رواية سلسبيل قلبي الفصل السادس 6 - بقلم نورا

أحيه يا سفيان. المنشاوي على آخر الزمن هيتكتف! بصوا كلهم باتجاه سفيان بابتسامة متوترة، ما عدا سلسبيل اللي كانت بتبتسم بخبث. سفيان: في إيه بتبصوا كده ليه؟ زين بتوتر وهو بيقرب منه: سفيان، إحنا خايفين عليك. سفيان بترقب: أيوه، وبعدين؟ معتصم وهو بيلف من الناحية التانية بتوتر: اللي هنعمله ده لمصلحتك عشان تخف. سفيان: هو انتوا بتقربوا كده ليه؟ وبص لسلسبيل اللي كانت بصاله برفع حاجب وابتسامة

ماكرة تزين وجهها وقال: أنا مش مرتاح للابتسامة دي. انطقوا عايزين إيه. وقام من على السرير وزق زين وقال: أنت بتقرب كده ليه يا حيوان أنت! زين ومعتصم وأحمد مسكوه بسرعة وكتفوه. سفيان بغضب، وهو بيحاول يفك نفسه منهم: ابعدوا! انتوا بتعملوا إيه! وأقسم بالله لو اللي في بالي مش هرحمكم. سلسبيل وهي بتقرب منه وقالت: اهدي يا سيفو بقا عشان الحقنة متوجعكش. هيا شكة صغيرة خالص ومش هتحس بيها، ويسيدي أنا اللي هديهالك.

سفيان بعصبية: متقربيش مني، أنتِ فاهمة؟ والله هزعلك. سلسبيل وهي بتلعب في حواجبها: لا يا راجل، خوفت أنا كده. وبعدين قالت: ثبتوه. ولفت ورا عند ضهره. سلسبيل: وووووو. سفيان بوجع: ااااااااااه! سلسبيل وهي بتديله الحقنة براحة خالص: خلاص خلاص، إحنا قربنا نخلص. أنا أصلاً بديهالك بسرعة. سفيان بغضب ووجع: ابعدي! اااه! إيديك تقيلة. ثم تابع بصراخ: خلصي! أنتِ بتعملي إيه ده كله؟ أنتِ بتتأملي؟ اااه!

زين ومعتصم مقدروش يمسكوا نفسهم من الضحك وانفجروا. سلسبيل خلصت وأحمد قعدوا على السرير. سفيان: أه أه يلهووي، مش عارف أقعد. أحمد بجدية وهو بيحاول يتحكم في ضحكته: استريح أنت بقا يا سفيان، وإن شاء الله هتكون كويس. سفيان بغضب لسلسبيل: أنتِ اللي بدأتِ. سلسبيل: يوه طه، أنا عملت إيه؟ أنا غلطانة إني خايفة عليك يعني؟ إيه شغل الأطفال ده؟ زين: أيوه يا سفيان، أنت كان لازم تاخد الحقنة عشان تخف.

سفيان: أنت اخرس خالص وحسابك معايا بعدين. أنا... أنا اتكتفِت. معتصم بضحك: مهو مكنش فيه غير الحل ده. نظر لهم بغضب وقال: اطلعوا بره، عايز أرتاح شوية. أومأ له الجميع وخرج. سلسبيل بتوعد: تنام؟ هو أنا هخليك تنام؟ اصبر عليا يا ابن عيوشة المزّة. *** بصراخ: يعني إيه اتجوزت؟ هو أنا أغيب 3 شهور أجي ألاقيها اتجوزت؟ نادية مرات أبو سلسبيل: طب وفيها إيه يا ابني، سلسبيل كبرت و... قاطعه: كبرت إيه دي لسه هتم الـ 20 سنة!

دراسة وحرمتوها من الدراسة، إنما توصل لجواز! رامز بحنق: طب وفيها إيه؟ هتفضل قاعدة جنبنا لحد إمتى يعني؟ أهي اتجوزت وخلاص. وبعدين دراسة إيه اللي بتتكلم عليه؟ البنت مكانها المطبخ وتخدم جوزها بس مش أكتر. بصدمة: أنا مش مصدق بجد! انتوا إيه؟ حجر؟ مش بتحسوا؟ نادية بغضب: ولد! اتكلم بأسلوب أحسن من كده. قرب منها بهدوء وقال من بين سنانه: ويتري عايزني أتكلم بأسلوب عامل إزاي يا مرات أبويا؟

لما أجي ألاقي أختي متجوزة، وأنا آخر من يعلم؟ رامز بسعادة: لا لا، من ناحية متجوزة مين... وكمل بفخر: متجوزة سفيان المنشاوي، صاحب أكبر شركات المنشاوي جروب في الشرق الأوسط. والراجل مطلبش حاجة، هو خدها بشنطة هدومها. متقلقش يا ريفان، دي هتعيش عيشة ملوك. ريفان بصدمة وغضب: نععععععععم! مجوز أختي لـ زير نساء! رحمة بنت نادية بحقد: بيقولك هتعيش عيشة ملوك و... ريفان بغضب وصراخ: أنتِ! اخرسي خالص!

