رواية سلف و دين الفصل الثالث والسبعون 73 - بقلم لولو محمد

ندى عايزة أجوز حبيبة وأفرح بيها، أنا مش عايزة أموت. حسام خد ندى في حضنه أكتر. وأماني متابعة اللي بيحصل في صمت، وتبص لمحمد. أماني اللهم لا شماتة. الكل يبص لأماني. تسيب المكان وتدخل أوضتها. علي مش هنلحق ننزل مصر. هناخدها للدكتور اللي هنا اللي قالوا عليه امبارح. كان ممكن ما نلحقش ننزل مصر. كان ممكن ما تتلحقش. نور قومي يا ندى نلبس. ندى تبص لنور. الكل بيعيط. ندى هنروح فين؟ نور قومي تعالي. هناخد حبيبة معانا، ما تخافيش.

ندى تبص لحسام. منهار. ندى ممكن أروح؟ حسام يهز راسه. ندى تقوم ونور تسندها ويدخلوا جوه. وحسام وعلي بيعيطوا. محمد قاعد على كرسي مش مستوعب. عمر قوم يا علي معايا. علي رجلي مش شيلاني. عمر يدخل يحضن أخوه. علي ما كنتش هستحمل وقعه تانيه زي دي. عمر الحمد لله عدت على خير. عدت. قوم قوم تعال. علي لا ما عدتش. وما عدش في خير بعد اللي حصل. محمد هتخف. هتتعالج وتخف. عمر يقوم علي وحسام منهار من العياط. *** في المستشفى. الدكتور

دي أعراض جانبية شائعة جدا للمهدئات. التهيوأت والهلاوس. علي يعني التبول اللاإرادي سببه المنوم؟ والانتحار سببه المهدئات؟ يعني لو قطعنا الأدوية دي هترجع كويسة؟ الدكتور أكيد لا. لأنها ما أخدتش الأدوية دي من فراغ. أكيد كان فيه مشكلة من الأول ومحتاجة علاج. وده هيبان لما المهدئات والأدوية دي تتسحب تماماً من جسمها. نور وده هياخد وقت قد إيه؟ الدكتور

ممكن يوصل لعشر أيام. وفي الوقت ده هيبقى فيه جلسات بشكل شبه يومي أو يوم بعد يوم. أنا ملاحظ تعلقها الشديد بحضرتك وبحبيبة. دي بنتكم على ما أظن. حسام هي ما لهاش غيرنا. والدها مريض ووالدتها متوفية. الدكتور امال مين علي؟ الكل يبص لعلي. الدكتور أنا محتاج أقعد معاك عشر دقايق بعد إذنك لوحدنا. نور خير يا دكتور؟ الدكتور لا إن شاء الله خير. بس أنا هعمل ده معاكوا كلكم، بس هبدأ بالأستاذ علي. حسام عنيه رايحة جاية بين علي والدكتور.

نور طب نطلع بره ولا إيه؟ الدكتور تمام يا ريت. نور تبص لحسام ويقوموا يطلعوا بره. نور تقفل الباب وعلي باصص في الأرض. الدكتور أنا مش هقدر أصيغ مقدمات لسؤالي أو أمهد الموضوع، بس أتمنى إن حضرتك تجاوب بصراحة. وأي كانت إجابتك أوعدك إنها هتفضل سرية. علي اتفضل. الدكتور أنت اتحرش بمدام ندى؟ علي أبدا. الدكتور

أنا مش وكيل نيابة بحقق معاك. ندى صرخت لما سمعت اسمك وقعدت تقول "هو اللي لمسني، هو اللي مسك إيدي، أنا ما عملتش حاجة"، وإنها بتحب حسام. علي ندى متجوزة حسام غصب. ندى مستحيل تكون بتحب حسام. الدكتور عارف. علي أنا ما اتحرشتش بيها. أنا وندى قصة حب قديمة والنصيب فرقنا. حسام اتجوزها غصب، اغتصبها وبهدلها. وفي الآخر لفقلها صور، يا ترجعله يا ياخد منها حبيبة. ده اختصار شديد لسنة من المعاناة. ولما سافرت معاه لبنان... الدكتور

حادثة بنتها اللي اتخطفت؟ أيوه، حكيتولي عنها. علي بعدها نور زوجتي ولدت ولدين توأم اتوفوا ورا بعض في خلال أيام. نزلت أخبط على حسام عشان مش قادر أبلغ نور. ندى اللي فتحت، وفي لحظة ضعف حضنا بعض. الدكتور وحسام جوزها شافكم؟ علي بعدها بشهر ونص سافرنا عمرة. حسام صمم يوصلنا. الدكتور ما عملش أي حاجة خالص بخصوص الحضن؟ علي

نور وحسام بعد ما وصلونا موبايلهم اتقفل فترة. ولما اتفتح ندى كانت واحدة تانية. اختفت تماماً. بدأت المنومات والمهدئات. ولما رجعنا من العمرة امبارح كانت زي ما حضرتك شايف كده. هي بتاخد الأدوية دي بالكتير من أسبوعين اللي إحنا سافرنا فيهم العمرة. الدكتور ممكن أسأل حضرتك سؤال تاني؟ علي لو هيفرق مع ندى. اتفضل. الدكتور حضرتك بتقول إنكم قصة حب وجوزها فرقكم. طب والمدام مش تبقى أخت حسام برضه؟ علي

دي قصة طويلة. بس المدام تبقى أقرب واحدة لندى. وقتها كنت متخيل إني بقربي من ندى هقدر أحميها من حسام. لكن مع الوقت اتعلقت أكتر بمراتي وحبيبتها. وحياة ندى كمان كانت ظاهرياً هادية ومستقرة، فانسحبت بهدوء وكل واحد فينا اكتفى بحياته ونسي الماضي لحد اليوم آه. الدكتور ده مدام ندى شافت كتير بقي على كده. علي كل اللي اتحكى واللي هيتحكى نقطة في بحر. الدكتور

تمام يا أستاذ علي. لو تسمح تنادي أستاذ حسام أتكلم معاه شوية هو كمان. على الأقل يديني نقطة تانية من البحر ده. علي يهز راسه ويقف ويبص للدكتور. علي أنا تهمني سلامة ندى فوق أي شيء. بس نور مراتي لو عرفت ندى حرفياً مش هيبقى لها حد. الدكتور ما تقلقش. أي كلام بيحصل في الجلسة بيكون سر. بيدفن مع الطبيب المعالج. علي يهز راسه ويطلع بره. علي عاوز يتكلم معاك. حسام طب أدخل لوحدي ولا أجيب المحامي بتاعي؟ نور مش وقت هزارك. ادخل. حسام

داخل حاضر. حسام يدخل وعلي يقعد جنب نور. نور كان بيقولك إيه؟ علي كان بيسأل على ماضي ندى وإزاي ارتبطت بحسام. نور وقلتله؟ علي من غير تفاصيل. نور مش يمكن التفاصيل دي اللي تعالجه يا علي؟ علي لو كانت هتفرق كان سأل. نور أنا اللي مش فاهماه إزاي هيسحبوا المهدئات من جسمها إذا كانوا ادوها أصلاً حقنة من شوية؟ علي ده منوم مش مهدئ. نور طب ما المنوم كمان تاعبها. علي كان عاجبك صريخها يعني؟ نور أنا مش قادرة أصدق إن كل ده بيحصل. علي

