رواية سلف و دين الفصل الرابع والعشرون 24 - بقلم لولو محمد

على: وإنك تركبي معايا وتسبيني أسوق بيكي يا عالم، واخدك فين؟ دا أكبر دليل إنك عارفة إني ما كنتش غلطة في حياتك. ندي تبص الناحية التانية، وما تقدرش تمسك دموعها، بس تحاول تداريها عن علي. علي: أنا عارف إنتِ حاسة بإيه. ندي تصرخ فيه: ندي: لا، ما انتش عارف. ما حدش عارف. ما حدش كان مكاني. كلكوا كنتوا هنا، كلكوا سبتوني. ما حدش سأل عني. ما حدش شاف اللي شوفته. علي يناولها منديل.

ندي: أنا ما بنامش. قالولي خليكي، قالولي هنوفرلك إقامة، ما تنزليش. معرفش ليه كنت مصرة أنزل مصر. ليا مين هنا؟ مليش حد. لا عارفة آكل ولا أشرب ولا أرتاح. إزاي أثق فيهم بعد كل اللي عملوه؟ إزاي كنت بالسذاجة دي؟ إزاي ضحكوا عليا كلهم كده؟ علي: أنا… ندي: وانت عملت إيه؟ رد قوللي عملت إيه؟ وقفت تتفرج ولا اشتركت معاهم؟ علي: أنا!!! ندي: آه. دافعت عني؟ حاربت عشانى؟ قالولي إنك ما جيتش. قالولي إنك بتلعب بيا. قالولي إنك ما بتحبنيش.

علي: والله كذب. اسألي عمر. أنا جيت. ندي: أنا حاربت عشانك، لكن انت كنت جبان. سبتني في أكتر وقت كنت محتاجاك فيه. علي: كان في إيدي إيه أعمله؟ ندي: ما اعرفش. ما تسألنيش. ما اعرفش. علي: طب اهدّي. تشربي عصير؟ ندي تبصله وتضحك وهي بتعيط. علي: آيس كريم طيب؟ أجيبلك شاورما؟ ندي تضحك غصب عنها وتبص الناحية التانية. علي: حقك عليا. أنا فعلاً قصرت. بس والله… أنا آسف.

ندي: عاوز ياخد مني بنتي. هو يقدر يجيب غيرها، لكن أنا مش هقدر. مستخسر يسيبهالي. مستخسر يشوفني مرتاحة. علي: ما لوش عندك حاجة. البنت بترضع ومحتاجاكي. ندي: وبكرة؟ علي: لو راح المحكمة، هنجيب تقريرك من المستشفى. هو مش أمين عليكي ولا عليها. أنا سألت المحامي على فكرة. ندي: هياخدها. انت ما تعرفوش. انت ما تعرفش هو يقدر يعمل إيه. علي: انتي كنتي بتهربي؟ ندي: يعني هروح فين؟ مليش مكان. ما اعرفش. أنا كنت رايحة فين؟ ما اعرفش.

علي: تحبي أروحك؟ ندي: فين؟ علي: بيتك. ندي: أنا مليش بيت. مليش مكان أروحه. مليش أهل. أنا تعبانة أوي. أنا بجد عاوزة أنام. علي: ليه بتقولي كده؟ مامتك وباباكِ غلطوا، بس كانوا نيتهم خير. حسام ضحك عليهم. هما حكولي كل حاجة. صدقيني. هما ندمانين ومش هيسمحوا للغلط ده يتكرر. ندي: حكولك عشان بقى عندك عربية؟ فوق يا علي، اللي باعوا ضناهم مرة، سهل أوي يبيعوه تاني. علي: يمكن بيحاولوا يصلحوا غلطهم. اديهم فرصة. ندي: انت مش فاهم ليه؟

أنا أمي كانت بتحطلي المنوم في العصير. أبويا ربطني وكتب كتابي غصب عني. وابن عمي ضحك عليا وقاللي: "هنلم الليلة ونطلق". وفجأة صحيت لقيت نفسي حامل. إزاي عاوزني أعيش معاهم تاني؟ إزاي عاوزني أنام وسطهم أو آكل من إيدهم؟ إزاي عاوزني أحس بالأمان تاني؟ أنام، أصحى ما ألاقيش بنتي جنبي. أصحى ألاقيه هو نفسه جنبي. علي: مش هيحصل. ندي: وقف العربية. علي يركن. ندي تنزل وتمشي. علي يمشي وراها. علي: رايحة فين؟ استني.

ندي: ابعد عني. أنا مش قادرة. علي: طب اركبي وأنا هوديكِ مكان ترتاحي فيه. ندي: فين؟ علي: اركبي بس. تعالي. ……………………………………………………… تحت بيت عمر. علي: وصلنا. ندي تبص لعلي. علي: على فكرة دي شقة عمر عايش فيها مع مراته. أصله اتجوز. عقبال عندك. ندي صمت. علي: طب استنى ثواني. علي يطلع موبايله ويتصل. علي: أيوه يا ابني، انت فوق؟ عمر: آه.

علي: طب ما تجيب أية وتنزل الشارع. ثواني. معايا ضيفة ومش عاوزة تطلع إلا لما تتأكد إني مش بضحك عليها. ههههههههههههههههههه عمر: ضيفة!!! علي: ندي يا أهبل. عمر: علي، انت بتتكلم جد؟ علي يبص فوق يلاقي عمر بيبص من البلكونة، يشاورله. ينزعج. عمر: ثواني. علي يبص لندي. علي: أنا مش هاذيكي. انتي عاوزة مكان بعيد عنهم. أنا ما عنديش أأمن من المكان ده. عمر انتِ عارفاه ومراته طيبة وغلبانة زينا. هتحبيها أوي على فكرة. عمر ينزل.

عمر: ازيك يا علي. ازيك يا ندي. ندي تهز رأسها. علي: فين أية؟ عمر يشاور فوق. علي وندي يبصوا يلاقوا أية واقفة في البلكونة. عمر: تعالوا اتفضلوا. ندي مش عاوزة تمشي معاهم. علي: تحبي تروحي فندق؟ ندي تبص لعلي وتمشي معاهم. علي يقفل العربية ويطلعوا. ……………………………………………………… في شقة مصطفى. مصطفى: يعني إيه يا مها؟ مها: احمد ربنا لو ما كانش شافها وهي نازلة، كان زمانا بندور عليها في الشوارع. مصطفى: أعمل إيه بس يارب. أعمل إيه.

مها: ما البركة في ابن أخوك اللي جه ورعبها. البت خافت وهربت ببنتها. تعمل إيه المسكين. مصطفى: على جثتي لو قرب منها ولا من البت. والله أقتله وآخد فيه إعدام وأنا مستريحة. مها: اهدى بس أعصابك. مصطفى: هو أنا مش هقدر أحمي بنتي يا مها؟ خلاص عجزت للدرجادى؟ مها: مصطفى. مصطفى: قوليها يا مها. قولي إن أنا السبب. قولي إن أنا اللي عملت فيها كده. قوليه يا مها. قوليه. مها تطبطب على مصطفى وتمشي وتبصلهم.

مها: على الأقل عارفين هي فين ومع مين. على الأقل عارفين إن في حد واخد باله منها. مصطفى يغمض عينه ويتنهد. ……………………………………………………… في بيت تهاني. تهاني: انتي بتقولي إيه يا بت انتي؟ أروى: بقول إني مش هقعد هنا وأحط إيدي على خدي وهي هناك بتسحبها ناحيته. تهاني: اعمليلك كرامة يا هبلة يا بنت الهبلة. أروى: أنا بكرة الصبح هروح للست ندي وأمسح بيها الأرض وأعرفها مقامها. تهاني: هيركبواكي انتي الغلط.

