رواية سلف و دين الفصل الثالث والعشرون 23 - بقلم لولو محمد

مصطفى ندى ما كانتش موافقه. حسام ليه بقى ما كانتش موافقه؟ عشان كان فيه عيل صايع معلقها وماشيه معاه في الحرام؟ ندى (تلطشه بالقلم على وشه) مش أنا اللي أعمل الحرام. الحرام إنك تبقى عارف إننا مش متجوزين وتغتصبني. (صوت الناس يعلى) ندى إنك تحط لي المنوم في العصير. حسام أمك اللي كانت بتحطه لكم. ندى

وأنتم اللي بتجبهولي. ضربتني وحبستني وحملتني غصب، هددتني إنك هتدخلني السجن أو مستشفى المجانين، وفي الآخر رميتني بنزف في قلب الصحرا ومشيت. تنكر؟ حسام أنا شيطان وأنتم ملايكة؟ مش كده؟ ندى خليك راجل مرة واحدة في حياتك وقول الحقيقة. خليك راجل قدام نفسك على الأقل. كنت بتنام إزاي ودمي في رقبتك؟ كنت بتنام إزاي؟ نور ندي. ندى نعم. نور كفاية. ندى

دي بنتي. ربنا ما رضيش إنها تموت، ما رضيش إني أموت عشان كنتوا هتفضلوا تتهموني في شرفي بالباطل. ربنا أراد إني أعيش عشان أفضحكم وأبرئ شرفي اللي أنت بعد ما قتلتني ما هانش عليك غير إنك توسخه. سيبني أربيها وأنا مش عايزة منك أي حاجة. أماني إنتي فاكرانا هنصدق الهبل ده؟ محمد حسام... اللي ندى قالته ده حقيقي يا مصطفى؟ إنت مضيت بدالها في القسيمة وجبرتها على الجواز؟ ندى

حسام دخل وفكني وقال لي: "الناس والفضيحة". مثلت سكت وخفت عشان كنت هبلة. وفجأة في يوم اكتشفت إنه بيحط لي المنوم في العصير. اكتشفت إني حامل. إزاي أبقى حامل وأنا مفيش راجل لمسني؟ إزاي وابن عمي بيحرسني ويحميني؟ اتارى حاميها حراميها. محمد الكلام ده حصل يا حسام؟ ساكت ليه؟ ما ترد. دافع عن نفسك. إنت عملت كل ده؟ كل اللي كنت بتقوله لنا كان كدب؟ حسام اتصلت بيك وحكيت لك وما صدقتنيش وقتها. ليه بتسألني دلوقتي؟

(محمد يضرب حسام قلم على وشه) ندى أنا مش عايزة أي حاجة تربطني بيه. ينساني ويبعد عني ويسيبني أربي بنتي في حالي. مش عايزاه يهددني بالقسيمة المضروبة اللي معاه، مش عايزة أبقى مراته لا في الحقيقة ولا على الورق. محمد هتطلقها... طلقها. حسام إنتي طالق. تهاني (تزرغط) في ستين داهية. خدت الشر وراحت. قال يعني هنصدق الهبل اللي اتقال ده؟ دي مؤامرة عشان تبوظي فرح بنتي. ندى أنا لو منها أهرب. اللي زي ده ما بيجيش من وراه غير الأذى.

أروى قولي كدا بقى. كل ده عشان تفرقي بينا ويرجع لك؟ مصطفى اللي قالته ندى هو الحقيقة. (تهاني تبص لأخوها وتسكته) مصطفى مبروك يا أروى. محمد يا ريتني مت قبل اليوم ده. (محمد يحط إيده على قلبه ويقع في الأرض والكل يتلم عليه) *** في المستشفى أماني إنتوا جايين ليه؟ جايين تشمتوا فينا؟ جايين تتفرجوا على الراجل وهو بيموت؟ مها وهو إنتوا كنتوا جايين تشمتوا فيا لما جوزي كان بيموت؟ إيه يا شيخة؟ اتقي الله مرة واحدة في حياتك بقى. تهاني

إحنا اللي نتقي الله. صحيح اللي اختشوا ماتوا. لزقتوا البت للواد وجوزتوهاله غصب، وبعدين جايين تعملوا ضحايا؟ أماني حسبي الله ونعم الوكيل فيكي. يلا يا مصطفى، أنا مش قاعدة في المستشفى دي ثانية واحدة. (نور تسيبهم يتخانقوا وتروح تقعد بعيد جنب ندى بتلاعب حبيبة، ولا على بالها) نور اسمها إيه؟ (ندى تبص لنور) ندى حبيبة. نور ممكن أشيلها؟ ندى اتفضلي. (نور تيجي تشيل البنت. أماني تيجي تجري عليها من بعيد) أماني

ارمى البت دي في الأرض. إحنا مالناش دعوة بيها. نور إنتي بتقولي إيه يا ماما؟ دي حفيدة. أماني هو حد شايف حاجة؟ يروحوا يجيبوا بت من أي داهية ويقولوا حفيدتكم. مصطفى لأ بقى كدا كتير. إنتي زودتيها أوي وأنا مش هسكت لك. أماني آخرك أعمله. بس البت دي مستحيل تكون بنت ابني وأقولك أصلاً البت دي بنت حرام وما تلزمناش. روح بقى شوف هتعمل فيها إيه.

(ندى تضحك بشكل هستيري وهي بتلاعب حبيبة والكل يبص عليها. وتبص لحسام اللي واقف بعيد أوي وباصص عليهم وتتف عليه وتاخد بنتها وتمشي) مها ندى... ندى استني. مصطفى ليكي راجل يترد عليه. أماني ادعوا له يقوم بالسلامة. ربنا ياخدكم. (أماني تعيط وتهاني تحضنها) تهاني ما تعمليش في نفسك كدا يا أختي. دا ما يستاهلش. اللي يعمل في أخواته كدا عشان الفلوس ما يستاهلش. أماني منه لله. منهم لله. شوفتيها بتضحك إزاي؟ شوفتيها. تهاني

تربية أمها. نقول إيه بس؟ ارتاحي يا أختي ارتاحي. (نور تروح لحسام) حسام جاية تهزأيني إنتي كمان؟ نور على قد ما أنا مصدومة فيك، على قد ما لازم أقولك إن الملاك البريء ده ملوش ذنب. حسام كان ممكن نعيش زي أي اتنين. كنت هشيلهم على راسي. كنت هخلي بنات الدنيا تغير منها ومن حبي ليهم. بس هي فضلت عليا. حتة بياع ما حالوش إلا الهدمة اللي لابسها. نور ما تحاولش تلاقي تبرير لنفسك. إنت حاولت تقتلها. حسام لو كنتي مكاني... نور

أنا عمري ما كنت هبقى مكانك، لأني ما اتعودتش آخد حاجة مش بتاعتي. حسام بتاعتي. نور ربنا يهديك. عن إذنك. *** في شقة عمر آية يعني خلاص علي مش هيسافر؟ عمر لأ خلاص. آية بس تعرفي قصة حبهم غريبة أوي. معقول بيحبها للدرادي؟ عمر تعرفي إن دي نفس البنت اللي جه يطلب من بابا يروح معاه يتقدملها. آية أيوه، بس هيعمل إيه في بنتها دي؟ عمر ما تحاوليش. على ما بيفكرش في حاجة غير ندى. ولو عاش عمره كله يحاول يكون جنبها. بس مش هيفرق معاه. آية

