رواية سلف و دين الفصل الحادي والثلاثون 31 - بقلم لولو محمد

والله يا علي ما عملت حاجة. أنا مليش دعوة. حرام عليك. والله ما أنا. والله يا عمر ما عملت حاجة. وربنا ما عملت حاجة. أبوس رجلك يا علي ما تخربش عليا. أنا مليش غيره. أبوس إيدك. علي: جيتي ليه يا آية؟ مشكلة إيه اللي عاوزاني أساعدك فيها؟ آية: مفيش مشكلة. عمر: مشكلة إيه يا آية؟ آية تبص حواليها وعينيها بتدمع. آية: أنا ما عملتش حاجة. والله ما عملت حاجة. أنا تعبت. علي: بطلي استعباط بقى. عمر، أنا ماشي.

وزي ما قولت، اللي هيخرج من الباب ده هيخرج للأبد. عمر: استنى يا علي. آية تبصله باستعطاف. عمر: آية عمرها ما تعمل كدا. وأنت عارف لو حد عمل كدا يبقى سمر. سمر: أنا ماشية. علي: منك لله. سمر: كلنا مننا لله. ملناش غيره يا علي. ربنا وحده عارف مين كان بيفترى ومين كان بيدافع عن حقه. ربنا وحده اللي يعلم. وقفتك وأنت بتخرب على أخوك. لو كان عملها معاك كنت اتمسكت بست ندى وبعته. لكن هو غبي. علي: استفدتي إيه؟

سمر: لو عندك دليل واحد إن أنا اللي صورتك، ابقى تعال حاسبني. آية: يارب أموت بقى. سمر: إيه اللي جابرك على الذل ده؟ إيه اللي جابرك؟ هو ده اللي بتحبيه؟ هو ده اللي بتحاربي عشان؟ في أول موقف ما حاولش حتى ينصفك، وقف في صفه. الكل هيستقوى عليكي. الكل هيدوسك لو ما طلعلكيش اللي ينصفك. عمر: اطلعي بره. سمر: يعني هخرج من الجنة؟ يا خي بلا قرف. سمر تمشي. عمر: أنا هروح لندى وأشرح لها اللي حصل كله. أنا متأكد.

علي: حسام في إيده الصور يا عمر. مسكنا من إيدنا اللي بتوجعنا. لو أنا قاوتحت معاه هيكسرها. هيكسر ندى. آية تلطم على وشها وتنهار من العياط. آية: يارب خدني. يارب خدني. علي: أنا ماشي. علي يمشي. عمر يوطي يمسك آية ويقومها من الأرض ويدخلها جوه. *** في المستشفى. حسام: إيه الأخبار؟ مصطفى يبصله. حسام: طولت أوي جوه. مصطفى: منك لله، أنت السبب. حسام: بكرة تعرف يا عمي مين السبب. مصطفى: ندى عاملة إيه؟ حسام: صحيت ولما شافتني عيطت.

خرجت وسبتلها الأوضة يمكن أعصابها ترتاح. مصطفى: روح يا حسام. حسام: عيب يا عمي. مصطفى: العيب إنك تفضل هنا بعد كل اللي أنت عملته. كان عقلي فين وأنا بديهالك أول مرة. حسام: كان عقلك فين وأنت بتسلمها للكلب ده يعمل فيها وفينا كلنا كدا؟ أنت بجد مصدق إنه بيحبها؟ مروان ساب نور بعد قصة حب دامت سنين وجواز وعشرة. علي شاف من ندى إيه؟ عرفها قد إيه هي شافت منه إيه عشان يستحمل. مصطفى: أنت عاوز مني إيه؟

حسام: عاوزك تفوق وتشوف مصلحتك يا عمي. أنا بحب ندى. ولو لفيت الدنيا كلها مش هتلاقي حد يحبها قدي. مصطفى: روح لمراتك يا حسام. ابعد عنا. لو مش عاوزها تتجوز حد تاني خالص. مش هجوزها خلاص. بس أبوس إيدك سيبها في حالها بقى. ارحمها. حسام: هي حبيبة فين؟ مصطفى يبص لحسام والاتنين على وشهم علامات الصدمة. وفجأة الدكتور يخرج من العمليات. يجروا عليه. مصطفى: طمني يا دكتور. الدكتور: إحنا عملنا اللي علينا. حضرتك راجل مؤمن. البقاء لله.

مصطفى يقع في الأرض مشلول. وحسام والدكتور يحاولوا يسندوه. *** في شقة عمر. آية قاعدة على السرير وواخدة ركبها في حضنها وبتعيط. *** آية: معقول ماما هي اللي تكون عملت فيا كدا؟ أكيد علي ظالمها. إزاي هطلب من علي يساعدني أو يقف جنبي؟ عمره ما هيرضى. هيقولي أمك اللي عملت فيكي كدا. أكيد ماما مظلومة. مستحيل ماما تعمل فيا كدا. هقول إيه لعمر؟ ليه ماما ما دافعتش عن نفسها؟ ليه سكتت؟ أعمل إيه يا ربي بس؟ أروح فين ولا لمين؟

دا أنا غلبانة ومليش حد. أعمل إيه يا رب؟ أعمل إيه؟ عمر يدخل الأوضة ويعزم على آية بكباية عصير ليمون. تهز راسها لا. يحطها على الكومدينو وياخد آية في حضنه. آية: اوعى تسبني يا عمر. أنا مليش في الدنيا غيرك. اقتلني بس ما تسيبنيش. عمر: اهدى خلاص. آية: أنا تعبانة أوي. أنا عاوزة أموت. عمر: بعد الشر. وأعيش إزاي من غيرك؟ آية: ليه ماما عملت كدا؟ هي ماما فعلا عملت كدا؟ طب إزاي عملت كدا؟ إزاي؟ عمر: أنا نفسي مش فاهم أي حاجة.