أروى: امال عاوزاني أقف أتفرج عليها وهي بتاخده مني وأطلع من المولد بلا حمص؟ تهاني: لا، اتقلي. أما خليته يجي يبوس رجلك عشان ترجعيله. ما بقاش فيه. تليفون أروى يرن. أروى: دا حسام. تهاني: ما ترديش. أروى: يمكن بيصالحني. تهاني: هاتي، أنا هرد عليه. أروى تدي الموبايل لتهاني ترد. تهاني: نعم. حسام: ازيك يا عمتي. تهاني: كويسين يا روح عمتك. الدور والباقي عليكي. حسام: ممكن أكلم أروى لو سمحتي.

تهاني: نايمة. لما تصحى هقولها إنك اتصلت. حسام: شكراً. تهاني: حاجة تانية؟ حسام: لا. مع السلامة. تهاني: الله يسلمك. تهاني تقفل السكة. أروى: ما كنت كلمته. تهاني: خليه يحس إنك مش سهلة. وإن كانت ندي بتلوعيه قيراط، انتي تلوعيه أربعة وعشرين. أروى: أما نشوف. ……………………………………………………… في شقة عمر. أية وندي قاعدين في الصالة، وعمر وعلي في المطبخ. عمر: أيوه بس…

علي: الحجة منال لسه مسافرة. لو كانت هنا كنت استأذنت لندي تعيش معاها باقي عدتها. عمر: انت بجد نويتها مش كده؟ علي: بص، انت مش هتحس بوجودها. خليها النهاردة. وبعد كدا هبقى أجيبها ساعتين ولا حاجة بالنهار ترتاح. بس… عمر: يا ابني، أنا بتكلم إنك هتتجوزها بعد ما العدة تخلص. علي: ده أنا بحسبهم باليوم والله يا عمر. عمر: أيوه يا علي، بس ندي محتاجة فترة تفوق فيها لنفسها. اللي انت حكيته وضعها صعب أوي.

علي: هي محتاجاني جنبها. محتاجاني يا عمر. عمر: أيوه يا علي، بس انت كده بتحرم نفسك من الخلفه. انت بنفسك قلت ده. علي: ربنا يبارك في حبيبة يا عمر. عمر: اللي تشوفه يا علي. بيتك ومطرحك. عمر وعلي يخرجوا من المطبخ ومعاهم عصير. عمر: مش هتدوقي في حياتك أحلى من عصير المانجة اللي بيعمله علي. عمر يغمز لأية. عمر: اتفضلي. ندي: مين فيهم كبايني؟ عمر: أي واحدة اللي تعجبك. ندي: شكراً.

ندي تاخد الكباية البعيدة عنها وتحطها قدامها. والكل ياخد كبايات ويدوقوا. أية: حلو فعلاً. تسلم إيدك. ابقى علمني بقى. علي: أعلمك إيه؟ دي المانجة اللي انتي مخزناها. يدوب ضربناها في الخلاط. عمر: حد قالك قبل كده إنك أذكى أخواتك؟ علي: لا. ليه؟ أية: ههههههههههههههههههههههههههه. هو أنا بس اللي جعانة ولا في حد غيري؟ عمر: هي المانجة مش عاجباكي يا ندي؟ ندي تبص لعمر. علي يمسك الكباية ويشرب منها بقين ويحطها مكانها.

عمر: إيه القرف ده؟ تشرب منها إزاي؟ هي دلوقتي. علي: بدوق. الله عندكم كبدة؟ أية: آه. في. علي: هعمل لكم بقى شوية سندوتشات تاكلوا صوابعكم وراها. قوم يلا ساعدني. علي يشد عمر ويقوموا. ندي تمسك الكباية وتشرب بق وتحطها مكانها. أية: تعرفي حكولي عنك كتير أوي. ندي تبص لأية. أية: انتي مش زي ما حكولي خالص. المفروض تبقي مجنونة. انتي هادية أوي. ندي تبتسم. أية: أصل أنا مجنونة برده. اااااااااااااه. انتي عشان مش واخدة عليا صح؟

تعرفي بكرة لما تعرفيني هتحبيني. أصل أنا طيبة وأتحب والله. ههههههههههههههههه. ندي تبتسم. أية: هو أنا ممكن أشيله؟ ندي تبص لحبيبة وتحضنها. وأية بتبصلها. ندي تديها حبيبة. أية: بسم الله ما شاء الله. حلوة أوي. تفتكري ممكن ربنا يرزقني ببنوته حلوة أوي كده؟ ندي: هتبقى أحلى إن شاء الله. أية: عمر قالي إنك هتباتي معانا النهاردة. تعرفي أنا مش هسيبك تنامي. أنا حبيتك وهفضل أرغي معاكي للصبح. ندي تبتسم.

أية: بصراحة أنا عمري ما كان ليا صحاب. كان ليا بس تعرفي زملاء دراسة كده. أول ما بناخد الإجازة محدش بيسأل عن التاني. إيه رأيك تبقي صحبتي؟ ندي: أكيد طبعاً. أية: تعرفي بكرة لما تتجوزي علي، أنا وانتي هنتفق عليهم بقى. ههههههههههههههههههههههه. ندي تبص حواليها بارتباك. أية: هو أنا قولت حاجة غلط؟ … أصل أنا عارفة نفسي. ما بفكرش في الكلام قبل ما أقوله. الموضوع ده كان بيعصب ماما أوي. ندي تبصلها وتunless. حبيبة تبدأ تزمزم.

أية تهزها. ندي: لا ما قولتيش. بصي، هو في مكان أرضع فيه حبيبة. شكلها جاعت. أية: آه. في. تعالي. أية تاخد ندي ويدخلوا أوضة أية ويقفلوا الباب. عمر يطلع يبص ويدخل تاني لعلي. عمر: دخلوا الأوضة وقفلوا الباب عليهم. يمكن بتجيب لها حاجة تلبسها ولا حاجة. تفتكري أية وندي هيتفقوا ويبقوا صحاب؟ أنا مش مرتاح على فكرة. خايف منك. علي يبصله. عمر: لو حصل كلاش بينهم، هتجيب اللوم على أية. علي يضحك ويكمل تقطيع. عمر: قلت نكتة أنا؟

علي: لا. أصلاً دمك تقيل. عمر: امال بتضحك ليه؟ علي: من غلبي يا عمر. من غلبي. مش عارف أعمل إيه ولا أروح فين. إزاي ترجع الضحكة لوش حد انكسر من جواه. فاكر كانت بتضحك إزاي؟ شوفت دلوقتي عاملة إزاي. عمر: فترة وهتعدي. على فكرة هترجع زي ما كانت وأحسن. على فكرة. وبكرة تقول عمر قال. هي كمان صغيرة. لما تكبر شوية…

علي: زمان ما كانش عندي أي أمل إنها تبصلي عشان فقري. وبصتلي. كنت مستغرب قد إيه الموضوع سهل. اتارى مفيش حاجة في الدنيا بتمشي سهلة. خصوصاً مع واحد نحس زيي. ههههههههههههههههه. عمر: دلوقتي ربنا كرمك وتقدر تعيشها في عيشة كويسة. لعله خير يا ابني. وكمان كل واحد فيكوا كبر شوية وعرف قيمة التاني و… علي: والله انت ما فاهم حاجة. ندي مش واثقة فيا. خايفة مني. عمر: انت عبيط يلا. امال جت معاك هنا إزاي؟

علي: ما قدامهاش اختيار. ندي تعبانة. أية تدخل شايلة حبيبة. عمر وعلي يبصلوها. أية: ندي نامت. هو أنا المفروض أصحّيها؟ علي: لا لا. سيبها. أية: كانت بترضع حبيبة وراحت في النوم وهي ساندة ضهرها على السرير. شلت منها حبيبة. هو أنا المفروض أعمل إيه؟ عمر: تعرفي تعدّليها بالراحة من غير ما تصحيها؟ أية: لا. أنا بسأل. المفروض أعمل إيه في حبيبة؟ علي: هاتيها. أنا هاخد بالي منها لحد ما تصحى. نامي جنبها يا أية لو تحبي. أية: ماشي.

