رواية صقور الدخلية الفصل الحادي والعشرون 21 - بقلم الكاتبة المجهولة

يوم جميل على أبطالنا الحلوين. في الصباح الباكر، يستيقظ بطلنا الوسيم آدم من النوم وبيلاقي حور مش جنبه، فهم أنها ممكن في الحمام أو نزلت. ولسه بيقوم بيلاقي حور طالعة من الحمام، وكانت لابسة بورنس وشعرها كله مبلول وكانت حلوة أوي. آدم بهيمان وسرحان: إيه ده بس؟ حور باستغراب: إيه في إيه؟ آدم بعشق: مش هتبطلي كل يوم كده تجنيني بيكي أكتر من الأول. وسحبها من خصرها. حور بضحك: يا أخي خضتني، افتكرت في حاجة.

آدم بصوت واطي: نكدية ملهاش في الرومانسية، أنا إيه خلاني أتدبس في جوازة دي. حور بغيظ: سمعت كل كلمة قلتها يا سي آدم، بقا أنا نكدية طيب. آدم بتمثيل الخوف: اهدي يا وحش، أنا بهزر. حور بديق: آه بتهزر، ماشي يا آدم. ودخلت أوضة لبس ولبست بنطلون أبيض وجاكت أسود جلد وسابت شعرها، وطلعت من الأوضة لاقت آدم في وشها. آدم بحب: حور فكي بقا، أنا بهزر معاكي.

حور بغيظ: لا مش هفك، مش أنا نكدية يا بيبي، اشرب بقا وابعد كده، ويلا البس لأن عايزة أستمتع باليوم من أوله. آدم بضحك: والله أنا متجوز مجنونة. حور سمعته راحت ضربته بالشنطة على راسه. آدم بزعر: آآآه يابنت اللـ. حور بتحذير: كمل هاااا، قول. آدم بوعيد: لأ، أبداً يا بيبي، وباس إيديها، مابقولش. حور بصتله بطرف عين وضحكت ونزلت. آدم بوعيد: هردها لك يا حوري، بس بطريقتي.

ودخل أخد شاور ولبس بنطلون جينز وجاكت أبيض وحط برفانه بتاعه وسرح شعره ونزل تحت. آدم نزل شافهم كلهم تحت قاعدين على سفرة بيفطروا. آدم بحب: صباح الخير. سعاد بحب: صباح النور يا آدم، مزعل حور ليه. آدم بخبث: آه، حكتلك يعني، طب هي حكتلك اللي حصل قبل ما تقولك أنا قلت إيه؟ أنا هقولك أنا... حور بخجل: لأ، محصلش حاجة يا سوسو، أنا خلاص مش زعلانة، سماح المرادي. وبصتله بغيظ. آدم: إيه يا عم مراد، ملكش حس يعني أنت وجوليت.

ورد بغيظ: انتوا هتخلصوا خناق وتبدأوا معانا ولا إيه. مراد بضحك: سيبك منهم يا وردتي، متغاظين مننا مش أكتر. آدم وحور وسعاد: فضلت تضحك ومش قادرين. ورد بغيظ: مراد جاهز للي هيحصل دلوقتي. مراد بوعيد: أيوه جاهز. وفجأة طلعوا مسدسات مياه وبدأوا يرشوا عليهم، وبدأت الحرب بينهم وبهدلوا الدنيا. نسيبهم شوية ونروح عند المجهول الجديد. في أمريكا، في فيلا الشخص الغامض، وهو يبقى معاذ.

معاذ بغموض: يعني هي انتقلت من البيت اللي عايشة فيه مع أختها، وانتقلوا من البيت لفيلا آدم الشافعي. الشخص بخوف: بس هي متجوزة يا بيه. معاذ بغضب شديد: إيييييه؟ اتجوزت إزاي؟ مستحيل! لأ دي كانت بتحبني ومستحيل تتجوز حد غيري، لأ مستحيل. لأااااااا، ليه يا ورد تعملي فيا كده؟ (كل اللي قال ريم وحور غلط. محدش جاوب صح. محدش يتوقعني أبداً) معاذ بغضب: حضّر كل حاجة، هنرجع مصر ولازم آخدها، ورد مش هتبقى لحد غيري أبداً.

الشخص بخوف: حاضر يا بيه. معاذ بانهيار: هدفعك تمن خيانتك ليا دي يا ورد. عند فيلا الشافعي. سعاد: خلوا بالكم من نفسكم وانبسطوا باليوم، ومش عايزة خناقات، مفهوم يا آدم أنت وحور. آدم: ما أوعدكيش يا أمي، والله. مراد بضحك: متقلقيش يا أمي، أنا معاهم، أنا وورد، الوداع يا أمي. وفضلوا يضحكوا عليه، وكلهم ركبوا عربية واحدة سوا وركبوا عربية آدم. في الطريق. مراد بمرح: متأكد أن اليوم ده هيبقى جامد، أخيراً يوم فري.

ورد بضحك: ونبي ما تتكلم، لأحسن يقلب بحاجة مش كويسة. مراد بحب: لأ، كل حاجة هتبقى بخير يا حبيبتي، طول ما إحنا سوا، مش كده ولا إيه. ورد بحب: كده ونص كمان. حور بزهق: تحبوا نجيب لكم عصير ليمون ولا إيه. آدم: نفسي تتعملي لي منهم الحب ده، بدل ما أنتي بتتريقي عليهم. ورد ومراد ضحكوا بصوت واطي. حور بغيظ: آدم، أنا مش عايزة أتعصب، خلي اليوم يعدي حلو أحسن.