بيحصل يا نور. للأسف بيحصل. وإحنا كنا عارفين إنه بيحصل بس كنا مغميين عنينا وبنقول إن شاء الله خير. نمنا على شريط القطر وربطنا ايدينا ورجلينا وقلنا إن شاء الله مفيش قطورات هتعدي من هنا. نور ممكن تهدى؟ علي يا ريتني كنت قادر. ما كانش ده حالي. علي يقوم يقف ويبص من الشباك. ونور متبعاه. يرجع يقعد جنبها. علي لو كنت اتأخرت شوية... نور عارفة. عارفة. عبير كانت هتتكرر. بس ندى مش زي عبير. دي قصة ودي قصة تانية خالص. علي

نفس الوجع يا نور. نفس الوجع. نور شكلنا كلنا محتاجين جلسات في المخروبة دي. علي يبص لنور وما يقدرش يمسك نفسه ويبتسم. *** في شقة عمر. عمر يدخل شايل أكياس. عمر أنا جيت وجبت كل الحاجات اللي في الليستة. منال تسلم مجايبك. عمر امال أية فين؟ منال نزلت. عمر أية؟ منال

ما قدرتش عليها. قالت هتقعد على البحر هنا قدام البيت. وفعلاً طلعت. بصيت عليها مرة لقيتها قاعدة على الكورنيش هنا بتقول مخنوقة. حتى خدت البت في إيدها تشممها يود البحر بتقول بيزود المناعة. عمر أنا هتصل بيها في التليفون تروح بقى كفاية كده. لو حضرتك كنتي كلمتيني كنت جبتها في إيدي وأنا طالع. منال معلش يا ابني. عقلي مش فيا. عمالة أتصل بنور وعلي حد يطمني عملوا إيه، كلهم غير متاح. عمر

أيوه مفيش شبكة عشان العيادة في الدور الأرضي من المستشفى. بس علي خرج بره وكلمني. حجزوها والدكتور قعد اتكلم مع كل واحد فيهم لوحده. ولما كان بيكلمني كان دور نور باين. منال والله يا عمر أنا لحد دلوقتي مرهقة من اللي حصل. عمر الحمد لله قدر ولطف. أنا هتصل بأية تطلع بقى عشان كفاية كده قوي. منال تهز راسها. عمر يطلع البلكونة يبص عليها وهو بيتصل. تكنسل وهو مش شايفها. ينفخ ويتصل تاني. *** في المستشفى. الدكتور

يعني هي كانت طبيعية قبل رجوعكم من العمرة؟ ارجوكي ركزي في سؤالي. التفاصيل بتفرق. وكلام أستاذ علي ودكتور حسام متناقض. بس الاتنين اجمعوا إنك كنتي أقرب واحدة ليها. نور تسكت وتفكر. نور هي متغيرة من فترة طويلة. من وقت رجوعها من الإمارات. الدكتور لما شالت الرحم؟ نور ندى قبل جوازها من حسام كانت نشيطة ومهيبرة. لكن بعد ما خلفت بقت هادية أكتر. بس برضه كان بيجيلها وقت تبقى حماسية برضه، لكن مش كتير. الدكتور وعلاقتهم كانت إزاي؟

كانت بتشتكيلك من إيه؟ نور من كل حاجة وأي حاجة. الدكتور يستغرب. نور في حاجات ليها حق. كان في حاجات كتير ما يتسكتش عليها. بس كانت بتسكت عشان المركب تمشي. وعشان هي ما لهاش حد. بس هو كان بيعوضها. بس هي ما كانتش بتسامح. وكل مادا كانت بتبقى نكدية أكتر. أو مش نكدية، كان... كان... بارانويا. باين. الدكتور يتعدل. نور دايماً فيه إن حسام بيخوني. عرفتي منين؟ أنا عارفة. هو بيكدب عليا. هي بتكدب عليا. حاجات من دي. الدكتور

وأسف. لما أولادك ماتوا... نور تسكت ثواني. نور ندى اتغيرت أكتر. كانت جنبي طول الوقت. بس طول الوقت متوترة. الدكتور وجود جوزك كان بيشكلها مشكلة؟ نور بالعكس. علي وندى جيران من زمان ومعرفة وعلاقتهم ببعض كويسة جداً. الدكتور يعني ما كانتش بتحاول تتجنبه مثلاً؟ أو لمحت لك بأي حاجة بخصوص البارانويا دي؟ نور هي البارانويا اللي قلت لحضرتك عليها دي كانت لحسام بس. الدكتور

وطبعاً حضرتك ما كنتيش موجودة عشان تلاحظي أي اختلاف من يوم ما وصلتك للمطار؟ نور لا. لاحظت. وكلنا لاحظنا. من وقتها بدأت الأدوية اللي بتاخدها. نايمة طول الوقت. ولما بتصحي ملجلجة كده ومش مظبوطة. ولما رجعنا لقيناها انهارت خالص. الدكتور ما حكتش خالص إيه اللي حصل؟ ما حاولتتش تتكلم في أي شيء من ساعة ما رجعت؟ نور أبداً. ما اتكلمتش خالص. الدكتور تمام. شكراً. نور كلامي فرق في حاجة؟ هتتحسن؟ الدكتور إن شاء الله هتتحسن.

نور تبتسم وتبص في الأرض بحزن. *** قدام عمارة أسماء. تاكسي يقف وأية تنزل شايلة بيرين على إيد وشايلة شنطة على الكتف التاني. تبص على العمارة وتطلع تخبط. أسماء تفتح تبص لأية تتفاجئ. أية إزيك؟ أسماء إيه اللي جابك؟ أية شفتي بنوتي. أسماء عن إذنك. أسماء تيجي تقفل الباب. أية تمنعها. أية ليه كده؟ انتي شوفتي مني إيه عشان تقلبي عليا بالشكل ده؟ معقول اللي بينا كان مصلحة؟ أسماء انتي هتستعبطي؟ هو إيه اللي بينا؟ انتي هتجيبيلي مصيبة.

أية مصيبة؟ أسماء إيه؟ معقول مش فاهمة قصدي؟ إحنا عرفنا كل حاجة. ولعلمك انتي لو ما مشيتيش من هنا دلوقتي هطلبلك البوليس. أية تبصلها بصدمة. أسماء كنتي فاكرة إنك لما هتتنقبي محدش هيعرفك؟ أدهم عرفوكي. انتي أصلاً إزاي تكوني بالأنانيّة دي؟ دا أنا فتحتلك بيتي. أية أنا فتحتلك بيتي الأول وأكلت معاكي في طبق واحد. شوفتي مني إيه؟ أسماء أنا ما شفتش. بس مصر كلها شافت. أية

أنا اتصورت في أوضة نومي وأنا مع جوزي عشان واحد حيوان دخل البيت وكشف ستر أهله واتفضحنا عشان ناس قليلة التربية بتتبع عورات الناس وبيتفرجوا على مشاهد نجسة زيهم. أنا لا عملت حاجة حرام ولا هنكسف منها. انتوا اللي المفروض تنكسفوا إنكم للدرجة دي ظالمة. وحسبي الله ونعم الوكيل فيكوا. حسبي الله ونعم الوكيل فيكوا. أية تنزل وهي بتعيط وتحسبن. تليفونها يرن. تقف وتطلعه بصعوبة وحوسة وترد. أية هو إيه اللي حصل؟ عمر إنتي فين؟ ومال صوتك؟

في حاجة حصلت ولا إيه؟ أية حقيقة إيه؟ قوليلي بس إنتي فين وأنا أجيلك. عمر حقيقة أسماء. حقيقة إنهم شافوا الفيديو. حقيقة إني لسه بتعرى قدام الناس. حقيقة إن الموضوع ما انتهاش. وإنك عارف إنه ما انتهاش. عمر إنتي فين؟ أية في الشارع. هكون فين يعني؟ عمر أنا جايلك. أية ما تجيش. وما تخافش عليا. أنا هركب وأجي. عمر تمام. مستنيكي قدام البيت. ما تتأخريش. أية مش هتأخر. أية تشاور لتاكسي يقف. تركب. *** في شقة حسام.

