رواية صرخة مظلومة الفصل السادس 6 - بقلم هاجر العفيفي

مازن: ملك هي اللي بعتت لكِ شخص عشان يأذيكِ. چودى بصدمة: إزاي! وبعدين هي تعرفنا منين أصلاً. سليم: اهدى يا چودى هتعرفي كل حاجة في وقتها. والدة سليم: أنا مش فاهمة حاجة خالص. سليم بتنهيدة: هتفهموا كلكم بعدين، بس المهم يا أمي عايزك تحطي عينك على ملك اليومين دول عشان ما تأذيش حد فيكم. والدة سليم: ماشي يا ابني. وصل سليم البيت ودخل أوضته، وملك دخلت عنده وشافت چودى قاعدة على الكرسي اللي قصاده، اتعصبت وقالت:

ملك بعصبية: انتي إيه اللي مقعدك هنا يا بت انتي، مش كفاية اللي حصل بسببك. چودى لسه هترد، قاطعها سليم وقال بحدة: الهانم كانت فين وأنا في المستشفى؟ ملك بتوتر: ها ا ا. سليم بغموض: كنتِ فين؟ ملك: كنت هنا بس مرضيتش أسيب البيت لوحدي يا سليم، المهم إنك بخير. سليم: طب اخرجي بره. ملك بعصبية: طب والهانم هتفضل هنا كتير؟ سليم بحدة: قولت برررره، ما بتفهميش. ملك بصت على چودى بغل وخرجت. چودى بتوتر: أنا هروح.

قاطعها سليم وهو بيقول: أنا عايز أتكلم معاكي يا چودى. چودى قعدت وقالت: تتكلم في إيه؟ سليم بتنهيدة: ليه وصلتينا لكده يا چودى، ليه؟ أنا كنت بحبك. چودى دموعها نزلت وقالت: كنت. سليم غمض عيونه بألم: وما زلت، بس للأسف الظروف كلها ضدنا. چودى قالت بحزن: كان غصب عني يا سليم. سليم بغضب: غصب عنك تسيبيني؟ غصب عنك تطلبي الطلاق قبل ما ندخل شقتنا أصلاً؟

چودى بدموع: الظروف كانت أقوى مني ومنك يا سليم، أنا طول عمري بحلم أكون معاك، بس ده كله اتهد لما أمي هددتني بيك يا سليم. سليم بصدمة: أمك!! چودى بشحتفة: أيوه، هي قالت لي إن لو ما بعدتش عنك وطلبت الطلاق هتخلي أحمد ابن أختها يقتلك، وأنا ما أقدرش أكون سبب في إنك تتأذى بسببى. سليم بصدمة: طب وما قولتيليش ليه؟ مش هعرف أحميكي. چودى: لأ، بس انت مش قدّهم يا سليم، وأنا خوفت عليك والله، عشان خاطر والدتك وعشانك يا سليم.

سليم بحزن: واتجوزتيه غصب عنك. چودى بدموع: عشت أيام صعبة أوي، كان دايماً ضرب وإهانة، وكل لما أقول لأمي تقول لي ابن أختي راجل ومش مهم اللي بيعمله. سليم بص لها وقال بغضب: صدقيني هندمهم كلهم على كل اللي عملوه فيكي. چودى بدموع: مش هتسيبني. سليم بحنان: هسيبك لما أموت بس. ياسمين كانت خارجة من البيت وشافت عربية سوداء مستنياها، وفجأة وقفت قدامها وهي صرخت برعب. ياسمين بصراخ: الحقوني! بس كتموا فمها وحطوها في العربية.

مازن: كله بقى في المخزن. سليم بغضب وهو بيضغط على إيده قال: المهم الزفت اللي اسمه أحمد، أنا لازم أقتله. مازن: اهدا يا سليم، إحنا عايزين ناخد حقنا بالعقل مش بالطريقة دي. سليم: أنا لو أطول أقتلهم كلهم مرة واحدة مش هتأخر. مازن بخبث: فيه الأحسن من كده. سليم: إيه؟ مازن: هقولك. چودى كانت نازلة من البيت تجيب طلبات، وفجأة ظهر قدامها نفس الشخص اللي بتكرهه. چودى بصدمة: عايز مني إيه تاني؟ الشخص بخبث: فاكرة نفسك هتهربي مني؟

چودى بصراخ: يا سليم! الشخص بضحك: ما تتعبيش نفسك، زمان سليم دلوقتي، مع السلامة مات. چودى بصدمة.