بس أنتِ مش متخيلة الدنيا ولعت إزاي باللي حصل ده. ندى وأمها في المستشفى. أمها دخلت العمليات. وعلي مش عارف حتى يطمن عليهم. وحبيبة جدتها كانت سايباها لجارتها على ما تروح المستشفى تطمن على ندى. ولما ما رجعتش، ادوها لعلي. ويعلم إيه اللي هيحصل. آية: خليه يجيبها ويجي. مش هيعرف يتصرف لوحده. عمر: قولتله كدا. بس لا أنا ولا أنتي هنقدر ناخد بالنا منها في ظروفنا دي. آية: أنا هقدر. خليه يجيبها. خليه يفضل هنا. عمر: مالك يا آية؟

آية: تعبانة. تعبانة أوي. أنا ما عملتش حاجة وحشة في حد. لا عملت. أكيد ربنا بيعاقبني على اللي عملته معاك. أكيد. آية تعيط. عمر ياخدها في حضنه أكتر. آية: يارب ملناش غيرك. يارب تعبت. عمر: اهدى خلاص. اهدئ. جرس الباب يضرب. عمر: دا أكيد علي جايب حبيبة. أنا هقوم أفتح. عمر يقوم يفتح. وآية تمسح دموعها وتقوم تجري وراه. ليكون حد تاني. عمر يفتح وعلي يدخل شايل حبيبة وشنطتها. علي: أنا ما كنتش ناوي أجي هنا تاني.

بس البنت دي ملهاش ذنب. عمر: كلنا ملناش ذنب. اهدئ وادخل. علي يدخل. علي: إزيك يا آية؟ آية تهز راسها وتروح تاخد منه حبيبة وتدخل جوه. عمر: آية ما بطلتش عياط من ساعتها. آية ملهاش ذنب. آية ما تعملش كدا. علي يبصله ويدخل يقعد على أقرب كرسي. عمر: عامل ليمون. أجيب لك كوباية؟ علي يهز راسه لا. عمر: كلمت المحامي؟ أنا قولتلك كلم المحامي. علي: مش مضمونة. خصوصا لو استوطى ودخل الصحافة، هتبقى فضيحة لندى. عمر: يعني إيه هتسكت؟

علي: اديني بفكر. قال يعني عارف أفكر. عمر: بفكر أروح لسمر وأعرض عليها أي حاجة وتقولي إزاي عملت كدا. علي: صعبة أوي يعني. عمر: لا. بس لو سمر شهدت إن حسام سلطها أو ركبوا الصور. علي: المحامي قالي إن حسام سهل أوي يرفع قضية ضم وياخد حبيبة بمنتهى البساطة بسبب إن الأم مش أمينة على البنت. ندى من غير حبيبة تموت. أنا مش هقدر أعوضها عنها لو وقفت على شعر راسي مش هعرف. مش كل الستات أمي. مش كل الستات ممكن تعيش من غير ضناها.

وأروى بنت حرام. أصلا مش هتبقى حنان أمك. مش هتاخد بالها منها. يعني كل يوم سكينة جديدة في قلب ندى. هعمل إيه؟ عمر: ندى هتعمل إيه؟ علي: ندى في المستشفى. مدينها محاليل ومهدئات. ما أعرفش أصلا فاقت ولا لأ. وأمها كانت في العمليات. ما أنا قولتلك. عمر يحط إيده على ضهر أخوه. علي: أنا قولت لها حسام مش هيقدر يعمل حاجة. أنا طمنتها. أنا ما صدقتهاش لما قالت إنه مش هيسكت. بس ما كنتش فاكر إنه بالحقارة دي. عمر: بعد اللي عمله ومش فاكر.

دا حقير بالوراثة. علي: منها لله. منها لله. ضيعت كل حاجة. منها لله. كسبت إيه بس لما عملت كدا؟ عمر: اللي زيها تصعب عليك. ملهاش حد وعايشة تؤذي وخلاص. الكل بيدعي عليها. اللي زي دي ربنا يعينها بجد. يعينها على نفسها. علي: أنا مصدع أوي. أنا هدخل أنام. يمكن لما أهدى أعرف أفكر. عمر: عين العقل. ادخل. علي يدخل أوضة سمر. وعمر يدخل لآية أوضته. *** في شقة سمر. سمر تتصل بالتليفون. ما يردش مرة، اتنين، تلاتة. ما يردش.

سمر: وربنا ما هسكت. وهجيبك. لتكون فاكر إنك ضحكت عليا. والله لجيبك. *** في المستشفى. محمد ونور وأروى وأماني يدخلوا يلاقوا حسام قاعد باصص في الأرض. محمد: إيه اللي حصل يا حسام؟ طمني. حسام: عمي اتصل بيا وقال لي إن عمتي تعبانة. جينا المستشفى. دخلت العمليات وما أعرفش. فجأة ندى وقعت اغمى عليها. وعمي لما شاف كل ده حواليه، وقع هو كمان. أماني: شوف ربنا لما بيجيب حقوق الناس. محمد: أماني. حسام: عمتي الله يرحمها بيغسلوها جوه.

أنا لوحدي مش عارف أعمل إيه ولا إيه. أروى: ربنا يخليك يا حبيبي. أصيل من يومك. حسام: نور حبيبة، أنا ما أعرف هي فين. نور، ممكن تروحي تشوفيها في البيت هناك ولا عند الجيران؟ أنا عقلي طاير عليها من الصبح. نور: حاضر. حاضر. هروح. نور تمشي جري. حسام: عمرهم ما يسيبوها في البيت لوحدها. صح؟ عمرهم مش كدا؟ أروى: اهدى أنت بس. وبإذن الله حبيبة هتبقى زي الفل. حسام: يارب يا أروى. يارب.

