رواية سلف و دين الفصل الثاني والثلاثون 32 - بقلم لولو محمد

اروى / انت بتطردنى عشانها اماني / في ايه حسام / انا اللي يصغرني ما يلزمنيش انتي فاهمة اماني / سيب ايدها هي عملت ايه يعني ايه مش مستحملينها الخمس دقايق اللي نزلتهملما يجى ابوك له كلام تاني معاك مدام ما بتكبرش لحد و لا هو البيت ده مفتوح لمزاجك تدخل فيه اللي تعجبك و تخرج منه اللي ما تعجبكش لا فوق دا بيتي انا و ان كنت عملت باصلي و فتحته مضيفه مش معناه اني ما اقدرش استقبل فيه اللي على مزاجي انت فاهم و لا لا

اروى / ما لهاش لزمه يا عمتي انا طالعة فوق سيبهالك تهاني / انا جايه معاكي تعالي يا اماني الشقة هنا بقت بتشغل حشرات اماني و تهاني و اروى يطلعوا حسام يقفل الباب وراهم و ينفخ يبص وراه يلاقي ندى واقفة حسام / بصي اى كان ندى / احب قوي حسام / ايه ؟؟؟ ندى / كنت بتقول تحب تغير جو اه احب قوي اغير جو حسام يرتبك / تحبي تخرجي امتى ندى / وقت ما يناسبك حسام / احم انا عشانك كل الوقت يناسبني انتي بس اؤمري ندى تهز راسها و تمشي و ترجعله

ندى / شكرا حسام / هاه ؟؟ ندى / شكرا انك وقفتلهم عشانى انا اصلي ما عادليش حد يقفلي حسام / و انا روحت فين ندى تبتسم و تقرب و تمسح على دراعه ندى / سكر مطرح المطبخ حسام يسهم ندى تبتسم و تمشي حسام / ندى ندى / ايوه حسام / ما تلبسي ننزل دلوقتي احنا لسه بدري يعني و المحلات فاتحة و انا فاضي و كده ندى / امممم مش عارفة ينفع اسيب بابا لوحده حسام / نور معاه ندى / انت شايف كدا حسام / لو يناسبك يعني اه ندى / اوك هلبس مش هتأخر

ندى تبتسم و تدخل الاوضة و حسام واقف مش مصدق نفسه ……………………………… في شقة اروى فوق التلاتة واقفين في البلكونة اروى / عشان تبقوا تصدقوني وجودها هنا طيرله عقله تهاني / انتي الغلطانة دخلتي الاوضة لقتيهم سوا كنتي صرختي و لميتي عليهم الناس اروى / و دي بيهمها ناس و لا حتى هو بيهمه اماني / انا مش فاهمة يعني امك لسه ميتة ما بردتش مش تتهدي كدا و تعيطي و تقعدي تقري قران لكن لا هو اللحق استغل الفرصة و خطف الواد

تهاني / و انتي هتسكتي يا اماني على اللي بيحصل ده اماني / والله على جثتي انا هكلم محمد النهاردة يروحوا بيتهم و هو مش سي حسام فتح صدره و قعد يقول اجيبلك خدامة و مش خدامة يجيبلهم هما هناك اروى / و حسام يجيبلهم خدامة ليه هو خالي ما لوش معاش تهاني / يا ستي هجيبهالهم انا اخويا و انا اولى بيه هروح انا اقف على ايديها و هي بتنضف و اهو ينوبنا ثواب المهم ان حسام يقطع أي علاقة بالبت دي دي حرباية يا اماني

اماني / طول النهار قاعدة بالبت و البت بتعيط لما بتقطع قلبي و هو طبعاً بنته و ملهوف عليها اروى / اول ما يسمع عياط البت من هنا ينزل يجري من هنا تهاني / ما انتي اللي موكوسة مش عارفة تربطيه بحتة عيل اروى / اعمل ايه يعني ما هو اللي شرط عليا في اول الجواز اماني / انتي بتقولي ايه يا اروى اروى / والله يا عمتي و خدني للدكتورة و ركبلي شريط كمان

تهاني / اصوت و لا احدفك من البلكونة دلوقتي و ما قولتيش الكلام ده من بدري ليه ما ليه حق يبيع و يشتري فيكي يا بت الجزمة اماني / ما لكيش حق يا اروى كنتي قوليلى و انا امنعه بالقوة هي سايبة و لا ايه انا من حقي اشيل احفادي اروى / اهو اللي حصل بقى تهاني تبص تحت تشوف حسام و ندى خارجين من العمارة و بيركبوا العربية و يمشوا تهاني / الحقوا الحقوا اروى و اماني يبصوا اماني / يا بنت الكلب

اروى / دلوقتي ما عندناش ميت في البيت عشان تصدقوني تهاني / بكرة الصبح لا بكرة ايه خشي البسي و انا هاخدك عند الدكتور حالا نشيل الزفت ده و يبقى يفتح بقة بقى اماني / ايوه انا هاجي معاكوا بنفسي و ليا حساب تاني مع الكلب ده لما يرجع تهاني / و انتي هتعرفي تاخدي معاه حق و لا باطل ما خلاص غسلتله مخه اماني / والله والله ما هي بايته في بيتي ثانية واحدة بعد كدا بنت الجزمة دي تهاني / اما نشوف يلا يا بت انتي لسه واقفة انجري على جوة

……………………………… على القهوة قدام بيت آية اتنين رجالة قاعدين بيشربوا شاي الاول / والله زي ما بقولك كدا التاني / يا عم دول ناس في حالهم من يوم ما سكنوا ما سمعنالهمش حس الاول / حس ايه دا صوت الولية بيجيب لاخر الشارع و ناس داخلة و ناس خارجة التاني / يا ابني انا ما قصدتش انا قصدت لا اتكلموا مع حد من الجيران مثلا و لا عملوا مشكلة و لا أي حاجة تحسهم في حالهم كدا

الاول / امال يعني يلفتوا النظر ليهم ما لازم يبانوا في حالهم بقولك انا كنت فاتح الفيس على القهوة هنا امبارح جالي طلب إضافة صورة واحدة لفة نفسها بفوطة بس وشها مش باين اعمل ايه التاني / انت بتسأل تقبل طبعاً الاول / و هاتك بقى يا كلام و صور لما سخنت اللي جابوني المهم بقولها افتحي الكاميرا قالت تدفع كام قولتلها اللي تعوزيه قالتلي الشحن الاول التاني / و شحنتلها

الاول / هو انا تلميذ ياما اتقرصنا من ولاد الكلب دول قولتلها و انا اش ضمني انك مش هتنصبي عليا و اخرتي بلوك قالتلي هبعتلك تصبيرة و بعتتلي شوية صور ياله يخربيت امها صاروخ ارض جو التاني / و وشها باين فيها الاول / هو وشها بس اقولك انا هعمل معاك الصح و افرجك على الصور راجل تالت يشد كرسي و يقعد التالت / القعدة بتاعتكوا دي انا عارفها الاول / ههههههههههههههههههههه وحشني يا اسطى فينك مختفي كدا التالت / مشاغل بقى انت عارف

