها عليك. أول مرة خرجنا فيها، طلبت تاكل. مالك: لا، انتو مجانين. أتوقع منكم أي حاجة. بس سمعني. باسل: متقولش على مراتي مجنونة، أنا بس اللي أقولها كده. وطلبت تاكل فول وحلت بعصير قصب، وكلت كشري مصري. انت متخيل؟ مالك: إيه العك ده؟ وانت مش معقولة كلت معاها؟ ما أنا عارفك بتاكل بشوكة وسكينة.

باسل: لا يا عم، كلت وربنا. المهم، سيبك من الكلام ده. أنا عاوز أشوف مراتي، وحشتني. وأم مراتك طردتني، تخيل؟ ومسكتلي السكينة دي، فظيعة. أبو نسرين من وراهم: بس يلا انت وهو. مراتي دي ملاك وكيوت في نفسها خالص. مالك وباسل: بسم الله الرحمن الرحيم. أبو نسرين: إيه؟ شوفتوا عفريت؟ وبعدين، مش انتو بس اللي اتطردتو. عمتاً، أنا أولكم. أول ما صحيت من النوم طردتني. قلتلها أفطر طيب؟ قلتلي أفطر في الشارع. انتو متخيلين معاناتي؟

باسل: والله يا حج، انت ليك الجنة. أبو نسرين: المهم، عاوزين تطلعوا فوق صح؟ باسل: آه طبعًا. نظر أبو نسرين لي مالك: وانت يا عريس؟ مالك: ها؟ آه طبعًا يا عم. أبو نسرين: تروحوا تشتروا نقاب لكل واحد فيكم وتلبسوه وتطلعوا. سهلهم. مالك: نعمممم! آخرتها هلبس نقاب؟ يعني بنتك امبارح تلبسني زي وحش، وانهارده انت عاوز تلبسني نقاب؟ أبو نسرين برفعة حاجب: بتعلي صوتك عليا؟ تمام، قابل اللي هيحصل لكم. تركه ورحل.

باسل: أنا هروح أجيب لي نقاب. البت وحشتني، وأم مراتك يستحيل تدخلني. هجيب لك معايا لو حبيت تيجي. أهلاً وسهلاً. تركه ورحل ليحضر النقاب له ولي مالك. باسل: ده بتاعك. هتيجي معايا ولا لأ؟ مالك: لأ. باسل: على راحتك. أنا طالع. مالك: أوووف. استنى، أنا جاي معاك. ارتدوا النقاب وطلعوا لفوق. باسل: نهار أبوك أسود ومنقط بإسود ومخطط بإسود يا ملاك الكلب! لبسالي قميص نوم؟ دنتي مبتلبسيش ليا كده! ولا دور وشك، أنا مراتي محجبة!

ملاك: يا عم اتنيل، أنا بدور على نسرين. مش فاضي أبص لمراتك. وبعدين، غير صوتك بدل ما ننكشف. باسل: هخلع أنا. أروح لمراتي. سلامو. ذهب باسل لي ملاك وجلس بجانبه. باسل بصوت أنثوي: إيه القمر ده؟ أول ما دخلت قلت إنك العروسة. ملاك بابتسامة: ربنا يخليكي يا طنط. تعالي، مدي إيدك وساعدينا في عمايل الأكل. باسل وهو يلقي عليها فوطة: بقولك، إيه؟ ما تداري جسمك. ملاك برفعة حاجب: أداري جسمي؟ لي؟ هو في رجالة هنا وأنا معرفش؟

دحنا كلنا بنات. باسل بتوتر: ها؟ لا، مقصدش. أصل أخاف تتحسدي على جمالك. ملاك: سيبها على الله. وبعدين، لبسة النقاب لي؟ أقلعيه. الجو حر وعشان تعرفي تساعدينا في المحشي ده. باسل: لا، أنا مرتاحة كده. باسل: والله لأوريك يا ملاك الكلب على اللبس اللي لبساه ده. مع إني منبه عليكي، بس مفيش فايدة في دماغ الكلب اللي عندك دي. بس ماشي، ماشي، هربيكي. نروح عند نسرين وأمها في الغرفة المجاورة. أم نسرين: بت يا نسرين، هيا صحبتك ملاك مالها؟