حسام يدخل. نور تدخل وراه. نور إحنا محتاجين نتكلم. حسام يقعد على السرير ويبصلها بتعب وحزن. نور تقفل الباب. نور انت بتحب ندى صح؟ حسام انتي رأيك إيه؟ نور أنا بسألك. بتحب ندى ولا لأ؟ حسام بحبها طبعاً. بحبها. امال عملت كل ده ليه ولمين؟ نور يبقى ما تخبيش عني حاجة. يبقى تساعدها على الأقل عشان البنت اللي مالهاش ذنب دي. بنتِك اللي بتدور بعينيها وسطنا على أمها. مفيش حاجة هتعوض حبيبة عن ندى. حسام يقف. حسام

انتي فاكرة إن غياب ندى أو اللي جرالها على مزاجي؟ انتي فاكرة إني مش موجوع زيكم وأكتر؟ أنا بموت في الثانية مليون مرة. أنا مش قادر أستوعب إنها اتحجزت هناك. مش قادر أتخيل إنها هتفضل طول الوقت ده بعيد عني. نور يبقى تصارحني وتقولي. الأعراض دي فعلاً بدأت لما سافرنا العمرة زي ما الكل بيقول؟ قولي. في حاجة حصلت يوم السفر؟ في حاجة حصلت لما تليفوناتكم اتقفلت؟ حسام هو في إيه يا نور؟ هو أي حاجة تحصل يبقى أكيد حسام عمل حاجة؟ نور

الدكتور قالي إن ممكن تكون عقدتها كانت مدفونة واتعرضت لحاجة خرجتها. حسام وموت عيالك ما ينفعش يكون الحاجة دي؟ نور كانت كويسة. حسام إش عرفك؟ نور كانت معايا طول الوقت. أكيد كنت هاخد بالي. حسام نور أنا تعبان ومش قادر ومش طايق نفسي. نور ساعدنا نساعدها. لو ما عرفناش إيه اللي حصلها مش هنقدر نعالجها. حسام ده دور الدكاترة. نور لو ساعدناهم هيوصلوا أسرع. جرس الباب يضرب. حسام وأنا قولتله كل اللي عندي. أية تدخل باندفاع وعمر وراها.

أية وقلتله اتجوزتها إزاي؟ حسام يقف يبصلها. عمر يلا يا أية. أية لا مش يلا يا عمر. ويا أنا يا الكلب ده. النهارده. علي مش وقته يا أية. أية لا وقته. وحقي منك هاخده دلوقتي. ويا قاتل يا مقتول. حسام يبقى اقتليني يا أية. اقتليني وريحيني. ولو فاكرة إني هقاوم تبقي غلطانة. أنا أساساً قاعد مستنيكي. أية وأنا هريحك. أية تطلع سكينة من تحت الأسدال. نور تصرخ. وعلي وعمر يمنعوها. تعور علي في إيده وهي بتقاومهم وبتصرخ. أماني تطلع من تحت.

أية انتوا بتدافعوا عنه؟ بتقفولي عشانه؟ علي إحنا بنحميكي إنتي. أماني هو إيه اللي هنا بالظبط؟ مالها المجنونة بنت المجنونة دي؟ أية مالي؟ هيكون مالي يعني؟ ما تقوليها مالى. ما تنطقي وتقول مالى. حسام انزلي كملي أكلك يا ماما. مفيش حاجة. أية لا في. لا في. نور اهدّي يا أية لو سمحتي. أماني إنتي تروحي تترمى مع صحبتك في العباسية وتريحينا. عمر والله كنا مرتاحين لحد ما ابنك البيه دمر لنا حياتنا بوساخته وتربيته القذرة. أماني

اخرس. أنا ابني متربي أحسن تربية. أية ولا شافها. اللي يعيش مع واحدة بتكرهه بالغصب ما يتقالش عنه متربي. اللي يغتصب بنت عمه ما يبقاش متربي. اللي يدخل بيوت الناس... حسام أمك اللي دخلتني. نور بس بقي. بس اسكُت. حسام ما أنا ساكت من الصبح وما حدش مقدر اللي أنا فيه. أية وهو مين السبب؟ مش إنت يا واطي؟ حسام لا مش أنا. هو. حسام يشاور على علي. علي يتفاجئ. حسام إحنا كنا عايشين زي الفل. بس لا لازم البيه يظهر ويبوظ حياتي. علي

انت بجد عاوزنا نتحاسب؟ حسام آه. تعال نتحاسب. كله كان بسببك. كل حاجة كانت بسببك إنت. نور وإيه دخله؟ مش إنت اللي كان كل همك ترجع لندى؟ حسام دافعي عنه كمان. دافعي. ما انتي هبلة مش فاهمة حاجة. نور و دلوقتي الوقت اللي تفهمني فيه. أية وحتى لو قالوهالك عيني عينك برضه مش هتفهمي. لأنك إنتي اللي مش عاوزة تفهمي. نور تبص لأية. علي كفاية يا أية. عشان خاطري. كفاية. أية كله كان عشان خاطرك يا علي. لكن أنا فين؟ خاطري فين؟

حقي منه. سكتني عشان ندى وعشانك. كدبت عليا وقلت الموضوع انتهى. كدبت عليا وقلت عشان تساعد ندى عشان ندى ما تتحرمش من حبيبة. دوست عليا بالجزمة وسكت عشان ندى ما تتحرمش من حبيبة. فين ندى يا علي؟ فين ندى؟ أماني أنا مش فاهمة أي حاجة. حسام يروح يقعد على السرير. أماني هو فيه إيه يا نور؟ فيه إيه بينكم مخبينه عليا؟ أية قولي فيه إيه؟ قايلينهولكم. منال تدخل. منال أية... بيرين بتعيط تحت. أية جاية يا طنط. أية تنزل. منال

تعالوا يا ولاد كلوا لقمة. وإلا الأكل سخن. تعالي يا أختي طبقك برد. أماني انزلي انتي يا ست منال. انزلي. أما نشوف فيه إيه. أنا قلبي أصلاً كان حاسس إن فيه حاجة مش مظبوطة. منال تعالي بس دلوقتي. وإن شاء الله كل حاجة هتتحل. تعالي. انزل انت طيب يا عمر. نور حبيبتي. علي. حد يبصله. منال مفيش فايدة يعني؟ ما ليش خاطر عند حد فيكم خالص كده؟ نور انزل اطمن على أية يا عمر. علي انزل مع طنط يا عمر. عمر تعالى معايا.

