رواية شيطان العشق الفصل الثالث 3 - بقلم دنيا محمد

وفجأة نسرين وهيا ماشية سرحانة مش عارفة تروح فين خبطت في حد. نسرين: ااااه مش تفتح يا عمي ولا فالح تمشي توقع في بنات الناس. الشاب: وحياة أمك أنا اللي أفتح ولا انتي؟ انتي عارفة انتي بتكلمي مين؟ نسرين: هكون بكلم مين يا حيلتها الخديوي إسماعيل ولا معالي الوزير؟ الشاب مسكها من قفاها: وحياة أمك لأعرفك أنا مين. قدامي على القسم قدامين. نسرين بعد ما انتزعت نفسها منه، وادّتله

بالقلم: ده عشان تحرم تلمسني تاني، وعشان تعرف انت بتكلم مين. دنا نسرين، عارف يعني إيه نسرين؟ ولا أعرفك بطريقتي. الشاب: ليلة أهلك سودا. انتي متعرفيش أنا مين. أنا ظابط يا روح خالتك، فاهمة يعني إيه ظابط؟ نسرين ادّتله بالقلم تاني: طظظظ. مبتهددش. انت فاكر نفسك مين عشان تجيب سيرة أهلي؟ الشاب لسه هيمد إيده عليها، نسرين كسّحته على الأرض بعد ما شنكلته برجليها بكام حركة كاراتيه. الشاب: انتي مجنونة؟ وربنا لأحبسك.

نسرين: يمه يمه خاف يا عيد. استنى أجيب طاسة الخضة. قسماً عظماً كلمة تانية لأوريك أنا ممكن أعمل إيه. فااااهم؟ أنا مبتهددش. الناس اتجمعت، ونفس الشاب اللي دفع لها الفلوس في الموقف جه وشافها. شاب الموقف: هو أنا كل ما أشوفك ألاقيكي مكسّرة لي راجل؟ أي يابنتي؟ المفروض إنك بنت. نسرين: نعم؟ بتقول حاجة؟ تحب أوريك البنت انت كمان ممكن أعمل فيك إيه؟ شاب الموقف بخوف: لالا خلاص. استاذ، اللي على الأرض حصل خير. لو سمحت امسحها فيا.

الشاب: مش ممكن. أنا هوريها مقامها. هوريها مين هو أسر الكيلاني. نسرين: ما قلتلك ما بخافش. عديني كده خليني أمشي، بدل ما أكمل جناني عليك. ولحظك يا قمور إن الغزالة رايقة معايا وممكن أتسلّى عليك. أسر شدها من شعرها: وحياة أمي لأوريكي أنا مين. بس هسيبك دلوقتي. عارفة لي؟ مش عشان خايفة منك، لااا عشان مش فاضيلك، عندي شغل. نسرين وهيا ماسكة إيده وبتلويها: أنا نسرين، فاهم يعني إيه نسرين؟

نسرين اللي عمر ما شاب فكّر يلمسها. حتّى تقوم انت توقعني؟ لا وكمان تمد إيدك عليا؟ وحياة أمي أنا لأوريك أنا مين. أه، فاكر إنك هتهددني؟ نووو. أبسلوتلي. ميقدرش على القدرة غير ربنا. فاهمة؟ أسر: الأيام بينا وهجيبك يا يا قطة. سابتُه نسرين ومشيت. قعدت تصفر، وافتكرت إن عندها صديقة عرفتها من الفيس من القاهرة، وقررت تروح لها. ورحتلها. نسرين: دعاء؟ دعاء: أيوه، اللي بتطبل على الباب؟ حاضر جاية. أي ده؟ نسرين؟ مش معقول.

نسرين وهيا بتحضنها: إزيك يا ولية؟ عاملة إيه؟ وحشاني أكلب البحر. دعاء: فل يا قلبي. بتعملي إيه في القاهرة؟ نسرين: بعمل محشي. أغرفلك ولا أحشي؟ دعاء: يابنت يخربيتك بطلي لمظة. نسرين: أنا هربت وسرقت 200 جنيه من بكا ماما. أصل كانوا هيجوزوني واحد أقرع وبكرش. يرضيك؟ دعاء بضحك: لا يختي ميرضنيش. وبعدين يافلحوسة؟ نسرين: ولا قبلين. فلو ينفع أقعد معاكي يومين لحد ما أظبط أموري.

دعاء: اممم. بصي يانسرين، انتي صحبتي وأختي، بس مش هينفع. انتي عارفة جوزي عينه زايغة، وانتي بصراحة حلوة أوي. أخاف عليكي منه. نسرين: خلاص ياقلبي. طيب استأذن أنا قبل ما يجي الأخ جوزك. دعاء: متزعليش مني. بس هتروحي فين؟ نسرين: متقلقيش. هروح عند واحدة صحبتي تانية أعرفها من زمان. نسرين في بالها: صحبتي مين بلا نيلة؟ معرفش حد هنا غير دعاء. والحل؟ هعمل إيه؟ دعاء: طيب ياقلبي، خلي بالك على نفسك.

مشت نسرين من عند دعاء. اشترت ورقة بسكوت، وقعدت تدور على فندق تبات فيه، بس لقتهم كلهم غالين، والفلوس اللي معاها متكفيش. وفكّرت ترجع لأهلها، بس مينفعش. لو رجعت لأهلي هيجوزوني متولي أبو كرش. يعععع. أنا أتشرد أحسن من أبو كرش ده. أخيه! على تقل دم أمه. ولا شكله وهو بياكل. يخربيته بحس إنه ناقص ياكل دراعي. وقعدت تفتكر وهو بياكل بإيده وبيوقع على هدومه والترابيزة. وقعدت تضحك وتقول: يالهوووي! أنا كنت هتجوز الخرتيت ده إزاي؟

يمه عاااااا! ولقت كرسي تحت عمود نور، وراحت تقعد عليه لحد ما الدنيا ليل عليها. وفجأة شافت عربيات كأنهم في سباق ورا حد، وضرب نار. نسرين: يالهوووي! يا صغيرة على الموت يا نيرو. كان ماله متولي أبو كرش؟ أه، بس أرحم من الطحن اللي هنا ده. يختي يختي يختي! هنموت متفجرين؟ هنموت متفجرين؟ يخربيتك يا فواز. عسل عسل. حتى وانت بتموت عسل. لا أنا خسارة في أبو كرش والله. إيه ده؟ أحيه! مركز في ضرب النار أحسن.

واستخبت ورا صندوق زبالة، ولقت واحد متصاب بيجري ناحيتها، بس مش واخدة بالها من ملامحه. وحط إيده على بوقها. الشخص: ششششش. أهدي. مسمعش صوت. يا أما هنموت أنا وانتي. مفهوم؟ نسرين بعياط: هموت؟ أنا لسه صغيرة. طب أرجع 200 جنيه لماما عشان أنا سرقتهم. وأتوفى على متولي وأحضن بابا. وبعد كده أموت. الشخص: يخربيتك. أهدي. قولت. وفجأة.