رواية سم القاسي الفصل الثاني 2 - بقلم ماهي احمد

الجد : طيب يابني ربنا يوفقك .. بس قولي مال لونك مخطوف كده ليه؟ غالب : مخطوف .. مخطوف ازاي؟ الجد : مش عارف حاسس إنك مش زي كل يوم. غالب : حصل موقف النهارده مش عارف فيه إيه.. بنت زي القمر قابلتها في المعمار مكان العماير المهجورة ياجدي، رغم إن شكلها في العشرينات بس صوتها وكلامها بيقول إنها طفلة ما تكملش الـ ١٠ سنين. وكانت عايزة تجيب عسلية. (ولسه بيكمل كلامه) لقى البنت واقفة قدامه وحاطة العسلية في بوقها وبتاكلها.

البنت : ما أنا خلاص جبته. غالب : إنتي؟! البنت وهي بتاكل العسلية وبتاكلها بشراهة : أيوه أنا. الجد : مين دي يا غالب؟ غالب : (باستغراب) مش عارف يا جدي ومعرفش جت هنا إزاي وعرفت بيتي منين. (البنت بضحكة بلهاء) البنت : ههههههه.. هههههه ركبت في الشنطة بتاعة العربية من غير ما تحس. ودخلت من الباب اللي ورا من غير ما حد يشوفني 😂😂😂. غالب : (باستغراب) يشوفك.. يشوفك يعني إيه؟

الجد بص كده لغالب وهو مش فاهم حاجة، وإزاي بنت كبيرة بالشكل ده وجميلة بالدرجة دي وبتتكلم زي الأطفال كده. الجد بقى كل شوية يبص لفوق وهو خايف ومرعوب. غالب : (بتوتر) هو.. هو عاصي هنا يا جدي؟ الجد : أيوه يابني هنا.. خد البت دي ومشيها من هنا قبل ما عاصي يشوفها عشان لو شافها قول عليها يا رحمن يا رحيم. البنت : (بضحكة بلهاء) هههههه عاصي ههههه هو في حد اليومين دول اسمه عاصي؟ غالب : (بهمس)

اسكتي وطي صوتك لا يسمعك تبقي مصيبة. تعالي معايا نطلع من هنا بسرعة قبل ما يحس بيكي. غالب مسك إيد البنت وبقي بيطلعها بره. البنت : أوعى كده سيبني.. سيبني.. إنت وحش مس عايز حد يمسكني. عاصي مرة واحدة نزل من على السلالم وهو بيزرر كمام القميص بتاعه. عاصي : إيه الدوشة دي على الصبح؟ البنت : خليه يسيبني يا عمو عايز يطلعني بره وأنا مش عارفة أروح فين. (عاصي بص لها كده) عاصي : (ابتسم ابتسامة خبيثة) هههه أخيرا يا غالب عرفت طلبي.

الجد : اعتقها لوجه الله يابني، إحنا مانعرفش دي مين وجاتلنا إزاي. عاصي 🙁 بنظرة خبيثة ) ده السن اللي أنا بحبه.. دي وقعتلي من السما 😈😈.