ربنا يجمعهم ببعض. على فكرة معزومين عند ماما بكرة. عمر ستر يا رب. خير. (آية تبصله) عمر ماشي. نروح وأنا يعني هخاف من إيه؟ آية صحيح. أخبار غادة إيه؟ عمر عادي يعني. مالها؟ آية مش ناوية تتجوز بقى ولا إيه؟ عمر الحاجات دي قسمة ونصيب، وإنتي عارفة... ليكون عندك عريس ليها؟ آية لأ. بس أنا بستغرب إنها حلوة وغنية وشاطرة. ومع كدا مش مخطوبة. عمر ما قولتلك نصيب. لسه نصيبها ما جاش. آية

النصيب. تعرف إن أكتر حاجة بتوصف النصيب حكاية علي دي. عمر يا شيخة. آية تلف تلف وترجع له. دا اسمه إيه؟ عمر ترجع لمين يا بنتي؟ دا إنتي لو شفتي المقابلة اللي قابلته بيها. كانه ضرتها. آية وهو ذنبه إيه يعني؟ إيه الهبل ده؟ عمر أنا ما أعرفش هي شافت إيه هناك، بس واضح إن الموضوع ما كانش سهل. آية لو بتحبه هترجع له. عمر هنشوف. ممكن تنامي بقى ولا إيه النظام؟ النهاردة عندي شغل كتير الصبح قبل ما نروح لأمك. آية خلاص. نمت. ***

تاني يوم في شقة ندى مها تصحى على صوت في المطبخ. تقوم تشوف فيه إيه. تلاقي ندى بتغسل الببرونات. مها أساعدك؟ ندى أنا خلاص خلصت. مها أعمل لك تفطري؟ ندى مش جعانة. شكراً. مها أبوكي نزل الشغل من بدري، صح؟ ندى ما أعرفش. أنا لسه صاحية. مها أبوكي بيحبك أوي يا ندى. صدقيني. الفترة اللي فاتت ما كانتش سهلة عليه. ندى تعرفي إيه اللي لفت نظري؟ مها إيه؟ ندى إن ما بانش عليكم أي حاجة. كأنكم بعتوني ببلاش. عن إذنك. (ندى تمشي)

مها تروح وراها. مها إنتي بتحكمي من ناحيتك بس. (ندى تقف وتبص لأمها) مها أبوكي غلط. آه. كلنا غلطنا. وإنتي أولنا. كل أب في الدنيا بيحلم باليوم اللي يقعد يحط رجل على رجل ويتأمر على العرسان ويقول: "أنا بنتي تتاقل بالدهب". (ندى تهز راسها وتمشي) مها تسبقه. مها حسي بيه. إنهي أب يستحمل يشوف صورة بنته وهي ماسكة في إيد واحد تاني. ندى سبحان الله. نفس الواحد اللي فتحت له بيوتكم وبتقول له امبارح: "تعبناك معانا أوي يا ابني". مها

حتى هو غلط. بأي حق يمسك إيدك؟ وبعدين أبوكي يعرف منين إنه كان جد مش بيلعب بيكي؟ (ندى تبصله) مها أنا عارفة إن علي جه. ندى يعني جه. يعني مش زي ما كذبتوا عليا وقلتوا إنه ما جاش. مش زي ما استغليتوا إني نايمة من المنوم اللي حضرتك كنتي بتحطيهولي في العصير. مها ما إنتي عنيدة وما بتسمعيش كلام حد يا ندى. ما شوفتيش كنتي بتردي على أبوكي إزاي؟ ندى

معاكي حق. كلنا غلطان وأنا أولكم. مانا برده صدقت حسام وعديت اليوم وسافرت معاه. وقعت في المصيدة برجلي. كل ما أفتكر إني صدقته أقول: "إزاي كنت بالغباء ده؟ إزاي ما قدرتش أشوف حقيقته؟ إزاي سكت؟ " أنا دفعت التمن غالي أوي. بس تعرفي؟ أنا كان ممكن أدفع أكتر. كان ممكن أموت هناك وأترمى جثة في الصحرا وهو يكمل حياته هنا عادي. يااااااه. دا أنا طلعت رخيصة أوي. (مها تحاول تمنع دموعها ما تقدرش) ندى

أنا آسفة. أنا مش عارفة أنا بكلمك كدا إزاي. بس خلينا نتفق إن أنا مش ندى بنتك. لأني مش قادرة أحس إنك أمي. سامحيني. بس إنتي ما عدتيش أمي. سامحيني على قسوتي. (مها تهز راسها) ندى عن إذنك. (ندى تدخل أوضتها وتقفل الباب بالمفتاح. تلاقي حبيبة صاحية. تفتح الستارة) ندى الدكتور قال الشمس مفيدة عشان عضم حبيبتي.

(ندى تخلع حبيبة البنطلون وتشيلها وتروح تقف عند الشباك تشوف علي واقف في البلكونة بتاعته. عينه عليها. يشاور لها باي. تفتح الشباك وتشد الشيش عشان تقفله. تشوف حسام بيركن عربيته. ترفع عينها لعلي تاني. وفي نظره خوف في عينيها. وتقفل الشيش وتحط حبيبة على السرير) ندى ما تخافيش. مش هخليه يقرب لك.

(ندى تروح تتأكد إنها قفلت الباب بالمفتاح وتشد الكومدينو وتحطه ورا الباب وتجيب كرسي التسريحة وتحطه فوقيه. وتروح تقعد على السرير وتاخد حبيبة في حضنها وتهزها بالراحة وعينها على الباب) *** في المحل عند علي علي نازل من فوق بيجري. أحمد يمسكه. علي وسّع! أحمد إنت رايح فين؟ علي فوق لنفسي. أحمد بأنهي وش جاى هنا؟ أنا هقطع رجله من الحتة كلها. علي اهدأ واعقل. ما تركبش نفسك الغلط. إنت مش معاك رقم أبوها. اتصل بيه. علي

معاك حق. وسّع. أما أكلمها. (أحمد يسيب إيد علي. علي يفلت ويعدي الشارع ويطلع لندى. وأحمد واقف بيضرب كف على كف) *** في شقة ندى مها تفتح الباب تلاقي حسام. مها عاوز إيه؟ حسام مش هتدخليني ولا إيه؟ مها لو كنت أعرف إنه إنت ما كنتش فتحت أصلاً. يلا غور من هنا بدل ما أطلب لك البوليس. حسام والله هي حصل. مها أقسم بالله لو ما مشيت من هنا لأصوت وألم عليك الناس كلها. (علي يطلع) حسام

ليكي حق. ما البديل موجود. سمعت إنك ورثتي وبقى معاك فلوس. علي نورت. اتفضل. وما تعتبش المنطقة تاني. حسام إنت بتتكلم بقلب جامد أوي. مها اسمع يا حسام. إنت ما عدلكش حاجة هنا. ولما أبوك يطلع من المستشفى لينا كلام تاني معاه. عن مجيك هنا. حسام أنا أب جاى أشوف بنتي. بيتهيألي ده حقي. مها روح شوفها في المحكمة. ودلوقتي امشِ. حسام ما افتكرش إن سكة المحكمة هتعجبك يا حماتي. علي ما توفرش الغاز اللي بتحرقه وتمشي بالادب. حسام

همشي. بس نصيحة. احلم على قدك عشان ما تزعلش. أنا دايماً بكسب في الآخر. عن إذنكم. (حسام ينزل) مها تعالى يا ابني. اتفضل. علي ندى عاملة إيه؟ (مها تهز راسها بحزن وتبص في الأرض) علي لو ينفع أكلمها في التليفون؟ مها أي حاجة تفيدها أنا مستعدة. بس هي ما معهاش موبايل. اسمع كلمني وأنا هدخلها الموبايل. علي ماشي. شكراً. عن إذنك.

