رواية سمينة ولكن الفصل السابع 7 - بقلم بسملة سمير

وفجأة يقرب فارس من ظافر ويحاول ضربه، فيشتبك الاثنان معًا. ظافر بزعيق: انتَ هتمشي من هنا فاهم؟ وإلا والله... فارس بإستفزاز: أيوا يعني هتعمل إيه؟ ظافر: هعمل كدَ. راح مسكه ظافر من هدومه وجره ونزله وراه، وراح رماه قدام العمارة. فارس بغل: طب وحياة أمي لهدّمك على اليوم اللّي فكرت تعمل فيا كدَ، وهتشوف. ظافر: أعلى ما في خيلك اعمله. سابه ظافر وطلع لعم فتحي.

ظافر بهدوء لعم فتحي: ممكن حضرتك تفهمني حصل إيه، وليه عمّك كدَ في مراته؟ حلا بإنفعال: ملكش دعوه. ظافر يحاول يهدي نفسه: أنا مش بكلمك ي مدام حلا، أنا بكلم والد حضرتك. فتحي: اقعدي انتي ي حلا. وبعدها حكى فتحي لظافر كل حاجة حصلت واللّي عمله فارس. ظافر بإنفعال: إزاي بن آدم زي كدَ يعمل مع مراته؟ عمري بجد ما شفت حد كدَ، كل دَ عشان الفلوس. متـ ولّع الفلوس. فتحي: ي بني هو أصلاً كان متجوزها عشان فلوس والدتها.

بعدها كمل بحزن: بس للأسف اكتشفنا دَ متأخر، أو بعد فوات الأوان. ظافر بحن عليهم: طب حضرتك محتاج مني حاجة ي عم فتحي؟ أنا طبعاً زي ابنك بالظبط، وأي حاجة تحتاجها مني كلمني ع طول. فتحي وهو بيطبطب ع ضهره: عارف ي بني، ربنا يحفظك لشبابك ي بني. ظافر وهو بيقول: طب استأذن. فتحي: اقعد ي بني افطر معانا. ظافر بهدوء: معلش خليها مرة تانية، عشان يدوب الحق أروح المستشفى. فتحي: ربنا معاك ي بني.

خرج ظافر من الشقة، دخل شقته لم حاجته، وبعدها اتجه للمستشفى. حلا بعصبية: انتَ إزاي ي بابا تسمح له يدخل؟ فتحي: ي بنتي أنا مش هقدر ع فارس وأنا عاجـ ز كدا، يمكن ربنا بعتلنا ظافر عشان يقف جمبك في الوقت دَ، وأنتي شايفة اهو فارس مش هيسيبك فِ حالك. حلا بدموع: ربنا يخـ ده يارب. فتحي: قومي يلا حضري الفطار عشان أنام لي ساعتين. حلا وهي قايمة: حاضر ي بابا. عند ظافر، كان قاعد فِ مكتبه ودخلت عليه الممرضة.

الممرضة: دكتور ظافر، عايزين حضرتك فِ العمـ ليات. ظافر وهو بيقف: تمام ي خديجة، روحي وأنا جاي وراكِ. خرج ظافر من الأوضة واتجه لأوضة العمليات. ظافر لخديجة: خديجة ياريت تعملي تلفوني صامت، عشان نسيت اعمله، هتلاقي الفون فِ المكتب. خديجة: حاضر، محتاج مني حاجة تاني حضرتك؟ ظافر: لا، شكرًا. عند فارس، دخل ع مدحية الشقة. مديحة وهي بتلـ طم ع خدها: إيه ي واد اللّي عمل فيك كدَ؟ فارس بغيظ: سيبيني ونبي ياما، مش ناقصة هيا كلام منك.

مديحة: كلام مني متقول ي واد، مين اللّي عملك فيك كدَ؟ فارس بغضب: واحد هناك عند حلا ضرـ بني لما حاولت آخدها غصب. مديحة: ويطلع مين دَ انشاء الله؟ لتكونش ماشية معاك وكانت مقرطساك؟ فارس بعصبية: إيه ياما اللّي بتقول دَ؟ لا طبعاً حلا عمرها ما تعمل كدَ. مديحة بكدب: ومتعملش كدا ليه ي حبيب أمك؟ كانت ملاك نازل من السما، وكمان إيه اللّي يخلي حد يدافع عن واحدة ميعرفهاش؟ هيدافع كدَ لله وللوطن ويضـ ربك كدَ؟

فارس بيقف ويزعق: ياااااماااا، فكك مني مش ناقص أنااا وجع دماغ. مديحة: عيل موكوس، كتك خيبة. سابها فارس وخرج من الشقة ومردش عليها. عند روميساء، وهي بتتكلم فِ الفون بهمس. روميساء: زي ما بقولك كدَ، هتروح وانتَ واللّي معاك الساعة 7 أو 7 ونص، عشان يكون أبوها نايم وميدراش بحاجة، فاهمني؟ ومش عايزة أي غلطة، فاااهم؟

ومش عايزة أي حد ياخد باله منكم. ولو اتمسكتوا، أييااااكم حد يجيب سيرتي فِ حاجة، عشان لو قولتوا، أكيد عارفين هعمل معاكم إيه.