رواية شيطان العشق الفصل الرابع والعشرون 24 - بقلم دنيا محمد

نسرين: اسمع لو قربت لبنتي هتلاقيني ناطط ليكم في الأوضة أي كان وضعكم إيه، وبالنسبة إنكم متجوزين، فجوزك ده بالنسبة لي ولا حاجة. بكرة هجيب مأذون وأعقد عليكم قدام الناس وهبقى معروف إنكم متجوزين وهتصرف معاه تمام. مالك بملل: يا عمي خلاص والله، إنت ليه محسسني إني هنام جنب أنجيلينا جولي. بو نسرين: بنتي أحلى منه. مالك: تصبح على خير يا عمي. ذهب لغرفتهم. مالك: بتعملي إيه؟ نسرين: بفرشلك على الأرض عشان تنام.

مالك: ومين قالك إني هنام على الأرض؟ نسرين باستغراب: اومال هتنام فين؟ مالك: على السرير وجنبك. نسرين: تنام جنبي؟ أنا لا طبعًا مينفعش. مالك: إنتي مراتي يا هبلة. نسرين: أصل يعني... مالك برفعة حاجب: أصل إيه؟ نسرين: ها، ولا حاجة، بس نام على الأرض أحسن لك. مالك واستلقى على السرير: تعالي اترزعي جنبي وبلاش كلام كتير. نسرين: إنت حر، أنا حذرتك. ذهبت لتستلقي بجانبه. نسرين بتوتر: تصبح على خير.

مالك وهو مغمض العينين: متخافيش، أنا وعدت أبوكي إني مش هلمسك، يعني ابلعي ريقك عادي. نسرين في بالها: يخربيتك، أنا مش خايفة منك، أنا خايفة عليك مني. يخربيت حلاوة أمك، جمل يا با الحج جمل. مالك: شكراً على الكلام الحلو ده. نسرين: إيه كلام؟ إيه؟ مش فاهمة. التفت مالك لها ونظر في عينيها: كلامك اللي بتقوليه في بالك دلوقتي، ومعاكستك لي. نسرين بتوتر: عرفت منين؟ أقصد أنا مكنتش بعاكسك أصلاً، وبعدين نام، تصبح على خير.

مالك بابتسامة: وإنتي من أهله. وناموا سوياً حتى دقة الساعة 3 الفجر. مالك: أوف، اقفلوا التلفزيون مش عارف أنام. وصحى من نومه وجد نسرين بجانبه جالسة وتنطق كلمات غير مفهومة. نسرين: أونا تو ريبتج سورتن جينيف راحتممممممممممممممممممممممواعلت صوتها في آخر جملة. مالك برعب: يالهوي، هي ملبوسة ولا إيه؟ بتقول تعويذة. نسرين: قرب مني وأنا هرفسك، قرب مني وأنا هرفسك، قرب مني وأنا هرفسك.

اقترب منها مالك لا يعلم لماذا، وتفاجأ بقدم نسرين التي وجهتها لمعدته، أوقعته أرضاً. مالك: يخربيتك، لا أنا مش نايم جنبك، لا مش هنام هنا. وخرج من الغرفة وجد أبو نسرين يجلس في الصالون. أبو نسرين: ههههههههههههه، ضربتك أكيد. مالك: أيوه، وعمالة تقول كلام غريب. أبو نسرين: هات كوباية ميه وتعالى ورايا. أحضر مالك الماء ورش أبو نسرين بعض قطرات الماء على وجهها. نسرين: حيييييي، إيه اللي حصل؟ أنا فين؟

أبو نسرين: ههههههه، الحالة جت لك وضربتي جوزك. نسرين بخجل: أنا آسفة، بس لما بتوتر الحالة دي بتجيلي وأنا نايمة، بقعد أقول كلام غريب وبضرب أي حد يقرب لي. مالك: يعني إنتي مش ملبوسة؟ نسرين بغضب ونظرة حارقة: ملبوسة إيه؟ دي حالة بتجيلي كل فترة وبتيجي لكل الناس على فكرة، وبعدين إحنا فيها، مش عاجبك؟ طلقني. مالك: إيه يختي، سمعيني كده تاني. نسرين بعند: طلقني. مالك

