رواية صرخة مظلومة الفصل الرابع 4 - بقلم هاجر العفيفي

لما شافت اللي في التليفون اتصدمت ودموعها غرقت وشها. وقالت بصدمه: لاء لاء مش معقول. وفجأه فقدت وعيها. دخلت ملك عليها عشان تشوفها. اتصدمت لما لاقتها واقعة على الأرض. ملك بخضة: يا خالتي الحقي. دخلت والدة سليم وقالت: يا مصيبتي كلمي سليم بسرعة وسنديها معايا. سليم كان مع مازن شاف تليفونه بيرن برقم ملك. طنشه. مازن باستغراب: مين بيكلمك؟ سليم بلا مبالاة: ملك. مازن: طب ما ترد يابني لا يكون فيه حاجة. سليم افتكر أن چودى هناك.

خاف يكون فيه حاجة. رد عليها بقلق: فيه ايه ياملك؟ ملك بغيظ: الحق البت اللي انت جايبها دي. دخلت عليها لقيتها واقعة على الأرض. سليم قام وقف بخضة وقال: محدش يجي جمبها أنا جاي حالاً. مازن بقلق: فيه ايه ياسليم؟ سليم بخوف: چودى يامازن وقعت من طولها. هروح أشوفها سلام. خرج يجري بسرعة. مازن بابتسامة: برضوا بتحبها ياصاحبي. ياسمين بفرحة: ها بقا ايه رأيك فيا؟ الشخص بخبث: تمام تمام. ياسمين: طب هنتجوز امتى؟

الشخص: لما تخلصي على أحمد الأول. ياسمين بصدمة: عايزني أقتله؟ الشخص: اممم. ياسمين بقلق: والمقابل؟ الشخص بخبث: هنتجوز ياروحي طبعاً. ياسمين عيونها لمعت بفرحة: موافقة. سليم دخل يجري وهو معاه الدكتورة. وخرجهم بره وهو كمان. والدكتورة دخلت تكشف عليها. سليم بقلق: هو ايه اللي حصل؟ ملك بامتعاض: أنا أعرف ياخويا الزفتة اللي انت جايبها من الشارع دي. قاطعها

سليم بغضب أعمى وقال: أقسم بربي لسانك لو نطق بكلمة عليها هوريكي الوش التاني ياملك. ملك بخوف: أنا. سليم بحدة: مش عايز أسمع صوتك خالص. والدته بهدوء: خلاص ياسليم اهدى هتكون كويسة إن شاء الله. سليم بقلق: يارب. الدكتورة خرجت وقالت: هي ضغطها وطى فجأة. علقتلها محلول وده علاج لما تفوق اديهولها بانتظام عن أذنكم. سليم بهدوء: اتفضلي. والدة سليم: هدخل أشوفها. سليم: ماشي. ملك جت تدخل. أوقفها سليم وقال: بلاش تدخلي عندها ياملك.

روحي أوضتك يلا. ملك سمعت كلامه عشان خافت منه ودخلت. سليم لسه هيدخل عند چودى بس سمع خبط على الباب جامد. راح يفتح واتفاجئ لما شاف أهل چودى. والد چودى بعصبية: هي فين بنت ال... الخاطية دي وكمان قاعدة عندك. مش كفاية صورها اللي بقت في كل مكان. سليم اتصدم من كلامه ومكانش قادر ينطق من الصدمة.