مراد بمرح: طب اسكتوا بقا عشان خلاص قربنا نوصل على دريم بارك، وياريت لو تبقوا هاديين بس النهارده، أرجوكم. حور: عشان خاطر عيونك يا مراد، هسكت. مراد بحب: تسلملي عيونك يا قلب مراد. آدم بغيره: مسك حور من قفاها. ورد بغيره: إيه القلوب اللي طلعت فجأة دي؟ ومسكت من جاكت بقوة. مراد بخوف: إيه يا ورد، بتغيري عليا من أختك؟ ورد بغيره: حتى لو أختي، آه، برضو. حور بتحذير: أنت قد ماسكة دي يا آدم.

آدم وهو بيسوق بغيره: قدها ونص، إزاي تكلمي بطريقة دي قدامي؟ اتجننتي ولا إيه؟ حسابنا بعدين. حور بضحك: بص شوف مين يا وعدي، أنت بتغير عليا يا دومي. كلهم نسوا اللي حصل وفضلوا يضحكوا على طريقة كلام حور. ووصلوا قدام دريم بارك، حور وورد نزلوا جري زي الأطفال. آدم ومراد بضحك: أطفال، والله متجوزين أطفال. ودخلوا جوه، والجميع فرحوا أنهم شافوهم، وناس بدأت تتصور معاهم. ورد بطفولة: تعالوا نركب العربيات، يللا.

آدم بتكبر: مليش في الهبل ده. بعد ٥ دقائق. آدم بزعيق: مراد، بطل تخبطني بقا بالعربية. حور بتقليد كلامه: مليش أنا في الهبل ده. آدم بغيظ: راح خبطها. حور بغضب: ونزلت من العربية وجريت عليه. آدم بسرعة: نزل من العربية وجري وهي تجري وراه، والناس فضلت تضحك عليهم. مراد بصوت عالي: الله يرحمك يا آدم، هدعيلك يا أخويا. ورد بضحك: ملهومش حل، ولا أنت كمان. عند آدم وحور. آدم بتعب ووقف: كفاية جري بقا يا حور، ومثل أن بطنه وجعته.

حور بخوف: آدم، فيك إيه؟ آدم بخبث: وبسرعة راح مسكها من خصرها وقبلها بحب بعيد عن الناس. وبعدوا عن بعض، وكان لسه ماسكها من خصرها. حور بغضب طفولي: فاكر إني هصالحك صح؟ بقا أنا تقولي نكدية. آدم بحب: وأحلى نكدية في الكون كله، وقبلها بعشق تاني. مراد وورد: أوبااااا، قفشناكوو. آدم وحور بخضة: بعدوا عن بعض بسرعة. مراد بغمزة: العب يا معلم. آدم جري وراه هو وحور.

بعدين فضلو يهزروا ويضحكوا وانبسطوا أوي باليوم، وبعدين الوقت بقى ليل، ساعة ١ بليل وركبوا العربية وروحوا، وبتنزل حور وورد ولسه هيمشوا. حور: مش هتنزلو ولا إيه. آدم: لأ، هنروح نقعد مع صحابنا، ادخلوا أنتم يلا. ورد: تمام، متتأخروش. سلام. مراد وآدم: سلام. ومشيو. ورد بفرح: كان يوم جميل بشكل. حور بفرح: فعلاً، أتمنى يتكرر تاني. وكل واحدة طلعت أوضتها. بعد ٣ ساعات. عند حور. حور دخلت الحمام. بيدخل شخص من البلكونة وبيدخل أوضة حور.

حور طلعت ولاقت الدنيا ضلمة وفجأة حد مسكها من خصرها. في الأسفل عند سعاد، نزلت تجيب مياه تشرب من المطبخ، دخلت وشربت وطلعت، وفجأة لاقت كام واحد واقفين، ولسه هتصوت، واحد منهم اداها بس*كينة ف بط*نها. سعاد بألم: ووقعت على الأرض وسايحة في دم*ها. وفجأة معاذ طلع لفوق عند أوضة ورد ودور على أوضتها وفتح، شافها مش مصدق أنه شافها قدامه بعد سنين. ورد بصدمة: أنت؟

وفجأة بيدخل بسرعة وبيخدرها وبيشلها وبينزل بيها ومشي مع الحراس بتوعه. وبيمشوا من طريق الخلفي من الفيلا. وبيوصل آدم ومراد البيت وبينزلوا وبيدخلوا الفيلا وبيشوفوا سعاد واقعة على الأرض سا*يحة في دم*ها. آدم ومراد بصدمة: مامااااااااا. مراد بدموع: ماما فوقي. آدم بدموع: ماما، لا أرجوكي، فتحي عيونك. وفجأة افتكر حور وورد وطلع فوق بسرعة ودخل على أوضة حور، قبل ما يدخل سمع حور بتقول: وأنا كمان بحبك.

آدم بصدمة: الكلمة نزلت عليه زي صاعقة. في الداخل عند حور. حور بحب: أنت قافل نور ليه طيب يا آدم، وجيت إمتى؟ مسمعتش صوت العربية. الشخص: كان واقف ساكت وبيحرك إيده على حور. حور بصدمة: آآآدم. وفجأة الشاب كان مغطي وشه، هرب بسرعة وووووو. يترا مين الشخص ده؟ وهل آدم هيعمل إيه مع حور؟ ويترا معاذ هيعمل إيه في ورد؟ وهل سعاد ماتت ولا عايشة؟