(علي ينزل يلاقي حسام بيزق أكياس الزبالة من على عربيته والعمال الناحية التانية واقفين بيضحكوا. حسام يبص لعلي ويضحك) حسام ده آخرك؟ (حسام يفتح الباب ويركب ويمشي) أحمد يروح يقف جنب علي. علي إيه حركات العيال دي؟ أحمد إيه وحشة؟ علي نضفوا الشارع. مش عاوزين مخالفات نظافة تجيلنا. مش فايق. (علي يعدي الشارع وأحمد بيجري وراه) أحمد عملتوا إيه فوق؟ علي ولا حاجة. ومليش مزاج أتكلم دلوقتي. أبوس إيدك فكك مني. أحمد

خلاص يا عم. كنت بطمن بس. علي نضفوا الشارع. (علي يطلع فوق ويقف في البلكونة تاني يبص على شباك ندى المتشيش) *** في القسم محامي إحنا بنعتذر جداً على الخطأ اللي حصل. بس واضح إن كان فيه تلاعب واضح في الملفات. لأن النسخة دي ما ظهرتش إلا النهاردة الصبح. مروان يعني أنا براء؟ محامي أيوه. وحسين بيه بيعتذر جداً. وبيعرض عليك ترجع الشركة تاني. وهينزل اعتذار رسمي في كل الجرايد. وتقدر ترجع الشغل تاني في أي وقت. مروان

أنا كل اللي يهمني إني أخرج من هنا. محامي مسألة وقت مش أكتر. إجراءات روتينية بس وتخرج. مروان أحمدك وأشكر فضلك يا رب. محامي أنا هتابع كل حاجة بنفسي مع المحامي بتاع حضرتكم. مروان أنا مش عارف أشكرك إزاي. أنا كنت خلاص فقدت الأمل وبموت. محامي إحنا اللي بنعتذر للمرة التانية. *** في المستشفى محمد حسام فين؟ (الكل يبص لبعضه ويسكتوا) أروى ألف حمد الله على سلامتك يا خالي. محمد الله يسلمك يا بنتي. تهاني

قوم بالسلامة يا خويا. لحسن دا فيه كتير أوي مستنين وقوعك. أماني مش وقته يا تهاني. محمد شوفوا لي حسام فين. أماني راح مشوار صغير وزمانه جاي. محمد كلميه. أماني حاضر. *** في شقة في اسكندرية بنت أنا قولتلك إن الموضوع ده مش هيعدي على خير. نهاد وأنا أش عرفني إنهم هيطلعوا ولاد كلب كدا؟ دول قادرين. البنت دا إنتي ربنا نجاكي. شوفي بقى لو ما كنتيش قدمتي استقالتك مش بعيد. نهاد

لو ما كنتش قدمت استقالتي واتنقلت هنا ما كانش كل ده حصل. وكان زمان مروان والست بتاعته متهنين وأنا في حالي. بس تقولي إيه؟ اللي يشوفها ما يقولش أبداً أخوها كدا. البنت أصلاً أنا قولتلك طريقة جوازكوا دي ما كانش ناوي يعمر معاكي. ولولا إنك سمعتي كلامي ورحتي لأمه. نهاد لأ. دا مجيت نور هي اللي أنجزت كل حاجة. أمه مش طايقاني. وكأننا ضاربين ورقتين عرفي متانعرة لحد آخر ثانية. البنت عدت. وناوية تعملي إيه؟ نهاد

أنا بفكر أشوف حتة أرض وأشتريها وأشوف حد يشاركني ونبنيها ونفتح المحلات. أي حاجة. الراجل تشتري أرض وتبنيها كمان؟ هو الكلام اللي قولناه في مصر ما أكلش معاكي ولا إيه؟ إنتي ما تقدريش تطلعي قرش من الفلوس دي إلا لما يكون عندك حاجة تغطيه. نهاد إنت مش قولت هتتصرف في الموضوع ده؟ الراجل أنا مش ساحر يعني. الموضوع محتاج وقت. ولعلمك هيكلف برده. الناس دي ما بتشتغلش حب في لله وللوطن. نهاد قول بقى كدا. يعني هياخدوا كام يعني؟ الراجل

وأنا أش عرفني؟ هو حد قالك إني حرامي؟ نهاد أنا مش حرامية. ده حقي اللي كانوا عاوزين ياكلوه عليا. وألاقي نفسي اترميت في الشارع وخرجت من المولد بلا حمص. دا حقي وحق ابني اللي في بطني. الراجل أصلاً العيل ده ما عادلوش لزوم. أنا لو منك أخلص منه. نهاد إنت بتقول إيه؟ أموت ابني؟ الراجل العيل ده هيربطك. ومروان مش هيسيبك في حالك. وهينط لك كل شوية: "ابني ابني". نهاد دا لو خرج منها أصلاً. الراجل

برده فكري فيها. وشوفي كدا. هو إنتي لو كان معاكي عيل كان مروان بص لك؟ إنتي لسه صغيرة وحلوة وألف من يتمناكِ. والعيل ده هيقرفك ويربطك جنبه. (نهاد تبص للبنت) نهاد لأ طبعاً. مستحيل. انسى. الراجل براحتك. أنا خارج. لو عاوزتوا حاجة كلموني. البنت مع السلامة يا قلبي. تيجي بالسلامة. *** في شقة ندى مها تخبط على الباب. مها والله مشي. افتحي بقى. (ندى تروح تفتح الشباك تبص ما تلاقيش العربية. تبص فوق تشوف علي. تقفل الشباك تاني وتنفس)

مها يابنتي افتحي بقى. تعبتي قلبي. (ندى تروح تساخر الحاجات وتفتح الباب. ومها تدخل وندى تقفل الباب تاني) مها ليه دا كله؟ (ندى تبصلها وتسكتها) ندى حققك... علي عاوز يكلمك. مها هو أنا تقيلة عليكوا أوي كدا؟ مها ليه بس كدا يا بنتي؟ أنا بس عاوزاكي مبسوطة. ندى أنا مش طالبة منكوا أكتر من إنكم تسيبوني أرتاح. مها وإحنا والله مش عاوزين أكتر من كده. ندى

يبقى تسيبوني في حالي. أبوس إيديكم. سيبوني في حالي. أنا هبقى ضيفة خفيفة ومش هتحسوا بوجودي أصلاً. تعرفي؟ استني. (ندى تجيب شنطتها وتفتح جيب وتطلع منه سلسلة دهب كبيرة وتديها لأمها) مها إيه دي؟ ندى الراجل اللي أنقذني ساب لي دي مع الورق بتاعي وساب لي فلوس كمان. حولتها مصري وأنا نازلة. أنا معايا فلوس. ودي لو بعتها هتجيب فلوس. أنا مش هبقى عالة عليكوا. ما تخافوش. (مها تبص لندى والدموع تنزل من عينيها) ندى

اقف بس على رجلي. وهنزل أدور على شغل. أنا مش هكلفكوا حاجة. لا عليا ولا على بنتي. سيبوني بس في حالي. اعتبروني ماجرة الأوضة دي. أنا ما ليش مكان تاني أروحه. أنا ما ليش حد. مها إنتي معاكي حق. إنتي مش ندى بنتي. عشان ندى ما كانتش قاسية أوي. (مها تحط السلسلة في إيد ندى) مها خليها معاكي. وأي حاجة تحتاجيها إحنا تحت أمرك. وأوعدك إني مش هزعجك تاني. عن إذنكم. (مها تخرج وتقفل الباب وراها وهي بتمسح دموعها) *** في شقة سمر