التاني / عليا يلا مشاغل ايه التالت / بقولكوا ايه امبارح جالي واحد يصلح عربيته و مستعجل عليها قوي و قالى هديك الضعف بس اسهر فيها عشان مسافر تاني يوم التاني / مصلحة ظبطك يعني ما تجيب بقى الفلوس اللي عليك التالت / اتقل يا ابني هو ظبطني فلوس الاول / امال برشام التالت / اداني دي الاول / و دي ايه لا مؤاخذة التالت / دي شوية افلام انما ايه تطير العقل سهرت طول الليل لما جابت أجلي الاول / لوحدك يا درش

التالت / كنت بفنطها بس تعرفوا في الاخر خالص كنت هنجت و جبت أخرى بس حلفت ما أنام الا لما أخلصها اخر فيديو كان مفاجأة الاول / يا راجل احكي احكي التالت / البت اللي ساكنة في التاني و جوزها في عمارة الحج فريد التاني يبص للاول التالت / اما عملوا عمايل يخربيتهم الاول / عشان تصدقني لما اقولك ان البت دي شمال و سكتها شمال الشمال التاني / صحيح ياما تحت السواهي دواهي الاول / بقولكوا ايه ما تيجوا نطلع عندي و نعدل المزاج

التالت / ما عنديش مانع التاني / على البركة ………………………………………… في كافيه فخم ندى / المكان ده غالي قوي حسام / اعتبريها اعتذار ندى / عن ايه و لا ايه حسام / كل حاجة ندى تضحك بصوت عالي ندى / بالبساطة دي تؤ حسام / عيوني للتؤ ندى / انا عمري ما هقدر اسامحك يا حسام لو قولت غير كدا ابقى بكذب عليكي حسام / انا بحبك يا ندى و مستعد اعمل أي حاجة عشانك

ندى / عارفة و عشان كدا قاعدة معاك دلوقتي عشان انا ما عادليش حد انا لسه صغيرة كل اختياراتي كانت غلط بس انت كمان غلطت حسام / عارف و مستعد اعمل أي حاجة اصلح غلطتي دي ندى / انت لو كنت صبرت عليا انت و بابا بالراحة و فهمتوني حقيقة علي من الاول انا كنت بعدت عنه و انت كنت اقرب حد ليا فاكيد كنت هلجالك و ساعتها حسام / بلاش نتكلم في اللي فات ندى تمسك ايده حسام يبص لايده و هو مش عارف يقعد على بعضه

ندى / لو سمحت يا حسام خليني أكمل … انا كل مرة كنت براجع نفسي كنت بجد بحس ان معقول كل ده كان عندي و ما شوفتوش ؟؟ إزاي ما شوفتوش معقول كنت عايشة في الدلع ده بس انت السبب ما تبصليش كدا اه انت السبب انام في يوم و أصحى الاقي نفسي حامل ليه مش من حقي اني أفرح و انبسط مش من حقي اني أحب أنا كمان حسام / انا آسف ندى / لو كنت صبرت عليا شويا كنت حبيتك صدقني ندى تبص في الارض و ترجع تبصله

ندى / بس إزاي أحبك و انت بتعاملني بالقسوة دي انت ضربتني و حبستني يوم أقول بيحبني و يوم أقول لأ حسام / بحبك والله بحبك و كل ده عشان بحبك و خايف أخسرك و عاوزك جنبي ندى / جنبي !! هونت عليك ترميني في الصحرا و نزلت تتجوز اروى انت فاكرني ما كنتش عارفة انها بتكلمك و احنا هناك انت خنتني حسام / ما انتي ندى / كلمت اروى كلمت على واحدة بواحدة خالصين انا خسرت كل حاجة ماما و بابا و نفسي حسام / في ايدك تكسبى كتير

ندى / و المقابل اني أسامحك حسام / المقابل إنك تكسبى بنتك و بيتك و حياتك و مستقبلك ندى / عمرها ما هتنجح انا بس قربت منك الدنيا ولعت و عمتي مش طيقاني و بتهيني في الرايحة و الجاية حسام / انا مش هسمح لحد يقرب منك مش هسمح لحد يكلمك نص كلمة هخلي جزمتك فوق الكل هدافع عنك زي النهاردة و أكتر ندى / انا مش بعرف أطبخ و لا امسح و لا أكنس إزاي هتسكتهم

حسام / هجيبلك خدامة هخليكي ملكة هعيشك معززة مكرمة حياتك على الكوافيرات و الشوبينج و مش هخليكي تشيلي هم أي حاجة مش هخليكي تندمي و لو لحظة ندى / و هتعيش معايا في شقة بابا حسام يبصلها و يسكت ندى / مستحيل طبعاً انا مش هقدر ابدأ حياة جديدة و على قدامي طول الوقت نظرة الشماتة اللي في عينه هتقتلني و بعدين انا مش قليلة عشان أعيش معاك في الحرام في بيت ابويا كمان حسام / مين قال في السر مين جاب سيرة حاجة زي دي انتي مراتي

ندى / ما تكدبش الكدبة و تصدقها مامتك نفسها قالت على حبيبة بنت حرام حسام / ماما قالت كدا ندى / ايوه و اسأل نور حسام / انا ليا كلام تاني معاها انا مش هسكت انا بنتي ما يتقالش عنها كدا ابدا ندى / حسام انا مش هقدر أبني حياتي على كدبة لو عاوزني بجد يبقى لازم عقد جديد و شهود و انا أمضي بنفسي برضايا و ألبس فستان شيك و أحس بالفرحة اللي بجد عشان فرحتي يوميها كانت مكسورة حسام / غالي و الطلب رخيص أي حاجة انا موافق

ندى / أي حاجة أي حاجة حسام / جربي لو رفضت أي حاجة ليكي حق ندى / انا كنت مراتك لوحدي ما ينفعش أبقى على ضرة حسام يرتبك ندى / انا ليك لوحدك و انا و اروى عمرنا ما هنتفق و بعدين الشقة اللي هي عايشة فيها دي اصلا بتاعتي كل ركن فيها كان مفروش ليا ما ينفعش تنام هي في جهازي و انا انام في الشارع مقامي عندك الشارع يا حسام حسام / لا طبعاً إيه اللي بتقوليه ده

ندى / حسام ما تنساش ان ماما باعت دهبها في الجهاز ده و استلفت فلوس عشان تجيبه انا اولى بيه منها حبيبة اولى بيه منها حسام / هو بس ندى / عاوزني و لا لا حسام يسكت ندى / فكر براحتك بس انا كمان من حقي أعيد التفكير في موضوع الجواز ندى تسحب ايدها من ايد حسام حسام يمسك فيها حسام / انا ما عنديش أغلى منك الشقة ليكي ندى / و اروى تطلق حسام يهز راسه ندى / قدامي زي ما اتجوزتها قدامي تطلقها قدامي حسام / الموضوع مش بالبساطة دي