أماني: الناس دي لو قاصدة تموت فرحتنا مش هيظبطوا مواعيدهم كدا. بوظوا الفرح وبوظوا المصيف. محمد: اتقي الله يا أماني. هو الموت له مواعيد عشان يظبطها؟ أروى: خدي حماتك وروحي يلا. مش عاوزين زحمة في المستشفى. أماني: كدا يا محمد. حسام: ماما أبوس إيدك. أنتِ مش حاسة باللي احنا فيه؟ واحدة ماتت واتنين في المستشفى وبنتي ما أعرف هي فين. مش وقت خناق. روحوا. أماني: يلا يا أروى. إدي آخرة اللي يعمل الواجب. أماني وأروى يمشوا.

محمد: ما تعرفيش مها تعبت من إيه؟ حسام: ما أعرفش حاجة. أنا حتى ما كانش معايا عربية أروح لهم. أنا بجد مش قادر أستوعب اللي حصل. محمد: ربنا يستر. أنا هروح أشوف أخويا وأطمن عليه. خليك هنا جنبها. حسام: معلش يا بابا. هروح أنا. خليك أنت هنا. صدري تعبني من المكان ونفسي مقبوضة. محمد: ماشي يابني. الله يعينك. هنا من بدري. أنا هخليني. *** قدام شقة ندى. نور تضرب الجرس. ما حدش بيفتح. نور: إيه الهبل ده؟ ما طبيعي ما حدش يفتح.

نور تروح تخبط على الجيران. ست تفتح. نور: السلام عليكم. أنا بنت أخو الأستاذ مصطفى في الشقة اللي قصادكم. الست: أهلاً يا بنتي. اتفضلي. نور: معلش فرصة تانية. بس هو أنا كنت بسأل عن حبيبة. لو حد كان سابها معاكم؟ الست: هي كانت معانا فعلاً. بس الأستاذ علي أخده. نور: أستاذ علي مين؟ الست: جارنا في البيت اللي قصادنا. كان معاهم طول الوقت الفترة اللي فاتت. فأنا اديتهاله. البنت ما بتفصلش عياط.

نور: طب يعني أنا أعمل إيه أو أوصله إزاي؟ الست: أعمل إيه بس يا بنتي؟ البنت كان ممكن يجرالها حاجة معايا. وما حدش في البيت من الصبح. ويا عالم راحوا فين. نور: طب خلاص. شكراً. نور تمشي وتتصل بحسام. نور: أيوه يا حسام. الحقني. حسام: حبيبة جرالها حاجة؟ نور: ما أعرفش. بس الست جارتهم الهبلة دي ادت البنت لواحد اسمه علي. بتقول كان معاهم الفترة اللي فاتت. حسام: اهدئ. اهدئ خلاص. عرفت هي فين. نور: بجد؟ حسام: أيوه يا ستي.

علي ده يبقى أخو جوز صحبتها الانتيم وجارهم. أنا عارف عنوانها. هروح أشوف يمكن تكون حبيبة عند هنا. نور: طب قولي العنوان وأنا أروح أنا. حسام: هي ما تعرفكيش يا نور. مش هتديكِ البنت طبعاً. بصي، يا تروحي يا تيجي هنا عشان أنا نازل اهو. هاركب. هروح أجيبها. نور: لا. أنا هاجي المستشفى. على الأقل بابا ما يبقاش لوحده. حسام: تمام. أنا بركب العربية اهو. سلام. نور: سلام. *** في شقة عمر. جرس الباب يضرب. عمر: أنت ليك عين تيجي لحد هنا؟

دا أنت جاي لقضاك يا جدع. حسام: اهدئ كدا وقول. هديت عشان لو أنا مشيت هطلع على القسم وأعمل محضر في أخوك إنه خطف بنتي. وبالمناسبة، ما عادش في حد يقف لي. عمر: في ربنا أقوى من الكل يا أخي. في ربنا. امشي يا ابني من هنا. حسام: أنت كدا بتأذي أخوك يا عمر. اديني البنت بالذوق بدل ما تزعل. أنا مش فايق لك. علي يطلع من جوه يشوف حسام. يمسكه من رقبته. علي: أنت جاي لحد هنا برجليك يا ابن الكلب؟ دا أنا هطلع القديم والجديد على جتتك.

حسام: ندى في المستشفى. وعمي في العناية. وعمتي ماتت. هات حبيبة. ندى محتاجاها. علي يسيب رقبته. حسام: ندى محتاجة حبيبة. الدكاترة عمالين يدوهالها في منوم ومهدئات لحد ما تعدي المرحلة. هي محتاجة حبيبة. عمر: إحنا هنوديهالها بنفسنا. حسام: أهلي هناك. هتقول قدامهم إيه يا سي عمر؟ هتقول إن كل ده حصل بسبب إن ندى اتصورت في حضن أخوك. علي يبص لحسام. حسام: اديني البنت وألم الموضوع. مش ناقصين فضايح. ندى ما عدالهاش غيري أنا وأهلي.

خليها تدخل البيت وراسها مرفوعة. ما حدش هيرحمها. وهتبقى أنت السبب. عمر: هو السبب ولا أنت؟ آية تطلع من الأوضة شايلة حبيبة. حسام: آية، هاتِ البنت. آية: هاجي معاك وأطمن على ندى بنفسي. حسام يبصلها. عمر: دا شرطنا. مش هنسلم البنت غير لندى. حسام: ماشي. آية صحبتها الانتيم وهي سابت معاها البنت. تمام. آية: ماشي. يلا يا علي. حسام: ما اتفقناش على كدا. آية: أنا مأمنالكش. أجي معاك لوحدي. عمر وعلي يجوا معايا. رجليهم على رجلي.

