رواية سلسبيل قلبي الفصل الرابع 4 - بقلم نورا

سلسبيل بخبث في نفسها: انت لسه شوفت حاجة ي جوزي العزيز. اصبر كمان خمس دقايق كده. هههه. قاطعت تفكيرها ماري بخبث. ماري: ألا قوليلي ي سلسبيل، هو انتي اتجوزتي سفيان ليه؟ انتي لسه صغيرة. إيه اللي يخليكي تتجوزي دلوقتي؟ لا ومن غير فرح ومن سكات خالص ومحدش كان يعرف كمان. حتى سفيان مكنش عرفك. هههه. سفيان في نفسه: سلسبيل اسمها سلسبيل. نظرت لها سلسبيل ببرود وقالت: اقولك ومتزعليش. نظر الكل لها باهتمام. ماري بفضول: وانا هزعل ليه؟

قولي. سلسبيل أخذت طعمية وعملت سندوتش وقالت وهي بتاكل: بصي ي ماري. ماري وهي مركزة: ها. بصي. سلسبيل وهي بتاكل: ملكيش دعوة، دي حاجة تخصني. كتم الكل ضحكتهم بالعافية، حتى سفيان. قامت ماري من على السفرة بغيظ وراحت أوضتها. نظرت وفيقة إلى سلسبيل بغضب. سلسبيل خدت بالها من نظرتها، ابتسمت ببراءة مصطنعة وبعتتلها بوسة على الهوا وهي بترمش بعنيها كذا مرة. كانت بتعمل كل ده وهي مش واخدة بالها من اللي قاعد ومراقب تصرفاتها كلها.

سفيان في نفسه: وقعتي عليا منين بس ي مصيبة حياتي. بس فجأة حس إن جسمه فاير عليه وبياكله جامد. مجدي باستغراب: مالك ي سفيان؟ سفيان باستغراب وهو بيهرش: مش عارف في إيه. ابتسمت سلسبيل بخبث. عائشة: يالهووي، وشك بقى عامل كده ليه؟ قام سفيان بسرعة من على السفرة وطلع أوضته. وزين وأحمد ومعتصم طلعوا وراه. هندى مرات زين باستغراب: هو إيه اللي حصله ده؟ أول مرة تحصل معاه. عائشة بقلق: يمكن جاتله حساسية من حاجة. قومي شوفي جوزك ي سلسبيل.

سلسبيل: هاه.. مجدي بمقاطعة: أحمد وزين فوق معاه ي عائشة. ثم نظر إلى سلسبيل بنظرة فهمتها هي كويس وكمل: أكيد هيبقا كويس… سلسبيل خلصي أكل وتعالي المكتب، عاوزك في حاجة. أومأت له سلسبيل ومجدي يمشي. سلسبيل في نفسها: صغيرة على الهم ي لوزة. شكله جوجو بيه قفشني. ندي الصغيرة: طيب ي جماعة، أنا همشي أنا عشان ورايا درس. لينا: ماشي ي حبيبتي، خلي بالك من نفسك. أومأت لها ندي ومشت. هندى مرات زين خدت عائشة وطلعتها أوضتها ولينا خرجت.

سلسبيل قامت وراحت باتجاه المكتب وخبطت. مجدي من جوه: ادخل. دخلت سلسبيل وقالت بمرح: أبو الصحاب. كنت عايزني مش عايزني صح؟ طب سلام. مجدي بهدوء: تعالي ي سلسبيل اقعدي. قربت منه سلسبيل وقعدت. سلسبيل: ف.. في إيه ي جدو؟ مجدي بهدوء وهو بيرجع بيريح جسمه على الكرسي: انتي السبب في اللي حصل لسفيان، مش كده؟ سلسبيل بشهقة مصطنعة: هييه! اخص عليك ي جوجو، انت تعرف عني كده؟ مجدي برفع حاجب وابتسامة: قولي عملتي كده ليه ي مصيبة؟

تنهدت سلسبيل وقالت بحزن: أيوه أنا عملت كده. مجدي: ليه؟ سلسبيل بغضب: عشان أحرقله جسمه اللي فرحان بيه ده. اللي كل يوم في حضن واحدة ست. البيه جاي الصبح قميصه عليه روج. المفروض إني أعرف إنه اتنيل اتجوز، يبقى إيه؟ مجدي بابتسامة: إيه؟ سلسبيل بغيظ: يبقى يحترم نفسه ويحترمني. ولو مش هيحترمني هخليه يحترمني غصب عن عينه. ابن عيوشة المزهم.