علي يبص لنور يلاقيها بصاله. علي هحصلك. عمر يبص على نور وحسام يبص لعلي ويرجع يبص للأرض. منال تعالي يا أختي. تعالي. أماني مش قبل ما أعرف اللي فيها. انزلي انتي لو تحبي. نور سيبيها يا طنط. انزلي حضرتك. كملي أكلك. منال تتنهد وتنزل وعمر وراه. نور حد فيكم يتكلم؟ صمت. نور تصرخ في حسام. نور انطق. مخبي عني إيه؟ حسام ما تسأليه هو. بتكلميني أنا ليه؟ مش ده جوزك؟ مش ده اللي وقفتيلي انتي وأمك عشان تتجوزيه؟

مش ده يا ماما علي اللي كنتي بتقولي فيه شعر وكنتوا مستعجلين على جوازه من نور؟ بتكلموني دلوقتي ليه؟ نور لو كنت تعرف عنه حاجة وحشة ما كنتيش سكت. صمت. نور تروح لعلي. نور طب قول لي. إيه اللي كانت تقصده؟ قولي مخبيين عني إيه يا علي. الدكتور قالي على فكرة... الاثنين يبصولها بصدمة. نور قالي كلامكم متناقض. قالي إنكم مخبيين حاجة. طب هو ممكن؟ إيه يا علي؟ إيه اللي ممكن تخبيه عني؟ أماني

قلت لك ما صدقتنيش. قلت لك سحراله ومجرّاه وراها، يدافع عنها. نور انزلي يا ماما لو سمحتي. أماني مش نازلة إلا أما أفهم. فيه إيه؟ ما تتكلم يا حسام. كنت رافض علي إيه؟ والكلام ده كله أساسه إيه؟ ما تنطق يا حسام. حسام يبص لأماني ويبص لعلي باصص في الأرض. حسام يوم موت كرم... علي يبص لحسام. حسام خرجت من الأوضة لقيت البيه المحترم حاضن مراتي. علي ده اللي ربنا قدرك عليه؟ حسام ما حصلش. علي عملت إيه انت بقي لما شفتنا؟ أماني

يعني حصل ولا ما حصلش؟ علي عملت إيه يا حسام بيه؟ لما شفتني حاضن مراتي في بيتك؟ عملت إيه؟ حسام عملت اللي أي راجل مكاني هيعمله لما يشوف مراته في حضن عاشيقها. نور عينيها بين الاتنين مش مصدقة والدموع بتنزل من عينيها. علي اللي هو إيه بقي؟ عملت في ندى إيه؟ عملت في ندى إيه؟ وصلها للي هي فيه ده؟ حسام إنتي مش فارق معاك نور وصدمتها فيك؟ وفارق معاك ندى؟ علي عمري ما قصرت في حق نور. وهي تشهد إني كنت بتقي ربنا فيها طول الوقت. حسام

وهو جوازك منها عشان تبقي جنب عشيقتك؟ علي غير وابتدع... غير وابتدع... لما سبتها بتنزف في الصحرا وجيت مصر قلت نفس الكلام. غلطت في شرفها وسمعتها وعشت دور الضحية وإنت الجاني. ودلوقتي بتكررها تاني. لا لا لا تالت. فاكر اتجوزتها إزاي؟ فاكر عملت إيه عشان تجبرها ترجعلك وتعيش معاك؟ حسام يروح يفتح شنطة من الدولاب ويطلع ورقة. حسام ده اعتراف بخط إيدها وإمضتها إنها كانت على علاقة بيك. حسام يدي لنور الورقة. علي يمسكه من هدومه. علي

عملت فيها إيه عشان تكتبها حاجة زي دي؟ أنا ما حصلش بيني وبينها أي حاجة. عملت إيه؟ انطق؟ أجبرتها إزاي تكتب حاجة زي دي؟ تكتب ورقة ممكن تحرمها بيها من حبيبة العمر كله؟ نور أنا مش مصدقة اللي مكتوب. علي لأنه كذب. ما فيش حاجة حصلت بيني وبينها. نور انت كنت بتحب ندى؟ وحسام فرقك واتجوزها غصب؟ علي يسكت ويبص لحسام. نور انت كنت خطيب ندى... انت خطيب ندى. علي يبص لحسام. علي

بس اللي في الورقة ده مش حقيقي. أنا ما حصلش بيني وبين ندى أي حاجة. أماني تشد الورقة وتقراها. نور بس الباقي صح. انت كنت خطيب ندى. علي أنا حكيت لك كل حاجة. نور انت استغلتني. علي اللي في الورقة ده مش حقيقي. حسام اتزوجت نور ليه يا علي؟ نور انت تخرس. انت تخرس خالص. انت كنت عارف. كنت عارف إني بتجوز حبيب أختي. كنت عارف كل حاجة وساكت. حسام كنتي متمسكة بيه. حاولت أمنعك. شبطتي فيه. إنتي وأمك. نور ما قولتليش ليه؟

ما قولتليش الحقيقة ليه؟ ما أنا طول الوقت وأنا مدارية على بلاويك وقرفك كنت هداري على دي كمان يا أخي؟ ملعون أبو الأخوة اللي تخلي الأخ يعمل في أخته كده. حسام لا لا لا. ما تعيشيش دور الضحية انتي كمان. أنا عملت كل اللي أقدر عليه عشانك. أنا حبست مروان عشان خانك. وحبست الكلب التاني ده خال العيال اللي تحت دول عشان ضايقك. وما اتأخرتش عنك في حاجة. نور يعني مروان ما كانش بيكدب؟ حسام وهو فيه حد بيكدب في الدنيا دي غيري؟

نور تبص لعلي. علي شفتي مني إيه وحش؟ أماني شافت من وراك إيه؟ عدل. دا انت سبتها يوم دخلتها ونزلت تجري على حبيبتك. نور تعيط. نور استغلتني. علي ما خونتكيش. ما حصلش بيني وبينها أي حاجة. اتقيت ربنا فيكي وحبيتك. نور كنت بجري أحكيلها كل حاجة. كنت بعذبها بإيدي. كنت بدوس عليها وأقولها ترضي تعيش مع أخويا الواطي عشان أنا عايشة مع حبيبها. انتوا إزاي تعملوا فيا كده؟ عملت فيكم إيه؟ علي قوليلي موقف واحد مني. موقف واحد بس جرحتك فيه؟

جيت عليكي فيه؟ أنا وانتي اتفقنا هنبدأ مع بعض من الصفر وهننسى ماضينا. هنسي ندى وإنتي تنسي مروان. حسام ونسي ندى يا علي. علي نسيتها. وسبتك تتجوزها. لما حسيت للحظة إني ممكن أحرمها من بنتها. بعدت. نور بعدت إزاي؟ وانت قدامها طول الوقت؟ علي كان لازم حد يحميها منه. مين فيكم بيقف جنبها؟ مين فيكم مرة دافع عنها؟ نور يعني استغلتني فعلاً. علي

بس حبيتك واتقيت ربنا فيكي. عاملتك زي ما اتمنيت لو ربنا يوم كرمني ببنت جوزها يعاملها بنفس الطريقة. نور يارب خدني بقى. حسام ما حضنتهاش يا علي؟ ما كانتش في حضنك يوم كرم؟ نور سكت ليه؟ شوفتهم في حضن بعض وسكت ليه؟ حسام عشانك. موت ابنك التاني وخيانة جوزك في يوم واحد. كنتي هتستحمليها يعني؟ نور عملت إيه في ندى يا حسام؟ انتقمت منها إزاي؟ عملت إيه لما سافرت؟ لما كنتوا خارج الخدمة؟

الكل قال فيه حاجة بتحصل. الكل كان قلقان وحاسس إن فيه حاجة غلط. أماني إنتي بتسألي عن واحدة خاينة ليه؟ دي تستاهل قطع رقبتها. الواطية بنت الجزمة. علي مش هترد... هتكذب الكدبة وتصدقها. مش هترد عن شرف مراتك. نور عملت في ندى إيه يا حسام؟ رد عليا وريحني. خليني أعالجها وأكفر عن ذنبي ناحيتها. أماني خليها تدفع تمن جريمتها. نور اسكتي بقى. اسكتي. اسكتي. ما تتكلميش عنها. انتي ليه كده؟ ليه وحشة كده؟ أماني أنا يا نور؟ نور