علي: يلا بينا. حسام: ماشي. يلا بينا. *** في المستشفى. حسام يخبط على باب الأوضة ويفتح. ندى نايمة ونور قاعدة جنبها. حسام: اتفضلي. آية تدخل ووراها عمر وعلي. يشوف نور. نور: علي. علي: أنتِ بتعملي إيه هنا؟ حسام: انتوا تعرفوا بعض؟ علي: أنا إزاي كنت بالغباء ده؟ إزاي ما ربطتش الأحداث؟ إزاي وثقت فيكي؟ نور: أنا مش فاهمة. إنت بتتكلم عن إيه؟ انت بتعمل إيه هنا؟ ثواني. المحل. إزاي ما أخدتش بالي؟

حسام: أنا لو ما حدش فهمني تعرفوا بعض منين؟ أنا ممكن أرتكب جناية. علي: مش مستاهلة. ما عدناش نعرف بعض. علي يسيب الأوضة ويطلع. وعمر يطلع وراه. حسام: ردي عليا. تعرفي البتاع ده منين؟ نور: الحجة منال جارتي. هو كان زي ابنهم وكان بيجي كتير. وكان بيقف معايا في مواقف كتير أوي. آية: إنتي نور؟ نور تبصلها. آية: أنا فاكرة إني قابلتك عند الحجة منال. معقول الدنيا صغيرة أوي كدا؟ نور: أيوه فعلاً. وإنتي آية مرات عم.

حسام: اتعرفنا الحمد لله. ننسى بعض بقى عشان ما لكيش أي تعامل مع الجدع ده تاني. أنتِ فاهمة؟ آية: صدقني هو نفسه ما يشرفوش يتعامل معاك. لا أنت ولا أي حد من طرفك. حسام: اطمنتِ على ندى. هاتي البنت وامشي. آية: دا بعينك؟ أنا هفضل جنبها لحد ما تفوق وتاخد مني البنت. أنت فاهم؟ نور: أنت تعرف علي منين؟ حسام: وقته ده يعني. نور: ما أنا لازم أفهم. آية: ما افتكرش. كنت عامل حسابك على موقف زي ده ومحضر له كذبة صح؟ حسام: ممكن تطلعي بره.

آية: أنا هقولك. البيه حسام ما عرفش يلاقي نقطة ضعف لندى يمسكها منها عشان يجبرها ترجع له. فقرر إنه يكسرها. حسام: أنا خلقي ضيق. اتقي شره. نور: سيبها تكمل. آية: قول لي أمي هي اللي ساعدتك. قولي الحقيقة. وصلت للصور دي إزاي؟ دخلت أوضة نومي إزاي؟ نور: صور إيه؟ حسام ينفخ ويمشي بعيد ويرجع. حسام: ما سألتيهش ليه؟ آه، أمك اللي ريلت على الفلوس أول ما عرضت عليها. أمك اللي باعتك أنت وهي. أول ما اقترحت عليها أمك. آية تعيط: منكم لله.

نور: أنت عملت إيه تاني يا حسام؟ عملت إيه؟ آية: عملتها إزاي؟ إزاي؟ رد عليا. حسام: أنا غلطان إني سمحت لك تيجي تبصي على ندى أصلاً. كان المفروض آخد منك حبيبة بالقوة وأسيبك زي الكلبه. آية: أبوس رجلك ريحني. قولي عملتها إزاي؟ مين ساعدكوا؟ أبوس إيدك أنت هتخرب بيتي. أنا ما عملتلكش حاجة. عملت معايا كدا ليه؟ حسام: أنا ما عملتلكيش حاجة. ماشي؟ أنا دفعت الفلوس وبس. نور: فلوس إيه؟ فهمني. قوليلي أنتِ يا آية إيه اللي حصل؟

عملت إيه يا حسام؟ حسام: ندى كانت بتروح كتير أوي عند آية بحكم إنهم صحاب يعني. فعرضت على مامتها إنها تظبط لي كام صورة لندى وهي في الشقة عشان أعرف أضغط عليها. نور: صور إيه دي؟ حسام: صور ليها مع أي حد في أي وضع. نور تلطم على وشها. حسام: اديتها حبوب مهدئة حطتها لندى في العصير. ولما داخت. آية: علي سندها. فانت اتهمتهم وضغطت على ندى لحد ما وصلتها للحالة دي. حسام: أنا بحارب عشان عيلتي. عشان بنتي تتربى في حضن أبوها وأمها.

دا حقي. آية: وعشان تبني بيتك تهد بيتي ليه؟ أنا عملت لك إيه؟ أنا ذنبي إيه؟ حسام: أنا ماليش أي دخل بيكي. كلامي أصلاً لا كان معاكي ولا عليكي. كلامي كان مع أمك. أي حاجة حصلت بقى تسألي عنها أمك. آية تقعد على أقرب كرسي وتعياط. نور: أنا تعبت. أنت ليه مصمم تدمر الصورة الحلوة اللي ليك عندي؟ ليه مصمم تصدمني؟ كل صدمة أسوأ من اللي قبلها. رد عليا. قولي. حسام: ما حدش له الحق إنه يحاسبني. أنتِ فاهمة؟ ولا لأن. نور: ربنا هيحاسبك.