مجدي: أنا واثق فيكي ي سلسبيل. ربيه على طريقتك، بس براحة شوية عليه. الواد هيفطس منك كده. هههههه. سلسبيل بضحك: هههههه. لا لا متخافش. امشي ورا سلسبيل بس وسيبهولي. عن إذنك أنا بقى ورايا أشغال. مجدي: ههههه. أشغال. روحي ي مصيبة روحي. سلسبيل: جوجو، هو يعني بابا اتصل؟ مجدي بحزن: لا. كسلت سلسبيل رأسها بحزن وطلعت. قابلت في طريقها ماري وهي نازلة من على السلم. عند سفيان. كان بيهرش بسرعة كبيرة ومش قادر.

سفيان بتعب: نار ي بابا نار في جسمي. أنا مش عارف إيه اللي حصل. أحمد: اطلب الدكتور ي زين، وضعه بيسوق. انت مش شايف وشه بقى عامل إزاي. ولا كأنه واخد علقة. نظر له سفيان بصدمة وزين انفجر كالعادة من الضحك. زين: ههههه. معاك حق يحج. علقة الصبح وعلقة بعد الفطار. يتري إيه اللي هيحصل تاني؟ ههههه.

سفيان بغيظ: اضحك اضحك ي بارد ي رخم. ما انت متدبستش في جوازة غصب عنك. ولسه هتشوفها. تلاقيها نازلة فوق نفوخك بالشبشب لحد ما جاب دم. ولسانها أطول منها. مبرد ي أخي. آآآه ي جسمي. فين الدكتور؟ زين: ههههههه. آآآه ياني مش قادر. خلاص. بصله سفيان بغيظ وقعد يهرش في جسمه. بصدمة: اتجوز إزاي؟ بسخرية: هو إيه اللي اتجوز؟ إزاي يعني؟ عريس وعروسة ومأذون وشهود. إيه اللي إزاي بقى؟ أنا مش مصدقة. انت شوفت مراته؟ أيوه. والصراحة...

"البت دي تجيبلي عنها كل تاريخها من أول متولدت. انت فاهم؟ وبسرعة." "حاضر ي هانم. النهارده بليل هيكون عندك كل حاجة. سلام بقى عشان الدكتور اللي طالبينه لسفيان بيه وصل." "هو سفيان ماله؟ "بيقولوا عنده حساسية." "طب اقفل واعمل اللي قولتلك عليه." "حاضر ي هانم." وقفل. عند المصيبة بتاعتنا. سلسبيل في نفسها: كانت ناقصاكي هي ي رقاصة. ماري بغرور: هنيهجات. هنيهجات بسرعة. وقالت: أمرك ي ماري هانم. ماري: اعمليلي قهوة عشان مصدعة.

وسبتها ومشت وهي بتبص ل سلسبيل من فوق لتحت بقرف. سلسبيل برفع حاجب: مالها دي؟ ثم ابتسمت بخبث كبير: لا اللعبة هتحلو أوي. اممممم دا شكلها المهمة هتكبر ومش هربي سفيان بس، وهربي الرقاصة دي كمان. قعدت تفكر شوية وتقول: هعمل إيه ي بت ي سوسو؟ هتعملي إيه؟ وبعدين قالت بسعادة ومكر: أيوااا لقيتها. الله عليكي ي بت ي سوسو. عبقرية. ابتسمت ابتسامة واسعة وقالت.

سلسبيل بمكر: والله لربيكم، ومابقاش سلسبيل لو مخلتش اليوم ده ما يطلعش من ذاكرتكم أبدا. هههههههه.