رواية سمراء ولكن الفصل الثامن 8 - بقلم اسماء السرسي

هادي وهو بيبص ل صبا بحب: أقدم لكم صوڤا مراتي. سميه بصدمه: مراتكك؟ هادي بص لامه: أه مراتي ي ماما. وبعدين انتي مش كان أملك في الدنيا إني أتجوّز؟ وأهو أنا اتجوزت اهو. سميه بتبص على صبا: بس مش كده ي حبيبي. مش كده. وبعدين لو انت بتحبها أوي كده كنت قولي، واحنا نطلبها من أهلها. مش دي الأصول برضه يبنتي؟ صبا بصت لها: صح ي طنط. بس أنا مش فاكرة. قطعها هادي بسرعة:

أصل صوڤا مش من هنا ي ماما. صوڤا أهلها عايشين في إيطاليا. وانتي عارفة إني كنت في إيطاليا لمهمة تبع شغلي، وهناك اتعرفت على صوڤا وحبينا بعض واتجوزتها هناك. سليم بذكاء: بس إزاي ي حبيبي وهي بتتكلم مصري كويس؟ هادي بص لأبوه وعارف إن أبوه ذكي ومش هيسيبه بالسهولة دي. هادي بتهرب: أصل خدت كورسات يبابا. يلا ي صوڤا نطلع إحنا الأوضة بتاعتي وتاخدي شاور وترتاحي عشان السفر كان متعب. صح؟ يلا. صبا هزت راسها وطلعوا.

شادي كان واقف على السلم وكان بيبص على صبا أو صوڤا بإعجاب شديد. وشذا لاحظت ده ووكزت شادي من دراعه بغضب. شادي بحمحمه وهو نازل: (صبا اتعمدت تخبط فيه) صبا أو صوڤا: أوبس. أسفة. شادي برق وبص ل صبا أو صوڤا. وحست إن دي صبا وصوتها صوتها. شكل صوت صبا وعنيها هي... هي رسمة عينيها. وهمس: صبا. صبا سمعته وابتسمت بخبث وطلعت مع هادي. هادي وصبا في الأوضة. صبا: هو انت كدبت على أهلك ليه؟ هادي وهو بيقلع التيشرت: فيه إيه؟ صبا بحمحمه:

في إنك قولتلهم إني من إيطاليا وأنا أساساً معرفش أنا منين. ومقولتلهمش ليه إني فاقدة الذاكرة؟ هادي بعد ما دخل أوضة الملابس ولبس لبس مريح وقعد جمبها: في إنك فعلاً من إيطاليا. وده مكدبتش فيها. لأن صوڤا من إيطاليا. إنما فاقدة الذاكرة دي، يستحسن منقولهومش عليها. صبا: صوڤا. أمم... طب أنا عاوزة أدخل آخد شاور. وتقريباً مفيش هدوم ليا. هادي وهو بيمسك الفون: أنا اشتريتلك لبس من أمازون وهيوصل دلوقتي.

صبا هزت راسها ودخلت الحمام. أخدت نفس وبصت في المرايا. صبا وهي بتبص لشكلها الجديد: أنا صح. أيوه أنا صح. لازم أنتقم لقلة كرامتي. لازم أنتقم لكل الذل اللي في حياتي اللي شفته. أنا صح. صبا تخيلت شكلها القديم في المرايا وهي بتكلمها: بس انتي غلط. استغليتي أخوه عشان تنتقمي من شادي. صبا اتخضت بس قالت بغليل:

لأ. أنا صح. أيوه أنا صح. انتي متعرفيش أنا حياتي كانت مليانة تنمر وذل قد إيه. أنا شوفت كتير. بس أنا مش هرتاح غير لما أخرب عيشة شادي كلها. مش هو كان بيقولي إني خدامة وإني سمرا وكان بيقرف مني تمام أوي. أنا بقى هعرفه مين هي صبا. شخصية صوڤا. بالليل. طق طق طق. صبا: مين؟ الشغالة: بتقولك الست هانم الكبيرة العشا جاهز تحت. صبا: طب تمام. هقول لهادي بيه وهننزل. أهو. صبا وهي بتصحي هادي:

هادي.. هادي اصحي. العشا جاهز تحت. ومامتك بتناديك. هادي بنوم: خلاص بقى ي صوڤا بطلي زن. مش عاوز آكل. صبا قربت منه: هادي بيه. كلم مامتك. قوم بقا. هادي قام مرة واحدة وصبا وقعت عليه. صبا بشهقة لأن وشهم كان قريب أوي من بعض. هادي بسرحان وهو بيودي وشها ورا ودنها: واتخيل لما كان بيعمل كده مع صوڤا. حبيته. بس جه في باله إن دي مش صوڤا. دي واحدة شبيهة ليها. هادي وهو بيبص بعيد: أنا... أنا آسف. صبا قامت بسرعة وقد توردت

خدودها باللون الأحمر: احم احم. أنا... أنا نازلة. وانت اغسل وشك و... وابق انزل. وهي جريت من قدامه ونزلت. هادي بصلها وابتسم على خجلها وقام دخل الحمام. صبا بعد ما قفلت الباب كانت بتتنفس بصعوبة. وأخذ صدرها يعلو ويهبط من قربها لهادي. صبا بتنهد وقالت بخجل: أنا شكلي هقع بجد ولا إيه. ومشيت ولسه هتنزل من على السلم لقت اللي شدها وكتم بوقها.