أنت فرقت بينها وبين خطيبها. ودلوقتي حطيت علي وأهله في مشكلة. لمجرد إن ندى صاحبة آية وما لقيتش مدخل تاني. حسام: وغيره وغيره عشان أجيب لكوا حقوقكوا. لما الحق كان بتاعي. المرادي بتتكلمي في الصح والغلط. نور: تقصد إيه؟ حسام: أقصد إن مروان كان معاه حق. أنا اللي رقيته عشان أعرف أمسك عليه حاجة. لو استوطى معاكي. نور: يعني مروان ما كانش بيكدب؟ حسام: ولو ما كانش طلق البت دي ما كانش خرج منه. نور: أنا مش قادرة أصدق. بجد أنت إيه؟

آية: شيطان. نور: يا صدمة عمري فيك. يا خسارة. بجد يا خسارة. نور تخرج من الأوضة وهي بتعيط. تلاقي الممرضات معديين. تمشي لحد ما تخرج بره المستشفى وتقعد على أقرب بنش. *** عند علي وعمر في الكافتيريا. علي: إزاي كنت بالغباء ده؟ إزاي كنت بالهبل ده؟ عمر: يا ابني اهدئ. هي كمان قالت لك اسمها غلط. وبعدين. علي: مش مسألة اسم. مش مسألة اسم خالص. دي كانت بتحكي لي كل حاجة. أخويا هيتجوز. أخويا عنده مشاكل مع مراته.

أخويا مراته الأولى عاملاله مشاكل. إزاي ما قدرتش أربط الأحداث؟ بابا بيعمل عملية. عمي عمل عملية. في نفس الوقت اللي ندى أبوها وعمها كانوا بيعملوا العملية. إزاي ما ربطتش الأحداث؟ إزاي ما فهمتش ولو مرة واحدة؟ إزاي؟ عمر: تفتكر كان باعتها عشان يعرف أخبارك؟ تفتكر. علي: ما عدتش عارف أي حاجة. ما عدتش قادر أفكر. إيه كمية القرف اللي في حياتي دي؟ إيه كمية اللخبطة دي؟ قوم. قوم ناخد آية ونمشي. ما ينفعش نسيبها معاه.

ما حدش عارف هيأذيها إزاي. عمر: معاك حق. يلا قوم. *** في أوضة ندى. حسام: أنا آسف. آية تمسح دموعها وتبصله. حسام: أنا ما كانش في بيني وبينك أي حاجة. آسف لو كنتِ اتأذيتي في الرجلين. صدقيني ما كانش قصدي خالص. آية تبتسم بسخرية. آية: كل اللي أقدر أقولهولك إن نهايتك أنت واللي زيك أكيد سودة. وبكرة ربنا يظهر الحق. حسام: أنا هقوم أطمن على عمي. عن إذنك. حسام يفتح الباب عشان يخرج. يلاقى علي وعمر في وشه. يعدي من جنبهم.

وعمر ماسك علي ويدخلوا جوه. عمر: يلا يا آية نروح. علي: أنا هخليني لحد ما تفوق وأطمن عليها. آية: وأنا كمان. نور تدخل الأوضة تلاقي علي قاعد يبص الناحية التانية. تروح تقعد بعيد. عمر: أخبار عمك إيه؟ نور تبصله. نور: الحمد لله. الدكتور قال إن في أمل كبير إنه يخف. أهم حاجة إنه يبعد عن الضغط النفسي وينتظم في العلاج. آية تقوم تقف جنب ندى. آية: هي عرفت؟ نور: ما عدتش عارفة. حسام بيقول إنها وقعت لما عمتي تعبت.

بس ما عدتش قادرة أصدقه. علي يبص لنور. آية: كله سلف ودين وحق ناس هتخلصه ناس. الطف بعبيدك يارب. لطفك ياربي. علي: الدفنة إمتى؟ نور: هيصلوا الفجر ويدفنوها. والعزا هيبقى عندنا في البيت. علي: الله يرحمها. نور: أنت بتكلمني كدا ليه؟ علي: أنا ما بكلمكيش أصلاً. ماشي؟ فكك مني. مش فايق لجر الشكل ده. نور: علي. علي: أفندم. أمرى. في عندي أي حاجة فاضلة نفسكوا تدمروها؟ علي يسيب المكان ويقوم ويطلع.

ونور بتبص عليه لحد ما يطلع بره وترجع تبص لعمر. عمر: هي مش هتفوق ولا إيه؟ نور: الدكتور هينيمها لحد ما الدفنة تخلص. لو عاوز تمشي ممكن تسيبوا حبيبة معايا؟ عمر: دا في المشمش. تسمعي عنها. نور: هو في إيه؟ مالكوا؟ آية: بس بس. إحنا في مستشفى. أنا هاخد حبيبة معايا وأروح. ولما تفوق ابقى خلي البيه أخوكي يكلمنا واحنا هنجيبهاله. نور تبص الناحية التانية. وآية وعمر يخرجوا من الأوضة. نور تزق الكرسي تقلبه في الأرض. *** في شقة عمر.

عمر يطلع من الأوضة يلاقي علي قاعد على السفرة و ما بيتكلمش. يحط إيده على ضهره ويقعد جنبه. عمر: عامل إيه؟ نمت كويس؟ علي: ولا شفته. عمر: ولا أنا. علي يبصله. عمر: هتروح لندى في المستشفى؟ علي: هستنى آية تصحى ونروح كلنا. عمر: آية؟ ما بطلتش عياط طول الليل. علي يبصله ويبتسم بسخرية. عمر: حرام عليك تاخدها بذنب أمها. حرام عليك تظلمها. البت بتتنفض طول الليل خايفة منك. علي: على أساس إنك ما لكش شخصية مثلاً؟

طور وأنا ساحبة بحبل ورايا. عمر: لا. بس هي عارفة غلاوتك عندي. وإن لو خيروني بينك وبين الدنيا كلها هختارك أنت يا علي. علي: تبقى أهبل. عمر: الإنسان ممكن يستحمل الأذى من أي حد. لكن دي أمها. أمها هي اللي عملت فيها كدا. علي: أعملها إيه يعني؟ عمر: ارحمها. ما تبقاش أنت والدنيا كلها عليها. علي: هو أنا أذيتها في إيه؟ أنا يا ابني عمري حاولت أوقع بينكوا. عمري حاولت أئذيها. وفي الآخر خدت إيه من وراها؟ عمر: أنت خدت من ورايا أنا.