ندى / حسام انت عملت المستحيل عشان توصل لي و قدرت تكذب على الكل و توصل للي انت عاوزه في كل مرة مهري هيبقى صعب عليك حسام يبصله ندى / يا خسارة حسام / اعتبريها أطلقت ندى / اللحظة اللي هترمى فيها اليمين هي اللحظة اللي هكون انا بتاعتك فيها حسام / زوج و زوجة مش على ورق ندى / انت و شطارتك بقى حسام / يعني ايه ندى / يعني توعدني انك مش هتستخدم معايا أي حاجة من حاجات زمان دي لا منوم و لا مهدئ لازم يبقى برضايا كلو برضايا يا حسام

حسام / مفيش أحلى من كدا ندى / خلاص تحب تنام في حضني انا و حبيبة امتى حسام / حالا ندى / طب و مستني ايه قوم يلا نروح … بتنا انا و انت و حبيبة و بس ندى تبتسم حسام يبلع ريقه ندى تقوم حسام يقوم يحط فلوس على الترابيزة و ياخدها و يمشوا ……………………………… في اوضة فوق السطوح التلت رجالة قاعدين قدام جهاز كومبيوتر قديم و بيشربوا بيرة و سجاير التالت / و لا يبان عليهم ولاد العفريت الاول / تدفع كام و تبقى مكانه

التالت / ادفع عمري كله بس إزاي الاول / ياعم اللي تتصور كدا و تفتح صفح كدا التالت / ياعم الاشكال دي مش سهلة تيجي تكلمها تعملك فيها ام الشرف التاني / ياعم نجرب وفقت كان بها رفضت الاول / وربنا افضحها و اخلي سيرتها على كل لسان التاني / أهوال التالت / خلصانة ……………………………… في شقة اروى حسام يفتح الباب و ندى تدخل تتفرج ندى / تعرفي ان دي اول مرة اشوف الشقة حسام يقفل الباب ندى تبتسم و تدخل جوه و هو وراها

ندى / حلوة قوي اوضة النوم دي بس الملايات دي عاوزة تترمى في الزبالة انا اينفع و ما بنامش مطرح حد حسام يدخل يشد الملاية و يرميها في الارض ندى تضحك بصوت عالي و تروح الاوضة اللي بعده ندى / دي بقى هتبقى اوضة بيبو اممممم حلوة عجبتني ندى تيجي تطلع من الباب تلاقي حسام سادد الباب ندى / عاوزة اتفرج على باقي الشقة حسام / وحشاني ندى / العطلة من عندك باب الشقة يتفتح ندى / وسع بقى ما تبقاش رخم الله

حسام يوسع و ندى تطلع تجري على الصالة و هي بتضحك و حسام وراها تلاقي اروى و تهاني و اماني موجودين ندى / ايه ده انتوا جيتوا امتى ما حسيناش بيكم اماني / اما صحيح اللي اختشوا ماتوا انتي بتعملي ايه هنا يا بت انتي ايه مفيش دم مفيش حسام / ندى مراتي و من فضلك يا ماما تتعاملي معاها احسن من كدا ندى تروح تقعد على اقرب كرسي و تحط رجل على رجل اروى / يعني ايه مراتك من امتى و ازاي و ان ندى / انتي ايه يا ماما اروى تبصله

ندى / هو حسام ما قالكيش انه طلقك تهاني / ايه الكلام الاهبل ده ندى / امممم قولهم يا حسام حسام / انتي طالق يا اروى اروى / انت بتطلقني عشانها دي اخرتها يا حسام اماني / انت اتجننت تبيع دي عشان دي يا اهبل يا ابن الهبلة … قومي يا بت اطلعي بره قومي اماني تحاول تشد ندى بره حسام يمنعها و اروى بتعيط تهاني / انت أكيد مش في وعيك

حسام / لا الحقيقة انا في وعيي جدا و عارف انا بعمل ايه ندى مراتي اتجوزتها عن حب و مستعد اعمل عشانها أي حاجة اماني / و اروى ؟؟ فيها ايه عدل دي رد و قولي فيها ايه مش دي اللي خانتك و سابتك حسام / كنت بكذب كنت ببرر موقفي عشان ما تقولوش عليا عيل واطي بس الصراحة انا على قد ما كنت واطي مع ندى كنت جدع مع اروى جرس الباب يضرب ندى تقوم بدلع تروح تفتح محمد و نور يطلعوا محمد / في ايه صوتكوا جايب لتحت اروى تترمى في حضن خالها

اروى / الحقني يا خالو حسام طلقني عشان خاطر ندى حسام / جوازي منك في الاول كان غلطة يا اروى و انتي عارفة ده ما تخلينيش افتح ماشي تهاني / لا يا حبيبي فتح قول اللي عندك كلونور / خلاص يا جماعة اهدوا شوية انا متأكدة ان في سوء تفاهم تعالي يا ندى معايا تحت نور تحاول تشد ندى ندى تفلت منه ندى / اشمعن انا اللي اجي معاكي و بعدين ما ينفعش اسيب بيتي و ضيوفي و انزل تحت اروى / انتي صدقتي نفسك يا بت اروى تحاول تضرب ندى

حسام يزقها تقع في الارض و ندى تدخل الاوضة جوه حسام / لو أي حد حاول يضايقها بكلمة او يمد ايده عليها انا اللي هقفله دي ضافرها برقبتي اروى / اتفو عليك حيوان تهاني / اما بهدلتك في المحاكم اما ربيتك و علمتك الادبح حسام / ربي بنتك الأول و بعدين تعالي ربيني نور / حسام لو سمحت حسام / ايه يا نور مش كان على يدك ما تقوليلها عمتك اللي عايشة في دور الشرف طول الوقت محمد / اخرس يا حيوان

حسام / لا مش هخرس قوليلهم يا اروى انا و انتي اتجوزنا إزاي قوليلهم اماني / انت ليك عين تبجح مش كفايا انك خدتها لدكتورة نسا و مركبلها لوب عشان ما تحملش حسام / ظهر الحق يعني عرفتوا محمد / انا مش فاهم حاجة حسام / انا بقى محتفظ هنا بالحجز اللي كان عند الدكتورة و اللوب بيركب اروى تعيط حسام يفتح درج و يطلع شنطة و يفتحها و يطلع منها ورقة نور / حسام لو سمحت اهدى و لم الموضوع انا عارفه حسام يدي لباباه الورقة

حسام / شوف كده التاريخ اروى مركبة اللوب امتى و شوف انا و اروى دخلنا امتى اروى / انت إزاي كدا حسام / انا اللي إزاي كدا انتي اللي إزاي كدا تقفلي موبايلك و تعملي انه فصل شحن و تدخليلي اوضة النوم و تعرضي عليا نفسك إيه تهاني / اخرس انا بنتي اشرف من الشرف حسام / انا اتجوزت بنتك تصليح غلطة مش أكتر قولت بنت عمتي و حرام تتفضح و اكسب فيها ثواب محمد / لا مش ممكن لا