ترضى حد يعاملني كده؟ أماني وإنتي هتقارني نفسك بواحدة خاينة زي دي؟ دا أنا هروح للمحامي بالورقة دي وهحبسها. بنت الجزمة. علي ما هي محبوسة فعلاً. طب يا ريتها كانت في سجن بجد. على الأقل كنا عرفنا هتخرج امتى. لكن ده دفنها بالحياة. حسام يبص لعلي بصدمة. حسام طب ما كنت قدامك. لو عاوز تنتقم ما انتقمتش مني ليه؟ حسام عشان نور. نور ما تدخِلنيش في قرفك. حسام لا. عشانك. عشان بتحبيه وهتزعلي عليه. عشان لو قربت له هتدافعي عنه. نور

وإنتي عارفة كويس إن القانون في صفي يا علي. نور تهجم على حسام تخربشه في وشه وهي بتصرخ. وعلي وأماني بيحوشوا. نور انطق بقي. انطق. إنت إيه شيطان؟ انطق. عملت فيها إيه؟ انطق. ربنا ياخدك. ربنا ينتقم منك. انطق. علي يشد نور بعيد وهي منهارة. نور حسبي الله ونعم الوكيل فيكوا كلكم. حسبي الله ونعم الوكيل فيكوا كلكم. أماني إنتي اتجننتي انتي كمان ولا إيه؟ اللي جرى لكم كلكم؟ هو فيه إيه؟ نور تبص لأمها وتبص لحسام. نور

مش عاوز تتكلم مش كده؟ تمام يا حسام. تمام. نور تقوم وتدخل المطبخ. الكل يجري وراها. نور تغرز طرف السكينة على قلبها. علي نور اهدّي لو سمحتي. نور إنت عملت كل ده عشاني مش كده؟ بتحبني ومستعد تعمل عشاني أي حاجة. دلوقتي بخيرك. أماني طب ارمي السكينة و خلينا نتكلم. نور لو ما نطقتش هموت نفسي. وأنا كدا كدا ما عادليش أي حاجة أعيش عشانها. فيا تخليني أساعد ندى يا هتخسرني للأبد. نور تغرز طرف السكينة يعورها والدم يبدا يبان. حسام

خلاص تمام. هقولك اللي إنتي عايزاه. هعمل لك اللي إنتي عايزاه. نور عملت فيها إيه؟ حسام اشتريت أرض في الصحرا وخلّيتهم يبنوا كوخ هناك. صمت. نور تصرخ. نور وبعدين عملت فيها إيه هناك؟ حسام ضحكت عليها. فهمتها إني هدَفنها عايشة. السكينة تقع من إيد نور. حسام كان كل قصدي أخوفها بس أحسسها إني ممكن أحرمها من حبيبة. ما كنتش أقصد.

فجأة حسام يلاقي نفسه في الأرض وعلي فوقيه نازل فيه ضرب بغل. وأماني بتصرخ وتحوش. نور تقعد في الأرض بتعيط. محمد وعمر يدخلوا يفصلوا بين علي وحسام. علي سبني يا عمر. سبني أموته. سبني. عمر ما يستاهلش والله ما يستاهل. لو كان يستاهل كنت موته قبلك. أماني غوروا من حياتنا. داهية تاخدكم. محمد عملت إيه المرادي كمان؟ عملت إيه يا حسام؟ علي دفنها عايشة. دفنها عايشة. الواطي الدون. أماني

وكان المفروض يدفنك معاها يا ربايّة الشوارع. أنا هفضحكم في كل حتة. نور تشد الورقة من إيد أمها. ويتخانقوا. تتقطع الورقة بينهم. ونور تفضل تشد من إيد أمها أي قطعة تمسكها لحد ما تتفتفت خالص. أماني ضيعتي حق أخوكي يا متخلفة. نور ماليش أخ. وأقولك حاجة كمان. ماليش أم. وماليش زوج. وماليش حد. محمد نور. نور ولا حتى ابن. نور تعيط وتقعد في الأرض مكانها. عمر علي حبك بجد. نور

أنا دلوقتي بس فهمت حكمة ربنا إن العيال تموت عشان ما فيش حاجة تربطني بيك عشان ما أتعذبش عذاب ندى في إني أعيش غصب عني مع واحد... حسبي الله ونعم الوكيل فيكوا كلكم. حسبي الله ونعم الوكيل. نور تتسند وتقوم. نور من النهاردة مش عاوزة حد فيكم في حياتي. أنا هروح المستشفى تاني وهقول للدكتور كل حاجة. أماني اللي بتبيعي أخوكي عشانها أول ما هتخرج هتبيعك وتتجوز جوزك يا خايبة. نور يبقى رجعت كل حاجة لأصلها. محمد أنا مش فاهم حاجة. نور

وإنت حضرتك كنت عاوز تفهم إيه؟ صوتنا ما كانش واصل تحت. بس حضرتك كالعادة اخترت الحل السهل إنك تكون سلبي. محمد نور. نور حتى لو عرفت. حتى لو فهمت. مش هتعمل حاجة. مش هتعمل أي حاجة. على العموم أديك عرفت ابنك دفن ندى عايشة وجننها. وريني بقي حضرتك هتعمل إيه. وريني هتقدر تعمل إيه. نور تعدي من وسطهم والكل بيبص لبعضه. علي يجري وراها يدخل الأوضة. أماني تحاول تحصلهم. محمد يمنعها. أماني ما تلمسنيش. محمد

مش هموت عليك يعني. بس من حقي أحمي بنتي من لسانك وسمك. أماني الحيوان ده يبقى عشيق ندى. محمد عمري ما أصدق. أماني عشان قطعت اعتراف ندى عشان بنتك. قطعت اعتراف ندى. حسام كتبته غصب عنها. كان لازم آمن نفسي. خليتها تكتبه عشان أضمن إنها لا تحكي ولا تبلغ. محمد ابن أمك. يلا ابن أمك بصحيح. حسام ما أنا لو كنت لقيت لي أب كنت بقيت ابنهم. محمد يضرب حسام بالقلم. محمد حسبي الله ونعم الوكيل فيك. حسبي الله ونعم الوكيل فيك.

محمد يروح أوضة نور يلاقيها بتلبس بلوزة تانية. علي بس أنا مش هطلق يا نور. نور هخلعك يا علي. هخلعك. اوعى تعيش دور الضحية عليا. انت ممكن تكون ضحية حسام. لكن انت الجاني بالنسبالي. علي ما ظلمتكيش. نور استغلتني. علي حبيتك واتقيت ربنا فيكي. نور ما حضنتهاش يعني؟ علي كانت لحظة ضعف. كنت منهار ومش في وعيي. غلطت. بس... نور

طلقني يا علي. إنهيها بالمعروف وكفاية بقي. لو ربنا كرمني وقدرت أساعدها. لو حبيتوا بعد كدا أنا مش هقف في طريقكم تاني. نور الدموع تنزل من عينها. نور لو جوازك منها هيساعدها. هجوزهالك. وحسام مش هيقف في طريقكم. أنا همنعه. وإن ما قدرتش هقتله. وحبيبة هتبقى معاكم. بس أنا مش هينفع أبقى في الصورة دي. خرجني منها عشان أنا خلاص ما عدتش قادرة أستحمل. يا علي تعبت أوي وجبت آخري. طلقني وانساني. علي مش هقدر. نور يبقى هخلعك. عن إذنكم.

