رواية سلطان و الغرام الفصل الثاني عشر 12 - بقلم عائشة الكيلاني

غرام غمضت عيونها. زينب بصت لها وجريت عليهم: اتصلوا بالإسعاف، حرام عليكم. سلطان شال غرام وقام خرج بره القصر تمامًا، حط غرام في العربية وساق بأقصى سرعة وهو عينيه عليها. بعد وقت وصل المستشفى، الدكاترة حطوها على الترولي ودخلوا غرفة العمليات. سلطان بص على غرفة العمليات ووقع على الأرض ببطء وهو بيفتكر لحظاتهم مع بعض من أول ما جت لحد آخر ثانية، صحيح لحظات قليلة ووقت قليل بس الحب ملوش سلطان زي ما بيقولوا.

سلطان والدموع في عيونه: هتعيش غرام، مش هتسبني، مستحيل تسبني بعد ما اتعلقت بيها. أنا مكنتش أتخيل إني هحبها بالشكل دا ولا إنها تضحي بحياتها عمرها علشاني. يا رب لو دا كابوس فوقني منه، ولو واقع خليني مكانها بس ما تحرمنيش منها. في بيت أهل لارا. مشيرة: سيدي يا سيدي، إيه سبب الابتسامة دي؟ ميسون: شوية وكلنا هنفرح. مشيرة بصت لها بعدم فهم. ميسون فونها رن: دقيقة... ألو ممم. ميسون قامت بانهيار: أنت بتقول إيه يا متخلف؟

مراته مين اللي الرصاصة جت فيها؟ أنت بتقول إيه؟ الطرف الآخر: يا هانم أنا عملت زي ما أمرتي، أنا ضربته بس معرفش إيه حصل وجت فيها. ميسون: أنا قولتلك تقتله هو مش مراته يا غبي. غرام لو جرالها أي حاجة صدقني مش هرحمك. مشيرة قامت: غرام مين وقتل مين؟ ميسون جريت على القصر ومشيرة وراها. مشيرة: ميسون فهمني في إيه وغرام مالها؟ ميسون بغضب وعصبية: اخرسي اخرسي. ميسون ومشيرة وصلوا القصر. مشيرة اتصدمت لما شافت الدم على الأرض.

جبرية بسخرية وشماتة: قلبي عندك يا ميسون أنتِ وأختك، معرفش حصل إيه فجأة لقينا غرام واقعة على الأرض ودمها عليه زي ما أنتوا شايفين. ربنا يصبركم، راحت في عز شبابها. ميسون بجنون اتجهت لجبرية وخنقتها: هقتلك يا جبرية، هقتلك. مشيرة واقفة مش فاهمة حاجة، بتبص على الأرض وعلى وشك البكاء، هنا جت أميرة. أميرة بعدت ميسون عن جبرية: بسس، أنتوا في إيه دلوقتي؟ البنت في المستشفى بين الحياة والموت وأنتوا بتتخانقوا، إيه القرف دا؟ زينب:

أنا جاهزة يلا. مشيرة: خدوني معاكم. مشيرة وأميرة وزينب وزينة ركبوا مع محمود ومشوا. ميسون: وحياة ربنا ما هسيبك يا جبرية، وحياة ربنا لأخد حقهم. جبرية بسخرية وبرود وابتسامة: ليه؟ هو أنا اللي قولت لقريبي روح لأختي؟ ولا أنا اللي اغتصبته؟ هو أنتِ متعرفيش؟ تو تو، أخص عليك يا وائل. هو أنتِ صدقتي إن في حاجة بينهم بجد؟

تبقي مغفلة زي أمين اختك يا حبيبتي. كانت بنص عقل، شربت القهوة من الخدامة زي الغبية وكان فيها المخدر اللي أنا أمرت الخدامة تحطه ليها. جاه وائل، لارا طبعًا كانت متعصبة والدواء عمل مفعوله بسرعة. راحت لأوضتها وحصل اللي حصل. حتى اسألي غرام اللي دي لو كانت بتفوق أصلًا. لارا كانت بتحسب وائل أمين، صحيح المخدر كان عاملها شلل حركي مؤقت يعني كانت الغبية شايفاها جوزها، لا وكمان مقدرتش تدفع عن نفسها. وأمين غبي لما شاف الوضع دا صدق إنها خانته. إيه رأيك؟

بعرف ألعب مش كدا؟

ولما فاقت اطلقت حتى من غير ما يسمعها، ودعت بنتها ورمتها بره الأوضة وولعت في نفسها. يا عيني مسكينة يا لارا، عاشت وماتت غبية. يعني يا حبيبتي غرام المفروض تاخد عمرك لأنك دخلتي راجل غريب على بيتها وأنتِ عارفة إن أختك شبه مجنونة. أنا معملتش حاجة، أنا بريئة منكم. ولو جيتي جانب ابني هكرر نفس المشهد بس على أقوى شوية وقدام عيونكم. فالمي نفسك واظبطي. شوفي بنت أختك ضحت بحياتها علشان ابني. جدعنة مني هسيبها ومش هتكلم. حركة غدر والله لأخليها تموت نفس موتة أمها. بصي قدام عينيكِ، غرام حلوة وبتحب السكر، وبرضو هبقى معنديش حاجة واحدة حلوة وسكرانة على طول. إلا قوليلي هي غرام آخر مرة كانت بعقلها كانت سنة كام؟

يلا من هنا يلا. جبرية قفلت الباب وعلى وشها ابتسامة انتصار، ميسون قعدت على السلم وهي مش قادرة تستوعب كلامها وإنها السبب في موت لارا. فلاش: ميسون: أنت تروح لها بكرة قبل ما أمين يرجع وأنا أوعد هخليها ليك، اثق فيا. مشهد تاني: في المستشفى لارا بصت لميسون بدموع ولوم. لارا بدموع: امشي اطلعي برا، امشي يا ميسون...