حسام / قوليلهم يا نور سمعتي ايه على السلم قوليلهم لما جت و في شنطتها قميص النوم و لقتك عندي قوليلهم يا نور ندى تطلع من الاوضة و لفة هدوم في الملاية ندى / لا لا لا لا مش مصدقة ودني من اللي بسمعه و كنتوا رايحين جايين تجيبوا في سيرتي و سمعتي كنتوا بتقولوا ان امي انا الله يرحمها ما عرفتش تربي الله يرحمك يا ماما ياريتك عشتي و شوفتي اليوم ده ترميها في الارض جنب اروى ندى / حاجتك عشان بنضف

حسام / انا من حقي اني أختار أم لاولادي و اخترت ندى و اخترت بيتي و بنتي و مراتي صمت حسام / انا لاول مرة من فترة طويلة اوى اختار صح كل الاختيارات اللي فاتت كانت غلط و دعمتوني و وقفتوا في ضهري النهاردة لاول مرة بختار صح ياريت تقفوا جنبي صمت تهاني / اللي حصل النهاردة ده عمره ما هيعدي على خير انا مش هسكت والله ما هسكت ندى / بقولك يا حسام ممكن تساعدني اطلع بابا و حبيبة و حاجتي من تحت حسام / أكيد

ندى تمسك ايد حسام و ينزلوا سوا و الكل بيبص لبعضه و صمت محمد / الكلام اللي اخوكي قاله ده حصل يا نور نور / بابا لو سمحت محمد / حصل فعلاً انتي كنتي عارفة ان في علاقة بين اخوكي و بين اروى تهاني / لزم لسانك يا محمد نور / ايوه كنت عارفة و عشان كدا صممت على جوازهم و قولت لازم يتم بأقصى سرعة تهاني / يلا يا اروى قومي يلا انت من النهاردة لا أخويا و لا اعرفك و كلامك مع المحامي بتاعي تهاني و اروى يمشوا

اماني / دي أكيد ساحراله أكيد محمد / بس بقى يا اماني بس بقى انا مش قادر أصدق مش قادر افوق من الكابوس ده بقى إيه هو مفيش في الدنيا غير حسام و مصايبه في ايه نور / اهدى يا بابا صحتكم محمد / احنا كنا فين و كل ده بيحصل كنا فين نور / يا بابا حضرتك كنت هتعرف منين يعني محمد / و انتي ليه ما قولتيلي

نور / كان موقف حضرتك هيتغير يعني ما كنتش هتجوزهم يعني انا عمري ما كنت اتخيل ان اللي حصل ده هيتعرف عمري ما كنت اتخيل ان حسام ممكن يرجع لندى او انه يقول حاجة عن علاقته باروى اماني / يا خسارة تعبي و تربيتي فيك يا حسام باب الشقة يتفتح و ندى تدخل شايلة حبيبة و شنطتها و حسام شايل شنطتين وراها ندى / لو سمحت يا حسام دخل الشنطة دي اوضة بابا و التانية اوضتنا و يلا عشان ننزل نجيب بابا حسام / حاضر يا قلبي حسام يدخل

ندى / ميرسي يا نور تعبتك و انتي بتلمي حاجتنا بس برافو عليكي ما سبتيش حاجة حسام يخرج من الاوضة و ينزل ندى / والله كنت ناوية ارجع بيتنا خصوصاً بعد اللي طنط اماني عملتوه معايا انا و بابا النهاردة بس حسام ما رضيش و قالي ان مصلحة حبيبة فوق أي زعل و اني هدخل البيت معززة مكرمة و صدق معلش خلي بيبوا معاكي على ما انزل اسند الكرسي قدام حسام عن اذنك يا عمو عن اذنك يا طنط اعتبري البيت بيتك ندى تنزل و اماني هتتطق

محمد / هو ايه اللي حصل النهاردة يا اماني في ايه تاني في ام اليوم اللي مش عاوز يخلص ده اماني / اماني هتموت دلوقتي اماني هطب ساكتة دلوقتي نور / بعد الشر عليكي يا ماما محمد / عملت ايه يا نور ردي عليا اماني / ياريتني مت و لا شوفتش اليوم ده ماشي ليكى حق يا ندى ليكي حق ما الدلدول ابني هو اللي قواكي و عملك قيمهم محمد / انا هنزل اسند اخويا القاعدة هنا خنيقة

محمد يجي يطلع يلاقي ندى شايلة الكرسي من قدام و حسام من ورا و طالعين يجري يساعد ندى و يدخلوا مصطفى الشقة ندى / الف شكر يا جماعة تعبناكوا بس انا و بابا عاوزين ننام اماني تقوم تقف و تروح تقف قدام ندى ندى / ايه يا عمتي رايحة فين انا مش بطردكوا والله البيت بيتكم انا بس بستأذن ادخل انا انام اماني / هتدفعي تمن اللي بتعمليه ده غالي ندى / هو انا عملت ايه اماني تنزل

ندى / الله مش هي اللي حلفت ما نبات في بيتها مش هي اللي قالت اننا تقال عليها إيه يا نور ما انتي كنتي حاضرة اللي حصل و إزاي كانوا بيتعاملوا معانا هو إحنا تحت وسطيكوا مش عاجب و فوق هنا لوحدينا مش عاجب قولتلك يا حسام نرجع شقتنا انت اللي ما رضيتش حسام / خلاص يا نونو اهدى و خشي ارتاحى و انسى أي حاجة حصلت النهاردة ندى / حاضر اللي تشوفه محمد / انا نازل تصبحوا على خير نور / خدني معاك يا بابا محمد و نور ينزلوا ندى / حسام

حسام / عيون حسام ندى / انت كدا نفذت اول شرط تاني شرط الجواز يتم صح المرادي و لحد ما دا يحصل مش هينفع تبات معانا في الشقة حسام / ايوه بس ندى / احنا اتفقنا حسام / حاضر يا ستي بكرة الصبح هروح للمحامي و اخليه يخلص كل الورق و نحدد معاد الفرح عشان نبدا حياتنا على نضافة ندى / صفحة بيضة و ننسى كل اللي فات و عشان لما بيبو تكبر و تسألنا اتجوزتوا إزاي نقولها الحقيقة ما نبقاش بنكدب تعرف قد إيه بنحبها و قد إيه باباها بيحب مامتها

حسام يبتسم و ينزل و ندى تقفل الباب و البسمة تروح من وشها و تقفل الباب بالترباس و تبص وراها تلاقي ابوها وراها تروح تقعد تحت رجليه ندى / ما تبصليش كدا بس انا مش ضعيفة عشان أسيبهم يهينوني و يذلوني كدا انا استحملت كتير و على يدك ضرب و إهانة و بهدلة ظلموني بس انا مش هسكت هخليهم يفهموا ان حتى ضعفي قوة و ان كل جباروتهم ده ما يساويش حاجة هردلهم كل اللي عملوه فيا هندمهم و هربيهم و مش هسمح لحاجة تقف في طريقي مصطفى يمسك ايده