محمد رايحة فين؟ نور المستشفى لندى. محمد أنا جاي معاكي. محمد يمشي مع نور. عمر يدخل. عمر تعالى ننزل عمو مصطفى تحت. شكله تعبان أوى جوه. وربنا وحده العالم بيه. تعال ننزل تحت ونبعد عن الشقة دي باللي فيها. علي يبص لعمر. علي أنا خسرت كل حاجة يا عمر. عمر لو كان لك نصيب فيها ما كانتش ضاعت. لعله خير. علي تعالى أساعدك تنزله. وهروح أبص على ندى. أنا كمان. عمر بلاش يا علي. علي مش بالبساطة دي يا عمر. مش هينفع بالبساطة دي. عمر

تمام. تعالى ننزلّه. وهاجي معاك. علي يعز راسه ويطلعوا بره. *** في المطبخ. أماني أنا مش قادرة أصدق. مش قادرة أصدق. أبوك واختك اتجننوا خالص. اتجننوا على الآخر. حسام قاعد في الأرض يعيط. أماني ما معاكي ورقة تانية من الورقة دي؟ حسام يبصلها ومصدوم. أماني إنت لازم تحمي نفسك بأي شكل. إنت ممكن تتحبس يا حسام. دول اتفقوا عليك. باعوك عشان خاطرها. لازم تحمي نفسك بأي حاجة. قولي لو شايل منها نسخة تانية. قولي مكانها وأنا أجري أجيبها.

حسام أنا اللي أجبرتها على كتابتها. أماني ما تولع دي خاينة. ما اتربتش. دي مش بس هتحبسك لو اتكلمت. دي هتحرمك من بنتك وتديها للكلب علي ده يربيها بدالك. أكيد شايل حاجة كدا ولا كدا. حسام إنتي بتتكلمي جد؟ أماني إنت ابني ومن حقي دافع عنك. زي ما حبيبة بنتك. ولازم تدافع عنها. ما ينفعش تسيبيها لواحدة مجنونة زي دي تربيها. حسام في... في خزنة الصيدلية. كتاب صغير. هو مش كتاب ده خزنة صغيرة.

حسام يطلع مفاتيحه ويدي لأماني مفتاحين صغيرين. حسام مفتاح الخزنة ومفتاح الكتاب. أماني حالا هاخد أي عربية تنزلني مصر وأجبلك الورقة دي وأطلع بيها على القسم. لازم نتصرف قبلهم. لازم نمنعهم. حسام ماشي. بس ما تتأخريش. أماني مش عاوزاك تقلق. اهدى كده وفكر. وإن شاء الله ربنا هينصرك عليهم. أماني تبوس راس حسام وتمشي. ثواني ويسمع صوت الباب بيتقفل. يقوم ويتمشى في الشقة. حسام خلصت على كده يا حسام؟ ...

مفيش حاجة خلصت. مش هتيجي دلوقتي وتستسلم؟ مش بعد التعب ده كله؟ لا نور هتسامحك. ولا هتقدر تقف قدامهم. ما عادش حد معاك. بس محدش فيهم قدّي. أنا أقدر. هتحارب مين؟ وعشان إيه؟ عشان ندى... وهي فين ندى؟ دا حتى أختك وأبوك... ومن امتى أبويا كان له موقف؟ يطلع يطلع وينزل على ما فيش. دا ما اتفاجئش. كانه كان عارف أو كان متوقع. طب ما ها ما عملش حاجة برضه. ومن امتى عمل؟ بس نور...

نور أختي عمرها ما هتأذيني. بس عمرها ما هتسامحني. وأنا مالي؟ أنا حاولت. وندى عمرها ما هتسامحني. هعوضها. امتى وإزاي؟ دي محجوزة في المستشفى. هتخرج. أكيد هتخرج. إنت بجد ناوي تكمل؟ و عمري ما هستسلم. عمري ما هتخلي عن حبي. حسام يقف قدام المراية. حسام

عمرها ما حبتك. حبتني وما حبتش حد غيري. كانت بتصرخ بحبك يا حسام طول الوقت. من خوفها منك. كفايا كدب بقى. كدبت على كل الناس. حتى نفسك. أنا ما كدبتش. أنا حبيتها. إنت ما حبيتش غير نفسك. وهو أنا ما أتحبش؟ بص حواليك وانت تعرف. إنت مفيش حد طايقك أصلاً. إنجي كانت بتحبني. أمي بتحبني. اروى حبتني. وسبت مين فيهم من غير ما أأذيها وأستغلها؟ أنا عمري ما أذيت أمي ولا استغليتها. طب ونور...

هي اللي صممت. أنا ما عملتش حاجة. في حد هم اللي أذوني. هم اللي استغلوني. نور استغلتني. كل اللي كانت بتطلبه كنت بعملهولها. وماما وأروى وكلهم استغلوني. كلهم كانوا بيكرهوا ندى. كلهم كانوا بيأذوها. أنا ما أذيتش حد. وأية وعمر وعلي... أنا كنت بحارب عشان حبي. وفين حبك؟ أخدوه مني. أخدوا ندى مني. أخدوا روحي مني. حسام يقعد على الأرض يعيط. حسام أنا عملت كل ده عشانها. هم عملوا إيه؟ بيزايدوا على حبي ليها ليه؟ عملولها إيه؟

أنا اللي تعبت واتغربت واتشقيّت. بوست الجزم واتمرمطت. هم عملوا إيه؟ عاوزين فلوس يا حسام. عاوزين هدايا يا حسام. وفي الآخر إنت وحش يا حسام. حسام الشيطان. وهم الملايكة. هم بيحبوها بإمارة إيه؟ مين دفع علاج أبوها؟ مين فسحها ولبسها دهب وبراندات؟ مين غيري اهتم بيها؟ مين حبها قدي؟ أبوها نفسه كان كل همه الفلوس. لكن أنا... أنا كان كل همي ندى. وراحت فين ندى دلوقتي؟ راحت فين وسابتني؟ راحت وسابتني. حسام يعيط أكتر وفجأة يرفع راسه.

حسام ندى ما راحتش ومش هتروح. مش هسمحلها تروح. مش هسمحلهم ياخدوها مني. مش هيحرموني منها. مش هيقدروا يحرموني منها. حسام يقوم ويعدل هدومه ويروح الحمام يغسل وشه ويبص لنفسه في المراية. حسام هتروح تكمل عليها... هروح أرجعها...

هحارب لآخر نفس فيا عشان أرجعها. مش هيدوهالك. ولو نور حكتلهم أول ما هيشوفوك هيقبضوا عليك. مش هيقدروا. مفيش سجن في الدنيا هيمنعني عن ندى. مفيش حد هيقدر. ندى بتاعتي أنا. ومش هقعد أعيط هنا وأسيبها تروح مني. ما راحت خلاص. ولا صدقت كدبك على أمك لما قلت إن فيه ورق في الخزنة. لا. فوق. إنت قلت كده عشان ما كنتش طايق تبص لها. بتكره ندى وبتأذيها وبتتكلم عنها وحش. وأنا مش بستحمل أي حد يتكلم عن ندى أو يزعلها. ما حدش يزعل ندى. ما حدش يزعل حبيبتي. ما حدش يحرمني منها. ما حدش يقدر يحرمني منها.

حسام يطلع علبة المهدئ من جيبه وياخد حباية. حسام أنا جوزها. وأنا الوحيد اللي أقول تتعالج أو ما تتعالجش. أنا الوحيد. حسام يمسك الفرشة ويسرح شعره ويعدل هدومه. حسام هروح آخدها ونهرب أنا وهي وبس. وهعالجها. ولما تخف هنرجع نجيب حبيبة. أنا معايا فلوس كتير. معايا فلوس تعيشنا ملوك في أي حتة نختارها. هروح آخدها ونبعد. نبعد عن كل اللي بيأذوها. هحميها من الدنيا. مش هسمح لحد يلمسها. بس الأول لازم أهدى. لازم أهدى.