عشان اللي حصل. أي كان حصل. إزاي حصل في بيتي وفي وجودي أنا. أنا اللي جبت آية وأنا اللي جبت سمر. لو هتلوم حد لومني. لكن آية لا. علي: وهتفضل لحد إمتى تنضف وراها؟ عمر: طول ما أنا واثق إنها نضيفة يا علي. علي ينفخ. عمر: ما تخيرنيش بينك وبينها. خصوصاً لو هي فعلاً ملهاش ذنب. علي: خلاص يا عمر. أنا هقوم أبص على حبيبة. علي يقوم. *** في المستشفى. ندى بتعيط. نور: وحدي الله يا ندى. أنتِ مؤمنة. وأنا متأكدة إنها في مكان أحسن.

ندى تبص لحسام وتعيط. نور: روح اطمن على عمك يا حسام. ندى: أنا عاوزة أبقى جنبه. هو محتاجني. أنا متأكدة إنه محتاجني أوي. وأنا كمان محتاجاه أوي. نور: قومي تعالي. هو في الأوضة اللي جنبك. ندى: أنتِ كلمتي آية تجيب حبيبة؟ كلميها. شوفيها اتأخرت ليه. لو سمحتي. نور: هوصلك لعمي وهكلمها. حاضر. نور تسند ندى. تعدي من قدام حسام. يحاول يسندها. تبعد إيدها وتبصله وهي بتعيط. *** في شقة عمر. علي: كل ده بتلبسوا؟ خلصونا بقى.

تليفون يرن على السفرة. علي يروح يبص. علي: غادة يا عمر. عمر يطلع من الأوضة وياخد الموبايل ويرد. عمر: الو. غادة: فينك يا ابني؟ أنت مش جاي ولا إيه؟ عمر: لا. أنا اتصلت بمعتز وقولتله يشيل مكاني. عندي حالة وفاة والدنيا ملخبطة. غادة: لا إله إلا الله. مين مات؟ عمر: حد ما تعرفيهوش. بصي أنا كدا كدا هحكيلك. بس أنا مشغول جداً دلوقتي. ممكن نتكلم بعدين. غادة: أكيد. أنا كنت حاسة إن في حاجة غلط. لأنك اختفيت فجأة امبارح. عمر: عدت.

عدت. سلام. آية تطلع من الأوضة وعمر يقفل. علي: أخيراً لبستي. آية تبصله وتمشي بسكات. علي يجيب حبيبة ويمشوا. *** في المستشفى. ندى قاعدة على كرسي جنب سرير أبوها وماسكاه وباصاله. وهو باصاله. محمد: الدكتور قال ممكن نروح. أنتوا هتيجوا عندنا عشان ناخد بالنا منك. ندى: أنا هعرف آخد بالي من بابا كويس. شكراً. نور: يا ندى. أنتِ نفسك محتاجة رعاية. وحبيبة محتاجة رعاية. هتاخدي بالك من إيه ولا من إيه؟ ندى: إحنا مش هنرتاح عندكوا.

ولا طنط أماني ولا أروى هيرتاحوا. حسام: خلاص. خلاص. سبيها على راحتها. واحنا هنروح نطمن عليهم كل شوية. نور: بس يا حسام. حسام: مش وقت جدال يا نور. نور: سكت. الباب يخبط. وآية تدخل. آية: السلام عليكم. ندى تقوم تجري تاخد منها حبيبة. آية: أنا سألت عليكي في أوضتك. الممرضة قالت لي إنك هنا. سلامتك يا عمي. مصطفى يبص الناحية التانية. آية: حقك. حسبي الله ونعم الوكيل في اللي كان السبب. ندى: آية.

آية: أنا ما رضيتش أدي حبيبة لحد غيرك. ما عدتش عارفة مين حبيبك من عدوك. ندى: شكراً. آية تحضن ندى أوي. آية: أنا آسفة. سامحيني. ندى تهز راسها. وآية تمشي وهي بتمسح دموعها وتخرج وتقفل الباب. علي: هي عاملة إيه؟ آية: كويسة. في راجل كمان جوه غير حسام وأخته. عمر: يمكن عمها. آية: يمكن. عمر: آية روحي أنتِ. وأنا هروح الشغل. زميلي مش هينفع يشيلني اليوم كله. آية: أروح لوحدي؟ علي: خد العربية وصلها.

آية: عمر أنت وعدتني إنك مش هتسبني. عمر: يا آية أنا هروح الشغل مش مهاجر. آية: طب هروح المحل مع علي. علي: دا إيه الدلع ده إن شاء الله. أقولك يا عمر وديها لأمها. آية تبصله. عمر: في إيه يا آية؟ أنا مش فاهمك بصراحة. آية: خلاص يا عمر. روحني خلاص. عمر: يلا بينا. *** في المستشفى. حسام: الدكتور كتب خروج. لمي حاجتهم يا نور. ندى قاعدة عند الشباك وسارحة. حسام يروح يقف جنبها. ونور مشغولة بتلم الحاجات من الأوضة في الشنطة.