ندى / ما تخافش عليا انا ما عدتش ندى الصغيرة الطيبة خلاص قتلوها لما قتلوا امها قتلوا امها بالبطئ انا هاخد حقي و زي ما شوفت مش هيلاقوا فرصة يردوا عليا مصطفى يبص الناحية التانية ندى / الشقة حقي و رجعلي مش انا دفعت سنة من عمري في الغربة عشان الشقة دي مش انت يا بابا اللي وقفت على ايد العمال هنا عشان تتشطب مش ماما باعت دهبها عشان تكمل دي بتاعتي حقي لا دي جزء صغير قوي من حقي و مش هسمح لحد يشاركني و لا يشارك بنتي فيه

ندى تقوم و تزق ابوها لاوضته ندى / انت لازم ترتاح و تنسى أي حاجة حصلت و ما تفكرش في أي حاجة هتحصل انا قولتلك كلو سلف و دين و انا ياما سلفت جه دوري بقى الم ديوني منهم ……………………………… في شقة آية بعد يومين آية لوحدها جرس الباب يضرب تروح تقف قدام الباب آية / مين التالت / انا درش الميكانيكي اللي على الناصية انا كلمتك الصبح على الفايس افتحي بقى آية / كلمتك على الفايس ؟؟؟

التالت / يووووه انتي بتكلمي كام واحد افتحي بقى قبل ما الجيران يحس بينا الله مش قولتيلي استني جوزي اما ينزل انا بقالي ساعتين مرزوع على القهوة تحت افتحي بقى آية تجري تجيب الموبايل و تتصل آية / امشي من هنا أحسنلك التالت / دا انا اروح فيكي في داهية دا انا شحنلك بمتين جنيه غير الضرايب انا ما بنضربش على قفايا افتحي يا بت بدل ما وديني أكسر الباب آية / انا هتصل بالبوليس امشي بالزوق أحسنلك جارتها تنزل على السلم

الست / انت بتعمل ايه هنا يا درش درش / انا ؟؟ دا انا كنت جاي اسأل على الاستاذ عمر الست / تسأل ايه انا سمعاك من فوق بتقول شحن و تكسر الباب هو في ايه هنا بالظبط درش / بقولك ايه يا ست الكل انتي ست كبيرة و قد أمي و أنا الحباية بتلعب في دماغي ابوس ايدك فكك مني آية من ورا الباب / انا ما اعرفوش و عمال يخرف لو ما مشيش والله لطلبله البوليس

الست / هي حصلت يا ناقص يا واطي تخبط على الستات في غياب رجالتها هو إيه الحارة ما عادش فيها رجالة و لا إيه يا لاااااااااااااااااااااااااهوي الحقوني يا ناس غيتوني يا عالم درش / وسعي يا ولية بدل ما اتغابي عليكي راجل ينزل من فوق الراجل / تتغابي على مين يا ابن الكلب انت دا انت موتك على ايدي النهاردة درش / هو كلكوا عليا و لا إيه لا فوقوا دا انا اروح فيكوا في داهية فلوسي يا ولاد الكلب عمر يطلع السلم جري

عمر / في ايه يا جماعة ايه اللمة دي الست / الحيوان ده كان عاوز يكسر الباب لولا ستر ربنا درش / بفلوسي البت اللي جوه دي واخده مني متين و عشرين جنيه و بعدين هو انا بتبلي عليها دا فيديوهاتها و صورها على كل الموبايلات في الشارع دا انا حاجز معاد بالعافية هي ملاحقة عمر يضرب الواد في وشه بالبوكس

درش / انت بتستغل انهم ماسكيني فبتضربني ايه فاكر نفسك هتخوفني فهسكت دا انا بسهر طول الليل على فيديوهاتك انت و الست الغندورة في السرير و اهي الصور اهي الصور اهي درش يقوم من الارض يفتح موبايله و يفتح الصور و يوريها للناس الملمومة قدام الشقة راجل كبير / بس يا درش بلاش قلة أدب

درش / انا برضه اللي قليل الادب ليه انا اللي اتصورت ملط لامؤاخذة و لا انا اللي عامل صفحة على الفايس بلم فيها فلوس من الرجالة عشان اقلعلهم و اتكلم معاهم و اديهم مواعيد لامؤاخذة عمر واقف بيبص يمين و شمال يدخل الشقة و يرزع الباب يلاقي آية واقفه ورا الباب بتعيط و بتهز راسها لا صوت الناس بره الست / و انا اللي كنت بقولك اخد البت و انزل اتعرف عليها بلا قرف الراجل الكبير / امسح الصور دي يا درش ملناش دعوة

درش / فلوسي يا حج دانا دافع دم قلبي في الصور دي لا مؤاخذة الراجل الكبير / عندي حقك عندي بس احنا عندنا ولايا برضه يلا يا جماعة كل واحد على بيته الراجل / اتفو و انا اللي كنت نازل اتخانق عشانها تربية شوارع عمر يدخل اوضته و يطلع شنطة و يلم هدومه آية تجري وراه و تمسك ايده و هي منهارة من العياط آية / انت بتعمل ايه عمر يزقها و يكمل آية / عمر انت هتسبني انت بتعمل ايه

عمر / هو ده اللي كان موترك هو ده اللي كان مغيرك الفترة اللي فاتت نفسيتي تعبانة طول الوقت نايمة آية / انا حاولت اقولك بس في كل مرة كانت بتحصل حاجة انا مليش دعوة بالصور دي عمر / و انا اللي ليا دعوة بصي يا آية انا ماسك نفسي عنك بالعافية ابعدي عني السعادي بدل ما أرتكب جناية آية / اقتلني يا عمر لو انت شايفني الغلطانة اقتلني يا عمر انت لازم تسمعني عمر / ادي ام الشنطة اوعي عمر يسيب المكان و يمشى آية تمسك فيه

آية / ما ينفعش تسيبني انا مليش غيرك عمر اسمعني انا مليش ذنب عمر والله لو كنت عملت اللي هما عاوزينه ما كانوا عملوا كدا بس انا مش كدا انا عمري ما اخونك اسمعني بقى عمر يزق آية على اخر دراعه تقع في الارض تجري على رجله عمر / انا اسف بس انا كان ممكن استحمل أي حاجة الا دي انتي طالق آية / حرام عليك انا عملت ايه حرام عليك حرام عمر يفتح الباب و يمشى و هي بتعيط ……………………………… في شقة تهاني اروى / ماما انتي لسه زعلانة مني

تهاني / انتي حطيتي راسي في الارض خليتي اللي يسوى و اللي ما يسواش يتناظر عليا اروى / يا ماما انا تهاني / انتي رخصتي نفسك و رخصتيني انا اللي طول عمري رافعة راسي وسط الناس جه عليا اليوم اللي اتعاير بيكي اللي أحط عيني في الارض بسببك اروى تعيط