نسرين: مالها إزاي يعني؟ أم نسرين: لما حضنتني، حسيت إنها زعلانة وبتعيط. نسرين: بس يا ماما، دي حكايتها حكاية. أصلها يتيمة من صغرها ومش فاكرة حتى شكل أهلها، لأنهم ماتوا وهي عندها أربع سنين. أم نسرين: يا قلبي يا بنتي. أوعي. عديني. مروحلها. تركتها وخرجت. ودخل مالك على نسرين. نسرين: إيه؟ خدمة؟ مالك بصوت أنثوي: لا، كنت جاية أشوفك لو عاوزة حاجة يا عروسة. نسرين برفعة حاجب: لا، شكراً. اتفضل أنت.

اقترب منها مالك وحضنها من الخلف. مالك: مبروك يا عروسة. تركها وخرج. نسرين: دي مش ست. مفيش ست تعمل كده. يا أما ريمبو. أكيد عند أم نسرين. أم نسرين: قومي يا ملاك، تعالي معايا. وسحبتها من يديها وذهبت للمطبخ. ملاك: في إيه يا خالتو؟ أم نسرين وهي تحشر الطعام في فم ملاك: ششش. نديني ماما. منا زي أمك ولا إيه؟ وبعدين، سيبك من اللي بره دول واقعدي انتي هنا وكلي، فاهمة؟ وأخذتها في حضنها.

ملاك: شكراً يا ماما. بس كفاية أكل. الرجيم هيبوظ. أم نسرين: رجيم إيه يابنتي؟ وانتي معصعصة كده. باسل ونسا أن يقلد صوت الأنثى: قولي لها والنبي يا خالتو، مش فاهمة إني بحب الملبن. ملاك بصدمة: باسل! باسل وقلد صوت الأنثى: باسل مين؟ أنا أنا أنا نيرة. سحبت أم نسرين النقاب من على وجهه. أم نسرين: هلا هلا هلا. ولبسلي نقاب! إيه اللي جابك هنا؟ انطق! باسل بخوف: أنا أنا بصراحة، هيا وحشتني. أعمل إيه يعني؟

وانتي محرجة عليا أشوفها أو أقعد معاها؟ مكنش قدامي طريقة غير دي. أم نسرين وهي ممسكة به من أذنه: مين اللي ساعدك وخلاك جريء تيجي هنا؟ أنا مش قلت ممنوع إنك تيجي هنا؟ قلت ولا مقلتش؟ باسل: أنا آسف، آسف والله. دي مراتي، مش ماشية معايا. وبعدين جوزك هو اللي قال لنا الفكرة. أم نسرين: قال لكم انت ومين بالظبط؟ باسل: أنا ومالك. مهو لبس نقاب هو كمان. وبعت قبلة لملاك في الهواء. أم نسرين وهي تشد على أذنه: بتبوسها؟ وأنا واقفة؟

بتبوسها وأنا واقفة قدامك؟ على بره، قدامي! وخرجت به أمام النساء، وظلت تبحث عن مالك حتى وجدته ونزعت عن وجهه القناع. أم نسرين: قفشتك! وأنا اللي بقول جوز بنتي عاقل ورزين. مالك: والله يا خالتو، باسل السبب مش أنا. وطلع يجري من أمامها، ولحق به باسل. نسرين بضحك: هموووت بقى. هو اللي دخلني الأوضة وحضني. ملاك: يخربيتك! انتي بتقولي إيه؟ أمك واقفة. نسرين: آه صح. أحيه، والله ما أعرف إنه هو. يا ماما. أم نسرين: فوضت أمري ليك يا رب.