سمر و آية قاعدين بيلفوا محشي. سمر هو المعدول ما قالش هيجي الساعة كام؟ آية المعدول اسمه عمر. سمر شوفي إزاي؟ ويا ترى بتدافعي عني كدا لما بيجيب في سيرتي؟ آية أكيد. سمر طب لفي لفي. ما تعصبنيش. آية بلف أهوه. سمر هو البيه نام على كدا؟ مش هياخدك ويجيب لك طقمين جداد عشان الدراسة وكدا؟ آية كان مشغول الفترة اللي فاتت. معلش. سمر مشغول بإيه؟ كفا الله الشر. آية بحوار علي. مش أنا حكيتها لك؟ سمر وهو إنتي بتحكي حاجة خير؟ ماله علي؟

*** في شقة ندى ندى لابسة وواخدة حبيبة على إيدها وشنطتها. تروح المطبخ. مها بتطبخ. ندى هنزل أشتري حاجات من الصيدلية لحبيبة. هتعوزي حاجة؟ مها هترجعي تاني؟ ندى ليا مكان تاني أروحه؟ مها ومدام هترجعي لأمك حاجة كلها وماشية ليه؟ ندى أنا مليش في الشنطة دي حاجة. كلها حاجات حبيبهم. مها إنتي مش مأمناني على بنتك صح؟ مش هعرف آخد بالي منه؟ ندى ما تكبريش الموضوع. (مها تروح وراها) مها تروحي وتيجي بالسلامة. عاوزة فلوس؟ ندى

معايا. شكراً. (ندى تمشي ومها عينها عليها) عند علي علي واقف في البلكونة يشوف ندى ماشية في الشارع. ينزل وراها جري. علي ندى... ندى. (ندى ما تردش وتكمل مشي وتدخل الصيدلية. يقف علي الباب) ندى لو سمحت. في عندك اللبن ده؟ الصيدلي لأ. واضح إنه مش من مصر. ندى آه فعلاً. الصيدلي أنا عندي بديل ممتاز. ندى أوكي. هاخده. وهاخد بامبرز كمان مقاس نيو بورن. (ندى تحاسب وتاخد الحاجة في كيسة وتطلع من الصيدلية) علي هو إنتي زعلانة مني؟

(ندى ما تبصلهوش وتكمل مشي) علي لأ. دا إنتي زعلك وحش أوي. (ندى تقف وتبصله. وتبص الناحية التانية وهي بتنفخ وتكمل مشي) علي طب رايحة فين وأنا أوصلك؟ ندى اسمع يا علي. ابعد عني. أنا مش ندى بتاعة زمان. مش البت الهبلة المراهقة اللي بتعيش اليوم بيومه. أنا عندي بنت زي ما إنت شايف. بعيش عشانها. سيبني في حالي. علي هههههههههههه. ودا وش واحدة ناوية تعيش برده. ندى معلش. أصلي لسه خارجة من التربة طازة. ابعد بقى.

(ندى تعدي علي وتمشي في الناحية الغلط) علي بيتك من الناحية التانية. (ندى تقف وتنفخ وتلف وترجع تاني. وعلي واقف ماسك نفسه من الضحك) *** في شقة مروان أمينة تفتح الباب وتدخل. ومروان وراها. أمينة ألف حمد الله على سلامتك. نورت بيتك ومطرحك. (مروان يدخل في صمت) أمينة ادخل الحمام غير هدومك وخد لك دش سخن. وأنا هحضر لك لقمة تاكلها. زمانك هفتان يا حبة عيني. (مروان يرزع نفسه على أقرب كرسي) أمينة مالك يا حبيبي؟

قدر الله وما شاء فعل. قضا أخف من قضا. واحمد ربنا إن الموضوع خلص لحد كدا. وكمان كرامتك رجعت لك. وإن كان على الفلوس تتعوض. إنت اللي بتعملها مش هي اللي بتعملكم. مروان وابني يا ماما. أمينة ابنك!!! أقولك إيه بس؟ حسبي الله ونعم الوكيل فيها. اللي زي دي يا ابني مش أمينة تكون أم لأولادك. صدقني. مروان هو أنا غلطت لما تمنيت أكون أب؟ أمّال لو كنت بتاع ستات بقى وعيني زاغى. دا أنا حتى... أمينة

يا ابني انساها. واقفه على رجليك من تاني. ما تخليش واحدة زي دي تكسرك بالسهولة دي. واديك اتعلمت الدرس. (جرس الباب يضرب) أمينة خير؟ هروح أفتح. (أمينة تفتح تلاقي حسام) أمينة أهلاً أهلاً. ريحة الحبايب. ادخل يا ابني. ادخل. (حسام يدخل. مروان يقوم يقف) حسام كفارة يا راجل. أول ما عرفت سبت اللي في إيدي وجيت لك جري. (حسام يحضن مروان. ومروان مش متفاعل) حسام خسيت كدا ليه يا ابني؟ جرى إيه يا ست الكل؟ مش تظبطيه أكلة حلوة من بتوعك؟

أمينة والله كنت هدخل أعمله. كويس إنك جيت. اقعد معاه بقى. لحسن دا نفسيته وحشة أوي. عن إذنكم. (أمينة تدخل جوه) مروان جاى تشمت فيا؟ حسام طول عمرك أهبل. وأنا أشمت فيك ليه يعني؟ بيني وبينك إيه؟ مروان قول لنفسك. حسام أنا خدمت خدمة العمر. خليتك تشوفها على حقيقتها. ولو كنت سمعت كلامي من الأول ما كنتش خسرت الفلوس دي كلها. مروان دا إنت متابع بقى. حسام هو أنا عندي أهم منكم؟ مروان إنت جاى ليه؟ حسام

جاى أطمن عليك. وأقولك عمك في المستشفى من امبارح بيركب دعامة. إيه؟ مش واجب برده تروح تزوره؟ مروان ليه؟ ماله؟ خير؟ حسام أهو تعب في الفرح امبارح. شوفت؟ نسيت أقولك. مش أنا فرحي كان امبارح؟ عشان تعرف غلاوتك. سبت العروسة في الصبحية وجيت لك أطمن عليك. يلا أستأذن أنا بقى. مروان نورت. حسام ابقى خليني أشوفك. سلام. (حسام يمشي ويقفل الباب وراه) *** في شقة سمر الكل قاعد بياكل. سمر مش كان علي جه وياك ياكله لقمة؟ عمر

هو إنتي عزمتيه وما جاش؟ سمر قال يعني لو عزمته فاضي يجي لي. الله يسهله بقى مع الجوع. (عمر يبص لآية وشها يحمر) عمر ربنا يبعد عنهم ولاد الحرام. سمر آمين يا جوز بنتي. آمين. صحيح بالمناسبة كنت بفكر يعني آخد آية أسبوع ولا حاجة ونروح اسكندرية. بيقولوا خالد ابن الوليد فيه لبس يجنن. عمر مش دلوقتي. الدنيا تظبط معايا شوية وهنسافر كلنا. سمر

ما إنت بتقول كدا كل شوية. وسبحان الله كل ما تقولها الدنيا تتعقد زيادة. مرة الراجل يموت. ومرة أخوك هيسافر. ومرة أخوك مش هيسافر ولقى البنت اللي بيحبها. إحنا ملزمين بمعاد فرح. ولا ده كمان ناوي يأجله؟ أنا تعبت لكم سلف الصراحة. عمر أي حاجة وراكي. بيتهيألي في هنا محلات أحسن بكتير من خالد ابن الوليد. ممكن تشتري منها كل اللي نفسك فيه. سمر

وهيجرى إيه يعني لو سافرت أنا والبت أسبوع مصيف. غيرت جو. حتى أبوك الله يرحمه كان معودها على كدا كل سنة. آية خلاص يا ماما. ما فرقتش. النهاردة من كمان شهر أبقى أسافر في أسبوع العسل. (سمر تقوم وهي بتبرطم) سمر ولا شكلك هتشوف فرح ولا عسل في سنتك دي. بلا قرف. آية ما تزعلش. عمر أنا كدا كدا ماشي. هعدي آخدك بالليل. ولا تحبي تروحي دلوقتي؟ (آية تسكت) عمر خلاص. هرن لك وأنا جاى. جهزي. وتنزيلي. سلام. آية طب كمل أكلك. عمر