اروى / يا ماما انا وثقت فيه و حبيته ابن عمي و عمره ما هياذيني و هو كمان ما كانش بيسكت كان بيكلمني طول الوقت … و انا سبقتكوا على هناك.. و كنت لوحدي … ما اعرفش إزاي ده حصل ما اعرفش بس هو وعدني انه هيتجوزني تهاني / و وفى بوعده و من يوم ما رخصتي نفسك ليه و هو بيبيع و يشتري فيكي من يوم ما اتجوزك و هو مش طايقك اللي لودته جننته و اللي رخصت نفسها زهق منها و رماها

اروى / بس انا مش هسكت انا ليا عنده حقي دهبي و مؤخري و نفقتي و حقوقي كاملة انا من بكرة هروح للمحامي بس انا محتاجاكي جنبي تهاني / بانهي وش هقف قدام اخويا دا الحمد لله ان مها ماتت قبل ما تشوف اليوم ده كان زماني انا اللي مت من قهرتي اروى / ان كنت انا غلطت فهو كمان غلط اشمعن انا اتعاقب لوحدي تهاني / امشي من وشي مش طايقة أبصلك امشي يلا اروى تقوم تدخل اوضتها ……………………………… في شقة ندى

جرس الباب يضرب ندى تروح تفتح و هي لفة شعرها بفوطة نص فتحة حسام / وحشتيني ندى / امممم طيب حسام / هو ايه اللي طيب و ايه الحلاوة دي ندى / هاخد برد كدا ما توقفنيش في الهوا حسام يديها كيس ندى / ايه ده حسام / التليفون و الخط عشان تبقي تصبريني بصوتك الحلو ده بدل ما انا بسرقك من على الباب ندى / العطلة من عندك حسام / يا شيخة ندى / انت عاوز ايه حسام / هو عمي نايم برده ندى / اه و حبيبة نايمة فاكيد ما ينفعش تخش

حسام / طب لو نزلت و جبت نور معايا هتدخليني ندى تضحك بصوت عالي حسام يضحك ببلاهة حسام / الله ندى / تعرف مش انت جبتلي الموبايل انا كمان هديك فرصة نادِ نور تقعد مع بابا و بيبو و انا هلبس و اخرج معاك تعزمني على عشا اصلي بصراحة جعانة اوى و زهقت من الفراخ المسلوقة و الشوربة دا اكل عيانين ده حسام / بس كدا تؤمري ندى / يلا اوعي بقى عشان الحق أنشف شعري همشي كدا في الشارع يعني ندى تشيل الفوطة من على شعرها ينزل على خدها

حسام يمسكه حسام / و ماله ده ما هو حلو اهه ندى تضربه على ايده ندى / اوعى لما تكتب الأول حسام / الصبر من عندك يارب ندى / انت كنت لاقي يا ابني ما تحمد ربنا و افتكر الجمايل حسام / بحمده و بشكر فضله طبعاً ندى / يلا بقى تعبت من الوقفة الله حسام / والله بحاول بس رجلي مش مطوعاني ندى تضحك تاني بصوت عالي حسام يبتسم نور تطلع على السلم حسام / بنت حلال اهي بقولك يا نونو ممكن تقعدي مع عمي و بيبو على ما أخد ندى مشوار و نرجع

نور / أكيد بس ماما عاوزاك تحت حسام / حاضر هنزلها ندى / خشي يا نور و لا انتي ممنوعة تدخلي عندي نور / لا طبعاً بس هنزل أقولهم اني هقعد هنا و اجيب موبايلي يعني ندى / اوكي نور تنزل حسام يجي ينزل ندى تشده من الياقة عليه ندى / هي نونو واحدة بس حسام يبتسم و يبوس ايدها و يهز راسه و ينزل ندى تقفل الباب و البسمة تروح من وشها و تنفخ ……………………………… في المحل عند على على يدخل المكتب يلاقي آية قاعدة بتعيط على / اؤمري قالولي انك هنا

آية / انا حاولت أتصل بيك كتير ما بتردش عليا على / و المفروض ارد يعني آية / على ارجوك اسمعني انا مليش حد على / ربنا يخليلك الست الوالدة انا مالي آية / عمر طلقني على / خير و بركة آية تعيط أكتر على / انا مش فاضي انا ورايا شغل آية / ندى ما كانتش الوحيدة اللي اتصورت انا كمان و الصور بتاعة ندى ما كانتش حاجة جنب صوري على / هههههههههههههههههههههههههههههه آية تبصله باستغراب

آية / انا مليش حد اعتبرني اختك انا مليش ذنب في اللي حصل على / لا لا لا لحد اختي و استوب فوقي انا اختي ما استحملتش تعيش من غير شرفها مش زيك مفضوحة بصي انا لو منك اعمل زيها روحي اقتلي اللي عمل فيكي كدا و بعدين موتي نفسك لان لا انا و لا غيري هندخلك انا مالي انا شوفت من وراكوا غير كل أذى يلا يا بت اطلعي بره آية توطي على رجله عشان تبوسها يرجع ورا آية / ساعدني

على / إزاي اشتريلك تربة ادفنك فيها ماشي روحي موتي و انا هتصرف في دفنك ما تخافيش حاجة تاني آية تمسح دموعها و تمشي و تبص عليه يبص الناحية التانية تفتح الباب و تمشي ……………………………… في شقة اماني اماني / انا مش هتكلم اتكلم انت حسام / خير يا بابا محمد / انت عامل ايه اماني / انت جايبه تهزاءة و لا تطمن عليهم محمد / ايه اهزاءة دي هو عيل صغير اماني / والله شكله كدا عيل و برياله حسام / ربنا يسامحك اماني / ربنا يسامحنا جميعا يا خوي

محمد / اماني قولتيلى كلمة خلاص سبيني بقى اكلمه حسام / ياريت والله عشان مستعجل بس اماني / شوفت شوفت طبعاً ما هو خارج مع الست هانم لكن عنده وقت لامه و ابوه لا حسام / الست هانم دي اسمها ندى و دي مراتي ام بنتي ماشي محمد / حقك اقعد بقى خشي يا اماني اعمليلنا كباية شاي اماني / مفيش سكر المحروسة كسرت السكرية حسام يبصلها و يمسك نفسه من الضحك بالعافية محمد / خلاص خشي اتوزعي يا اماني ممكن اماني / لا كلمة قدامي

محمد / اللهم طولك يا روح … بص يابني انا عارف انك راجل كبير و دي حياتك و انت حر فيها بس يابني اللي بتعمله في حياتك ده ما يرضيش ربنا حسام / انا عارف اني غلطت و حياتي كانت ملخبطة بس ربنا اداني فرصة اخيرا اني اعدلها و اصلح كل حاجة محمد / يا ابني بص حواليك مرات عمك ماتت و عمك اتشل و خسرنا عمتك و بنت عمتك كل ده عشان ايه اماني / عشان الغندورة حسام / لا عشان بنتي تتربى في حضني