أية تمشي. عمر: انت عارف هتعمل إيه؟ علي: ما عنديش أي فكرة. بس لازم أتعامل. عمر: بقولك إيه؟ أنا هلم الليلة وأحطها في التلاجة. وتعالى ندخل أنا وانت الأوضة التانية وندعي ربنا إن البت دي تفضل نايمة لحد أمها ما تصحى. عمر يبص لعلي يلاقي سرحان في ملامح حبيبة وحاضنها أوي. يبتسم. عمر: اللي جابلك يخليلك يا علوه. علي يبصله ويضحك. ……………………………………………………… في شقة أمينة. أمينة: مش كان واجب تروح تطمن على حماك؟ مروان يبص لها ويسكت.

أمينة: إيه رأيك أروح أنا وانت نزورهم؟ أنا متأكدة إن… مروان: بأنه وش يا ماما؟ أمينة: يا ابني انت الحمد لله رجعت شغلك. والاعتذار اتنشر في الجرايد. وما تنساش وقفتها معانا هي وأخوها وانت في الحبس. مروان: أقولك إيه بس. أمينة: ما تقولش. خش احلق دقنك وروّق كده. وبكرة ربنا يقدم اللي فيه الخير. مروان: ونهاد واللي في بطنها؟ أمينة: هتعمل إيه يعني يا مروان؟ هتروح تدور عليها؟ ماشي. ولنفرض إنك لقيتها. هتعمل إيه؟

هتردها بعد اللي عملته فيكم؟ مروان: لا طبعاً. بس ابني. أمينة: يا ابني، اللي زي دي ما لهاش أمان. مروان: امال أنا اتجوزتها ليه؟ امال أنا خسرت نور والشقة والأرض ليه؟ أمينة: انت مش كلمت المحامي؟ بإذن الله هيلاقيها. سيبها انت بس على الله. مروان: ونعم بالله. ……………………………………………………… في شقة تهاني. أروى قاعدة في أوضتها بتلعب في الموبايل. فجأة يرن. تتخض وترد كأنها نايمة. أروى: الو. حسام: هو دي آخرتها؟ هنعيل مع بعض؟

أروى: قصدك إيه؟ حسام: بصي، حركات العيال اللي حصلت دي زعلتني. وأنا زعلي وحش. أروى: وطظ في زعلي يعني؟ حسام: بصي يا أروى، من الآخر كده. بكرة الصبح تكوني في بيتك وتفهمي أمك إن الشغل ده ما بياكلش معايا. ولا تحبي أفهمها أنا بطريقتي؟ أروى: انت بتتعامل معايا كده ليه؟ حسام: افهميها لوحدك. تصبحي على خير. سلام. حسام يقفل السكة. أروى: ماشي يا ندي. وربنا لأعرفك مقامك. ……………………………………………………… في شقة عمر.

عمر: انتوا عارفين بتعملوا إيه ولا بتلعبوا؟ أية: مكتوب على العلبة الرضعة بتتعمل إزاي. علي: ما يتهيأليش إنها جعانة. أية: وانت عرفت إزاي؟ علي: الريحة باينة. عمر: ما تصحّي ندي. هي أكيد هتعرف تتصرف بدل ما الغلبانة دي تتبهدل في إيدينا. علي: أنا هتصل بمامتها وهي هتقولي. أية: اعمل حسابك من دلوقتي. أنا مليش أي علاقة بالبامبرز، ماشي؟ علي: انتي البنت اللي فينا. أية: ودا إيه علاقته بالموضوع؟ علي: يعني مش هتغيري لبنتنا؟

أية: ما تدخلش من السكة. دي لسه بدري أوي على ما أكون أم. و لعلمك أكيد ساعتها في حد هيعلمني. ماما مثلاً. عمر: لو صوت البت دي علي عن كده، لعلمكوا ندي هتصحى ومش هيبقى في أي لازمة لكل الهري ده. علي يشاورلهم وهو بيتكلم في التليفون. علي: أيوه يا طنط. ازيكم؟ أمينة: أيوه يا ابني. ندي حصلها حاجة؟ علي: لا لا. اطمني حضرتك. ندي كويسة ونايمة. بس حبيبة… أمينة: يا قلبي. مالها البت؟ قولي سخنت؟ رجعت؟ مالها البت؟

علي: مالهاش. أنا ما بعرفش أغير البامبرز. أمينة: هههههههههههههههههههه. خضتني. حرام عليك. علي: صدقيني مش هتتخيلي موقفي. أمينة: بص يا سيدي. في في شنطة ندي مفرش. افرشي. علي: أفرش المفرش؟ أية تنفذ وتحط حبيبة عليه. وعلي يفتح السبيكر. أمينة: نيمي حبيبة عليه بعد ما تقلعيها البنطلون. علي: وبعدين؟ أمينة: حطي بامبرز نضيف تحت حبيبة. وحطي فوقيه شوية منديل. أية: وبعدين؟

أمينة: افتحي البامبرز بالراحة ولفيه لجوه. بس ما تشيليهوش. ونضفي بالمناديل المعطرة. هتلاقيها في الشنطة. أية تبص لعلي قاعد جنبها. عمر: أنا هستناكم بره. أية: عمر. عمر يخرج. وعلي ينفذ. يتقرف. أية تزوقه وتكمل هي. أية: عاوز يبقى أب. هو كده. إحنا اللي بنشيل الهم. وهما بيتفرجوا. علي يبصلها ويرفع حاجبه. أمينة: ههههههههههههههههه. أية: نضفت. بقت فل. أمينة: نضفت كويس بالمناديل؟ أية: فلة. أمينة: اخدها تحت الحنفية.

أية: لو نضفت مش لازم. لو عاوزة ممكن تشطفيها لو تحبي. أية تشيل حبيبة وتروح بيها الحمام. وعمر يدخل. أمينة: بس خدي بالك لتعملها عليكي. علي: هي الرضعة بتتعمل إزاي؟ أمينة: في إزازة ميه معدنية في الشنطة. اغلي منها شوية وحطيهم في البيبرونة. حوالي ستين ملي. تاني علامة. وحطي فوقيها مكيالين من العلبة. واقفل العلبه كويس ورجها كويس. عمر: العلبة ولا البيبرونة؟ علي يزق عمر من جنبه. عمر: بسأل بس.

علي: هترج العلبه ليه يعني يا أبو مخ طخين؟ عمر: سبتلك المخ الرفيع. أية تدخل هدومها غرقانة ومش طايقة نفسها. عمر يموت من الضحك. ترفصه برجلها. أية: ماشي. غسلتلها ونشفتها. أمينة: حطي شوية زيت واقفلي البامبرز. ولابسيها البنطلون لو نضيف. أية: تمام. حصل. أمينة: على. علي: أيوه. أمينة: أوعى تنسى تجرب الرضعة على إيدك قبل ما تديها للبت. بدل ما تلسعها في بقها. علي: حاضر. أمينة: ابقي طمنيني يا ابني. أنا صاحية. مش هنام.

