رواية سلمى الفصل الحادي عشر 11 - بقلم هنا حسين

جرس الباب رن. طلعت مامة منار تفتح، ومنار قامت دخلت جوا علشان مكنتش لابسة الخمار. دخلت منار وخدت سلمى معاها. مامة منار فتحت لقت شهاب جاي معاه مامته وباباه. مامة منار: أهلاً، إيه المفاجأة الحلوة دي؟ اتفضلوا. وسلمت على والدة شهاب ودخلوا قعدوا. مامة منار: مجلبتوش روناء ليه؟ والد شهاب: روناء عندها مذاكرة، المرة الجاية بقى إن شاء الله. اومال فين أبو منار؟ مامة منار: تحت، هرن عليه أهو.

رنت عليه وقالتله إنهم موجودين، ودخلت تقدملهم حاجة يشربوها. طلع والد منار. والد منار: السلام عليكم. كلهم: وعليكم السلام ورحمة الله وبركاته. والد منار: عاش مين شافكوا، ولا نسيتونا بقى؟ والد شهاب: هو إحنا نقدر برده؟ وسلم عليه وقعد. جوا عند منار سمعتهم وعرفت مين بره. منار: غريبة، أول مرة يجوا كلهم من وقت ما غيروا البيت. سلمى: ده أكيد جاي علشان... منار: علشان إيه؟ سلمى:

أصل شهاب جه عندنا بعد ما طلع من الكلية وقال لإبراهيم إنه عايز يخطبكم. منار: آآآآه، قولولي كده بقى، علشان كده كنتي عمالة تسألي رأيك فيه إيه. سلمى: بالظبط. منار: طب مين خالد اللي انتي كنتي بتتكلمي عنه ده؟ سلمى: ده صاحب إبراهيم وعايز يخطبك برده، بس على فكرة خالد أحلى من شهاب، اسمعي مني. منار: يا ستي، هو أنا أعرف خالد ده ولا عمري شفته. سلمى: لأ، انتي شوفتيه في... قطع كلامهم مامة منار دخلت عليهم. مامة منار:

منار، تعرفي شهاب جاي ليه؟ منار: ليه يا ماما؟ مامة منار: عايز يتقدملك. سلمى: شفتي، مش قولتلكم. مامة منار: وانتي عرفتي منين يا سلمى؟ منار: أصلو جه لإبراهيم بالنهار وقالهم. مامة منار: على العموم، باباكِ قالهم هقولها وأرد عليكوا. وسابتهم وطلعت. بره كان ماشيين. والد منار: انتوا مستعجلين ليه؟ ملحقناش نقعد مع بعض. والد شهاب: الجايات أكتر إن شاء الله. وسلموا عليهم ومشوا. طلعت منار وسلمى. والد منار: إيه رأيك يا منار؟

أنا رأيي إن شهاب كويس ومحترم ونعرفه من زمان. منار: بص، هصلي استخارة وأقولكوا. والد منار: ماشي، اللي تشوفيه. منار: تعالي يا سلمى كده. ودخلت أوضتها وخدت سلمى. منار: قوليلي بقى مين خالد ده كمان وشافني فين؟ سلمى: شافك مرة وانتي عندنا تحت، والمرة التانية في فرح نور. منار: مش فكراه. سلمى: بس هو أحسن من شهاب. منار: أقولك أنا، هرفض خالد وأرفض شهاب، ارتاحتي؟ سلمى: أيوه، ارفضي شهاب، مترفضييش خالد. منار:

إيه يا سلمى، هو دافعلك رشوة ولا حاجة؟ سلمى: تؤ تؤ، بس هو أحلى. منار: أما أبقى أشوفه، وقتها أقرر. سلمى: طب أنا هنزل بقى. منار: خليكي قاعدة كمان شوية. سلمى: هبقى أطلعلك تاني. نزلت سلمى. أول ما دخلت: سلمى: ماما، يا ماماااااااا. مامة سلمى: إيه يا سلمى؟ سلمى: تعرفي مين كان فوق؟ مامة سلمى: مين؟ سلمى: شهاب ومامته وباباه. إبراهيم: ده أكيد جاي يكلم عمي في الموضوع. سلمى: أيوه، أيوه، بس منار قالت لسه هتفكر. مامة سلمى:

ربنا يقدم اللي فيه الخير. ودخلت المطبخ. إبراهيم: انتي يا بت، قوليلى، قولتي إيه لمنار؟ سلمى: مقولتش حاجة، هقول إيه يعني. إبراهيم: بجد والله، يعني مطلعتيش خالد ملاك علشان تقبليه وترفضي شهاب، صح؟ سلمى: إحنا قولنا إيه؟ كل واحد في حاله. إبراهيم: ماشي، أما تاخدي على دماغك تاني متبقيش تدخليلي بقى. سلمى: روح انت بس ذاكر، شوف الجثث اللي جايبالنا رعب بيهم، روح اتطمن عليها، تكون صحيت. سلمى دخلت أوضتها ومسكت الفون تكلم شهد.

سلمى: بت يا شهد. شهد: إيش؟ سلمى: شوفتي اللي حصل؟ شهد: إيه يا ستي، عملتي إيه المرة دي؟ سلمى: بصي، مش هكتب كل ده، هعملك ريكورد. شهد: أوك. بدأت سلمى تحكي اللي حصل في ريكورد. شهد: وانتي محرمتيش؟ سلمى: بس يا بت اسكتي. شهد: طيب، أشوفك بكرة في الدرس. إبراهيم كان قاعد بره. جاتله رسالة من شهاب. شهاب: إبراهيم. إبراهيم: وات؟ شهاب: أنا كنت عند عمك من شوية أنا وبابا وماما. إبراهيم: وعمي قال إيه؟ شهاب: قال هيقول لمنار.

قولك هبقى أجيلك بكرة بعد الكلية، انت هتخلص إمتى؟ إبراهيم: هخلص الساعة اتنين. شهاب: تمام، استناني بكرة. تانى يوم. إبراهيم نزل راح الكلية وخلص محاضرات ومستني شهاب. كان خالد بيدور على إبراهيم لأنه مشافوش في المحاضرة. خالد شافه في الكافيه راح قعد جنبه. خالد: إيه، مشوفتكش في المحاضرة. إبراهيم: كنت ورا، أنا اللي مشوفتكش. خالد: طب بقولك... قطع كلامهم شهاب. شهاب: أنا جييييت. إبراهيم: يا هلا. وعرف خالد على شهاب.

شهاب قعد جنبهم وسلم على خالد. خالد: بقولك، انت عملتلي إيه في موضوع منار؟ شهاب: منار مين؟