حسام: البقاء لله. ندى: تقتل القتيل وتمشي في جنازته. حسام: حتى فدي كمان غلطتي. ندى: فاضل إيه جوايا تاني عاوز تكسره يا حسام؟ حسام: آخر حاجة أتمناها يا ندى إني أكسرك. صدقيني أنا بحبك. وكل اللي بيحصل ده غصب عني. أنا حذرتك. ولو كنت حلفت لك على المية تجمد إن علي ما بيحبكيش وبيينتقم منك، عمرك ما كنتي هتصدقيني. ندى: ما عدليش حد ضهري اتقطم خلاص. حسام: ما تقوليش كدا. أنا جنبك. أنا أتمنالك الرضا. ترضي. ندى تبصله.

حسام: والله ما عندي أغلى منك في الدنيا دي. والله ما يهمني حد في الدنيا قدي. أبيع الدنيا وأشتريكِ. بس أنتِ شاوري. وهتشوفي. ندى: تقدر ترجع ماما؟ تقدر تخفف بابا؟ حسام: وما أقدرش أحببك فيا ولا أقدر أخليكي تسامحيني. بس أقدر أحاول. أقدر أحاول أعوضك عنهم. أنا مستعد أعمل أي حاجة عشان تسامحيني وتبدأي معايا صفحة جديدة. أنتِ بس قولي أه. نور من هناك: أنا لميت كل حاجة. ندى: ياما قولت أه. بس وجع. مش رضا. عن إذنك.

ندى تشيل حبيبة وتقوم تخرج بره. ومصطفى قاعد على كرسي. محمد بيزقه. ونور وحسام وراهم. *** في شقة عمر. آية قاعدة لوحدها في البيت. تسمع خبط على الباب كأنه طبله. تقرب بالراحة. الراجل: افتحي يا قطة. أنا عارف إنك جوه. أنتِ مش عاوزة صورك وفيديوهاتك ولا إيه؟ امممم. لا. أنا خلقي ضيق وصبري قليل. يعني مش ناوي تفتحي. أدوس شير يعني. آية بتعيط. الراجل: هعد من واحد لتلاتة وهمشي. واحد. اتنين. آية تحط إيدها على أكرة الباب وهي بتعيط.

الراجل: اتنين ونص. تلاتة إلا ربع. آية تقعد وتدي ضهرها للباب وتعياط. الراجل: بقى هي كدا؟ اشربي بقى ياختي. بالإذن. الراجل يمشي. وآية تنهار من العياط. *** في شقة أماني. أماني: أهلاً وسهلاً. أهلاً وسهلاً. البقاء لله. الميت ما تجوزش عليه إلا الرحمة. ندى تبصلها. نور: أنا هقوم أحط حاجة عمي في أوضة حسام. وأنتِ يا نونو تنامي معايا. هنبسط أوي سوا. أماني: ابعت هات دليفرى يا حسام عشان ما عملتش غدى. ما ليش مزاج. حسام: حاضر.

تحبوا تاكلوا إيه؟ أماني: هات لنا حاجة تفتح النفس. لحسن الواحد نفسه مسدودة على الآخر. أماني تبص لندى. أماني: اديكِ شايف اللي احنا فيه. منورة يا ندى. ندى تبصلها وتهز راسها. حسام: خشي جوه يا عمي ارتاح. وأنتِ يا ندى خشي ارتاحي. أنتوا تعبانين برضه. وأنا لما الأكل يوصل هدخلهولكوا لحد جوه. أماني: آه. خدمة خمس نجوم. أمال إيه؟ محمد: بقولك إيه يا أماني. ما تشوفي أروى فين كدا. لحسن مش شايفها. أماني: أروى عند أمها.

ندى: هي عمتي عرفت اللي حصل؟ أماني: آه عرفت. أمال هنخبى عليه؟ مصطفى يبص لندى. تمسك إيده. ندى: تعال يا بابا. ادخلك جوه. ندى تزق كرسي مصطفى ويدخلوا جوه. محمد: إيه اللي هببتيه ده؟ كنتِ قولتي إنها ما تعرفش. يعني مش عيب تعرف إن أخوها تعبان كدا وما تجيش تبص عليه؟ أماني: هو أنت غرمان حاجة؟ ما هي طول اليوم أكل ومرعى وقلة صنعة. دا حتى هدوم أبوها أنا اللي بغسلها. حسام: الصبح أجيب لك واحدة تخدمك.

أماني: وأنا أدخل بيتي واحدة غريبة ليه؟ تسرقني؟ ما تيجيبلها خدامة في بيتها هناك. هتقعد هنا. لازم تعرف إن البيت ده له نظامه. لازم تتعلم تخدم نفسها. مش خدامين أبوها إحنا. حسام: وطّي صوتك. بابا لو عرف. تهاني تدخل. تهاني: هدي أعصابك يا أماني. مش مستاهلة. يا مصيبتي. كسرتِ السكرية. أماني: شفتي الهم اللي أنا فيه. تهاني: شوفتي. لا بقى دي قاصدة تكسرها عشان أنا اللي جيبتهالك هدية يوم خطوبة حسام وأروى.

حسام: وهي كانت تعرف منين بقى إن شاء الله؟ تهاني: أصلاً هي بتلقم منها ليه؟ ما جنب علبة الشاي في علبة السكر. السكرية دي بتتحط على الصينيه تتقدم للضيوف المهمين. حسام: انتوا خلاص يعني؟ هي دي اللي فرقت معاكوا؟ عمي اللي بره وسامعكوا ده مش فارق معاكوا؟ أبويا لما يجي من بره ويعرف اللي بتعملوه ده مش فارق معاكوا؟ أماني: والله ما أنا منضفاها. ونادي الست المحروسة تيجي تنضف زي ما وسخت. بلا قرف بقى. تعالي يا تهاني أوضتي. أنا قرفت.