شبعت. ما أنا عارف من الأول إن العزومة دي مش هيجي من وراها خير. (عمر يمسح إيده في منديل ويقوم يمشي) *** في شقة حسام حسام يدخل. أروى قاعدة حاطة إيدها على خدها. حسام السلام عليكم. أروى على ما افتكرت إن ليك بيت. حسام كنت عند أبويا في المستشفى. أروى بأمارة إيه؟ ما أنا روحت له النهاردة ما لقيتكش هناك. حسام بقولك إيه؟ أنا ما نمتش من امبارح ومش طايق روحي. أروى روحت لندى؟ حسام

اسمعي يا بنت الناس. أنا راجل بحب الفرفشة ومليش في النكد. ماشي؟ أروى وهو أنا اللي بتاعة نكد يعني؟ أنا عروسة يا سي حسام. مش كفايا فرحي اللي باظ امبارح. لاء وبات لوحدي. حسام قصدي إيه؟ حسام ما قصديش. بقولك مطبق وتعبان. وسّعي. (حسام يزقها ويدخل أوضته وينام. أروى تدخل وراه وتنام جنبه وتحضنه) أروى حقك عليا. أنا فعلاً اتعصبت عليك. بس إنت عارف قد إيه بحبك. وبجد رجوع البت دي مجنني. حسام

آه. روحت لها عشان أشوف بنتي. وما خلتنيش أشوفها. وبعدين روحت لمروان عشان خد براءة. فقولت مادام بره أباركله. وبعدين روحت لبابا وجيت. تحبي بعد كدا أفتح اللوكيشن على الموبايل وأعمل شيك إن في كل مكان أروحه؟ أروى خلاص بقى. ما تكبرش الموضوع. حسام خلاص. ممكن أنام بقى؟ أروى هتنام زعلان؟ حسام أروى. أبوس إيدك. أنا فيا اللي مكفيني. يعني انزل أنام في أوضتي تحت؟ يعني؟ (أروى تقوم تقعد) أروى وعلى إيه؟

نام. أنا هطلع أتفرج على التليفزيون. حسام أحسن برده. اقفلي الباب وراكي. (حسام يشد الغطا ويستغطى. وأروى تنفخ) *** في شقة ندى باب الشقة يتفتح ومصطفى يدخل شايل أكياس. مها تقابله. مها اتاخرت كدا ليه؟ قلقتني. مصطفى مش قولتلك أنا رايح أبص على محمد في المستشفى بعد الشغل. مها آه قولت. وما رضيتش أتصل بيك لحسن العقربة مراته تقول: "بنستعجلك ومش عاوزينك تشوف أخوكم". مصطفى يا ستي قابلت حسام هناك واتكلمنا واعتذر. مها انسى يا مصطفى.

مصطفى أنا قولته كدا. قولته نحافظ على اللي باقي بينا. هو مهما كان ابن أخويا. لكن اللي عمله عمرنا ما هنسامحه عليه. واتكلمت مع محمد. وقال لي إنه هيعمل مصروف شهري لندى وحبيبة بدل النفقة. وكدا عشان أنا قولته إننا مش عاوزين محاكم وقرف. مها يا مصطفى مش عاوزين منهم حاجة. يا نحلة لا تقرصيني ولا عاوزين منك عسل. مصطفى في الأول والآخر هو جد البت. ومن حقه يشوفها. مها وهو ابنه لما رماهم؟ مصطفى

ما تكمليش. مالناش دعوة بحسام. جدها اللي بيتكلم. مها أصلاً الكلام في الموضوع ده مش معايا. مع ندى. إنت أصلك مش حاسس هي عاملة إزاي. دي مش طيقانا. لا أنا ولا إنت. بتقول لي: "هادور على شغل وأعتبروني ماجرة الأوضة لحد ما ألاقي مكان تاني". (مصطفى يبصلها) مها

ونزلِت تجيب حاجات لحبيبة من الصيدلية. خدت حبيبة وشنطتها معاها. ما كانتش مأمناني عليهم. وجابت كيس حلويات وبسكوت وشبس وميه معدنية. ودخلت قفلت على نفسها الأوضة. وما بتطلعش غير على الحمام. وحتى في الحمام بتاخد البت وشنطتها معاها. مصطفى أنا هدخل أتكلم معاها. مها أنا تعبت يا مصطفى. كل كلمة بتقولها بتوجع عن اللي قبلها. بيبقى هاين عليا أشق صدري بالسكينة ولا إني أسمع الكلام ده منه. (مصطفى يروح لأوضة ندى ويخبط. ما حدش يرد)

مصطفى أنا أبوكي يا ندى. افتحي يا ضنايا. ندى بلاش القسوة دي يا بنتي. طب افتحي أبص عليكي وأقفلي تاني. شوفي أنا... (الباب يتفتح) مصطفى شفتي أنا جبت لحبيبة إيه؟ ندى أنا كنت نايمة. اتفضل. (مصطفى يدخل ومها وراه. ندى تقعد على السرير ومصطفى قدامها ومها واقفة قدامهم) مصطفى يفتح الأكياس ويطلع هدوم بيبي حلوة أوي وشخليلهم. مصطفى إيه رايك؟ ندى كتر خيركم. مصطفى

كنت عند عمك في المستشفى. جنبه محل هدوم أطفال. ما حسيتش بنفسي غير وأنا بحاسب. ندى تعبتوا نفسكم. مصطفى أنا عارف إنك زعلانة مني. وحقك. مش هتكلم. أنا نفسي مش قادر أرفع عيني فيكي. بس إنتي دلوقتي أم. وهتعذريني. كل يوم هيفوت عليكي وهتشوفيها بتكبر فيه. هتلاقي نفسك بتاخدي قرارات لمصلحتها. يمكن تكون قاسية عليها. هتغلطي وهتعملي حاجات صح برده. (ندى تهز راسها) مصطفى على فكرة عمك بيسأل عليكي. ندى هو راح؟ مصطفى

لأ. لسه. بس الحمد لله بقى أحسن كتير. هو قال لي إنه أول ما هيخرج من المستشفى هيجي يطمن عليكي وعلى حبيبة. (ندى تبص الناحية التانية) مصطفى هو جدها برده. ندى يا نس. وينور. بس يا ريت ما يجبش كلبه معاهم. مصطفى أنا والله هزأت حسام جامد أوي النهاردة وبهدلته واعتذر. وقولت له ما تحاولش. ندى خلاص يا بابا. لو سمحت قفل السيرة. مها أجيب لك حاجة تاكليها يا قلبي؟ ندى مش جعانة. شكراً. مها طب أجيب لك سندوتشين شاورما من تحت؟

هههههههههههههههههه. (ندى تبصله) ندى هو أنا ممكن أكمل نوم قبل ما حبيبة تصحى؟ (مصطفى يبص لمه) مصطفى طبعاً يا بنتي. تصبحي على خير. مها لو عاوزتي أي حاجة. نادى بس. إحنا بره. (مصطفى يخرج هو ومها ويقفلوا الباب. ويسمعوا صوت تكة المفتاح من جوه. يبصوا لبعض بحزن) *** تاني يوم في الكلية غادة هههههههههههههههه. يا حرام. تصدق صعبت عليا. عمر مش كدا برضه؟ غادة أصلاً مش قادرة أفهم إيه الفكرة من الهري ده كله؟