اماني / و هي سابت خطيبها كدا من الباب للطاق فجأة اكتشفت انك حب حياتها يعني حسام / مفيش نصيب انا اصلا ما كنتش هسمح ان بنتي تتربى في حضن راجل غريب و قولتلها ده صراحة و اتفقنا على خطوط حمرا نمشي عليها حياتنا هي قالت شروطها و انا قولت شروطي ابقى انا غلطان اني بنقذ بيتي انا اعرف اللي هتتجوزه ده هيعامل بنتي إزاي ما بتسمعوش عن الحوادث البشعة اللي بتحصل للبنات من اجوزا امهاتهم يا جماعة محمد / انا معاك في كل ده بس

حسام / اروى صح … بص يا بابا انا غلطت بس والله هي اللي بدأت بالغلط انت انسان في اسوء حالاتك و تجيلك واحدة و تنام جنبك في السرير قولى بقى انك هتقوم و تسيب المكان و تمشي احنا مش ملايكة يا بابا اماني / انا عمري ما هصدق ان اروى تعمل كدا أكيد مقصوف الرقبة هي اللي مسلطاك تقول عنها كدا و تشوه سمعتها عشان تنتقم منها

حسام / لا حصل انا كنت نايم خبطت و قالت انها مش لاقية حد تحت كنتوا تقريبا بتزوروا عمو مصطفى باين قولتلها انكم هناك قالتلي ان موبايلها فصل و دخلت تشحنه و سبتلها البيت كلو و دخلت أكمل نوم إيه اللي يدخلها ورايا ماشي اول مرة تاني مرة بقى جاتلي بقميص نوم دخلت على اوضة النوم و قلعت هدومها و بكل بجاحة بتقولي هتقف تتفرج محمد / خلاص يا حسام

حسام / انا وريتك الكشف بتاع دكتورة النسا قوليلى اللوب هيركب إزاي لواحدة بنت يعني انا اتجوزت اروى عشان خاطر العيلة و عشان عمتي و عشان انا معترف بغلطتي بس دي ما ينفعش تكون أم لاولادي دي ما ينفعش أخرب عشانها حياتي أو أكمل معاها حياتي حتى محمد / قولت خلاص يا حسام حسام / لا معلش عشان نقفل السيرة الشقة من الاول شقة ندى و عمي و مراته ساهموا في تجهيزها بالفلوس و المجهود و على ايدكم محمد / حصل

حسام / و ندى حاضنة و معاها نونو يعني الشقة حقها اماني / اللهم طولك يا روح حسام / يا ماما انتي قولتي ان ندى و عمي حمل عليكي انا فصلتهم عنك اعمل اكتر من كدا ايه عشان أرضيكي محمد / خلينا في اروى الأول اروى مهما عملت هي بنت عمتك و من دمك حسام / و عشان كدا اتجوزتها و اللي هي عوزاه انا هديهولها نفقة مؤخر لو لسه ليها حاجة فوق تقول و انا هوصلهالها معززة مكرمة اماني / دهبها

جرس الباب يضرب حسام يروح يفتح ندى شايلة سكرية كريستال و لابسة كولية دهب اماني تشوفه عينها تطلع ندى / انا جبت لحضرتك سكرية كريستال من عندي بدل اللي كسرتها عشان اصالحك اماني / مش عيب تلبسي حاجة مش حاجتك ندى / حسام هو انا شبكتي فين انا مش لقياها فوق هو انت بدلتها حسام يبص لابوه و امه ندى / انا ما لقيتش حاجة في الدولاب غير ده فلبسته بس لو بتاع حد اقلعه ندى تحاول تقلعه و بعدين ترفع شعرها من على ضهرها و تلف لحسام

ندى / مش عارفة ممكن تساعدني يا حسام تقلعهوني لو سمحت حسام يحط ايده على كتفها و يغمض يفتح حسام / خليكي لبساه اماني / حسام حسام / احنا خارجين لما ارجع نكمل كلامنا عن اذنكوا حسام ياخد ندى و يمشى اماني / شايف بنت الكيادة محمد / انا خلاص مخي طق منى إيه اللي بيحصل ده اماني / عشان تصدقني لما اقولك حرباية محمد / الله يعينك على نفسك و على اللي انت فيه يا حسام يابني اماني / الله يعيني انا …………………………… في الشارع بتاع آية

التاكسي يقف و آية تنزل تسمع صوت صفير من القهوة ما تعبرش و تطلع بيتها تقابل جارها على السلم الراجل / الله الله الله مالك يا ست البنات بتعيطى و لا ايه آية تحاول تعديه يمسك ايدها الراجل / الله مش بكلمك انا و لا انا مش قد المقام يعني دا حتى الاقربون اولى بالمعروف يعني آية تزقه يخبط في الحيطة و تطلع على شقتها تلاقي مرات الراجل نازلة الست / في ايه يا ممدوح هي البت دي مالها و مالكم

ممدوح / انا عارف أشكال زبالة بتتحدف علينا لا حيا و لا خشا ربنا يستر على ولايانا بقى الست / يا سلام ممدوح / زي ما بقولك كدا تمام انتي مش نزلتي و شوفتيني لازق في الحيطة إزاي عشان تعدي أشكال ملزقة بعيد عنك الست / هي حصلت وربنا ما هسكت الست تروح ترزع على باب آية الست / افتحي يا بت الكلب انتي وربنا ما عهديهالك آية تقفل الباب بالترباس و المفتاح

الست / يلا يا رمة يا خطافة الرجالة هي حصلت يا رخيصة يا زبالة والله ما انتي بايته فيها افتحي يا بت الكلب آية واقفه ورا الباب بتعيط آية / ياريتني ما رجعت ستات تتلم على الباب الست 2 / جرا ايه يا ام منه بتزعقي ليه ام منه / بت الكلب اللي جوه المفضوحة بنت المفضوحة بتتحرش بالراجل الست 3 / يلاهوي هي حصلت مش كفايا فضيحتها ام جلاجلام منه / النهاردة جوزي بكرة رجالتكوا

الست 2 / و احنا هنستنى و لا إيه يلا ننضف الشارع من الاشكال دي الستات يضربوا الباب جامد آية تكتب رسالة على الموبايل و تبعتها و تجري تشد الترابيزة و تحوش بيها الباب و تجيب الكراسي و تحطها فوقيها و فجأة تلاقي طوبة تكسر ازاز البلكونة و صوت راجل من الشارع الراجل / الشارع ده لازم ينضف احنا فين هنا الخبط على الباب و الطوب على الشبابيك

آية تجري تحاول تقفل الشيش الطوب يجي فيها يعورها في وشها بس تقفله و الباب لسه بيترزع صوت على الباب الست 4 / همتكوا معانا يا رجالة آية تجري على المطبخ و تجيب سكينة و ترجع تقف قدام الباب تاني و هي في منتهى الرعب آية / امشوا من هنا انا ما عملتش حاجة الست 2 / افتحي يا بت المفضوحة والله ما هنسيبك ……………………………… في المحل عند علي علي قاعد على الكرسي و سرحان ////////////////////////////////