حسام يفتح العلبة وياخد حباية تانية. حسام اهدّي عشان تعرف تفكر وترتب كلامك. اهدّي خالص. اهدّي. *** حسام يبص لنفسه في المراية ويمشي. *** في المستشفى. نور حضرتك هتطلب البوليس؟ الدكتور قاعد ساكت وبيخبط بالقلم على الترابيزة. الدكتور حضرتك رأيك إيه؟ نور حضرتك قولتلي إن فيه قسم وشرف مهنة وكل الحاجات دي. وده أخويا. الدكتور ما يستاهلش العقاب يعني؟ نور أنا كل اللي يهمني هو إن ندى تخف. الدكتور

وتفتكري حضرتك إن واحد عمل كل ده إيه هيخليه يبطل؟ إيه أصلاً هيخليها تخف وهي عارفة إنها بمجرد ما تخرج من هنا مش هترجع تعيش نفس المعاناة تاني؟ نور مش هيحصل. هيطلقها. الدكتور أنا والله مقدر موقفك وإنه أخوكي. بس اللي عمله جريمة شروع في قتل. وأنا هنا بتكلم عن الجزء بتاع الدفن بس. لكن لو جبنا من الأول فـ أنا مش شاطر في القانون. بس أكيد فيه بلاوي. نور تبص في الأرض وترجع تبصلها. نور طب ما ينفعش تسألها؟ الدكتور

هههههههه. أسألها؟ أسأل مين؟ ندى فاقدة الأهلية ومش مسؤولة عن أي قرار. ندى عمالة تصرخ وتنادي على حسام جوزها وبتقوله "روحني. أنا بحبك. ما تحرمنيش من حبيبة. أنا بحبك. أنا بحبك". وطبعاً دلوقتي كلنا بقينا فاهمين هي بتصرخ بالشكل ده ليه. لأن المسكينة متخيلة إنه بيعاقبها وبيحرمها من بنته. نور طب ممكن أتكلم معاها؟ ممكن أشوفها؟ أرجوك. الدكتور أكيد تقدري.

الدكتور يقوم ونور ماشية وراه. يطلعوا بره. محمد وعلي وعمر يقوموا يقفوا. نور تبصلهم وتمشي ورا الدكتور. يبصوا لبعض ويقعدوا تاني. حسام يدخل. التلاتة يقفوا. يعدي ما يسلمش على حد. عمر هو ليه عين يجي هنا؟ علي يروح ورا حسام ومحمد يجري وراهم هو وعمر. علي يوقف حسام. علي انت بتعمل إيه هنا؟ حسام طب اللي جوه دي مراتي. إنت هنا بقي بصفة إيه؟ أمك إيه؟ علي يجي يضرب حسام. محمد يحوش. محمد إحنا في مستشفى. اطلعوا اتخانقوا بره. حسام

هطلع. هاخد مراتي وهمشي. علي تاخدها فين؟ إنت اتجننت ولا فاكرها سايبة؟ هو فيه إيه؟ سكتنا له. دخل بحماره. ولا إيه؟ حسام أنا جوزها. وأنا الوحيد اللي ليا القرار. سواء تتعالج أو لا. عاجبك عاجبك. مش عاجبك اخبط راسك في الحيط. تمرجي يعدي. تمرجي الصوت يا أساتذة. الكل يبصله. حسام يعدل هدومه. علي اسمع بقي. لو فكرت. بس فكرت. قسماً بالله... حسام أنا ما بفكرش. أنا بنفذ. حسام يخبط على مكتب ويدخل. حسام

حسام زغلول. زوج ندى مصطفى زغلول. لو سمحت كنت عاوز أقفل حسابه. محمد هو فيه إيه يا حسام؟ هو مفيش احترام لحد خالص كده؟ حسام وياريت تكتبولها خروج. هنقلها مصحة خاصة في مصر. علي يشد حسام بره. علي إحنا غلطنا لما سكتنا لك وما طلعناش على القسم. حسام دكر. اثبت. وندى بنفسها هتطلب تيجي معايا. تحب تشوف؟ علي هقتلك يا حسام. هقتلك. حسام اللي بيعمل ما بيقولش. هو مفيش أمن هنا ولا إيه؟ يا أمن. يا أمن.

الأمن يدخل ويشدوا محمد وعلي بره. وحسام يقعد على المكتب مع الموظف. *** في أوضة ندى. ندى عشان خاطري يا نور. ما تسيبينيش هنا. لو بتحبيني. ما تحرمينيش من بنتي. نور إنتي هنا عشان تخفي. ندى أنا مش عيانة. أنا كويسة. أنا هتعب بعيد عن بنتي. هتعب. هموت يا نور. رجعيني لبنتي يا نور. كلمي حسام. قوليله إني بحبه. قوليله هعمل كل اللي يقول لي عليه. قوليله يسامحني. قوليله يرجعني لبنتي. أبوس إيدك. أنا بحبك يا نور. نور

أنا عرفت كل حاجة يا ندى. عرفت اللي حسام عمله. اخفي وأنا هطلقك منه. ولو عاوزة تتجوزي علي... ندى لا لا. علي لا. أنا بحب حسام. أنا عاوزة أروح لبنتي. أنا بحب حسام. أنا بحب حسام أوي. أنا بحب حسام بس. بحب حسام بس يا نور. الدكتور مش عاوزة تسأليها؟ تحب تبلغ عن حسام ولا لأ؟ نور تبص للدكتور وتبص لندى. الدكتور معلش يا مدام ندى. ممكن تحكيلنا اللي حصل يوم ما وصلتوا مدام نور المطار؟ ندى

ما حصلش حاجة. ما حصلش حاجة أبداً. دي الأدوية. أيوه هي الأدوية. أصل أنا أخدت أدوية وصرفت ميه. صح يا نور؟ مش أنا خدت أدوية عشان الحساسية؟ مش أنا عندي حساسية يا نور؟ أنا عندي حساسية يا دكتور. أنا بحب حسام والله. خرجوني من هنا بقى. أنا عاوزة أروح لبنتي. الدكتور تحبي تخرجي لبنتك وتروحي مع حسام؟ ولا نجيب حبيبة هنا بعيد عن حسام؟ ندى تبص للدكتور وتبص لنور. ندى

لا لا. أنا أروح لحسام. أنا ما أبعدش عن حسام. أنا بحب حسام. وما أقدرش أبعد. قوليله يا نور. كلميه. هو بيحبني. وأول ما هيسمع صوتي هيجي جري ياخدني من هنا. كلميه عشان خاطري. كلميه. الدكتور مدام ندى... إحنا هنروح نكلمه. وحضرتك ارتاحي هنا لحد ما نرجع. تمام؟ ندى لا. نور استني. ما تسبينيش. نور هو حد بيعاملك وحش؟ هنلاقي؟ ندى أنا عاوزة أروح لحبيبة. أنا ما ليش غيرها. ندى تعيط. نور تحضنها. الدكتور

على فكرة حضرتك كده بتعطلينا إننا نتصل بأستاذ حسام. ندى تبص له وتبص لنور. ندى هتاخديني من هنا صح؟ نور هاخدك إن شاء الله. هاخدك. *** في شقة عمر. أية قاعدة في أوضتها بتعيط. ومنال قاعدة جنبها. ليلى تدخل شايلة كوبايات ليمون. ليلى ممكن أدخل؟ منال تقوم تاخد منها الصينية. ليلى هو إيه اللي بيحصل يا منال؟ إنتي منعتيني أطلع أشوف فيه إيه. بس... أنا عارفة إن فيه حاجة كبيرة. أية حاجة واحدة بس. منال أية. أية