عمر: لا ما تقلقيش يا طنط. إحنا قايمين بالواجب. علي وأية يبصوا له شزر. أمينة: سلام يا ولاد. علي: سلام. علي يقفل السكة. أية: أنا هدخل أغير هدومي. و لعلمكوا بعد اللي حصل ده انتوا مديونينلي بكتير أوي. أية تمشي وعمر بيضحك. علي: انت هتقعد تضحك كده؟ انجر يلا اعمل الرضعة. عمر: إيه المعاملة دي؟ حاضر. عشان خاطر ندي بس. على فكرة… عمر يقوم. وعلي يلم الحاجات في الشنطة ويروق المكان ويشيل حبيبة يهزها بالراحة. ………………………………………………………

في شقة نهاد. البنت: أنا مش فاهمة انتي زعلانة ليه؟ نهاد: يعني إيه زعلانة ليه؟ أنا بجد ما كنتش فاكرة إن الموضوع هيوصل لكده. البنت: يا بنتي ما أنا قلتلك من الأول. انتي بس اللي حنيتي. لما الاعتذار اتنشر. نهاد: هو حامد ما قالكيش أي حاجة عن الفلوس؟ البنت: يا بنتي ما هو قال قدامك. اداهم لمقاول كبير وهيدينا بيهم شقتين بعد ما يخلصوا. نهاد: وساعتها بقى ما حدش هيسألنا جبنا الشقق منين؟

البنت: يا بنتي من هنا لساعتها الموضوع هيكون اتنسى. أصل… نهاد: مش مرتاحة. البنت: بصي، مدام حامد قال اطمني. يبقى حطي في بطنك بطيخة صيفي. نهاد تشاور لها بيدها: اسكتي. ……………………………………………………… في شقة عمر تاني يوم الصبح. ندي تصحى تلاقي أية نايمة جنبها وما تلاقيش حبيبة. ندي: أية. أية. أية تان. ندي: حبيبة فين؟ أية: مع علي في الأوضة التانية.

أية تتقلب وتكمل نوم. ندي تقوم تعدل هدومها وتروح تبص تلاقي عمر وعلي نايمين. قاتلة. كل واحد على سرير. وعلي واخد حبيبة نايمة في حضنه وماسك البيبرونة فاضية في إيده التانية. توطي تاخد حبيبة من جنبه والبيبرونة. علي يتقلب ويديها ضهره. تشيل شنطته. ندي: شكراً. ندي تمشي وتقفل الباب وراها. ……………………………………………………… في شقة مهاب. باب الشقة بيتفتح. مها تجري تفتح تلاقي ندي. يبصوا لبعض في صمت. مها: هتفضلي واقفة على الباب؟ ادخلي.

ندي تبص لها وتدخل. مها: عملتي إيه؟ ندي تبصله. مها: ههههههههههههه. على فكرة علي كلمني وقال لي. تفتكري كنتي هتيجي تلاقيني قاعدة كده لو ما كنتش عارفة انتي فين ومع مين؟ ندي: انام. مها: ندي، أنا حاسة بيكي. بس صدقيني حسام مش هيقدر يأذيكي. لا انتي ولا حبيبة. لا أنا ولا أبوكي هنسمح له. ندي: بابامها؟ مها: ربنا ما يوريكيش منظره امبارح. دا نزل من الفجر وما نامش طول الليل. ندي تبص في الأرض. مها: تعالي أحكيلي عملتوا إيه.

ندي: مفيش. روحنا عند عمر وأية مراته. ونمنا. مها: تعرفي إنه كلمني امبارح وقال لي إنه ناوي ياخدكوا الصبح تروحوا الملاهي. أصله وعد أية يا ستي. انتي أصلك ما تعرفيش. هههههههههههههههههههههههه. وهي بتغير لحبيبة البامبرز حبيبة غرقتها. أما كان ضحك. ندي تبص لامها ساكتة مع ابتسامة خفيفة. مها: العيال دول طيبين أوي يا ندي. ندي: انتي إزاي واثقة فيهم أوي كده؟ الابتسامة تروح من على وش مها.

مها: انتي بتثقي فيهم وأنا بثق فيكي. أنا بتعلم من أخطائي. ندي: مش يمكن هينتقم مني؟ مش يمكن بيستغلني؟ مش يمكن أي حاجة؟ مها: لو كنتي شوفتي قلقه عليكي واحنا مش عارفين مكانك. لو شوفتي تعب قد إيه. وكان بيجري إزاي من مكان لمكان عشان يخلص الورق عشان يجي يدور عليكي. عمرك ما هتقولي كده. ندي: أيوه بس مش أنا اللي بيدور عليا. مها تطبطب على ندي. ندي: أنا نفسي ما اعرفش أنا مين. أنا ما عنديش أي حاجة أديها لهم.

مها: كلميه. اتكلمي معاه وشوفي هيقول لك إيه. هو عارف ظروفك. عارف كل حاجة. وراضي. ندي: ولحد إمتى هيفضل راضي؟ لحد إمتى مش هيجي عليه يوم يقول: "نفسي في عيل". مش هيجي يوم ويعايرني. وحسام… مها: ماله؟ هيعوز منك إيه أكتر من اللي عمله؟ ندي: هيسيبنا في حالنا. مها: مفيش في إيده حاجة يعمله. ندي: أكيد في. أكيد عنده اللي يعمله. صدقيني. أنا عارفاه كويس. هدوءه بيرعبني.

مها: الكل. كلنا كنا مخدوعين فيه. دلوقتي عمك وأبوكِ. وكمان عمتك. هتقفله. كلنا هنقفله. خصوصاً بعد جوازه من أروى. ما هو مستحيل عمتك ترضى إنه يقرب لك. أصل… ندي: ما حدش هيقدر عليه. ما حدش. الباب يخبط. ندي تقوم تقف. مها: اهدّي. أنا هفتح. مها تروح تفتح تلاقي أروى. أروى: ندي موجودة؟ مها: خير. ندي تروح تفتح الباب أكتر. ندي: اتفضلي. أروى: أنا جاية أتكلم معاكي كلمتين ورد غطاهم. ندي: تشربي إيه؟

أروى: ما لوش لازوم. قلتلك مش هاطول. مها: يا سلام. ندي: براحتك. اتفضلي. خير. أروى: بصي يا ندي. شغل زمان بتاع الشبط ده ما عادش ينفع. انتي كبيرة دلوقتي والحركات دي عيب. مها: صبرني يارب. ندي: ممكن تاخدي حبيبة جوه يا ماما؟ مها: حاضر. مها تاخد الشنطة والبنت وتدخل جوه. ندي: معاكي. كملي. أروى: أنا الكلمتين اللي عندي قلتهم. لمي نفسك. فاهمة؟ ندي: لا. الحقيقة مش فاهمة. ممكن توضحي تقصدي إيه؟

أروى: ابتدينا. ابعدي عن حسام. حسام راجل متجوز. وأوعي تفتكري إني هسيبهولك. ماشي؟ ندي: والله!!! لا أحب أطمنك. أنا أموت ولا إني أرجع لحسام تاني. أصلاً. بس ياريت بما إنه راجل متجوز، تبعديه انتي عني وعن بنتي. ياريت بجدا. أروى: حسام طلقك وخلصت. ندي: الحمد لله.

أروى: أنا مش قادرة أصدق إنك عملتي معايا كده. مش قادرة أتخيل كمية الحقد والغل اللي جواكي إنك تيجي يوم فرحي عشان تبوظيهولي. ولا هو لما شوفتيه معايا حلى في عينيكي وعرفتي قيمته؟ ندي: صدقيني لو كانت ظروفي الصحية تسمح إني أنزل بدري عن كده، كنت نزلت. بس زي ما انتي شايفه أنا فاتحة بطني. أروى: يا سلام.

ندي: هو اللي المفروض ما يتصدقش. سرعتك إنك تتجوزيه من غير ما تسألي عن بنت خالك. من غير ما تفرقي معاكي. من غير ما تلوميه ولو ثانية واحدة عن اختفائي. من غير ما تخافي على نفسك حتى. أروى: انتي ما بتتعبيش من التمثيل؟ ندي: آخر كلام. حسام ما يساويش صرصار تحت جزمتي. حلال عليكي. ابلعيه. بس ما ترجعيش تعيطي. اعملي كل اللي تقدري عليه إنك تبعديه عني. صدقيني أنا أموت ولا إني أبص في خلقته. أروى: أنا حذرتك.

