رواية سمينة ولكن الفصل الرابع 4 - بقلم بسملة سمير

فارس بقلة صبر: أيوه يعني عايزة إيه من الآخر؟ هي شكلها ليلة باينة من أولها نكد. حلا: عيوني هقولك عايزة منك إيه. تطلقني يا فارس. عشان أنا تعبت من أمك وكلامها اللي زي الزفت واللي يحرق الدم. فارس وهو بيمسكها من شعرها: أطلقك إيه يا روح أمك؟ هو بساهل كده؟ ده أنا مصدقت إن اتجوزتك. بساهل كده أسيبك. حلا بدموع: حرام عليك. بتعمل فيا كده ليه؟ فارس بغل: هتعرفي قريب. ولغاية ما تعرفي يا قطة مش هتعتبي باب الأوضة دي. فاهمة؟ حلا وهي

بتحاول تشد شعرها من إيده: حااااضر. حاااضر. فاهمة. فاهمة. وبعد ما ساب شعرها حلا بتقول: أها. بقا ظهر على حقيقتك بدل ما انت عمال تخفيها كده عليا. فارس: لا. بس انتي عامية. يعني شكلك زبالة. ولا عامية. يعني انتي عمرك ما تخيلتي إن أحبك. على إيه؟ مفكيش غير إن ملامحك حلوة. بس ده اللي حلو فيكي. غير كده لا. جسمك زبالة وكل حاجة. مفيش حاجة واحدة بس اللي شدتني ناحيتك. وأكيد دلوقتي عرفتي إيه هي.

قال الكلام وخرج من الأوضة وقفل عليها بالمفتاح. عند روميساء. هدي وهي بتشد إيد بنتها تقعد جنبها: انتي عملتي إيه يا بت؟ خلتيهم يمشوا كده ورا بعض. روميساء بفرحة وارتياح: ولا حاجة يا قمر. حاجة بس بسيطة تجيب آخرهم. وتقريباً فهمت دماغ ابن أختك. هدي بفضول: فهمتي إيه؟ روميساء بضحكة رقصت وهي قايمة: تؤ تؤ. هتعرفي لما يجي وقتها. سلام يا موووزة. بتخرج روميساء من البيت وبتتجه لشقة. وبتدخل بتلاقي شخص قاعد في الصالة. روميساء

وبتقرب منه وتقعد في حضنه: اتأخرت عليك. الشخص وهو بيبوسها: أبدًا يا قمر. وبيقرب أكتر منها. روميساء بهدوء: تؤ تؤ. اهدا كده عشان عايزة منك حوار. الشخص وهو بيقوم ويشيلها: حوار إيه يا أم حوار؟ نخلص من اللي عايزينه وبعدين نشوف الحوار المهم أوي ده.

عند حلا وهي بتحاول تفتح باب الأوضة عشان تخرج. وقلبت الأوضة لغابة. لما لقت مبرد للضوافر وحاولت تفتح بيه باب الأوضة. وفعلاً فتحته وخرجت برا. ومن حظها إن مكنش في حد فيها والباب كان مش مقفول بمفتاح. فتحت ومعاها شنطتها ونزلت جري على تحت. ونزلت الشارع وعمالة تجري لغاية موقفها شاب. الشاب: يا آنسة. يا آنسة. حلا بخوف وهي تنهج: نعم. الشاب وهو بيمد إيده بحاجة: امسكي. حلا بصدمة وهي بتبص على اللي في إيده.