رواية سمينة ولكن الفصل الثالث 3 - بقلم بسملة سمير

نيجي تحت حلا كانت هتجنن وتعرف روميساء طالعة لجوزها ولا بجد رايحة تجيب حاجة. عايزة تتلكك بأي حاجة عشان تطلع لجوزها. حلا: هقوم أجيب ملح وأجي. هدي: استني أنادي لفاطمة تجبلك. حلا وهي مش عارفة تقول إيه وبتفكر: لا لا لا، هقوم أنا. وفعلًا قامت حلا واتجهت للأوضة اللي فيها فارس. روميساء وهي حضناه: إنت ليه مش حاسة بيا؟ فارس اتنفض وبعد عنها: حاسة بإيه؟

روميساء في اللحظة دي حست إن حد جاي ناحية الأوضة، فقربت من فارس وحطت شفايفها على شفايفه. مفقش فارس من الصدمة غير على شهقة حلا. فارس بصدمة: حلا، إنتي فهمتي غلط والله. حلا بدموع: ولا فهمت غلط ولا فهمت صح، ما كل حاجة باينة أهي. نزلت جري حلا من فوق وأخدت حاجتها وقابلت قدامها حماتها وهي خارجة من المطبخ. مديحة: كنتي فين يا أختي كدا، ما قولتي رايحة تجيبي ملح. مردتش عليها حلا وخرجت على برا.

روحت على شقتها، أول لما دخلت شقتها دخلت على أوضة نومها عشان تلم هدومها. ويدخل عليها فارس ويشد منها الهدوم ويزعق: إيه اللي إنتي بتعمليه ده؟ هو إنتي مصدقة اللي حصل؟ والله هي بستني فجأة. حلا باتهام: أها، وهي بردو اللي طلعت وراك. فارس بخنقة: عايزة تصدقي، مش عايزة، براحتك. أنا عمري ما هقبل النظرة دي منك. حلا: أها، ما إنت عايز تخلص مني عشان بغلة زي ما بيقولوا.

فارس بزعيق: إنتي اللي حابة تشوفي نفسك كده، إنتي لو اتجاهلتي اللي حواليكي هتخلصي من القرف ده. حلا بدموع: ما لو إنت بتحس باللي بحس بيه مكنتش هتقول كده. أنا كل كلمة حد بيقولهالي على جسمي بيتفتح جرح جديد جوايا، وإنت ولا حاسس. كل اللي عليك مالك بتعيطي ليه؟

حتى أمك كل ما تقابل وشي شكلك الزبالة يا بغلة. أنا مش عارفة ابني اتجوزك إزاي، هو كان مش شايفك يطلقك، وأنا أزوجه ست ستك، وإنتي تيجي بق بكل برود اتجاهليني يا حلا ومتخدبش بالك. فارس بصدمة: يااه، كل ده شايلاه جواكي. حلا: وأكتر، أنا لو طلعت اللي جوايا مش هسكت. فارس بقلة صبر: أيوا، يعني عايزة إيه من الآخر؟ هيا شكلها ليلة باينة من أولها نكد.

حلا: عيوني، هقولك عايزة إيه منك. تطلقني يا فارس. عشان أنا تعبت من أمك ومن كلامها اللي زي الزفت واللي يحرق الدم.