ابنك ما حبش غير بنت واحدة اسمها ندى. وعشان فقير طردوه. وجوزوها حسام الكلب ده غصب. وعمل فيها اللي ما يتعمل. واطلقت. وعشان يردها ركب كاميرا في أوضتي وفضحني. وهددها يحرمها من بنتها. ورجعتله وعذبها وبهدلها. وفي الآخر رماها في مستشفى المجانين زي ما إنتي شايفة. ليلى تبص لمنال. ليلى لو علي بيحب ندى. ما لقاش غير نور يتجوزها؟ منال علي بيحب نور وهي بتحبه. أية

نور ما تعرفش حاجة. ولو عرفت نور طول الوقت في صف أخوها. ربنا ينتقم منه. ليلى وإيه اللي هيحصل دلوقتي؟ أية ما عادش يفرق معايا أعرف. منال إن شاء خير. أية مفيش خير. مفيش خير طول ما ابن الجزمة ده عايش. عادي. ولا كأنه دمرنا كلنا. بصي كده لبيرين. بصيلها. تقدري تقولي لي هقولها إيه لو جاتلي يوم وتقولي صوري يا ماما مع صحابي؟ هرفع عيني في عينها إزاي؟ منال إن شاء الله مش هيحصل. إنتي ما عملتيش حاجة غلط. أية

عارفة. بس هم مش فارق معاهم. بيغلطوا وبيلوموني. ليلى أنا مش فاهمة قوي. بس حاسة بيكي. سبيها على الله. وما تبصيش وراكي. محدش بياخد أكتر من نصيبه. أية ونعم بالله. ونعم بالله. *** في المستشفى. الدكتور على جثتي. هي سايبة ولا إيه؟ حسام أنا حر. أعالج مراتي في المكان اللي يعجبني. وده حقي بالقانون. يا دكتور. الدكتور اتفضلي يا مدام. أخوكي اللي مش عاوزة تبلغي عنه؟ نور وأنا مش هسكت. ومش هسمح لك تقرب منها. حسام

هاخدها بالقانون. وغصب عن عين الكل. نور تمام يا حسام. وأنا كمان هروح للقانون. هاخد أبوك وعلي ونطلع على القسم ونقولهم إنت عملت إيه. حسام كلام فارغ. ومالوش أي أساس من الصحة. المحكمة بتحتاج أدلة يا نور. وأنا ما عملتش أي حاجة من الهبل ده. نور إنت إزاي حيوان كده؟ إزاي طلعت بالندالة دي؟ حسام أنا معايا إذن خروج لندى. وهاخدها حالا. الدكتور وأنا الدكتور المسؤول. ومش هسمح لك. حسام

إنت إنسان غريب جداً. إنتوا مش مضيتوني إقرار استلمها على مسؤوليتي. عاوزين إيه تاني؟ محمد وعلي وعمر يدخلوا. حسام إنتوا دخلتوا تاني إزاي؟ هو مش الأمن خرجكم بره؟ هي إيه المستشفى العجيبة دي؟ فين مدير المخروبة دي؟ فين المدير هنا؟ فين المدير؟ الدكتور اطلبولي الأمن وطلعولي الجدع ده بره. حسام ما تلعبش بالنار يا دكتور. إنت عارف كويس إني هاخدها يعني هاخدها. بالذوق بالعافية. هاخدها. الدكتور

اعمل اللي تعمله. ويا أنا يا إنت هنا النهاردة. نور اطلع بره يا حسام. اطلع بره. حرام عليك بقى. اطلع بره. هتعمل فيها إيه أكتر من كده؟ ما تسيبها تتعالج بقى. سيبها ترجع لبنتها. حرام عليك. حسام إنتي بتكلميني كده ليه؟

أنا ما عملتلهاش حاجة. أنا عملتلها كل حاجة. أنا عملت عشانها المستحيل. أنا حتى مشروعها الوهمي. إنتي عارفة كويس إني أنا اللي كنت بشتري منها وكنت ببعتلك الفلوس تبعتيها لها. دا إحنا طبخينها سوا. إنتي عارفة أنا بحبها قد إيه. الدكتور لو بتحبها يبقى سيبها تتعالج. من فضلك. دي مستشفى. الأمن يدخل. حسام يبصلهم. حسام هي كده. تمام. تمام. حسام يعدل هدومه ويمشي. الدكتور هياخدها يا مدام؟ أنا بس حبيت أبلغك. والقرار ليكوا دلوقتي.

نور تبص لمحمد. نور لازم نتحرك إحنا كمان. لازم نروح القسم ونبلغ عنه. حسام اتجنن. وما حدش هيقدر يوقفه. يا بابا. هيعمل فيها إيه أكتر من كده؟ محمد أنا هطلع على القسم. وإنتي خليكي جنبها. وربنا يعمل اللي فيه الخير. علي أنا هخليني مع نور. يمكن يرجع. خليك إنت مع عمي يا عمر. نور وعلي يبصوا لبعض. نور تبص الناحية التانية. عمر يلا يا عمي. بلاش نضيع وقت. يلا. عمر ومحمد يمشوا. الدكتور هستأذنكم. دي مستشفى. نور

إحنا في الاستقبال تحت. أي حاجة ناديني. الدكتور يهز راسه. نور تمشي وعلي وراها. والصمت سيد الموقف. *** بره المستشفى. حسام يركب العربية وهو متعصب على الآخر. يفتح العلبة وياخد حبايتين. حسام والله لأوريكوا يا ولاد الكلب. والله لأخد حقي منكوا. دي مراتي. مش هتقدروا تمنعوني عنها. يا ولاد الكلب. القانون في صفي. القانون في صفي يا ولاد الكلب. حسام يسوق ويوقف حد. حسام بعد إذنك. أقرب قسم شرطة من هنا فين؟ الراجل

مش عارف والله. بس بيتهيألي... حسام يسيب الراجل ويمشي وهو بيلعب في الموبايل على جوجل ماب وهو سايق. حسام لقيته اهو. تمام. تمام. *** في مصر. أماني تنزل من تاكسي. أماني استناني دقيقة هنا. هترجعني تاني. السواق تمام. تحت أمرك. أماني تدخل الصيدلية. الشاب واقف مصدوم. تحاول تفتح الخزنة. ما بتفتحش. الشاب أساعد حضرتك. أماني المفتاح معصلج. مش راضي يفتح. الشاب يفتحهالها بمفتاحه. الشاب المفتاح غلط أصلاً. هو فيه حاجة؟

أماني تقلب في الخزنة. أماني امال فين الكتاب اللي هنا؟ الشاب كتاب إيه بس يا أستاذة؟ مفيش هنا غير ورق الصيدلية. الفلوس في درج الكاشير. افتحهولك. أماني لا. حسام قايل لي فيه كتاب هنا. خزنة صغيرة هنا. المفروض فيها ورق مهم. الشاب كتاب إيه بس؟ والله أبداً. طب كلميه يمكن يقصد خزنة تانية. كلميه اتأكدي. أماني تطلع التليفون وتتصل. غير متاح. أماني ما أنا مش هرجع إسكندرية يعني وأفضل واخدة الطريق قياسه دور تاني. الشاب

أكيد يقصد خزنة تانية. بدليل إن المفتاح ما بيفتحش من أساسه.