ندي تبتسم. أروى تمشي وترزع الباب وراها. مها تطلع من جوه. مها: ما شفتش كده. ندي ما تردش وتدخل جوه. تليفون مها يرن. مها: الو. علي: هي ندي روحت؟ نزلت وإحنا نايمين؟ مها: آه. هنا من بدري. لو كنت أعرف إنها نزلت وإنتوا نايمين، كنت اتصلت وطمنت. علي: خلاص مش مهم. المهم إننا اطمنا. هي عاملة إيه؟ مها: والله كانت كويسة. بس نقول إيه؟ الهم ورانا ورانا. علي: ليه؟ هو الكلب جه تاني؟ مها: لا. بعت مراته. مش عارفة هو عاوز مننا إيه.

علي: طب ممكن تديها التليفون؟ مها: ثواني. مها تدخل لندي. مها: علي. ندي تاخد التليفون. ندي: الو. علي: إيه حركات العيال دي؟ ينفع كده؟ ندي: قصدك إن أنا مشيت يعني؟ مها تسيب المكان وتمشي. علي: ما تمشي. انتي حرة. بس تاخدي بيبو من جنبي ليه؟ ندي: هههههههههههههههههههه. علي: لا بجد. مش من حقك. على فكرة أنا وهي عملنا أحلى شغل امبارح. ندي: عرفت إنها تعبتكوا. علي: مش بالمعنى. إحنا اللي خيبتنا بعيد عنك.

ندي: سمعت إنكوا هتروحوا الملاهي. علي: آه. وعدت أية. بس دي خروجة للمفرفشين. بس ما لكيش انتي دعوة. ندي: مين قال لك إن أنا كنت هاجي أصلاً؟ علي: مش قولتلك للمفرفشين بس. ندي: بطل بقى. علي: وحشاني. ندي: شدة وتزول. علي: ههههههههههههههههههههههههههه. ماشي يا رخمة. ندي: شكراً على فكرة. علي امبارح. بس أنا قررت إني أواجه مشاكلي. مش ههرب منها تاني. علي: دا قرار ممتاز. ندي: أشكر أية وعمر بجد. كانوا ذوق أوي معايا.

علي: اشكريهم بنفسك. أنا مش الفلبينية بتاعتك. ندي: ماشي. علي: ندي. الأسود مش لايق عليكي. ندي: أنا مش لابسة أسود. علي: أنا أقصد النكد. الحزن. الكآبة اللي انتي فيها. إيه أسوأ حاجة ممكن تحصل لو ضحكتي؟ يعني على فكرة الخوف من بكرة مش هيمنعه إنه يجي. انتي بس هتضيعي النهاردة. ندي: انت مش قادر تفهم ليه أنا ما أنفعلكش. علي: أنا عن نفسي شايف غير كده. ندي: علي، افهم. أنا ما عدتش ملك نفسي. أنا عندي بنت عايشة عشانها.

علي: والبنت دي مش هتحتاج لاب. أنا متأكد إني هكون أب ممتاز. ندي: بالظبط. لأولادك اللي مش هقدر أديهملك. علي: وانتِ تعرفي منين إني بخلف أصلاً؟ مش يمكن أكون عقيم. ندي: أنا بتكلم جد. علي: وأنا كمان. تعرفي في ناس كتير جداً ما عندهمش مشاكل في الخلفه. لا هو ولا هي. وربنا ما كتبلهمش. بس أنا وانتي عندنا حبيبة يا ندي. ندي: حسام مش هيسمحلنا. علي: سبيه. عليا أنا. قده. ندي: انت ما تعرفوش.

علي: هو مش ربنا عشان أخاف منه. آخره هيعمله. ندي: آخره هيوجعني. علي: مش هسمحله. خلي عندك ثقة فيا. ندي: على حساب مين؟ على حساب حبيبة. علي: يعني هيكمل هو حياته وانتِ لـ… ندي: صدقيني يا علي. دا لمصلحتنا كلنا. علي: أنا مش صغير. أنا عارف مصلحتي. ندي: علي، افهم. علي: افهم. يعني إن ما وحشتكيش سندوتشات الشاورما بتاعتي؟ ندي تبتسم.

علي: أنا فاضلي خمس دقايق وأوصل المحل. هعمل لك السندوتشات بإيدي. وبعدين لو وراكي أي حاجة، خلصيها أول بأول عشان إحنا بنتغدى الساعة 3. ندي: وأنا مالي؟ ما تتغدى. علي: ما تتعدلي يا بت. هنتحايل عليكي والله. لو ما كنتيش جاهزة ونازلة الساعة 3، لتشوفي. ندي: هتعمل إيه يعني؟ علي: جربي. سلام. ندي: سلام. علي يقفل. وندي تحط الموبايل جنبها وتنام على السرير وتبص لحبيبة. ندي: مجنون مش كده. ……………………………………………………… في شقة نور.

جرس الباب يضرب. حسام يروح يفتح يلاقي مروان ومامته. حسام يحضن مروان. حسام: أهلاًاااااااااااااااااا. اتفضلوا. اتفضلوا. أمينة: ازيك يا حسام يا ابني. بابا موجود؟ حسام: لا والله. في الشغل. بس مش هيتأخر. زمانه جاي. أمـاني تطلع من جوه تسلم. أمـاني: إيه المفاجأة الحلوة دي؟ اما أنا بعمل صينية بطاطس باللحمة تاكلوا صوابعكم وراها. أمينة: تسلم إيدك يا أمـاني. هي يعني أول مرة ندوقها. امال نور فين؟

حسام: أنا هدخل أكلم بابا عشان ما يتأخرش. ثواني وهناديها. أمينة: إحنا بصراحة جينا عشان نطمن على الحاج. عرفنا إنه عمل عملية. أمـاني: آه والله. منها لله اللي كانت السبب. أمينة: مين دي يا أختي؟ أمـاني: أبوس إيدك ما تفتحيش. لحسن بيرجع يزعل ويتقمص عشانها. أمينة: ندي؟ أمـاني: غيري السيرة. نور جاية. أمينة تقوم تحضن وتبوس. أمينة: أهلاً أهلاً. وحشاني يا ست البنات. مروان يقوم يسلم. نور تسلم بطرافة إيديها وتروح تقعد بعيد.

أمينة: شفتي يا ست أمـاني الاعتذار اللي نشرته الشركة. حسام يدخل. حسام: أنا شوفته. بصراحة أقل واجب. مروان يبص له. أمينة: ورجع شغله تاني. وادوله علاوة كويسة. وعملوله حفلة رد اعتبار في وسط زمايله. بس والله ما كان ليها طعم من غيرك يا نور. نور تبتسم. حسام: أنا كلمت بابا على فكرة. ساعة وهيوصل بإذن الله. أمـاني: يكون الأكل استوى. الباب يخبط. نور تقوم تفتح تلاقي أروى. توسع لها تدخل. تبص لحسام.

حسام: حمد الله على السلامة. تعالي جنبي. تعالي. طبعاً عارفين أروى مراتي. أروى تروح تقعد جنب حسام. مروان: بالسرعة دي؟ حسام: انت فاكرني زيك ولا إيه؟ أمينة: ههههههههههههههههههه. ألف ألف مبروك. أمـاني: خشّي بصي على الأكل يا رورو. أروى تقوم. أمينة: أنا مش هكدب عليكوا. أنا عارفة إن الشيطان دخل بينا جامد. بس انتوا عارفين مصارين البطن بتتخانق. ودي كانت نزوة وراحت لحالها. نور: عن إذنكوا. نور تقوم. صمت ثواني.

أمينة: مروان عرف غلطته وندمان عليها. ودفع تمنها غالي أوي. أنا بس بقول… أمـاني: والله يا أمينة يا أختي، الموضوع ده… حسام: مش بإيدينا. إحنا يعني. أنا شايف إنه حاجة تخص نور. دي حياتها ولازم يكون قرارها. أمينة: ما البركة فيكوا. تعقلوها وتهدوها. أنا عارفة إنها اتجرحت من اللي حصل. بس إحنا فيها. واللي انكسر يتصلح. حسام: والله… باب الشقة يتفتح ومحمد يدخل. مروان يقوم يسلم عليهم.