ما تهرب إنت وهي وتتجوزوا وتسافروا في أي حتة وولع الباقي. فستان وفرح ومعازيم ومشاكل. عمر لو علي آية الوضع أسهل. حتى فكرة السفر مش فارقة. لكن أمها وزن أمها وكلام أمها وتحكماتها. بقى اووووووووف. ياما نفسي أقتل أمها. اووووف. غادة هههههههههههههههههههههه. في الأول والآخر مامتها يا عمر. (عمر ينفخ) غادة بص كبر مخك وخلاص. بتحصل في أحسن العائلات. عمر صحيح يا غادة. هو أنا ممكن أغلس عليكي؟ غادة أكتر من كدا؟

هههههههههههههههههه. اتفضل. عمر هههههههههههههههههههههه. هو إنتي إيه مواصفات شريك حياتك؟ يعني على رأي آية. بنت جميلة وذكية وناجحة ومن عيلة. ناقصها إيه؟ غادة ناقصني النصيب. عمر كويس. كنت فاكرك معقدة. (غادة تضربه على كتفه. يضحك) *** بعد يومين في شقة ندى جرس الباب يضرب. مصطفى يروح يفتح. يلاقي محمد وحسام. مصطفى اتفضلوا. (الكل يدخل يقعد) محمد أنا جيت زي ما اتفقنا. مصطفى اتفقنا إن حسام مش هيجي معاك. حسام

دي بنتي. ومن حقي أشوفها. على فكرة. مصطفى بنتك؟ اللي رميتها في الصحرا وهي في بطن أمها؟ دلوقتي جاي تقول بنتك؟ حسام بيتهيألي مفيش حاجة هتغير حقيقة إنها بنتي. محمد حسام. حسام يبص لأبوه. محمد معلش. انزل استنى في العربية. حسام يعني إيه؟ مش هشوف بنتي؟ بسيطة. أروح المحكمة وأرفع قضية وهاخدها. وعلى عليا وعلى أعدائي بقى. مصطفى اعملها. وساعتها أقسم بالله... (ندى تطلع من الأوضة صامتة) محمد تعالى يا بنتي. اقعدي.

(ندى تروح تقعد. وحسام يروح يقعد) حسام أنا غلطت. مش هنكر. بس ده ما يديكيش الحق تحرميني من بنتي. ماشي؟ مصطفى أنهي بنت اللي بتسأل عنها؟ ها؟ حسام بنتي. ملزمة مني من الألف للياء. أنا مش هتأخر. بس على الأقل أشوفها. محمد البنت هيتعمل لها شهادة ميلاد هنا عشان تاخد التطعيمات بتاعتها هنا. وهيُعمل لها مصروف شهري. وأي طلبات ليها أو لأمها إحنا ملزمين بيها. ندى والمقابل إن حبيبة تبقى مسمار جحا اللي هيفضل حسام كل شوية ينط لي بسببه؟

مش كدا؟ محمد مش هينط لك. ومش هتشوفيه خالص. ممكن مصطفى يجيبها مرة في الأسبوع عندنا. ندى أنا ما بفارقش بنتي. (الكل يبص لبعضه) ندى عايز تروح المحكمة؟ روح. عايز تطلب حق الحضانة؟ اطلب. ومحامي قدام محامي وفضايح بفضايح. أنا مش باقية على حاجة. إنت فاهم؟ حسام حبيبة ما لهاش ذنب في كل ده. إنتي زعلانة مني وده حقك. بس أنا عملت لك كل حاجة حرفياً. كل حاجة. وفي الآخر إنتي عملتي إيه؟ الورق ده مش بخطك. ندى

أنا كنت عايشة في سجن. حتى خواطري اللي كنت بكتبها وأقطعها وأشد عليها السيفون. كنت بتلاقي طريقة إنك توصلها. أنا أصلاً مش قادرة أنام ولا أرتاح. لأني مش قادرة أستوعب إن الكابوس اللي كنت عايشاه فيه معاك هناك خلص. مش عارفة إزاي هقدر أفهم حبيبة اللي حصل من غير ما أجرحها. حسام إحنا لسه فيها. بإيدك إنك توفري لحبيبة حياة طبيعية. أب وأم. ندى إنت مجنون؟ أنهي حياة طبيعية؟ أنهي أب؟ إنت؟؟ محمد حسام. ندى

ماشي. كل يوم جمعة بعد الصلاة تيجي تشوفها هنا. وفي وجودي. محمد عين العقل. ندى أقسم بالله يا حسام لو فكرت في غدر. شوف. أقسم بالله أقتلها وأموت نفسي. محمد مفيش غدر. أنا أضمنهولك. أصلاً حسام بدأ حياة جديدة مع مراته أروى. وهيركز فيها. مش كدا يا حسام؟ (حسام يبص لأبوه ولندى) محمد لو سمحتي يا ندى. هاتي البنت أشوفها. أرجوكي. (ندى تقوم تجيب البنت. وعمها يمد لها إيده. ما تفكش إيدها من حوالين حبيبة وتبصله) مصطفى

ديه لجدها يا ندى. ما تخافيش. (ندى تبص لحبيبة وتحطها في إيد محمد) محمد بسم الله. تبارك الله. شبهك أوي يا ندى. حتة منك قمر. ما شاء الله. أنا فاكر لما كنتي لسه بيبي. فاكر يا مصطفى؟ (حسام يمد إيده عشان ياخدها. ندى تزقه. يخبط في الجزامة ويضحك) حسام صحتك جت على الولادة ولا إيه؟ هههههههههههههههههههههههههههههه. ندى أنا قولت تشوفها. لكن ما قولتش تلمسها. أنا ما أضمنش تعمل فيها إيه. حسام إنتي هبلة يا بنتي؟

أنا هستفيد إيه لو قتلتها؟ إنتي مش قولتي بنفسك إنها هتبقى مسمار جحا بينا؟ ندى معاد رضعتها. (ندى تشد البنت وتدخل الأوضة وتقفل الباب) محمد يبص لحسام. حسام بتبص لي ليه بقى؟ دي تصرفات واحدة عاقلة. (محمد يقوم ويمشي. وحسام يجري وراه. ومصطفى يقفل الباب ويدخل يخبط على ندى) مصطفى مشيو يا قلبي خلاص. (مصطفى يخبط مرة واتنين. مها تطلع من أوضتها) مها سيبها. (مصطفى يدخل مع مها الأوضة) *** في شقة أماني تهاني بقي دي تصرفات ناس عاقلين؟

الناس أكلت وشنا. أماني يعني كان يسيب أبوه يروح لوحده؟ تهاني لأ. بس كان خد معانا العروسة دي. ذنبها إيه تقعد كل يوم من غير عريسها كدا؟ إنتي ترضي لنور كدا؟ أماني ظروف. وتعدي بإذن الله. تهاني لو ما كانش عاوز أروى جرى وراها ليه؟ اتحايل عليا عشان يتجوزها. ليه؟ أماني أروى ما لهاش دعوة. دي بنته برده والضنا غالي. تهاني وهي الحرباية بنت مها هتسيبه بالساهل كدا؟ نور اسمها ندى يا عمتي. تهاني إنتي بتدافعي عنها؟ نور

آه. أدافع. حد يقول لي غلطت في إيه؟ ما خلاص بقى. ما كل حاجة اتعرفت. مفيش أي لزوم إننا نكابر. حسام اللي غلط. مش ندى. أروى يا سلام. وحد قالها تمشي مع الواد الصايع ده؟ الحق عليه يعني. (نور تبص لأروى وترفع حاجبها وتضرب كف على كف وتسيب المكان وتمشي) تهاني عاجبك يا أماني كلام بنتك؟ حقها. ما ست ندى طول عمرها حبيبتها. لكن أروى كخه. أماني بلاش الكلام ده يا تهاني. إنتي عارفة. تهاني