آية / انا مليش حد اعتبرني اختك انا مليش ذنب في اللي حصل علي / لا لا لا لحد اختي و استوب فوقي انا اختي ما استحملتش تعيش من غير شرفها مش زيك مفضوحة بصي انا لو منك اعمل زيها آية / ساعدني علي / إزاي اشتريلك تربة ادفنك فيها ماشي روحي موتي و انا هتصرف في دفنك ما تخافيش حاجة تاني //////////////////////////// الصوت يفضل يتكرر في عقله كتير

علي / روحي اقتلي اللي عمل فيكي كدا و بعدين موتي نفسك لا انا و لا غيري هندخلك انا مالي روحي اقتلي اللي عمل فيكي كدا و بعدين موتي نفسك لان لا انا و لا غيري هندخلك انا مالي روحي موتي و انا هتصرف في دفنك انا مالي روحي موتي نفسك روحي موتي و انا هتصرف في دفنك انا مالي روحي موتي نفسك روحي موتي و انا هتصرف في دفنك انا مالي انا مالي انا مالي روحي موتي نفسك روحي موتي نفسك علي يقوم من على الكرسي و ياخد المفاتيح و يمشى

……………………………… في مطعم ندى قدامها اكل كتير و بتاكل كتير ندى / الاكل حلو اوى انا فعلاً بطني كانت نشفت من اكل العيانين ده الله يعينه بابا حقيقي حسام / الف هنا ندى / هو انا عملالك مشاكل في البيت حسام / صدقيني أي حاجة تهون عشان خاطرك ندى / انا مش عارفة بس انا عملتلهم ايه ليه مامتك و عمتي كارهيني اوى كدا دول هما اللي مربيني حسام / بصي انا لا يفرق معايا كلامهم و لا كلام أي حد انا ما عنديش أهم منك انتي و حبيبة

ندى / و ياترى قولت الكلام ده لاروى حسام / جوازي من اروى كان غلطة ما اعرفش انا ادبست فيها إزاي خصوصاً اني كنت منهار نفسياً وقته ندى تبصله و تبص في الطبق حسام / بس الحمد لله ربنا بيحبني و اداني فرصة تانية اصلح فيها كل اللي عملته و رجعك ليا حسام يحاول يمسك ايد ندى تسحبها و تاكل بيه ندى / في حاجات ما بترجعش في حاجات ما بتتصلحش حبيبة عمرها ما هيكون ليها اخوات هتكون وحيدة زيي لا ليها ضهر و لا سند انا مش عاوزاها تشوف مصيري

حسام / مش هتحتاج انا و انتي هنعيش عشانها بس هنهتم بيها هنوفرلها كل اللي هي محتاجاه و أكتر هتبقى ملكة زمانها اوعدك ان مش هيبقى في حاجة ناقصاها ندى / و لما تزهق مني تروح تتجوز عليا و تقولى قال إيه نفسي في ولد دانا اقتلك انت فاهم ندى تحط السكينة على رقبته يبتسم حسام / هههههههههههههههههههههههههه ندى تبتسم و تكمل اكل ……………………………… في الشقة عند آية الباب بيتزق جامد و هي واقفه مرعوبة و الحاجات بدات تتحرك من وراه

آية تجري على اوضتها تلاقي الطوب بيتحدف من الشباك تقفل الباب بالمفتاح و تشد الكومدينو وراه الطوب ملا الاوضة تجري تقفل الشيش بالعافية و صوت الخبط عالي بره و جوه تبدأ تشيل أي حاجة في الاوضة و تحطها ورا الباب حتى المخدات و هي بتعيط على اخرها و السكينة في ايدها حضناها تجري تقف جنب الشباك و صوت الخبط بيخليها تتفزع و تتنفض فجأة الخبط يوصل لباب الاوضة الست 3 / هتروحي مننا فين و ربنا ما احنا سايبينك يا بنت الكلب

الباب بيتزق جامد و آية بتتنفض من الرعب اول ما يجوا يدخلوا الاوضة تفتح الشباك و ترمي نفسها ……………………………… في المطعم ندى / الحمد لله يااااه دا انا شبعت اوى ما اكلتش كدا من زمان حسام / الف هنا ندى / تعرف الخروجة دي ناقصاها ايه حسام / ايه ندى / بحر الدنيا حر اوى السنادي و الواحد بيقعد في البيت بقميص النوم و برضه مش طايق نفسه حسام / بس الشقة مكيفة ندى / اممممم لا حسام / ليه ندى / عشان مش بيتي يا حسام حسام / مين قال كدا

ندى / اروى قالتلي اني ضيفة و بصراحة معاها حق حسام / لا طبعاً مين هي عشان تتكلم اصلا ندى / يا حسام يا حبيبي انا مش مراتك و عايشة في بيتك كرم اخلاق منك مش أكتر لو لاقدر الله حصلك حاجة دلوقتي انا و بابا هنرجع بيتنا مطرودين حسام / لا مش حقيقي على فكرة الشقة دي باسمي و انتي و حبيبة هتورثوا فيه ندى / يا فرحتي ما مامتك و باباك كمان هيورثوا و اختك كمان امبارح قريت كتير في الموضوع ده حسام / هههههههههههههههههههههههههه

ندى / لا والله ما تفهمنيش غلط انا بس خايفة اديك شايف مامتك بتعاملني إزاي و عمتي هتقويها و انا مليش حد يقف في ضهري بابا زي ما انت شايف على كرسي حسام / بصي ندى / باباكض و مامتك هياخدوا التلت و انا التمن و اللي يتفضل حبيبة هتاخد نصه يعني منابي انا و حبيبة في الشقة حياله التل حسام يتنهد

ندى / انا مش فارق معايا اصلا انا كدا كدا بابا كاتبلي الشقة بتاعته باسمي و انت عارف فلو لا قدر الله حصل أي حاجة انا مش هكون في الشارع بس بقولك انا ليه مش قادرة اخد راحتي في البيت حسام / انا بقولك خدي راحتك و ما تشيليش هم بكره طول ما انا معاكي ندى تحط ايدها على ايده ندى / اوعدني حسام / اوعدك ……………………………… في الشارع عند آية

علي ينزل من العربية يلاقي زحمة قدام بيت آية يجرى و يزق في الناس لحد ما يوصل لعربية سقفها مطبق و آية نايمة عليه و فاقدة الوعي يبص فوق يلاقي الشباك مفتوح علي / آية آية راجل / يلا خدت الشر وراحت خلى المنطقة تنضف علي يمسكه من هدومه علي / انت بتقول ايه انت دي اشرف منك انت فاهم قطع لسانك و لسان اللي يتكلم عنها نص كلمة علي يلف و يروح ناحية آية و يمسك ايدها علي / قومي قومي يا آية قومي…………………