رواية سلسبيل قلبي الفصل الخامس 5 - بقلم نورا

ريتاج بحزن: مفيش ي لينا أنا مخنوقة شويه بس. لينا: احكيلي مخنوقة من إيه مش أنا صاحبتك برضه؟ ريتاج: أيوة طبعاً صحبتي وأختي كمان. لينا بحنان: طيب يلا احكيلي مالك. تنهدت ريتاج وقالت: صالح. لينا بحزن: تاني ي ريتاج يبنتي ارحمي نفسك حرام عليكي. هو مش شايفك واتجوز، يبقي ليه تعلقي نفسك في أمل إنتي عارفة إنه مستحيل. ريتاج بدموع: مش قادرة أنساه ي لينا. كل ما أشوفه قلبي غصب عني بيدق جامد كأنه عايز يطلع ويصرخ بأعلى صوت إنه بيحبه.

لينا بحزن على صديقتها: اهدي ي قلبي ومتعمليش في نفسك كده. كل واحد ليه نصيبه في الدنيا واللي مكتوب ليكي لو إيه حصل هيبقي ليكي بس إنتي خلي إيمانك بربنا كبير ويعوضك أحلى عوض. ريتاج ببكاء: أنا معتش قادرة ي لينا. قلبي كل يوم فيه نار بتقيد فيه. لما بشوفه غصب عني. مش عارفة أعمل إيه. وقعدت تعيط. لينا قامت من مكانها وقعدت جنبها وخدتها في حضنها وقالت: متعيطيش أرجوكي. أنا جنبك وهنعدي الموضوع ده سوا. ماشي؟

بطلي عياط بقا. وليكي ياستي هعزمك على عزومة ملوكي. ريتاج بضحك وهي بتمسح دموعها: إنتي برضه اللي هتعزميني؟ والله اتغيرتي ي دنيا. لينا: مش هعزمك أوي يعني. ريتاج: ههههههه. الدكتور: هو معندوش حساسية من حاجة. أحمد: اومال إيه اللي حصل؟ الدكتور: مش عارف بجد. دي أول مرة أشوف حالة كده. زين باستغراب: الله. اومال في إيه؟ يكونش روحك زهقت منك وعايزة تطفش منك ي سفيان. معتصم: ههههههه. نظر لهم سفيان بغيظ وتوعد.

الدكتور بعملية: متخافوش. هو هيبقي كويس. أنا هديله حقنة تخفف الحكة اللي عنده دي وإن شاء الله بكرة هيكون كويس. زين بسخرية: حكة إيه ي دكتور؟ دا عامل شكل الجربان أهو. إنت مش شايف. سفيان بغضب: أنا جربان ي معفن. متنقي ألفاظك ي حيوان إنت. زين: ياعم اتنيل. إنت في إيه ولا في إيه. دخلت عائشة وسلسبيل. عائشة بقلق: ماله ي دكتور؟ إيه اللي حصل؟

الدكتور: متخافيش ي مدام. هو معندوش حساسية من حاجة. أنا هديله دوا وإن شاء الله هيكون كويس. عن إذنكم. ومشى. سلسبيل بحزن مصطنع: تؤ تؤ تؤ تؤ. يحرام. ي عيني عليك ي جوزي ي حبيبي. صابتك عين. وقربت منه. كانت إيده جنبه اللي كانت مولعة من الحساسية اللي في جسمه ومكنش طايق حد يلمسها لمسة واحدة. وقعدت عليها كلها بقصد. سفيان كتم صرخة الألم جواه ونظر إلى سلسبيل اللي كانت بتبصله بابتسامة ماكرة. وبصلها بغضب. سفيان

بغضب وألم في صوته بهمس: قومي ياللي قامت عليكي حيطة. إيدي مرمية تحتك. كتمت سلسبيل ضحكتها بالعافية وقالت بابتسامة مستفزة: عارفة. سفيان بغضب: قومي ياللي قامت قيامتك. إيدي مولعة تحتك. نظرت له بخبث وقالت بصوت عالي وهي بتوجه كلامها لأحمد: سلسبيل بخبث وخوف مصطنع: عمي سيفو حالته مش كويسة خالص. زين بغباء: سيفو مين؟ سلسبيل وهي بتشاور على سفيان ببراءة مصطنعة اللي كان بيبصلها بصدمة: معتصم: سيفو ههههههه. سفيان بقى سيفو ههههه.

نظر له سفيان بغضب فسكت الآخر. قامت سلسبيل من على إيده. أول ما قامت سفيان قعد ينفخ في إيده جامد. سلسبيل: عمي أحمد الدكتور ده مش بيفهم في حاجة. والدوا ده هيتعبوا أكتر. أه والله. اسمع مني أنا معايا حقنة اسمها ***** دي جميلة خالص وهتريحه صدقني. وبكرة هيقوم زي البغل.. أقصد السبع. سفيان بفزع: حقن.. حقن إيه دي؟ لا أنا بقيت كويس خالص. أنا هستريح شوية وهكون كويس. مش محتاج حقن.

سلسبيل بسخرية: مش عيب عليك تكون طويل عريض وزي العمود وتخاف من حقنة؟ والله عيب عليك. نظر لها بغيظ كبير جداً وقال: حقن مش واخد حقن. واللي عندك أعمليه. نظرت سلسبيل إلى سفيان بحاجب مرفوع وابتسامة مكر كبيرة على وشها. سلسبيل لأحمد وزين: كده مفيش معانا غير حل واحد. نظروا لها فغمزت لهم ففهموا بسرعة. أحمد: إيه ده؟ سفيان المشاوي على آخر الزمن هيتكتف.