رواية ستكون صغيرتي الفصل العشرون 20 - بقلم هاجر محمد

اسر بص مليكة لقاها ساكتة. قال: حبيبتي انا اسف، انا غبي. اكيد تعبتي صح؟ انا صدقيني غبي. دي كانت اول مرة ليكي ومفكرتش بسبب ضعفي وشوقي ليكي. مليكة بألم وتعب، لكن مبينتش لانها حست ان اسر فاكر انه هو السبب. قالت: لا، انا كويسة. انت شايفني اهو. وبعدين مهما حصل هتفضل احن شخص عليا. دفنت راسها ف صدره من التعب. اسر ابتسم من كلامها. لكن فجأة الباب خبط جامد. مليكة واسر اتخضوا. اسر قام يشوف مين وانصدم لما شاف هبة اللي كانت بتخبط.

هبة: اسر، عرفت اللي حصل؟ اسر بضيق: في ايه ي هبة؟ وبعدين في حد يخبط كدا؟ هبة بصت لمليكة اللي كانت نايمة وقالت: اه، شكلي جيت ف وقت غلط. بس انت معرفتش ان نتيجة الثانوية بانت؟ اسر: واي يعني؟ ايه؟ مسك التليفون وفتح الموقع بتاع النتيجة وهوا خايف. هبة كانت متاكدة ان مليكة هتسقط. فسابته ومشيت. اما اسر، فكان خايف جدا. قعد جنب مليكة بهدوء وقال: مليكة. مليكة اتعدلت: نعم ي اسر.

اسر: بصي، مهما كانت، انا مش هيهمني النتيجة. انا يهمني انتي وبس. لاني عارف انك عملتي اللي عليكي علشان تحققي اللي عايزاه. مليكة: ليه بتقول كدا؟ في ايه؟ اسر: النتيجة ظهرت. مليكة توترت لكن مبينتش وقالت: 345689. اسر فهمها ودخل الرقم وانصدم. عند حور وادم. الدكتورة خرجت من عند حور. وادم كان قاعد برا. ادم: حور كويسة صح؟ حصل ايه؟ الدكتورة بزعل: اسفة. ادم: يعني ايه؟

دخل بسرعة لعند حور ولقاها نايمة. ومكنش مصدق انها يمكن تسيبه بجد. ادم: حور! لا! هما بيهزروا صح؟ حور... ادم قعد جنبها وفضل يعيط: كنت بحبك والله. كنت هفضل معاكي حتي لو كنتي تعبانة. حور مسكت ايده وقالت: علشان كدا بقيت كويسة علشانك. ادم سمع صوتها وبصلها بدموع. مصدقش نفسه وحضنها بلهفة: انتي ليه عملتي كدا؟ انتي عارفة اني بموت من غيرك. حور

ابتسمت وشدت ع حضنه وقالت: شكرا لانك وقفت معايا لحد الاخر. انا بقيت كويسة بسببك. انا بحبك ي ادم. ادم: ايه؟ عند اسر ومليكة. اسر قام فجأة وشال مليكة ولف بيها. مليكة: اسر خلاص! نزلني في ايه؟ اسر نزلها بهدوء وباسها ع جبينها: كنت متاكدة انك هتكوني دكتورة حياتي. مليكة مفهمتوش. اسر: انتي جبتي 99%. مليكة الصدمة كانت عليها. وقفت بنظرات تايهة. مكنش غير دموعها اللي بتنزل. اسر مسحلها دموعها وقال: وليه العياط دلوقتي؟ مليكة: ا...

اسر انت بتكلمني بجد؟ اسر: طبعا ي دكتورة. مليكة: انا مش مصدقة. يعني بجد؟ فضلت تعيط. حضنت اسر وقالت: شكرا لانك كنت واقف معايا. عند هبة. كانت بتتكلم ف التليفون مع حد. المتصل: خليهم يكونوا مبسوطين شوية، وبعدين نعمل اللي عايزينه. هبة ضحكت: علشان ف الاخر هتكون دموع. المتصل ضحك وقال: انتي مش خايفة ليكشفوك؟ هبة: محدش يقدر يغلبني. هيا خدت اسر مني وانا مش هخليها تكون فرحانة. يوم جديد على الكل.

اسر ومليكة وهبة وراغب كانوا قاعدين يفطروا. وادخل الحارس وقال: استاذ اسر، في بنت برا بتقول عايزة تشوف حضرتك. اسر: تمام، دخّلها. دخلت بنت كانت لابسة فستان ضيق لحد الرقبة وفاردة شعرها. اسر بصلها بصدمة وقال: ملك؟ ملك بابتسامة: اه، ملك ي حبيبي. مليكة: نعم؟