رواية سلسبيل قلبي الفصل الثالث 3 - بقلم نورا

في الصباح الساعة 7 كانت سلسبيل نايمة وفجأة حست بحركة في الأوضة. عرفت على طول إنه جوزها. ابتسمت بخبث وقالت في نفسها: "جيت لقضائك يا تارك الصلاة. يلا استعنا على الشقا بالله وربنا يقدرنا على فعل الخير ويسامحنا." مدت إيدها تحت المخدة وخدت الشبشب اللي كانت محضراه له. كان الجناح ضلمة وفجأة نطت من على السرير على ضهر سفيان اللي كان مديها ضهره وبالشبشب على دماغه. سلسبيل بصراخ جامد:

ـ حراااااااامي حرااامي ي أهل الدار انتو ياعالم يلي ميتة البيت بيتسرق…. ي زين ي جوجو يعالم اصحو. كل ده وهيا بتدي له ضرب فوق دماغه. سفيان بغضب: ـ انزلي ي حيو*انة انتي بتعملي ايسلسبيل بصراخ. ـ جاي تسرق في عز النهار ي طويل يهبل وفي بيت فيه سلسبيل. دا انت أمك دعت عليك في ساعة استجابة. وعضته من رقبته. سفيان بصراخ ووجع وغضب: ـ اااه يبت العضاضة أنا سفيان ي حيو”انة انتي. سلسبيل وقفت ضرب واتصنعت التفكير: ـ سفيان..؟ سفيان مين.

وسكتت 3 ثواني بالظبط: ـ يحووستي المهببة ياني يامه انت سفيان جوزي. تجمع الكل بسرعة في أوضة سفيان. سفيان بغضب: ـ انزلييي ضهري اتكسر وانتي مين وبتعملي إي هنا. سلسبيل بعند: ـ طب وحياة أمك المزة منا نازلة غير لما تعتذر. وبعدين في حد يتسحب كده ي شحط. زين: ـ ههههههههههههههههه. سفيان بغصب: ـ انزلييي بقولك وإلا هموت. سلسبيل ببرود: ـ والله منا نازلة ولو هفضل كده طول العمر. اعتذر الأول ي شحط انت. سفيان بنفاذ صبر:

ـ أنا بتزفت آسف. انزليي ضهري. نزلت سلسبيل وقعدت تبص عليه ببرود. زين بضحك هستيري: ـ ههههه مش ههههه مش قادر هههههه. ووقع على الأرض من الضحك. كان الكل يضحك بشدة ما عدا ماري كانت بتبصلهم بغيظ كبير. ندي الصغيرة: ـ هههههه مش قادر. ماري جرت على سفيان بقلق، ولسا هتلمسه لقت حد بيمسك إيدها جامد. سلسبيل برفع حاجب: ـ راحة فين ي مزة. ماري بغضب: ـ إيه قلة الأدب اللي انتي عملتيها دي. ونظرت إلى سفيان وقالت:

ـ شايفه عامل إزاي راسه بتنزل. سلسبيل بتريقة: ـ شايفه عامل إزاي ننننن ي محني. ثم عملت شفايفها بوز البطة وعملت بيهم صوت وحركت وسطها لقدام وبعدين لورا بسرعة. وقالت: ـ انشفي يبت كده. سفيان بغضب جحيمي وصوت عالي: ـ انتي مين وبتعملي إيي هنا وازاي تتجرأي وتعملي اللي انتي عملتي ده. سلسبيل بهدوء وبرود: ـ أول حاجة أنا مترزعة جنبك أهو أنا مش طرشة وطي صوتك. تاني حاجة أنا مين؟ أنا المفروض مراتك ي موكوس. تالت حاجة بعمل إيه هنا؟

فـ أكيد جواب السؤال التاني عرفك أنا بعمل إيه هنا. رابع حاجة والأهم هو عملت كده ليه؟ عشان فكرتك حرامي. في حد يتسحب بالطريقة اللي كنت بتعملها دي. سفيان بغضب شديد: ـ انتي لسانك طويل أوي. مفيش حد قبل كده اتجرأ وشتمني. وسلسبيل بمقاطعة: ـ أيوه أيوه جو الروايات ده عارفاه. يلا يلا خش اربط دماغك دي وانزل عشان تطفح معانا. ومدتلوش فرصة يرد وطلعت بره الأوضة. سفيان: ـ وربنا لـ أوريك ي زفتة انتي. زين بضحك: ـ اعقلك الجرح ي بيبي.