سكتت رحمة بخوف، هيا عارفة ريفان لما بيتعصب مش بيشوف قدامه. ثم وجه كلامه لأبوه بغضب شديد: أنت مستحيل تكون أب! اللي يبيع بنته مستحيل يكون أب! اللي يقبل على بنته كده مستحيل يكون أب! أنت إيه؟ قلبك ده حجر قاسي! علينا وقولنا ماشي، أبونا ونستحمل. إنما توصل بيك إنك تبيع أختي، ده اللي مش هسمح بيه! انتوا فاهمين؟ أختي هترجع، بس مش هنا! هنعيش أنا وهي بعيد عنك. أشبع بحياتك وطمعك وقسوتك!

لما تعبت، كلهم سابوك، حتى مراتك اللي كنت بتنيم أختي وهي دموعها على خدها عشان تراضيها، مين اللي فضل جنبك يا رامز بيه؟ هيا! لما احتاجوا لمتربع ليك بكلية، راحت واتبرعت ليك، ومكنش هامها حياتها. فضلت سهرانه جنبك طول الليل عشان مراتك كانت فين ها؟ رد عليا ساكت ليه؟ أقولك أنا كانت فين؟ راحت مصيف مع أخوها، ها؟ تحب أكمل ولا لأ؟ بس عارف، أنا مش عارف بقولك كل ده ليه؟ وأنا عارف إنك مستحيل، مستحيل، مستحيل هتتغير.

نظر لهم بغضب وساب البيت ومشي يروح يشوف أخته ويرجعها. نادية بقلق وهيا خايفة إنه يحن على بنته: متزعلش يا أخويا، هو هتلاقيه زعلان بس شوية كده وهيروق. متاخدش على كلامه. نظر لها رامز وبعدين سابها ودخل أوضته يفكر ويفكر ويفكر. في كلام ابنه. إيه اللي هو عمله ده؟ أنا بعت بنتي؟ سلسبيل بنتي؟ أنا إزاي أعمل كده؟ افتكر لما كان بيضربها ولما بيشتمها ولما حرمها من حلمها إنها تكون مهندسة وحاجات كتير حرمها منها. هيا دي الأمانة اللي سما

(أم سلسبيل) قالتله عليها؟ هيا دي؟ قعد يعيط ويعيط على اللي عمله وهو بيقول: سامحيني يا بنتي. *** سلسبيل بصوت عالي: بت يا هنون، أنتِ فين؟ هنية بابتسامة: أيوه يا ست البنات. سلسبيل بمرح وغمزة وهيا بتحط إيديها على كتفها وبتميل عليها شوية: قلب ست البنات والله. وبعدين قالت: أمال الجماعة فين؟ مش شايفة حد يعني؟

هنية: مجدي بيه وأحمد بيه وخالد بيه ومعاهم الشباب راحوا الشركة، ولينا هانم لسا بره. وسهير هانم سافرت عند أخوها الصبح بدري، وماري هانم ووفيقة هانم راحوا يشتروا شوية حاجات. وندي الصغيرة في الدروس، يا حبة عيني من الصبح. يلا ربنا معاهم. سلسبيل بعدم تصديق وابتسامة واسعة وهيا بتتعدل في وقفتها: إيه ده؟ إيه ده؟ لحظة! أنا وسفيان لوحدنا في البيت، مش كده؟ هنية بعدم فهم: لا، ست ندي مرات زين بيه. سلسبيل بسعادة: حلو أوووي!

اجمعيلي الخدم كلهم هنا دلوقتي، بس بسرعة، مفيش وقت. هنية باستغراب: حاضر. وراحت. سلسبيل مشت ناحية الصالة الكبيرة وهيا بترقص وبتغني أغنية مألفاها: يهناه يبخته اللي أنا من بخته، يهناه يبخته اللي أنا من بخته. وبعدين وقفت وقالت بوعيد: سفيان أحمد المنشاوي، استعد للحظة الحاسمة. هاهاهاهاها. وبعدين لفت حوالين نفسها بسرعة وبعدين وقفت

فجأة وقالت بصوت شبه عالي: اعزائي المشاهدين في كل بيت، اعزائي المشاهدين في كل مكان، السلام عليكم ورحمة الله وبركاته. الشتاء قرب، كل سنة وانتوا طيبين. النهارده هنشوف بث مباشر لـ سفيان المنشاوي وهو بيتربي من جديد. وبعدين قالت بصوت عالي: مع حلقة العاااااافريت.