مروان: ألف سلامة عليك يا عمي. أول ما عرفت جيت لحضرتك طول. محمد: فيك الخير يا ابني. اتفضل اتفضل. ازيك يا حجة؟ أمينة: بخير طول ما انت بخير يا خويا. تسلم وتعيش. ……………………………………………………… في أوضة نور. أروى: بصراحة أنا لو منك كنت طردتهم زي الكلاب. نور: بجد!!!!!

أروى: يا بنتي حسام قال لي إنه باع شقتكوا اللي كنتوا متجوزين فيها. والأرض اللي حلته في البلد. يعني ما عادش حيلته إلا مرتبه. وحتى ده كمان هيصرف منه على أمه اللي المفروض هتعيشوا معاها. يعني جاي عليكي بالقوي. نور: هو ده كل اللي همك في الموضوع؟ أروى: يا بنتي طبعاً. رجوعك له لازم يكون بشكل يرفع من كرامتك. تقدري تقولي لي عنده إيه يقدمهولك يصالحك بيه؟ هيجيلك بوكيه ورد وشيكولاتة إيه مثلاً؟

نور: يا أروى، الموضوع أكبر بكتير من الماديات. يا ابنـتي. حتى لو فرضنا إن كل الأسباب الهبلة بتاعتك دي مش موجودة. تقدري تقولي لي إيه اللي اتغير؟ ما المشكلة لسه موجودة. ما اتحلتش. وإن ما كنتش نهاد، هتبقى غيرها. عن إذنك. البطاطس هتشيط. نور تدخل المطبخ. ثواني وحسام وراها. حسام: أخبار إيه؟ نور: مشيوا. حسام: لا لسه بره. نور: ياريت تبلغهم ينسوا الموضوع ده خالص. حسام: أنا رأيي تفكري. مش معنى إنه غلط…

نور: حسام. معلش. دي حياتي أنا. حسام: والله خلاص. بقت حياتك انتي. وإحنا مالناش لازمة. نور: أيوه. انتوا دوركوا في حياتي إنكوا تدعموا قراراتي. مش إنكوا تكتفوني. أنا. مروان انتهى بالنسبالي. حسام: تكتفيني؟ نور، انتي عارفة انتي بتقولي إيه يا بت؟ انتي بالنسبالي الدنيا. أنا مش عاوز حاجة غير مصلحتك. وطظ في مروان على فكرة. هو ما يلزمنيش في حاجة. إنما انتي تلزميني. وسعادتك تهمني. وأنا مش شايفاكي سعيدة.

نور: و مروان هو الحل يعني؟ حسام، فوق وبص حواليك. أنا مش سعيدة عشان الجو المريض اللي عايشين فيه. وكمية المشاكل الرهيبة اللي عايشين فيها. وآخرها تعب بابا. حسام: اااااااااااااه. قولي بقى. أنا تعبتكوا. أنا سبب تعاستك. مش كده؟ نور: لا. مش كده. حسام: انتي معاكي حق. هي حياتك انتي. أنا طالع شقتي عشان أصالح مراتى وأخف شوية من المشاكل اللي بتعسّاكِ. عن إذنك. حسام يخرج. ونور تنفخ. ……………………………………………………… في شقة ندي.

ندي نايمة. مها تدخل شايلة الموبايل وتصحّيها. مها: ندي. ندي. علي على التليفون. ندي تاخد الموبايل وتتقلب. ندي: الو. علي: إيه انتي بتصدري النوم؟ قومي هنتاخر. ندي: حبيبة نايمة. هصحى أعمل إيه يعني؟ علي: وحشتني الكلبة. ندي: ما تشتمهاش. علي: وحشتني بنت الكلبة. حلو كده؟ ندي: هههههههههههههههههههه. علي: قلبي يا ناس. ندي: انت بتعمل كده ليه؟ علي: بعمل إيه؟ ندي: ما تفكك مني يا علي وشوف لك واحدة طيبة أحسن مني.

علي: ما انتي طيبة يا نونو. ويلا قومي لبسي بقى. هنتاخر. ندي: يا ابني صدقني مش هتنبسطوا في وجودي. جرس الباب يضرب. ندي: استر يارب. علي: دي أية طالعة تجيبك من شعرك. ندي: هههههههههههههههههههههههههههه. أية تدخل الأوضة. أية: انتي لسه ما لبستيش؟ إيه لعب العيال ده؟ أية تبص لمها اللي بتبصلها باستغراب. أية: أهلا يا طنط. سوري. أنا أية. مرات عمر أخو علي. مها: أهلاً وسهلاً يا حبيبتي.

أية: قومي البسي بقى. أقولك هاتى البت دي و خليكي. أية تاخد حبيبة من جنب ندي. أية: يلا يا طنط. ساعديني نغير لها ونجهز شنطتها. هاخدها الملاهي. وخلي ندي قاعدة بقى. ندي تتكلم في التليفون. ندي: لا. واضح إن انت وعمر إخوات. أية تشد التليفون. أية: عليا مية جنيه. علي: متين عشان خاطر عيونك يا جميل. أية: يلا سلام عشان ما تعطلهاش عن اللبس. أية تقفل التليفون وتفتح الدولاب. ندي: هو انتي عسل كده طول؟

أية: بصي، أنا مكتئبة بقالي كتير أوي. وما أقولكيش نايمة بحلم بالخروجة دي. أي حتة والله مش لازم ملاهي. بس أخرج أشوف بشر. أفرح. نكد نكد نكد. ندي تتنهد. أية: يا بنتي إحنا صغيرين. خلينا نعيش بقى. أنا بقيت حاسة إن عندي أربعين سنة. ندي تبصلها. أية: وانتِ كمان يعني. اللي يشوفك يقول كام سنة. علي قال نعمل فرحنا سوا. إيه رأيك؟ ندي: فرح إيه؟ مش انتي متجوزة؟

أية: آه متجوزة. بس أقولك إيه. اتجوزت عند المأذون من غير فرح ولا حتى زفة عربيات. كنت أول عروسة تتجوز من غير حتى فستان ولا طقم عليه القيمة. ولا شهر عسل بقى ولا أي فرحة. بس مش هكدب عليكي. كل ده ما فرقش معايا ساعتها. لكن بعد كدا اتمنيته. ندي: بتحبي عمر أوي كده؟ أية: أوي. مع إن عمر وماما مش بيطيقوا بعض. وخناقات طول الوقت. وأنا في النص. لا بعرف أرضي ده ولا أرضي دي. بس بحبه. أعمل إيه؟ ندي: ربنا يخليكوا لبعض.

أية: يلا هسيبك ثواني وأروح مع طنط. وانتِ لبسي. ندي: حاضر. ……………………………………………………… في شقة حسام. حسام يقفل الباب. وأروى ترمي شنطتها على الكرسي. حسام: ممكن أعرف إيه اللي عملتيه ده؟ أروى تبص له. يروح يحضنها. حسام: هو ده اللي حاسة بيه؟ وهتقفي جنبي؟ أروى: انت بتخليني أندم إني وثقت فيك. حسام: وانتِ بتشمتيهم فيا. أروى تبصله. حسام: انتي شيفاني أهبل؟ أروى: اه. لما تسبني وتجري ورا الست ندي تبقى أهبل.

حسام: ههههههههههههههههه. انتي شوفتي ندي. لكن شوفتي أبويا اللي دخل المستشفى؟ ولا شوفتي بنتي اللي اتحرمت منها؟ ولا فلوسي؟ أروى: فلوسك؟ حسام: لتكوني صدقتي الهبل اللي حصل يوم الفرح. معقول صدقتي؟ هو ده اللي غيرك من ناحيتي صح؟ هو ده اللي بعدك عني؟ مش كده؟ أروى: أنا ما بعدتش ولا اتغيرت. حتى الكلام ده ما بعدنيش عنك. معاملتك هي اللي بعدتني عنك.