إذا كانت نور قالت كدا. ياترى سي حسام هيجي يقول إيه؟ ها؟ فهميني؟ عارفة لو كان اللي حصل ده حصل قبل الفرح. أقسم بالله ما كنت جوزتهاله. لكن أقول إيه؟ الفاس وقعت في الراس. (باب الشقة يتفتح ومحمد يدخل. ما يسلمش على حد ويدخل أوضته ويقفل الباب. وحسام يدخل يقفل باب الشقة) أماني ماله أبوك يا حسام؟ تهاني العقربة بنت الحرباية عملت إيه؟ أكيد ما رضيتش توريكوا البت عشان تلوعكوا. تربية أمها. وأنا عرفاها. حسام

أنا طالع أنام. هتعوزوا حاجة؟ أروى حسام. حسام نعم؟ أؤمري؟ عاوزة إيه من حسام؟ تهاني إنتي بتكلميها كدا ليه؟ هو مش كفاية اللي هي مستحملاه معاك؟ يلا يا بت انجري قدامي. بلا قرف. أماني صلي على النبي بس يا تهاني. مش كدا. تهاني مش شايفه ابنك؟ (حسام يمشي ويرزع الباب وراه. ونور تطلع من جوه) تهاني والله ما هي بايته فيها. ليها بيت. لما يعرف قيمتها. يبقى يجي ياخده. نور هو إيه اللي حصل؟ تهاني اسألي أخوكي. يلا يا بت.

(تهاني تشد أروى ويمشوا ويرزعوا الباب) نور هو إيه اللي حصل؟ وبابا فين؟ أماني أبوكي في أوضته. أنا هدخله. وإنتي اطلعي بصي على أخوكي. نور حاضر. *** في المحل أحمد اتاخرت كدا ليه يا جدع؟ علي كنت بوصل الحاجة. منال المحطة. ما أعرفش ليه قررت تسافر البلد فجأة كدا. أحمد حبيبك جه ومشي. ما طولش. علي هو ابن الكلب ده مش هيجيبها لبر بقى ولا إيه؟ أحمد يا ابني قولتل لك نكسر رجله ونربيه. علي أنا طالع بالاذن.

(علي يطلع فوق. ويقف في البلكونة. الشيش مقفول في الأوضة. يتصل بالتليفون. مها ترد) علي الوو؟ مها إزيك يا ابني؟ عامل إيه؟ علي أنا الحمد لله كويس. قالوا لي إن حسام جه تاني. مها أقولك إيه بس؟ جه قلب البيت ومشي. عاوز يشوف بنته. وإلا هيرفع قضية ضم في المحكمة. علي يرفع. وبدل المحامي عشرة. ويوريني نفسه. إيه؟ ما فيش حد عارف يوقفه عند حده؟ ولا إيه؟ مها ما كفاهوش اللي عمله فيها؟ ما كفاهوش. وجاي يكمل. علي ندى عاملة إيه؟ مها

قافلة على نفسها الباب ومش راضية تفتح. علي هو ممكن تحاولي تديها التليفون؟ مها أحاول. بس ما افتكرش هترضى. (مها تروح تخبط على باب ندى. ما تردش) مها افتحي يا ندى. علي عاوز يكلمك. (مفيش أي استجابة) مها ما بتردش. علي يمكن نايمة. سبيها ترتاح. وأنا صاحي هنا قدامكم. لو عاوزتوا أي حاجة. مها كتر خيرك يا ابني. تسلم. مع السلامة. علي مع السلامة. (علي يجيب كرسي ويقعد عليه. ويفرد رجله على كرسي قدامه ويفضل قاعد باصص على شباك ندى) ***

في شقة حسام حسام أقسم بالله لولا إني عامل حساب ليكوا كلكم... نور كنت عملت إيه؟ إنت جاى دلوقتي تعمل حساب فوق يا حسام؟ إنت الغلط راكبك من ساسك لراسك. ما تكابرش. حسام إنتي مش مكاني عشان تحكمي علي. نور عارفة. ولأني عارفاك. أنا متأكدة إنك ما كنتش تقصد. يمكن لحظة نرفزة. يمكن شيطان. حسام أقسم بالله ما كنت عارف إن الطلق فيها. أقسم بالله ما كنت أعرف إنها بتولد. نور ولو يا حسام. سبتيها وسافرتي وقطعتي الباسبور بتاعها؟ حسام

ما أعرفش. ما أعرفش. كنت مخنوق. إنتي ليه مش قادرة تفهمي؟ كنت تعبان أوي ومخنوق. كانت بتكلمه على الموبايل. كانت بتكتب رسايل. نور ما كانتش بتبعتها. حسام وأنا أش عرفني؟ حطي نفسك مكاني. بعد كل اللي عملته. بعد كل اللي استحملته. مش راضية تنساه ليه؟ أحسن مني في إيه؟ نور

إنت بدأت الجوازة غلط. اتجوزتها غصب. وبعدين ما تنساش حوار المنوم. مفيش ست ترضى على كرامتها أبداً. اللي إنت عملته ده يا حسام بلاش. إحنا ربنا اللي إنت عملته. إنت وعمي حرام. (حسام يسيبها ويروح يقعد في حتة تانية. تروح وراه) نور إنت ترضالي أعيش اللي هي عاشته؟ حسام إنتي ما اتقدملكيش نص اللي اتقدملها. مفيش حد عمل عشانك ربع اللي عملته عشانه. نور طظ. حسام طظ؟ نور

أيوه طظ. وألف طظ. الجواز مبني على حب ومودة. مش إكراه وغصب. كنت بتفكر في إيه؟ عقلك كان فين؟ حسام يوووووه. نور إنت فاكر إن الموضوع ده ممكن يتلم؟ بص حواليك. إنت لما رجعت ما سكتش. كملت. وبدل ما كانت ندى بس حطيت أروى في السكة. حسام على يدك. أروى كانت على يدك. نور إنت مش عيل صغير يا حسام. هى ما سقتكش حاجة. إصفره. حسام

وصرّحت غلطتي واتجوزتها. وجبت لها شبكة. وإنتي بنفسك شوفتي عملوا إيه يوم الشبكة. إنتي شوفتي أسلوبها. هما نصبوا لي فخ ودبسوني. نور ندى ما عادتش تنفع لك. بلاش تخسي أروى كمان. حسام أروى مين دي اللي أبص لها أصلاً؟ نور يعني هتخسر الاتنين؟ أوعد تفتكر إن العلاقة بينك وبين ندى ممكن تتصلح. حسام ليه؟ نور إنت كمان بتسأل. حسام نور. نور. كفايا. أنا وحش خلاص. ابعدوا عني وابعدي إنتي كمان. بدل ما أأذيكِ. نور إنت بتقول إيه يا حسام؟

حسام مش أنا اللي بقول. إنتي اللي بتقولي. أنا إنسان وحش وبأذي كل اللي حواليا. أوعى تفتكري إني مش حاسس بنظرة الكل ليا. وأولهم إنتي وبابا. أوعى تفتكري إني فخور بنفسي. بس أنا مش وحش أوي كدا. نور عارفة. حسام

أنا بحب ندى. وما فيش أي قوة في الدنيا ممكن تغير ده. اللي حصل بيني وبين أروى لحظة ضعف شيطان. وأنا صلحت غلطتي واتجوزتها. دلوقتي ممكن بكل بساطة كل واحد يروح لحاله. ومش هتبقى هي وحشة ولا غلطانة. هبقى أنا الغلطان زي كل حاجة بتحصل. أنا اللي بشيل الغلط لوحدي. (نور تطبطب على كتف أخوها) حسام

ما حدش قال لعمي كلمة. ما حدش قاله. إنت اللي عملت في بنتك كدا. إنت استغليت حسام. لأ. ندى ضحية. وأبوها جنبها. وأمها جنبها. وأنا ابن الكلب اللي الكل ضده. إن كنت مجرم فهما كمان مجرمين. أنا ما عملتش ده لوحدي. كلهم اشتركوا معايا. نور عارفة. حسام وأروى. أنا ما اغتصبتهاش. هي اللي جت لي لحد هنا وعرضت عليا نفسها. ومش مرة ولا اتنين. ما حدش قال إنها شمال. ما حدش قال لـ...