نظر له سفيان بغضب. جري زين بسرعة من أمامه. تحت راحت سلسبيل باتجاه المطبخ شافت هنيه. سلسبيل بمرح: ـ هنونة. هنيه باحترام: ـ أؤمريني ي هانم. سلسبيل بمرح: ـ هانم مين أنا سلسبيل بس أوكا. أومأت لها هنيه بابتسامة. سلسبيل: ـ ها قوليلي بقا حتعملي فطار إيه. هنيه: ـ ست ماري ادتني المنيو امبارح. هعمل فطار سوري. سلسبيل بامتعاض:

ـ سوري يتكو نيلة. انتو هتنسوا أصلكو وفصلكو ولا إيه. بص إلغي ده كله وابعتي حارس يروح يجيب طعمية وفول وجبنة وفينو وأي كمان. واه وهاتي أربع بيضات هعملكو شكشوكة هتاكلوا صوابعكو وراها. واقلي شوية بطاطس محمرة كده. هنيه: ـ بس محدش بياكل الحاجات دي. سلسبيل بحده: ـ محدش يقول على نعمة ربنا مبحبهاش. اللي مش عاجبه مياكلش. يلا نعمل اللي قلت عليه. بعد ساعتين كان الكل متجمع على الفطار. زين: ـ هههههه إيه ده. اللهندي بصدمة:

ـ يخربيتكم. معتصم: ـ هههههه والله كان نفسي آكلهم من زمان. مجدي كان كاتم ضحكته بصعوبة. هندي الصغيرة: ـ طعمية وفول 😂 الله عليكي ي سوسو. وفيقة بغضب: ـ إيه الأكل ده مين اللي عمل كده. ماري بغضب: ـ هنيه انتيي ي زفتة. جات هنيه بسرعة: ـ أيوه يا ست ماري. ماري بغضب: ـ مين اللي طلب منك تعملي الأكل ده. هنيه: ـ أنا. نظر الكل ناحيتها. قربت منهم وهي بتحط طبق الشكشوكة على السفرة. سلسبيل: ـ إيه في إيه. وفيقة بغضب: ـ إيه الأكل ده.

نظرت سلسبيل إلى السفرة ببرود وقالت: ـ أكل. ماري: ـ مين سمحلك إنك تغيري للاكل. أنا اللي مسؤلة عنه هنا. سلسبيل ببرود: ـ آه الأكل السوري مش كده. انتي نسيتي نفسك ولا إيه يبت. ماري: ـ انتي إزاي.. سلسبيل بمقاطعة: ـ بقولك إيه أنا مش عايزة صداع. الأكل اهو عايزة تفطري افطري. مش عايزة براحتك برضو. وراحت قعدت مكانها جنب ندي مرات زين اللي غمزتلها وسلسبيل ردت عليها بابتسامة.

نزل سفيان وراح قعد مكانه وبص على الأكل بصدمة كبيرة وبعدين بص على سلسبيل اللي كانت بصالة بـ رفع حاجب. سلسبيل: ـ انتي معدية من على الترب ي جدع انت. مفيش صباح الخير ولا سلام عليكم حتى. سفيان بغيظ: ـ صباح الخير. الكل بص له بصدمة وبعدين قالوا: ـ صباح النور. سفيان وهو ينظر إلى السفرة: ـ إيه ده. زين بضحك: ـ فول وطعمية هههها. أومأ سفيان ولم يتكلم. ابتسمت سلسبيل بخبث. سلسبيل في نفسها:

ـ انت شوفت حاجة ي زوجي العزيز. اصبر كمان خمس دقايق كده هههه.