دا مش بيت ده. أماني وتهاني يدخلوا أوضة أماني ويقفلوا الباب. وحسام يوطي يجيب الجاروف ويلم الإزاز والسكر المتكسر وينضف. *** في الصالة عند نور ومصطفى. مصطفى دموعه بتنزل على خده وباصص في الأرض. نور تاخد منديل وتقوم له تمسح خده وتقعد تحت رجليه. نور: حقك عليا. أنا ما تزعلش. دموعك غالية عندي أوي يا عمي. والله حقك عليا. أنام. مصطفى يعدي إيده من على شعره. نور: أنا ما أعرف هما بيعملوا كدا ليه. والله. إن كانت ماما ولا عمتي.

أنا فعلاً مش فاهمة. بس أنا متأكدة إنهم مش راضيين عن تصرفاتهم. مصطفى يحاول يحرك الكرسي. نور تساعد. نور: لما بابا يجي أنا هقوله على اللي حصل. وهطلب منه ترجعوا بيتكوا. أنا بنفسي هاجي أخدمكوا وأشوف كل طلباتكوا. مصطفى يهز راسه لا. نور تجري تقعد تحت رجليه. نور: انتوا مش مرتاحين هنا. لا حضرتك ولا ندى. حسام يطلع من المطبخ. حسام: أنا لميت اللي قدرت عليه. ممكن تعيدي على الحاجة عشان ماما ما تتكلمش. نور: حاضر. نور تدخل المطبخ.

وحسام يخبط على باب ندى ويفتح ويدخل. مصطفى. ندى تمسح دموعها. حسام: على فكرة اللي حصل النهاردة ده مش هيعدي على خير. أقسم بالله ما هسكت. ندى: هي حبيبة بره لوحدها؟ حسام: ثواني هجيبهالك. ندى: شكراً. ندى تروح تقعد تحت رجلين أبوه. ندى: حقك عليا. ما تزعلش. نفسكم. ما تخليش. عشان ضهري ما يتكشفش. مصطفى يعدي بايده على خده. ندى: اجمد بقى وخف. أنا مليش غيرك. ومحتاجاك. ما تخليهمش يكسروك عشان ضهري ما يتكشفش.

مصطفى يبتسم وعينيه كلها دموع. ندى: ما تخافش. كله سلف ودين. وربنا ما بيسبش حق مظلوم أبداً. ما تخافش. حسام يدخل بحبيبة. ندى تقوم تاخدها منه. ندى: شكراً. صحيح يا حسام. أنا مش لاقية موبايلي. ما شوفتوش؟ حسام: لا. ممكن تكوني سبتيه في المستشفى. ندى: مش عارفة. حسام: على العموم. ولا يهمك. أنا هجيب لك الأحسن منه وخط جديد كمان. ندى: شكراً. حسام: تحبي تيجي معايا تنقيه؟ يعني تخرجي تغيري جو كدا يعني. أروى تدخل. أروى: الله.

هو أنا جيت في وقت مش مناسب ولا إيه؟ حسام: لا. إزاي. تعالي. أروى: سمعت صوتكوا عالي. لبست ونزلت. إيه خير؟ أمال ماما وعمتي فين؟ نور تدخل. نور: ما أنا قولتلك في أوضة ماما. أروى: بجد؟ ما أخدتش بالي. صحيح يا نور. إحنا معزومين بكرة على فرح واحدة صحبتي. تحبي تيجي معايا؟ نور: لا. شكراً. أروى: يا بنتي غيري جو. بدل الخنقة اللي أنتِ فيها دي. هتقعدي هنا مع مين؟ حسام: معانا. أنا وبابا وعمي وندى وحبيبة. أروى: والله؟

حسام: أصل واضح إنك ناسيه إن البيت ده فيه حالة وفاة. ما عدى عليها أسبوع. أروى: ما أخدتش بالي. أصلي ما شوفتش يعني حد لابس أسود. كلها ما شاء الله فواتح أهي. أروى تروح تمسك بجامة ندى. ندى تزق إيدها. أروى: ودا من إيه ده بقى إن شاء الله؟ ندى: أنا عاوزة أنام. ممكن؟ حسام: أروى. أروى: ما أنت مش شايف أسلوبها يعني. اسمعي. فوقي لنفسك. أنتِ هنا ضيفة. لكن أنا صاحبة بيت. حسام يشد أروى من إيدها ويطلعها بره. أروى تزعق.

أروى: أنت بتطردني عشانها؟ أماني وتهاني يخرجوا جري من الأوضة. أماني: في إيه؟ حسام: أنا اللي يصغرني ما يلزمنيش. أنتِ فاهمة؟ أماني: سيب إيدها. هي عملت إيه يعني؟ إيه مش مستحملينها الخمس دقايق اللي نزلتهم؟ حسام: لو سمحتي يا ماما ما تدخليش بيني وبين مراتي. ممكن؟ تهاني: وانت يا خويا خليت فيها مراتك؟ حسام: دا اللي عندي. أماني: لما يجي أبوك له كلام تاني معاك. مدام ما بتكبرش لحد.

ولا هو البيت ده مفتوح لمزاجك تدخل فيه اللي تعجبك وتخرج منه اللي ما تعجبكش. لا. فوق. دا بيتي أنا. وإن كنت عملت بأصلي وفتحته مضيفة مش معناه إني ما أقدرش أستقبل فيه اللي على مزاجي. أنت فاهم ولا لا؟ حسام يرفع حاجبه. أروى: ما لهاش لازمة يا عمتي. أنا طالعة فوق. سيبها لكوا. تهاني: أنا جاية معاكي. تعالي يا أماني. الشقة هنا بقت بتشغل حشرات. أماني وتهاني وأروى يطلعوا. حسام يقفل الباب وراهم وينفخ. يبص وراه يلاقي ندى واقفة.