رواية صندوق الدمار الفصل الثالث 3 - بقلم هاجر ابراهيم

مازن وكان يحاول أن يداري الوجع. / ولا حاجة، أنا همشي كده. سحر: / إزاي يا ابني تمشي؟ مازن: / هاجيلك بكرة يا طنط. عايزة حاجة؟ سحر: / لا يا ابني، خلي بالك من نفسك. وذهب مازن. ودخلت شمس إلى غرفتها. شمس: (وكانت تضيء المصباح لتجد من يمسك يديها في العتمة) / عااااااااااااا......... نور: / اسكتي، ماما هتجي تضربني. شمس: / ده أنا اللي هولع فيكي. إنتي مش كنتي بره؟ نور: (بدلع) / لا، أنا سوبر مان في أي حتة بنط.

جلست نور على أريكة وكانت تمسك كوب به عصير فراولة. شمس: / إنتي جايبة الفراولة منين؟ هي مش وقعت على السخيف اللي كان بره؟ نور: (بصدمة) / يالهوي، إنتي عايزاني أضحي بعصير الفراولة بتاعي عشان ده ما يولع؟ أنا مالي. شمس: (بتعجب) / أمال إيه اللي وقعتي ده؟ نور: (وكانت تقصي عليها ما حدث)

/ بصي، بعد ما سبتكم وجبت العصير ودخلت الأوضة، كنت مخبية كوباية معايا كمان. جبت الألوان المائية وحطيت لون أحمر. وأنا كنت في المطبخ لقيت بودرة كده لونها أحمر. قلبت كله في مياه وتطلعت أجري، وقعت عليه. وبعدين بصلي بصة كده وأنا اتضايقت. عملت نفسي بعيط عشان مضربش. أول ما عرفت إنه داخل الحمام، روحت ورا الستارة بسرعة. جبت الأباجور اللي ماما بتغسل بيه وحطيت في الأرض واستخبيت وراه ستارة. إيه رأيك؟ شمس:

(بتعجب على ما فعلته أختها) / نهار أسود، إنتي طفلة. ده أنا أخاف منك. بت، إطلعي بره. يا ريت أطلع بره. هموت وأطلع أكمل فشلي بره مصر. يقطع كلامهم سحر. سحر: / أمي، اغسلي مواعين. شمس: / حاضر. وبعد وقت قليل، تدخل سحر مرة أخرى. سحر: / المواعين. شمس: / حاضر. سحر: (بصوت عالٍ نسبيًا) / بقالك ساعة بتقولي حاضر. شمس: / حاضر يا ماما. سحر:

/ التليفون اللي واكل عقلك ده مبتعمليش حاجة في البيت. قاعدة وكله شارب نايم، بس مفيش منفعة منك. لو مخلفة أرانب هينفعوني. كانت شمس تردد معها هذه الأسطوانة التي تقولها كل مرة. وبعد أن رأت والدتها، ذهبت إلى المطبخ. تذهب شمس إلى المطبخ. شمس: (بتعاطف) / غسلتي المواعين ليه يا ماما؟ كنت هغسلها أنا!! لترفع سحر الشبشب وكانت توجهه نحوها. ترقد شمس بأقصى سرعة إلى غرفتها. شمس: (بدلع)

/ عيب عليكي كده يا سوسو. يرضيكي عيالي يشوفوا أمهم بتضرب؟ وتقوم بغلق الباب بأقصى سرعة، وتذهب إلى فراشها وتذهب في نوم عميق. _وفى يوم تانى _سحر: / يلا زفتة، هتتأخري. وشوفي زفت اللي عمال يرن ده. شمس: (بنعاس) / طيب، قومت أهو. شمس: / الو، الو. شخص: / رد يا حيوان على صبح؟ شمس: / نور؟ شخص: / المنبه هيرد عليكي. شمس: / منبه؟ آه، تصدقي. نهار أسود، ساعة ٧.٥.

تقوم بسرعة من على فراشها، وتتجه إلى الحمام تتوضأ وتصلي ركعتين، وترتدي ملابسها. وتذهب إلى عملها. بسمة: / إيه اتأخرتي ليه؟ شمس: / قمت متأخر. بسمة: / وش بوم ده؟ سأل عليا أكيد. شمس: / آه ياختي، مش عارفة. مش بيحب ليه؟ بسمة: / أنا بكره رجالة كلها. شمس: / طيب يختي، أهو جايلك اللي هيدمر حياتك. أدهم: / متأخرة يا أستاذة شمس. شمس: / معلش، مواصلات. أدهم: / هيتخصم منك. شمس: / يتخصم إيه؟ هو غبت إنت أصلاً؟ لتجد من وضع يده على فمها.

شمس: / بتقولي حاجة؟ شخص: / لا يا أدهم باشا، مفيش حاجة. أدهم: / اخلصوا، شوفوا شغلكم. شخص: / حاضر يا فندم. يذهب أدهم. تزيل بسمة يديها من على فم شمس. شمس: / كنتي سبيني على حيوان ده. بسمة: / بس خلاص، اسكتي بدل ما نترفد. شمس: / لتفكر شيئًا. أنا هنزل أجيب ورق من تحت. بسمة: / ورق إيه؟ شمس: / ورق محتاجاه. بسمة: / ماشي.

تنزل شمس إلى الغرفة، تفتح بهدوء وتدخل، وتقوم بغلق الباب بهدوء أيضًا. وتذهب إلى صندوق الذي رأته الأمس لتعرف ما بداخله. وكانت تفتح الصندوق. تنظر بداخله، وكانت في صدمة. لتصرخ شمس.