عمتي ما عرفتيش تربي بنتك. وإنتي عمالة ليل نهار تقطعي في فروة ندى وتربيتها. لاء. حسام الوحش. حسام الغلطان. (حسام يقوم ويروح أوضته ويقفل الباب. ويقعد على السرير يعيط. نور تفضل ثواني تبص على الباب. وتروح تنزل وتقفل الباب وراها) *** في أوضة محمد أماني ما هو حقه برده يا محمد. محمد هو إحنا عملنا إيه في حياتنا يا أماني عشان تكون دي حياتنا؟ أماني يا خويا البيوت ياما بتشوف. وبكرة ربك يبدل الحال. محمد أنهي حال؟ حال نور؟

ولا حال حسام؟ ولا حال أخواتي؟ أماني بقولك إيه؟ إحنا أحسن من غيرنا. وبكرة كل ده يتحل. وابنك مش صغير وهيِعرف يحل مشاكله بنفسه. (محمد يبصلها ويسكت) أماني ما تلوموش يا محمد. أخوك الغلطان. في الأول والآخر حسام ما يفهمش حاجة. محمد كان كبير من شوية. ويعرف يحل مشاكله. أماني برده ما يتلامش. إذا كان أبوها وأمها ساعدوه وموافقين. وهو ما قصرش. عمل اللي عليه وزيادة. محمد وإنتي...

برده ما تتلاميش. لو كان اللي حصل ده حصل قبل الفرح. أقسم بالله ما كنت جوزتهاله. لكن أقول إيه؟ الفاس وقعت في الراس. (صوت باب الشقة بره) أماني مين؟ نور تدخل. نور أنا يا ماما. أماني أخوكي عامل إيه؟ نور الحمد لله. أماني هيروح يصالح مراته؟ نور أكيد مش النهاردة. حسام بجد مش طايق نفسه. أماني أقول إيه بس؟ الصباح رباح. بكرة أخده وأروح أراضيها. وأهو كمان عمتك تكون هدّت شوية. نور أنا داخلة أوضتي. عن إذنك. أماني روحي. ***

في البلكونة عند علي علي قاعد بيشرب قهوة. تليفونه يرن. علي لو ما كنتش بشرب قهوة كنت بقول بحلم. نور يا راجل. على أساس إن تليفوني فرقع من كتر مكالماتك. علي هههههههههههههههه. يخربيت لسانك. عاملة إيه؟ نور تفتكر يعني لو حياتي ماشية كنت كلمتك؟ علي ههههههههههههههههههههه. يكرم أصلك. نور بص. أنا مخنوقة لدرجة إني هموت وأعيط. بس مش عارفة حاجة. آخر قرف. علي هاتي كُرسي وتعالي اقعدي جنبي. نور

نفسي أوي أقعد على قهوة. ههههههههههههههههههه. علي أنا مش قاعد على قهوة. أنا قاعد في البلكونة. نور آه. أنا قولت من صوت الشارع إنك على قهوة. خصوصاً لما قولت بتشرب قهوة. علي بس إيه الطموح الغريب ده؟ آخرك تقعدي على قهوة؟ نور أحلامي متواضعة. شوفت بقى. (علي يشوف ندى خارجة من باب العمارة وشايلة بنتها وشنطتها) علي أنا لازم أقفل. ممكن أكلمك وقت تاني؟ نور أكيد. علي سلام.

(علي يقفل السكة وينزل يجري. على ما يوصل للبوابة يلاقي ندى وصلت لناصية الشارع. يمشى وراها لحد ما يحصلها) علي أوصلك؟ (ندى ما تبصلهوش وتكمل مشي) علي بكلمك على فكرة. (ندى تقف وتبصله. وتبص الناحية التانية وهي بتنفخ وتكمل مشي) علي طب رايحة فين وأنا أوصلك؟ معايا عربية. ندى كويس. روح هاتها. علي ثواني. ما تتحركيش. (علي يجري يروح يجيب العربية. يرجع ما يلاقيش ندى. ينفخ ويمشي بالراحة لحد ما يشوفها من بعيد. يروح لها) علي

مش عيب حركات العيال دي. ندى هو أنا لو صرخت دلوقتي وقولت بتعاكسني. تفتكر حد من الناس دي هيدخل؟ علي هههههههههههههههه. وأهون عليكي إن أضرب؟ ندى إنت عاوز إيه؟ علي اركبى. ندى طريقنا مش واحد. علي اركبى. (ندى تركب وما تبصلهوش) علي رايحة فين؟ ندى رايحة في أي داهية. تعرف السكة ولا أوصفها لك؟ علي لأ. عارف. دا أنا مقيم هناك. هههههههههههههههههههه. (علي يسوق وهو بيلعب في موبايله. وندى عينها معاه. يحط الموبايل) ندى

عرفت دلوقتي ليه ماما وبابا أدّوك وش. علي عقبالك. ندى أنا ما بكررش أخطائي. (صمت ثواني) علي بجد. كنتي ناوية تروحي فين؟ ندى في أي داهية. علي بتكلم جد. ندى مين قالك إن بهزر؟ اسمع. لو افترضنا إنك فعلاً كنت بتحبني. وإنك استنيت. وكنت ناوي تدور عليا. والفيلم ده. تفتكر إني نفس البنت؟ بص في وشي. لسه شايف ندى البت الهبلة اللي ما بتفكرش في بكرة. علي آه. نفسها. ندى نفس الشكل. بس. علي

لأ. لأ. نفسها. بدليل إنك تنزلي ببنتك في وقت زي ده. تمشي في الشوارع زي الهبلة. ما إنتيش عارفة رايحة فين. إنتي نفس البنت اللي ما بتفكرش في أي حاجة. بتنفذ أي فكرة مطرقعة بتيجي في دماغك. (ندى تبصله) علي وإنك تركبي معايا. وتسبيني أسوق بيكي. يا عالم واخدك فين. دا أكبر دليل إنك عارفة إني ما كنتش غلطة في حياتك. (ندى تبص الناحية التانية وما تقدرش تمسك دموعها. بس تحاول تداريها عن علي) علي أنا عارف إنتي حاسة بإيه. ندى

لا. ما إنتش عارف. ما حدش عارف. ما حدش كان مكاني. كلكوا كنتوا هنا. كلكوا سبتوني. ما حدش سأل عني. ما حدش شاف اللي شفته. (علي يناولها منديل) ندى أنا ما بنامش. قالوا لي خليكي. قالوا لي هنوفر لك إقامة. ما تنزليش. معرفش ليه. كنت مصرة إني أنزل مصر. ليا مين هنا؟ مليش حد. لا عارفة آكل ولا أشرب ولا أرتاح. إزاي أثق فيهم بعد كل اللي عملوه؟ إزاي كنت بالسذاجة دي؟ إزاي ضحكوا عليا كلهم كدا؟ علي أنا... ندى وإنت عملت إيه؟

رد. قول لي عملت إيه؟ وقفت تتفرج؟ ولا اشتركت معاهم؟ علي أنا!!!