وتركتها ورحلت. نسرين: هموووت. جوزك جنن جوزي. ملاك: أبوكي صاحب الفكرة يختي، فا اسكتي. جوزي مجنون آه، بس مش ذكي كده. نسرين: آآآآه، نسينا الفستان! يالهوي! ملاك: في الأوضة اللي هناك دي. مالك جابهولك الصبح. والميكب أرتيست على وصول. يله عشان نجهز وأساعدك تلبسي الفستان. نسرين: يله، هتجوز، هتجوز. وذهبوا وراء الفستان. ملاك: أحيه. نسرين: لا، دي أحيه كبيرة. الفستان يهوس. آآآآه.

وجهزت نسرين وارتدت فستانها، وأتت الميكب أرتيست، وتجهزوا الفتيات للفرح. في المساء، بعد أن سلم أبو نسرين نسرين لمالك. نسرين في الكوشة، وبتتمايل على نغمات الموسيقى. نسرين: واد يا حموكشة. حموكشة: إيه يا نسرين؟ حتى وانتي عروسة مش رحمانة؟ نسرين: اطلع بيتنا فوق وهات سلك مواعين، وأنا ولّاعة، وتعالى. حموكشة: هنولعها؟ نسرين: آه، بس بسرعة. وقامت نسرين وهزت وسطها، وذهبت معها ملاك وهما يرقصان على النغمات. والجميع ينظر إليهم.

قام باسل وسحب ملاك من يدها بعيدًا عن الفرح. باسل بعصبية: انتي اتجننتي ولا شكلك كده؟ ملاك: في إيه؟ باسل: وحياة أمك، مش عارفة في إيه. أجى أحزمك عشان تكملي رقص والكل يبص على جسمك؟ يا روح أمكم. ملاك بعصبية: باسل، أنا حرة. وبعدين، أنا ونسرين بنرقص، يعني مش لوحدنا. باسل: هيا حرة، هيا العروسة. إنما انتي لأ، فاهمة يا روح أمك؟ ولا أفهمك بطريقتي؟ ملاك: ماشي يا باسل، ماشي. وتركته ودخلت للفرح مجددًا.

عند مالك، سحب نسرين من يدها وأجلسها بجانبه. مالك: مقلتليش ليه إنك متجوز رقاصة؟ نسرين: أنا رقاصة يا مالك؟ مالك: وحياة أمك، لو قومتي اتحركتي من جمبي هنا تاني، لانتِ حرة يا نسرين، فاهممممة؟ وبلاش أنكد عليكي الليلة دي. نسرين: ماشي يا مالك، هنشوف. واتى حموكشة بسلك وولاعة. مالك: هتعملي إيه بسلك ده؟ نسرين وقامت من مكانها، وأشعلت السلك وظلت ترقص مثل رقص الشباب، وحركت حاجبيها لمالك. ذهب وأخذها مجددًا وأجلسها بجانبه.

مالك: انتي اللي بتطلعي شياطيني، اشربي بقى. ورحمة أمي، لأولع فيكي يا نسرين. وانتهى الفرح، وأخذ مالك نسرين لشرم ليقضوا شهر عسلهم وأول لياليهم هناك سويًا. مالك وهو يدخل نسرين الجناح. مالك بعصبية: ادخلي، ده ليلتك سودة بقى. أنا متمشيش على أوامري وتنزلي رقص؟ لا! وأي بالسكاكين كمان؟ دنا هطلع عينك. نسرين بصوت عالي: أنا حرة، فرحي وبرقص فيه، انت مالك انت ومالي؟ مالك بصوت أعلى: مالي؟ مالي يا روح أمك؟

انتي مراتي، نسيتي نفسك ولا إيه؟ نسرين: أنا مش مراتك! إيه قولك بقى؟ أقولك طلقني يا مالك، طلقني! مالك: أنا هعرفك دلوقتي مش مراتي إزاي. حملها مالك ودخل على غرفة النوم. وفجأة...