حسام: لعلمك أنا مش مجبر أقولك حاجة. بس عشان انتي مراتي هقولك. الناس كانوا ماليين المكان. وللأسف ندي بنت عمي. مش بس مراتى. أروى: طليقتك. حسام: هههههههههههههه. المهم إن سمعتها تمسني. وفي الحالتين كنت هتلطخ بعملتها. بس إني أقول قدام الناس إني الوحش أرحم بكتير. ما أقول إنها هربت مع عشيقها. وأديني طلقتها قدام الكل. فهماني؟ أروى: لا مش فهماك. ومعاملتك المتغيرة ليا وتهديدك طول الوقت.

حسام: ما حصلش. أنا لا اتغيرت ولا هددتك. أنا ومراتي مش المفروض إن حد يدخل بينا. انتي بقى بتاخدي كلامي بمعنى تاني عشان عارفة إنك عملتي حاجة غلط. تبقي هبلة. أنا مش هروح أفضح مراتى وبنت عمتي. أروى: ونسكت؟ تليفون حسام يرن. حسام: الو. محمد: أيوه يا حسام. ازيك؟ حسام: تمام الحمد لله. خير. محمد: ينفع اللي مراتك عملته ده بقى؟ أنا كل محاولة أصلحها من ناحية. تبوظوها من ناحية. حسام: أروى؟ عملت إيه؟

حسام يبص لأروى. أروى تعمل نفسها مشغولة في أي حاجة. محمد: عمك لسه قافل معايا دلوقتي. وقال لي إن أروى راحت اتخانقت مع ندي وبهدلتها. وطلبت منها تبعد عنك. حسام: أروى راحت اتخانقت مع ندي؟ أروى تيجي تمشي. حسام يمسكها من إيدها يقعدها على الكرسي بالغصب. محمد: عمك لسه داخل البيت ومراته حكت له اللي حصل. وهو اتصل بيا يشتكي لي. ويقول لي إن الموضوع ده لو اتكرر اتفاق يوم الجمعة لاغي. ونروح كلنا المحاكم بقى.

حسام: لا. ما تقلقش. أنا هتصرف في الموضوع ده. محمد: كلمها بالراحة. حسام: اطمن. سلام. حسام يقفل. ويوطي على كرسي أروى وهو ساند بإيديه الاتنين على إيدين الكرسي. وعنيه في عينين أروى. حسام: إيه اللي عملتيه ده؟ أروى: عملت إيه؟ حسام: انتي اتهبلتي يا أروى؟ بتدي لندي نقطة على قفايا؟ فاكراها هتخاف منك ولا هتكش مثلاً؟ فوقي. أروى: أنا مش هقف أتفرج لحد ما تاخدك مني. حسام: تاخدني منك إيه يا هبلة؟

فوقي. أنا بحبك. ولعلمك انتي كده هتباني الوحشة. وهي هتطلع الضحية في الآخر. أروى: يا سلام. حسام: أنا ندي ما تهمنيش. أنا اللي يهمني بنتي اللي عندك. أروى: طب وإيه مانعك؟ ما تاخدها. وأنا والله هعاملها على إنها بنتي بالظبط. حسام: بالبساطة دي؟ أروى: إيه اللي يمنع؟ حسام: البلد والقانون. وأهلي. تفتكري أبويا نفسه هيوافق؟ أروى: بس دي بنتك. حسام: أنا لو ضيعت عمري كله أفهمك مش هتفهمي. أروى: معلش. أصلي غبية.

حسام: آه غبية. يا بت فوقي. البلد دي ما بتمشيش بالصح والغلط. بتمشي بالذكاء. خليكي ذكية وخذي حقك بحرفنة. أروى: إزاي يعني؟ حسام: هقولك. بس توعديني إنك تهدّي كده وتعقلي. وما تعمليش حاجة من دماغك إلا لما ترجعي لي. أروى: انت بتتكلم جد ولا بتضحك عليا؟ حسام: ماسكة عليا ذلة مثلاً؟ ولا عليا ليكي فلوس؟ هو أنا هخاف منك يا بت؟ ولا إيه؟

أنا بعمل كل ده لمصلحتنا. أنا وبابا اتفقنا إني هشوف بنتي يوم الجمعة. بس دلوقتي بعد اللي عملتيه. حتى ده مش هطوله. وبكرة تطلب مصروف إيدها ومصروف للنونو. وتفتح عليا ماسورة طلبات مش هعرف أسدها. أنا مش عاوز أتشتت في مليون اتجاه. أروى: انت عارف إنك… حسام: إنك بتحبيني؟ وإني بغير عليكي؟

عارف. بس أنا عارف أنا بعمل إيه. وندي للمرة المليون مش في دماغي. أنا مش أهبل عشان أغلط نفس الغلطة مرتين. أنا عاوز بنتي. وبس. يا أروى. وهاخدها. وهتشوفي. بس انتي اهدّي كده واتلمي. أروى: أما نشوف. حسام: هتشوفي. أصل هو أنا ما وحشتكيش ليه؟ مع إنك وحشاني. أروى: ثبتني انت كده يعني. حسام: عندك شك؟ إنك وحشاني؟ طب بصي في عيني كده. ده أنا ما عرفتش أنام طول الليل وانتِ مش جنبي. أروى: كان باين من طريقة كلامك معايا.

حسام: من غلبي. أعمل إيه؟ وبعدين يا ريري. لو ما كنتيش انتي تستحمليني. مين يستحملني؟ أروى تهز رأسها. حسام: قومي كده. خدي لك دش وفكي نفسك. وتعالي نبدأ صفحة جديدة. ماشي؟ أروى: ماشي. ……………………………………………………… في الملاهي. علي وندي قاعدين في مطعم لوحدهم. ندي: على فكرة أية بنت لذيذة أوي. علي: عارف. هي عيبها حاجة واحدة بس. بكرة تكبر وتعرف تتعامل. ندي: مامتها صح؟

علي: ما حدش بيختار أهله. العيب إني أسيبهم يتحكموا في حياتي ويخربوها لي. ندي: مش انت اللي قولت لي نيتهم كانت خير؟ كل أب وأم عاوزين مصلحة عيالهم. إشمعنى هي مش بتقول كده؟ علي يسكت. ندي: مش سهل نسيطر على حياتنا أو نخرج أهلنا منها. وحتى لو خربوها بنرجع في الآخر. ما لناش مكان إلا حضنهم. يا علي. أية بتحب عمر وهو بيحبها. بس ده مش كفاية. زي بالظبط ما حبك ليا وحبي ليك ما كانوش كفاية.

علي: لما جيت أتقدمت لك كنت لسه صارف آخر مليم في جيبي في علاج أبويا الله يرحمه في المستشفى. وسالف كمان. ساعتها ما كانش مشجعني غير إن أنا وانتي بنحب بعض. وضامن موافقتك. باباكي طلب مني شبكة بتلاتين. وأوضة نوم وأوضة أطفال وصالون وسفرة وليفينج وتليفزيون على الأقل ستة وتلاتين بوصة فلات. وبالنسبة للمؤخر فما يقلش عن خمسين ألف. والماذون والفرح عليا. وافقت مع إني مش عارف هجيبهم منين ولا إزاي ولا امتى. بس كل اللي أعرفه إني هعمل المستحيل عشان تبقي من نصيبي. دلوقتي أنا عندي كل ده وأكتر. بس ما عادش عندي أهم حاجة.