وهو ممسك بها من معصمها: لولا إننا في بيت أهلك كان زماني اتصرفت معاكي تصرف وحش، كلمة طلاق دي مسمعهاش تاني منك، فاااااهمة؟ نسرين بخوف: فاهمة، فاهمة. أبو نسرين وهو يبعد يد مالك عن بنته: أنا فاهم مشاعرك، بس متمسكهاش كده تاني. مالك: أنا آسف لحضرتك. أبو نسرين: لولا نظرتك دي مكنتش سكت، لأني أكتر حد مجرب العشق وفاهمك، يله هروح أنام أنا، اتصافوا انتوا مع بعض. وتركهم ورحل. مالك وهو يقترب

منها وينظر لها بوعيد: اسمعي يا نسرين، عشان نبقى من أولها على نور، طول ما إنتي معايا مسمعكيش تجيبي سيرة الطلاق، مهما حصل بينا هتفضلي لآخر يوم في حياتي على ذمتي، يا مرات الغول ده، أول حاجة. تاني حاجة، أوعي في يوم من الأيام تجيبي سيرة راجل على لسانك حتى لو هزار، أنا غيرتي وحشة، ووحشة أوي يا نسرين، أحسن لك متجربيهاش، فاااااهمة كلامي؟

نسرين بعناد وخوف: أوڤا تكون مفكر لما تزعقلي هخاف منك، لا مش أنا يا بابا، مش أنا يا حبيبي، أنا نسرين خلقت حرة وهموت حرة، إنت مشترتنيش عشان تزعقلي وتقول الكلمتين دول، فاكرني هخاف؟ تؤ تؤ، أبسولوتلي، أنا مش هخاف، أنا هترعب بس. وبدأت في البكاء. ضحك مالك على جنان زوجته: طب بتعيطي ليه دلوقتي؟ نسرين: عشان إنت زعقتلي. مالك: أنا آسف، بس بفهمك طبعاً.

نسرين: ولو ولو برضو، متزعقليش، اعاااااااا، جت الحزينة تفرح ملقتلهاش مطرح، آه ياني آه آه ياني آه ياني آه آه ياني، يلي ملكيش حظ في حاجة، يا نيرو يا صغيرة يا مقطقطة يا حلوة يا طعمة يا قمر يا نيرو، حتى جوزك يزعقلك يا نيرو. مالك ولم يعد يقدر السيطرة على ضحكاته: هههههههه، يخربيتك، طب إنتي بتعيطي وزعلانة مني ولا بتعاكسي روحك؟ نسرين: الاتنين، أقولك أنا، هنام. وتركته ونامت.

مالك في باله وهو ينظر لها: آسف على اللي هعمله معاكي، عارف إنك مستاهليش كده وإنك بريئة زيادة عن اللزوم، بس لازم أعمل كده. واستلقى بجانبها وراح في ثبات، وهيا في أحضانه. تاني يوم في الصباح. أم نسرين: نسرررررررين، اصحي، النهاردة فرحك، بنات الحارة جم عشان يجهزوك، اصحي يخربيتك. صحت نسرين وقعدت تنطط على السرير.

نسرين وهي ترقص: النهاردة فرحي وهبطل أبص على البنات، النهاردة فرحي وهبطل أقضيها اشتغالات، يا عم رقصني، ده عروستي هتبوسني، وهتجوز، هتجوز، هتجوز، هتجوز. اتجاهت إليها ملاك وهي تهز كتفها. ملاك: هيهييييي، هتجوز، هتجوز، لولولولوي، طالعة بطبق الكوسة نازلة بطبق الكوسة، وحبيبي عاوز بوسة، ينفع أزعله؟ نسرين: لا. ملاك: ينفع أغضبه؟ نسرين: لا. ملاك: طالعة بطبق الرده نازلة بطبق الرده، وحبيبي عاوز عضة، ينفع أزعله؟ نسرين: لا.

ملاك: ينفع أغضبه؟ نسرين: لا. ملاك: لولولولوي، مبروك يا نيرو، مبروك. نسرين وهي تحتضنها: الله يبارك فيكي يا ملاك، إنتي جيتي إمتى؟ ملاك: بقالي نص ساعة، ومحدش هيجهزك غيري النهاردة، فاهمة؟ نسرين: ربنا يخليكي ليا، لو عندي اخت مش هتعمل زيك كده معايا. ملاك: عيب يا بت، ده إحنا اللي بينا خطف مش أي كلام، ده إحنا هنولعها النهاردة، يله اغسلي وشك كده واجهزي، خليتي نوجا عندك طبله هنا؟ أم نسرين: عندي.

ملاك: سخنيها يله عشان ورانا هز وسط. وخرجت ملاك وهي ترقص.