رواية سم القاسي الفصل الأول 1 - بقلم ماهي احمد

-عمو .. عمو .. ممكن اسئلك سؤال؟ وقف قدام عربيته وهو بيفتح الباب وبيلف ضهره، كان فاكر هيلاقي طفلة بتكلمه، لقاها شابة في العشرينات. استغرب وضم حواجبه وهو مش مصدق. (باستغراب) -نعم .. عمو .. كل دي وبتقولي عمو؟ -أيوه ياعمو .. ممكن جنيه عشان اجيب عسلية من الكشك اللي هنااك ده. (بتشاور على الكشك) ماما مش راضية تديني فلوس اجيب عسلية وأنا ماليش دعوة، أنا عايزة عسلية، نفسي في عسلية. (الشاب بص لها ولقاها بتعيط زي الأطفال بالظبط)

-طيب بس .. بس خلاص هجيب لك عسلية، تعالي معايا. الشاب خدها وراحوا على الكشك اللي بتشاور عليه. بيبص لقاه فاضي ما فيهوش حد. -الشاب: الكشك فاضي وباين عليه مهجور، ما فيهوش حد. انتي متأكدة إنك تقصدي الكشك ده؟ -البنت: (وهي مخنوقة ومضايقة) هات جنيه بقي، لازم أشتري عسلية. الشاب حط إيده في جيبه وطلع 100 جنيه من جيبه واداها لها. البنت نتشتها منه بسرعة وجريت. -الشاب: (بقي بينادي عليها) استني ياااااا ..

بيبص مالقهاش قدامه، زي ما تكون اختفت في لحظة. أول ما أخدت الفلوس بقي بيبص وراه وقدامه ويمين وشمال مالقهاش. دي كانت لسه حالا قدامه 🙂. الشاب رجع تاني على عربيته وهو مستغرب جداً من اللي حصل. البنت كانت زي القمر، مشافش في جمالها قبل كده، وشعرها طويل بس متبهدل، وهدومها كانت متبهدلة ومش لابسة جزمة في رجليها، ورجليها كانت متوسخة وكلها سودة من كتر ما هي مش نضيفة. حاول ينسى اللي حصل ورجع الفيلا بتاعته.

رمى الجاكيت بتاعه على الكرسي أول ما دخل ولقى جده مستنيه. -الجد: انت كنت فين كل ده يا غالب يابني؟ -غالب: كنت بشرف على العماير بنفسي يا جدي .. العماير المهجورة دي لازم أشرف عليها بنفسي عشان لما نهدها هنبني مكانها كمباوند كبيييير .. ومدينة سكنية كبيرة لمجتمع راقي، عشان كده لازم أشرف عليها بنفسي. -الجد: طيب يابني ربنا يوفقك .. بس قولي مال لونك مخطوف كده ليه؟ -غالب: مخطوف .. مخطوف إزاي؟

-الجد: مش عارف، حاسس إنك مش زي كل يوم. -غالب: حصل موقف النهارده مش عارف فيه إيه .. بنت زي القمر قابلتها في المعمار مكان العماير المهجورة يا جدي، رغم إن شكلها في العشرينات بس صوتها وكلامها بيقول إنها طفلة ما تكملش الـ 10 سنين، وكانت عايزة تجيب عسلية .. (ولسه بيكمل كلامه) لقي البنت واقفة قدامه وحاطة العسلية في بوقها وبتاكلها. -البنت: ما أنا خلاص جبتها. -غالب: انتي 😳😳