ندي: وهي؟ علي: انتي. مش عارفة إزاي هكسب قلبك وثقتك فيا تاني. إزاي هرجع أشوف اللمعة اللي كنت بشوفها في عينيكي وضحكتك اللي طالعة من قلبك. بس برضه مش هستسلم. على فكرة. برضه هعمل المستحيل عشان تبقي من نصيبي. مش هسمح لحاجة تفرق بينا مهما كانت. ندي: وتفتكر حسام؟ علي: أقسم بالله أقتله وأتعدم. ندي: وهتستفيد إيه انت؟ أنا هستفيد إيه؟ عمر وأية يدخلوا. أية: أما حتة لعبة. وااااو. بجد يا بنتي. هاتى حبيبة عنك شوية وقومي العبي.

ندي وعلي بيبصوا لبعض. عمر: إيه؟ طلبتوا أكل ولا لسه؟ أنا واقع. عمر يمسك المنيو ويقلب فيها. ……………………………………………………… في شقة نور. نور: بجد يا بابا؟ محمد: يا بنتي أنا ما قولت توافقي. أنا بقولك فكري. نور: لا طبعاً. مستحيل. دا مش ممكن يحصل أبداً. أنا ومروان. موضوع وانتهى. محمد: الراجل ندمان وعرف غلطته. وقال لك إنه هيكتب لك شقة والدته باسمك عشان ترجعي معززة مكرمة. وتضمني إنه عمره ما هيطردك من بيتك تاني. وإنه…

نور: طب واللي عمله فيا هنساه إزاي؟ الشقة هتنسيهوني؟ محمد: يابنتي ما كفاكيش عقاب ربنا ليه؟ الراجل اتبهدل بهدلة ما يستحملهاش حد. وأنا لو ما كنتش واثق إنك بتحبيه ما كنتش أبداً فتحتك في الموضوع. نور: كنت يا بابا. كنت بحبه. وصدقني يمكن لو كان جه واتكلم بدري عن كده، كنت وافقت. بس دلوقتي… محمد: في حد تاني؟ نور: لا طبعاً. مفيش. إيه؟ خلي حضرتك تقول قدام… محمد: أنا أبوكي على فكرة. محمد يمسك تليفون نور ويديهوله.

نور: يا بابا أنا ما فيش بيني وبينه أي حاجة. الموضوع كله إن هو كان بيمر بفترة صعبة وأنا بمر بفترة صعبة. فكنا بنحاول نعديها سوا. مش أكتر. محمد: يعني لو جه اتقدملك… نور: مش هيجي يا بابا. هو عنده حياته وحبيبته. وحتى لو جه. لازم حضرتك تكون فاهم إن أنا مش هسمح إني أحس بالعجز ده تاني. محمد: عجز؟

نور: صحيح. ربنا أكيد له حكمة إنه يحرمني من الخلفه. بس أنا مش هقدر أستحمل أشوف نظرة الحرمان في عينين أي كان. مروان أو غيره. مش هستحمل إحساس الشك طول الوقت إنه ممكن يكون لو حتى بيفكر في غيري. المبرر هيكون على طول موجود إنه يكمل مع غيري. مش هقدر أعلق نفسي بحد تاني. مش هستحمل. محمد: بس انتي كده بتدفني نفسك بالحيان.

نور: صدقني يا بابا أنا متأكدة إن ربنا شايل لي حاجة أحسن. حاجة ما كنتش متخيلها أبداً. أنا بس هستناها. ومش هستعجل. أنا متأكدة. محمد: ربنا يكملك بعقلك يا بنتي ويسعدك. على العموم أنا مش هرد على الناس دلوقتي. يمكن تحبي تغيري رأيك. نور: لا يا بابا. رد. لأن رأيي نهائي. وأنا متأكدة إن ما فيش قوة في الدنيا ممكن ترجعني لمروان تاني. محمد: مش هيخسر لو سبناه على أعصابه أسبوع كمان. هههههههههههههههه.

محمد يخرج. ونور تمسك الموبايل وتتصل بعلي. علي: الو. نور: إزيك؟ إيه الدوشة دي؟ علي: أنا في الملاهي. نور: ههههههههههههه. آخر مكان ممكن يجي في بالي أروحه. علي: أخبارك إيه؟ نور: أنا محتاجة أتكلم معاك أوي. علي: أكيد. بس ممكن أكلمك بالليل؟ أنا بجد سامعك بالعافية وأنا هنا. نور: أوك. علي: سلام. ……………………………………………………… في الملاهي. علي يقفل. ندي بتبصله. علي: دي نور. معرفة الحجة منال. ندي: ما سألتكش على فكرة.

علي: مش بلسانك بس سألت بعنيكي. ندي تبتسم. علي: تحبي تروحي فين بكرة؟ ندي: بكرة الجمعة. وحسام هيجي البيت يشوف حبيبة. علي بحزن: آه. ندي: بس ممكن أكلمك في التليفون على فكرة. علي بفرح: بجد؟ ندي: هههههههههههههههههههه. آه. ممكن. لما تخلص كلام مع نور. هانم. ندي تبوز وتمشي. وعلي يستغرب ويجري وراها. علي: دي غيرة دي ولا إيه؟ ندي: لا طبعاً. انت حر أصلاً.

علي: لا مش حر. أنا راجل مرتبط. وكلها كام شهر وأتجوز. على فكرة. دا غير إني مشغول جداً. انتي أصلاً مش متخيلة موضوع الشقة والفرش والفرح دول بياخدوا وقت جامد جداً. ندي تبصله. علي: مش بمزاجك. أنا لو هخطفك وأتجوزك. هخطفك. هخطف حبيبة وأبتزك. هتتجوزيني غصب عنك. ندي تبتسم وتبص في الأرض. علي: أنا استنيتك كتير أوي. بطلي تقل بقى. خلي عندك دم. ندي: هههههههههههههههههههههههه. علي: بتيجي على الشتيمة. شكله. ندي: بطل بقى. علي: بحبك.

ندي تتكسف وتبص الناحية التانية. علي: نعم؟ ندي: عاوز إيه؟ علي: لا. وهعوز إيه يعني؟ ربك على المفترى. يلا نرجع لهم. زمانهم خلصوا. ندي: يلا. ……………………………………………………… في شقة حسام. محمد: ولازم تيجي معاك. حسام: أنا ما أقدرش أجبرها على حاجة زي دي. بس هي وعدتني إنها مش هتعمل كده تاني. محمد: أيوه. بس لو جت معانا واعتذرت… حسام: مش هتقبل. ولا هي ولا عمتي. ولو عمتي عرفت إننا طلبنا بس مش أجبرناها. تعمل.

محمد: إحنا مش هنجبرها طبعاً. أنا هتكلم معاها بالعقل. حسام: اللي حضرتك تشوفه. بس ارجوك خليني أنا بعيد. محمد: ماشي. ناديها بس. وأنا هكلمها. حسام: أروى. أروى. أروى تدخل إيدها صينية الشاي. أروى: سوري. اتاخرت عليكوا. ولا إيه؟ كنت بعمل الشاي. محمد: تعالي جنبي يا بنتي. أروى تقعد. محمد: خالك زعلان منك أوي يا أروى. أروى: خالو زعلان من يوم خطوبتي على حسام. وانت عارف. محمد: لا. هو زعلان إنك روحتي اتخانقتي مع ندي. أروى: انام.

محمد: انتي عارفة إن بكرة هنروح لعمك عشان نشوف حبيبة. أروى: آه طبعاً عارفة. للأسف. محمد: أنا بقول تيجي معانا. حسام: وتشوفيها. محمد وأروى يبصوا لحسام. حسام: انتي مراتي. المفروض تكوني جنبي. ودي بنتي. عاوزها تعرفك وتاخد عليكي. زي ما هتاخد عليا. وكمان عشان ما أسيبكيش هنا لوحدك. أروى: أيوه بس… حسام: أنا عارف إن أكيد ندي مش هتسكت. وعمتي كمان. بس انتي دماغك أكبر من كده. انتي رايحة مع جوزك تشوف بنتك. وده حقك. أروى: بنتي؟

حسام: مش أنا وانتي واحد. ولا إيه؟