لما أموت بنتي أمانة عندك يا مشيرة أنتِ وماجي، متسبوش غرام لوحدها. أمين خلاص رماها ومستحيل ياخد باله منها أو يحبها زي الأول. امشي امشوا كلكم، مش عايزة حد معايا. باك: في المستشفى بعد وقت كان الوضع زي ما هو. مشيرة واقفة والرعب جواها. مشيرة بصت له بدهشة وعصبية: أنت إيه اللي جابك هنا؟ ليك عين تيجي؟ مش كفاية أمها؟ ولا أنت جاي علشان تطمن إنها خلاص هتموت وهتخلص منها؟

اطمن يا أمين، دعوتك اتحققت، بنتك هتموت زي ما أمها ماتت. ارتحت؟ أمين بص لها بصدمة: أنتِ بتقولي إيه؟ مصدقة كلامك؟ غرام دي بنتي وأغلى حاجة، ولو أنا عايش وصابر فـ علشانها. أفرح في موت بنتي؟ أنتِ اتجننتي على الآخر. سلطان كان بيشهدهم بسخرية: بسسس! أنتوا مش بني آدمين، أنتوا مش مكفيكم اللي حصل وإنها بين الحياة والموت وكمان بتتخانقوا هنا؟ ... اطلعوا بره. أمين: أنت اتجننت يا سلطان؟ دي بنتي ومش هسيبها. سلطان: وكانت فين من زمان؟

امشي يا عمي امشي ومتخلونيش أطلع مني تصرف مش هيعجبك. أمين مشي، مشيرة وقفت جانب ماجي. فلاش: غرام: أحلى حاجة في جوزي من الواد ساهر. ساهر: واد؟ هي حصلت؟ أنا دكتور يا هانم. غرام: يا شيخ اتلهي، أما شوفتك بتكتب دواء ولا بتعمل عملية. أحلى حاجة إن العسل دي بقت حماتي، أقصد حماتك لأنها أمي اللي ربنا عوضني بيها، مش كدا يا ماجي؟ باك: ماجي طلعت بره المستشفى وهي في دماغها وفاة جوزها وابنها وأختها ودلوقتي غرام، دا غير موت أهلها.

ماجي حطت إيديها على قلبها وصرخت بأعلى صوتها وانهيار: اااااااااااع. وقعت على الأرض وقعدت تبكي بقهرة: ليييه لييييه؟ ليه مكتوب عليا أشوف اللي بحبهم بيروحوا قدام عيني؟ أمي، أبويا، أختي اللي ماتت وهي مظلومة، ابني اللي كان عريس زي القمر، جوزي، ودلوقتي بنتي، بنتي اللي مخلفتهاش هتروح زيهم. ليه؟ أنا مش قادرة أستحمل، مش قادرة ياااارب يااااااارب. ماجي قعدت وانهارت في حضن أميرة اللي جه لها فضول تعرف ماجي خرجت ليه.

رؤوف جري على خالته، هو كان عاملهم مفاجأة برجوعه. رؤوف: خالتي. لارا: خالتي مالك؟ أنتِ كويسة؟ وفين غرام؟ أنتوا هنا ليه؟ رؤوف: غرام جرالها حاجة؟ رؤوف جري على جوه ولارا معاه، هما عرفوا من ميسون غرام في المستشفى. رؤوف طلع فوق زي ما قالوا له. لارا جريت: ماما. مشيرة لفت وشها ليهم بس متكلمتش. رؤوف بعدم فهم وخوف: هو إيه اللي حصل؟ لارا: أمي فين غرام؟ هي مش معاكم ليه؟ هي في بيتها يعني؟ مشيرة سكتت.

لارا حضنت أمها وقعدت تبكي بقهرة على كل شيء، رؤوف واقف على جانب. فلاش: رؤوف: هتتجوزوا أمتى ونخلص منكم؟ ساهر: يا عم احنا قاعدين على راسك؟ ما تتهد علينا شوية. غرام: أول ما نتجوز أوعدك يا سيدي ليك عليا إننا مش هنتفحلك الباب. ساهر: اتفق، مفيش باب، آه تهون علينا. غرام: ومفيش سهر ولا خروجات. ساهر بص لها: وحياة أبوكي. رؤوف: وليه كدا؟ غرام: مزاجي، غلاسة بقى. عندكم مانع؟ ساهر:

براحتك، بس بعد إذنك ممكن أروح الشغل ولا دا إيه النظام؟ غرام قعدت: إحم طبعًا، بس من البيت للشغل ومن الشغل للبيت. باك: سلطان واقف وعيونه على الغرفة. فلاش: غرام بجنون: معلش أنت صغر عقلك وافهمني. أنا مش عايزة أتزفت، أنا مش بتاعت جواز وزفت، وقف الجوازة دي لأموت نفسي. سلطان ببرود: يا ريت وأكون خلصت من وشك. غرام حدفت إزازة البرفان بغضب: المرة دي في الأرض، المرة الجاية هتكون في دماغك، سامع يا سلطان؟ يانا يا أنت يا ابن عمي.

مشهد تاني: غرام بصت له: آه يا سلطان بحبك، ارتحت دلوقتي؟ بحبك بس مش هقدر أكون معاك. باك: سلطان بألم: بس اللي متعرفوش إني مقدرش أعيش من غيرك يا غرام. خرج الدكتور، الكل اتجه له. سلطان: طمني يا دكتور، غرام بقت كويسة صح؟ الدكتور و...