رواية صرخة مظلومة الفصل السابع 7 - بقلم هاجر العفيفي

الشخص بخبث: دلوقتي خلاص سليم مات. چودي بصدمة وصراخ: سلييييم! الشخص حط حاجة على أنفها لتفقد الوعي تمامًا. الشخص بشر: جبتيه لنفسك بقا. في بيت سليم. ملك بعصبية: يوووه مبترديش ليه يا ياسمين؟ ياترى خلصت على چودي ولا أخلص أنا؟ والدة سليم من خلفها: تخلصي على مين؟ ملك بتوتر: هـ... ها مفيش. أنا برن على صحبتي مش بترد، بقولها ردي عشان أخلص شغل البيت.

والدة سليم بشك: أهه تمام. طب ادخلي هاتلي هدوم سليم من الأوضة عشان هحطها في الغسالة. ملك بتوتر: حا... حاضر. حاضر. ودخلت على أوضة سليم جري وقالت: يارب ما تكون سمعت. ولسه هتخرج من الأوضة، والدة سليم قفلت الباب من بره. ملك بصدمة: ياخالتي افتحي الباب! والدة سليم بغضب: لما ييجي سليم يبقى يتصرف معاكي. واضح إن وراكي مصيبة كبيرة. ملك خبطت على الباب برجاء: افتحي يا خالتي افتحي. بس والدة سليم دخلت المطبخ وطنشتها.

ملك فضلت تتلفت حواليها عشان تحاول تهرب، بس أوضة سليم كانت مقفلة من كل ناحية، حتى الشباك مقفول بحديد. ملك بخوف ورعب: هيقتلني سليم هيقتلني. في المخزن. سليم كان واقف وجمبه مازن، وقدامهم ياسمين وأحمد مربوطين، وأحمد مضروب. ياسمين بخوف ورجاء: أنا مليش دعوة بيهم. أنا عايزة أمشي. سليم بخبث: على أساس إنك مش راس الأفعى اللي بتخطط. والله هخليكم كلكم عبرة قدام الناس الخونة زيكم. أحمد بتعب من الضرب: انـ... انت عايز إيه مني؟ إيه؟

وبعدين چودي عندك بتعمل إيه؟ سليم ضربه بغضب في وشه وقال: متجيبش سيرتها على لسانك ده تاني. يلا! وبعدين أنت حسابك هيكون أكبر بقا. بتفضح طليقتك؟ ده أنت تستاهل الحرق. أحمد بخوف: ياسمين السبب. هي اللي قالتلي عشان أتجوزها أعمل كده، وأنا كنت أعمى. ياسمين بصراخ: كذااااب! أنا مقولتش ليه حاجة. سليم بضحك: حقيقي. أنا مشفق عليكم. واتكلم بغضب: طب ماتغووروا في داهية. تتجوزوا بعيد عنها. بتأذووووها ليييييه؟ ماااااازن!

مازن بهدوء: نعم يا سليم. سليم بغضب: الواد ده عايزة يشوف أسوأ أنواع العذاااب. مفهوووم؟ أحمد بصراخ: لاااااااء! أنا معملتتتتش حااااااجه. مازن جاب رجّالته وأخده أحمد تحت اعتراضه وصراخه. ياسمين برجاء: سبني أمشي. سليم بخبث: تؤ تؤ. مش بالسهولة دي. خبطها على دماغها بضهر المسدس وفقدت الوعي. ولسه هيخرج سمع صوت تليفونه، طلعه من جيبه ورد عليه. سليم: مين؟ الشخص بخبث: سليم باشا. سليم بصدمة: أنت مين؟

الشخص: السنيورة اللي تخصك معايااا. سليم بصدمة أكبر: چوووودى! الشخص بخبث: عليك نور. أنا بس قولت أسمعك صوتها قبل ما أخلص عليها. چودي بصراخ: سلييييم! الحقني ياسليييييم! سليم بغضب.